ARYNews.tv | Urdu – Har Lamha Bakhabar

Tag: مثبت کورونا کیسز

  • کراچی میں مثبت کورونا کیسز کی یومیہ شرح 11.50فیصد تک پہنچ گئی

    کراچی میں مثبت کورونا کیسز کی یومیہ شرح 11.50فیصد تک پہنچ گئی

    اسلام آباد : ذرائع وزارت صحت کا کہنا ہے کہ کراچی میں مثبت کوروناکیسزکی یومیہ شرح 11.50فیصد تک پہنچ گئی جبکہ کورونا کیسزکی بلند ترین شرح گلگت بلتستان میں ہے۔

    تفصیلات کے مطابق ذرائع وزارت صحت کی جانب سے ملک میں کے مختلف شہروں میں مثبت کورونا کیسز کی شرح کے حوالے سے تفصیلات جاری کردی گئی ہے۔

    ذرائع کا کہنا ہے کہ ملک میں مثبت کورونا کیسزکی بلند ترین شرح گلگت بلتستان میں ہے، جہاں شرح27.03 فیصد ہے جبکہ جہلم،صوابی میں کوروناکیسزکی شرح صفرریکارڈکی گئی ہے۔

    وزارت صحت کے مطابق چاروں صوبوں کے 22اضلاع کورونا کے حوالے سے اہم ہیں، کراچی میں مثبت کوروناکیسزکی یومیہ شرح 11.50فیصد ، اسلام آباد میں مثبت کیسزکی یومیہ شرح 5.40فیصد اور پشاورمیں مثبت کوروناکیسز کی یومیہ شرح 5.19فیصدہے۔

    ذرائع نے بتایا کہ لاہور میں مثبت کیسزکی شرح 1.09فیصد ملتان میں 4.35 فیصد، نوشہرہ 4.21 فیصد ،کوئٹہ 4.1فیصد ، راولپنڈی میں 2.48 اور حیدرآباد میں 1.84فیصد ہے جبکہ مظفر آبادمیں مثبت کوروناکیسزکی شرح 13.79فیصد اور میرپورآزادکشمیرمیں مثبت کیسزکی شرح 1.49، لاہور1.09فیصدہے۔
    .
    ذرائع کا کہنا ہے کہ 10اضلاع میں مثبت کوروناکیسز کی یومیہ شرح ایک فیصد سے کم ہے، ان اضلاع میں ایبٹ آباد،چارسدہ،مردان ، سوات،صوابی، بہاولپور، فیصل آباد، گوجرانوالہ ، گجرات، جہلم شامل ہیں۔

    خیال رہے ملک میں کورونا کے مثبت کیسز آنےکی شرح تین اعشاریہ دو سات فیصد ہوگئی ہے ، چوبیس گھنٹے کے دوران ملک میں کوروناکےمزیدسترہ مریض انتقال کرگئے، جس کے بعد کوروناوائرس سے مجموعی اموات بائیس ہزار چار سو انہترہوگئیں۔

    چو بیس گھنٹے میں چھیالیس ہزاردوسو ستاسی افراد کے کو روناٹیسٹ کیے گئے، جس میں سے ایک ہزارپانچ سو سترہ مثبت نکلے۔

  • ملک کے 26 اضلاع میں مثبت کورونا کیسز کی شرح 8 فیصد سے بڑھ گئی

    ملک کے 26 اضلاع میں مثبت کورونا کیسز کی شرح 8 فیصد سے بڑھ گئی

    اسلام آباد: کورونا کی تیسری لہرکے وار تیزی سے جاری ہے، نیشنل کمانڈ اینڈ آپریشن سینٹر کا کہنا ہے کہ ملک کے 26 اضلاع میں مثبت کورونا کیسز کی شرح 8 فیصد سے بڑھ گئی ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں۔

    جس میں بتایا گیا کہ ملک کے 26 اضلاع میں مثبت کورونا کیسز کی شرح 8 فیصد یا زائد رہی ، پنجاب کے 14 اضلاع اور خیبرپختونخوا کے 7 اضلاع میں مثبت کیسز کی شرح 8 فیصد یا زائد ہے۔

    این سی او سی کا کہنا ہے کہ بہاولپور میں مثبت کورونا کیسز کی شرح 8 فیصد ، ملتان 12 ، فیصل آباد میں 15، گوجرانوالہ میں 10 فیصد جبکہ منڈی بہاالدین میں شرح 10 اور گجرات میں 7 فیصد ہے۔

    عدادو شمار کے مطابق لاہور میں مثبت کورونا کیسز کی شرح 23 فیصد، اوکاڑہ میں 9 فیصد ، راولپنڈی میں 15 فیصد ، رحیم یار خان میں 9 فیصد رہی جبکہ سرگودھا، سیالکوٹ میں شرح 12 اور ٹوبہ ٹیک سنگھ میں 9 فیصد ہے۔

    نیشنل کمانڈ اینڈ آپریشن سینٹر نے بتایا پشاور میں مثبت کورونا کیسز کی شرح 22 فیصد، سوات میں 23 فیصد ، نوشہرہ میں 19، لوئر دیر میں 8 فیصد ، مالاکنڈ میں 12 ،صوابی میں 12 فیصد ہے۔

    اسی طرح آزادکشمیر کے 3 اضلاع مظفر آباد، میرپور، کوٹلی میں مثبت کورونا کیسز کی شرح 8 فیصد یا زائد رہی۔

  • حکومتی اقدامات کے ثمرات : پاکستان میں مثبت کورونا کیسز کی مجموعی شرح 4.40 فیصد پر آگئی

    حکومتی اقدامات کے ثمرات : پاکستان میں مثبت کورونا کیسز کی مجموعی شرح 4.40 فیصد پر آگئی

    اسلام آباد : نیشنل کمانڈ اینڈ آپریشن سینٹر کا کہنا ہے کہ ملک میں مثبت کورونا کیسز کی مجموعی شرح 4.40 فیصد پر آگئی ہے، مثبت کیسز کی  بلند ترین شرح حیدرآباد میں 25.76 فیصد اور کم ترین 0.00 فیصد گلگت بلتستان ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں۔ جس میں بتایا گیا ہے کہ ملک میں مثبت کورونا کیسز کی مجموعی شرح 4.40 فیصد پر آگئی ہے جبکہ کورونا کے 2228مریضوں کی حالت تشویشناک ہیں۔

    این سی او سی کا کہنا ہے کہ مثبت کورونا کیسزکی بلندترین شرح حیدرآبادمیں 25.76فیصد اور مثبت کیسز کی کم ترین شرح 0.00 فیصد گلگت بلتستان میں ہے۔

    نیشنل کمانڈ اینڈ آپریشن سینٹر کے مطابق پنجاب میں مثبت کورونا کیسز کی شرح 3.86 فیصد ، راولپنڈی میں مثبت کورونا کیسزکی شرح3.14، لاہور میں6.42 فیصد ، فیصل آباد میں شرح 2.92 فیصد، ملتان میں3.63 فیصد ، گوجرانوالہ میں مثبت کورونا کیسز کی شرح 0.71، بہاولپور میں 2.53 فیصد اور اسلام آباد میں مثبت کورونا کیسزکی شرح1.33 فیصد ہے۔

    اعدادو شمار میں بتایا گیا ہے کہ سندھ میں مثبت کورونا کیسزکی شرح 7.29 فیصد اور کراچی میں مثبت کورونا کیسز کی شرح 11.62فیصد تک پہنچ گئی ہے۔

    اسی طرح خیبرپختونخوامیں مثبت کورونا کیسز کی شرح3.42 فیصد ، پشاور میں مثبت کورونا کیسزکی شرح 10.27 فیصد جبکہ سوات میں مثبت کورونا کیسزکی شرح 0.79 اور ایبٹ آباد میں 0.25 فیصد ہے۔

    این سی او سی کا کہنا تھا کہ بلوچستان میں مثبت کورونا کیسز کی شرح 1.38 فیصد، کوئٹہ میں شرح 1.05فیصد ہے جبکہ آزاد کشمیر میں مثبت کورونا کیسز کی شرح 12.5 فیصد اور میرپور آزاد کشمیر میں شرح 18.75 فیصد ہوگئی ہے۔

    نیشنل کمانڈ اینڈ آپریشن سینٹر کے مطابق ملک بھرمیں کورونا کے 286 مریض وینٹی لیٹرزپر زیرعلاج ہیں ، جن میں لاہور میں 92، ملتان میں 27، راولپنڈی میں 5 ، کراچی میں 81، پشاور میں 41 اور اسلام آباد میں 30 کورونا مریض شامل ہیں۔

    ملک میں کورونا سےانتقال کرنے والے 69 فیصد مریض مرد تھے اور انتقال کرنے والے 91 فیصد کورونا مریض اسپتالوں میں زیرعلاج رہے۔

  • ‘ملک میں مثبت کورونا کیسز کی بلند ترین شرح کراچی میں 11.80 فیصد’

    ‘ملک میں مثبت کورونا کیسز کی بلند ترین شرح کراچی میں 11.80 فیصد’

    اسلام آباد : نیشنل کمانڈ اینڈ آپریشن سینٹر کا کہنا ہے کہ ملک میں مثبت کورونا کیسز کی بلند ترین شرح کراچی میں 11.80 فیصد جبکہ مثبت کیسز کی کم ترین 1.07 فیصد شرح جی بی میں ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا کے مثبت کیسز کے حوالے سے تازہ اعدادو شمار جاری کر دیئے ہیں۔

    جس میں کہا گیا ہے کہ ملک میں مثبت کوروناکیسزکی مجموعی شرح 6.61 فیصد اور کورونا کے تشویشناک مریضوں کی تعداد 2486 ہے، مثبت کورونا کیسز کی بلند ترین شرح کراچی میں 11.80 فیصد ہے۔

    این سی او سی کا کہنا ہے کہ مثبت کیسز کی کم ترین 1.07 فیصد شرح جی بی میں ہے جبکہ سندھ میں مثبت کورونا کیسز کی شرح 9.20 فیصد ، پنجاب میں مثبت کورونا کیسز کی شرح 3.86 فیصد ، فیصل آبادمیں مثبت کوروناکیسز کی شرح 2.43،ملتان میں3.19فیصد اور حیدرآبادمیں مثبت کوروناکیسز کی شرح 6.3 فیصد ہے۔

    نیشنل کمانڈ اینڈ آپریشن سینٹر نے بتایا کہ اسلام آباد میں مثبت کورونا کیسز کی شرح 3.57 فیصد ، راولپنڈی میں مثبت کورونا کیسز کی شرح 6.92 فیصد ہے۔

    اعدادو شمار کے مطابق خیبرپختونخوا میں مثبت کورونا کیسز کی شرح 8.19 فیصد ، پشاورمیں مثبت کورونا کیسز کی شرح 9.23 فیصد ، سوات میں مثبت کوروناکیسز کی شرح3.7،ایبٹ آبادمیں2فیصد ہے جبکہ بلوچستان میں مثبت کورونا کیسز کی شرح 3.56 فیصد اور کوئٹہ میں مثبت کوروناکیسزکی شرح 1.60 فیصد ہے۔

    این سی او سی کا کہنا ہے کہ آزادکشمیر میں مثبت کورونا کیسز کی شرح 7.47 فیصد ، مظفرآبادمیں مثبت کورونا کیسز کی شرح4.13، میرپورمیں 7.92 فیصد ہے۔

  • پاکستان میں مثبت کورونا کیسز کی یومیہ شرح 4.9 فیصد تک پہنچ گئی

    پاکستان میں مثبت کورونا کیسز کی یومیہ شرح 4.9 فیصد تک پہنچ گئی

    اسلام آباد : معاون خصوصی ڈاکٹر فیصل سلطان کا کہنا ہے کہ کورونا کیسز کی تعداد میں بتدریج اضافہ ہو رہا ہے، مثبت کیسز کی یومیہ شرح 4.9 فیصد تک پہنچ گئی ہے ، شہریوں کو کورونا ایس او پیز پر سختی سے عملدرآمد کرنا ہوگا۔

    تفصیلات کے مطابق معاون خصوصی ڈاکٹر فیصل سلطان نے پمز اسپتال میں شعبہ ڈینٹسٹری کی او پی ڈی سروس کا آغاز کردیا، اس موقع پر ڈاکٹر فیصل سلطان نے کہا کہ پمز ڈینسٹری او پی ڈی کو عالمی معیار کے مطابق تیار کیا گیا ہے، پمز ڈینٹسٹری او پی ڈی میں بہترین طبی سہولیات دستیاب ہوں گی.

    معاون خصوصی کا کہنا تھا کہ کورونا کیسز کی تعداد میں بتدریج اضافہ ہو رہا ہے ، مثبت کوروناکیسز کی یومیہ شرح 4.9 فیصد ہو چکی ہے، شہریوں کو کورونا ایس او پیز پر سختی سے عملدرآمد کرنا ہو گا، ملک کو کورونا کی پہلی لہر جیسے حالات سے بچانا ہو گا.

    انھوں نے میڈیا سے گفتگو کرتے ہوئے کہا کورونا کےیومیہ اعدادوشمارکابغورجائزہ لےرہےہیں، تعلیمی اداروں کی بندش تاحال زیرغورنہیں ہے، کورونا وبا کے دوران اسپتال بند نہیں کر سکتے۔

    ڈاکٹر فیصل سلطان کا کہنا تھا کہ کورونا سےمتعلق فیصلےفریقین کی مشاورت سےہوتےہیں ،کورونا پرقابو پانے کیلئے گزشتہ پالیسی کا تسلسل جاری رہے گا۔

    معاون خصوصی نے مزید کہا کہ ملک میں وینٹی لیٹرز کی کوئی کمی نہیں ہے ، پاکستانی ہیلتھ ورکرز مشکل صورتحال کا مقابلہ کرنا جانتے ہیں، صورتحال کے پیش نظر اسپتالوں کی استعداد کار بڑھا رہے ہیں۔