وہاڑی: سزائے موت کےقیدی منیرحسین کو پھانسی دےدی گئی۔
ملک بھر میں سزائے موت کے قیدیوں کو پھانسی دینے کا سلسلہ جاری ہے، ڈسٹرکٹ جیل وہاڑی میں سزائے موت کے منتظر قیدی منیر حسین کوآج صبح سویرے پھانسی دیدی گئی، اس موقع پر جیل کے اطراف میں سیکیورٹی کے سخت انتظامات کئے گئے تھے۔
مجرم منیرحسین نے سن دو ہزارمیں زمین کے تنازع پر اپنی بھانجی اور بھانجے کو قتل کر دیا تھا۔
واضح رہے کہ گزشتہ برس دسمبر میں حکومت کی جانب سے سزائے موت پر عمل درآمد شروع ہونے کے بعد سے اب تک ملک کی مختلف جیلوں میں تقریبا 80 افراد کو سزائے موت دی جاچکی ہے۔