ARYNews.tv | Urdu – Har Lamha Bakhabar

Tag: متھیرا

  • اگر میرا انسٹاگرام اکاؤنٹ ہیک ہوجاتا تو کئی گھر ٹوٹ جاتے: متھیرا کا انکشاف

    اگر میرا انسٹاگرام اکاؤنٹ ہیک ہوجاتا تو کئی گھر ٹوٹ جاتے: متھیرا کا انکشاف

    معروف پاکستانی ماڈل و میزبان متھیرا نے انکشاف کیا ہے کہا کہ اگر اُن کا اکاؤنٹ ہیک ہوجاتا تو کئی گھروں میں طلاقیں ہوجاتیں۔

    اے آر وائی زندگی کے پروگرام ’دی نائٹ شو ود ایاز سموں‘ میں اداکارہ متھیرا نے شرکت کی اور میزبان کی جانب سے پوچھے گئے مختلف سوالات کے جوابات دیے۔

    متھیرا نے کہا کہ میرے انسٹاگرام اکاؤنٹ میں بہت سارے لوگوں کے راز پوشیدہ ہیں، بیشتر مردوں کے انباکس میں پیغامات آئے ہوئے ہیں، اگر میرا انسٹاگرام کا اکاؤنٹ ہیک ہوجاتا اور چیٹ سامنے آتی تو کئی گھر اجڑ جاتے اور شادیاں ٹوٹ جاتیں۔

    میرے دوست نے کہا سلمان خان آئے ہوئے ہیں، میں وہاں پہنچی اور۔۔۔۔۔۔۔متھیرا نے کیا کہا؟

    شادی سے متعلق سوال کا جواب دیتے ہوئے متھیرا نے کہا کہ میں دوسری شادی نہیں کروں گی اور نہ ہی ابھی تک کسی کی جانب سے کوئی پیش کش کی گئی۔

    انہوں نے ہمایوں سعید اور شان کو پُرکشش اداکار قرار دیتے ہوئے کہا کہ ان دونوں اداکاروں کی وجہ سے پاکستان کی فلم و ڈرامہ انڈسٹری کو ایک نئی پہچان ملی ہے۔

  • اداکارہ متھیرا کی شادی شدہ زندگی کیسی تھی؟

    اداکارہ متھیرا کی شادی شدہ زندگی کیسی تھی؟

    معروف ماڈل و اداکارہ متھیرا نے اپنی شادی شدہ زندگی کے بارے میں بتاتے ہوئے کہا کہ شادی کا رشتہ برقرار رکھنا دونوں فریقین کی ذمہ داری ہوتی ہے، کوئی ایک فریق اکیلا اس رشتے کو نہیں چلا سکتا۔

    تفصیلات کے مطابق معروف اداکارہ متھیرا اے آر وائی نیوز کے پروگرام ہمارے مہمان کی مہمان بنیں۔ دوران گفتگو انہوں نے شادی شدہ زندگی سے متعلق اپنے خیالات شیئر کیے۔

    متھیرا کا کہنا تھا کہ تشدد کرنے والے شوہر کے سدھرنے کی امید کرنا ایک قسم کی ذہنی غلامی ہے، ایک بار جب ہاتھ اٹھتا ہے تو وہ رکتا نہیں، اور تشدد کرنے والے کی عادت کبھی نہیں بدلتی۔

    انہوں نے کہا کہ چونکہ مجھ پر بولڈ ہونے کی چھاپ تھی لہٰذا جب میری شادی ہوئی تو میں نے ایک عام گھریلو عورت سے دس گنا زیادہ کام کیے تاکہ کسی کو کچھ کہنے کا موقع نہ ملے۔

    متھیرا کا کہنا تھا کہ شادی کو قائم رکھنے کے لیے ٹیم ورک کی طرح دونوں فریقین کو کوشش کرنی پڑتی ہے، صرف عورت کی قربانیوں یا برداشت سے یہ رشتہ نہیں چل سکتا، ایک کامیاب رشتہ وہی ہوتا ہے جس میں شامل تمام فریقین اس رشتے کو قائم رکھنے کی کوشش کریں۔

    انہوں نے مزید کہا کہ ان کے خیال میں ایک کامیاب شادی کا راز ایک دوسرے کی عزت کرنے اور ایک دوسرے کا خیال رکھنے میں ہے۔

    یاد رہے کہ متھیرا نے سنہ 2012 میں ایک گلوکار سے شادی کی تھی تاہم 2018 میں دونوں کے درمیان علیحدگی ہوگئی تھی، دونوں کا ایک بیٹا بھی ہے۔

  • ملالہ یوسفزئی کا نئے آئی فون سے متعلق دل چسپ ٹویٹ، کچھ کی تعریف، چند کی تنقید

    ملالہ یوسفزئی کا نئے آئی فون سے متعلق دل چسپ ٹویٹ، کچھ کی تعریف، چند کی تنقید

    لندن:  نوبیل انعام یافتہ ملالہ یوسفزئی نے نئے آئی فون کے بارے میں دل چسپ ٹویٹ کیا ہے، جسے متعدد بار ری ٹویٹ کیا گیا۔ 

    تفصیلات کے مطابق کیلی فورنیا میں گزشتہ روز ایپل کمپنی کی جانب سے آئی فون 11 پرو کی پروموشن کی تقریب کے فوراً بعد ملالہ نے ٹویٹ کیا کہ جو کپڑے آج انہوں نے زیب تن کیے ہیں وہ آئی فون کے ٹرپل کیمرا سے غیرمعمولی طور پر ملتے جلتے ہیں۔

    خیال رہے کہ ایپل کے فون میں تین کیمرے تھے اور ملالہ یوسف زئی کی پاکستانی ثقافت سے مزین قمیص کا ڈیزائن  اس سے مشابہ ہے۔

    کچھ صارفین نے آئی فون کے ٹرپل کیمرا کو ناریل سے تشبیہ دی تو کسی نے اسی انگوٹھی کہا، تاہم سوشل میڈیا پر زیادہ تر ملالہ کا ٹویٹ اور ان کے پہنے ہوئے کپڑے ہی زیر بحث رہے۔

    اس ٹویٹ پر طرح طرح کے ردعمل آئے، اکثریت نے اسے پسند کیا، مگر کچھ صارفین کی جانب سے ملالہ پر تنقید کرتے ہوئے کہا گیا کہ انھیں مقبوضہ کشمیر سے متعلق ٹویٹ کرنی چاہیے تھی۔

    ایسا ہی تبصرہ  اداکارہ اور ماڈل متھیرا کی جانب سے بھی آیا، جنھوں نے لکھا کہ’نوبیل انعام یافتہ پاکستانی طالبہ کو نئے آئی فون اور اپنے کپڑوں کے بجائے بھارتی اداکارہ پریانکا چوپڑا اور مقبوضہ کشمیر کی صورت حال پر بات کرنی چاہئے تھی۔

    متھیرا کے جوابی ٹویٹ کے بعد کچھ صارفین نے ملالہ کی حمایت میں ٹویٹ کرتے ہوئے کہا کہ کسی کو یہ حق نہیں پہنچتا کہ وہ نوبل انعام یافتہ پاکستانی لڑکی کو حکم دے کہ ان کو کیا کرنا چاہئے اور کیا نہیں کرنا چاہیے۔

    خیال رہے کہ ملالہ نے بھارت کے غیر قانونی اقدام کے فوری بعد اس پر تشویش کا اظہار کیا تھا۔

  • اداکارہ متھیرا کار ایکسیڈنٹ میں شدید زخمی

    اداکارہ متھیرا کار ایکسیڈنٹ میں شدید زخمی

    دبئی: معروف پاکستانی ماڈل اور وی جے متھیرا دبئی میں کار حادثے میں شدید زخمی ہوگئیں، متھیرا اس وقت اسپتال میں زیر علاج ہیں۔

    سماجی رابطے کی ویب سائٹ انسٹا گرام پر پوسٹ کی جانے والی اسٹوریز میں متھیرا نے بتایا کہ وہ اپنی سرخ گاڑی میں دبئی روڈ پر سفر کر رہی تھیں جب ان کی گاڑی کا 2 ٹرکوں سے تصادم ہوا۔

    خوفناک حادثے میں متھیرا نے اپنے محفوظ رہنے پر خدا کا شکر ادا کیا، حادثے کے بعد اداکارہ کو فوری طور پر اسپتال منتقل کیا گیا۔

    حادثے میں متھیرا کی دوست سارہ بھی زخمی ہوئی ہیں جن کی حالت اب بہتر ہے۔

    خیال رہے کہ زمبابوے میں پیدا ہونے والی متھیرا ویڈیو جاکی (وی جے) رہ چکی ہیں۔ انہوں نے سنہ 2013 میں دبئی کے ایک بزنس مین سے شادی کرلی تھی جس سے ان کا ایک بیٹا بھی ہے۔

    گزشتہ برس متھیرا نے اپنے شوہر سے علیحدگی اختیار کرلی تھی۔