Tag: مجوزہ آئینی ترامیم

اسلام آباد : سپریم کورٹ نے مجوزہ 26 ویں آئینی ترامیم کیخلاف درخواست واپس لینے کی بنیاد پرخارج کردی۔

تفصیلات کے مطابق سپریم کورٹ میں مجوزہ آئینی ترمیم کیخلاف درخواست پر سماعت ہوئی، چیف جسٹس قاضی فائزعیسیٰ کی سربراہی میں تین رکنی بنچ نے سماعت کی، بینچ میں جسٹس نعیم اختر افغان اور جسٹس شاہد بلال حسن بھی شامل ہیں۔

درخواست گزاران کی جانب سے حامد خان پیش ہوئے اور مجوزہ آئینی ترامیم کے خلاف دائردرخواست واپس لینے کی استدعا کی، جس پر چیف جسٹس نے حامد خان سے مکالمے میں کہا کہ کیا آپ کو صرف درخواست واپس لینے کیلئے وکیل کیا گیا، عابد زبیری خود بھی درخواست واپس لے سکتے تھے،
اعتراضات کیساتھ دوسری درخواست بھی مقررہے۔

وکیل حامد خان نے بتایا کہ ہم دونوں درخواستیں واپس لیتے ہیں، چیف جسٹس نے حامد خان سے مکالمے میں کہا آپ کی خدمات صرف درخواست واپس لینے کیلئے لی گئی، درخواست چھ وکلاء نے دائرکی تھی، وہ خود بھی کہہ سکتے تھے واپس لینا چاہتے ہیں، حامد خان صاحب مجھے یقین ہےآپ کی خدمات باضابطہ طور پرلی گئی ہوں گی۔

چیف جسٹس نے استفسار کیا کہ آپ صرف اعتراضات کیخلاف اپیل واپس لے رہے ہیں یا اصل درخواست بھی؟ وکیل حامد خان نے جواب دیا کہ درخواست اوراعتراضات کیخلاف اپیل دونوں واپس لے رہے ہیں۔

جس پر سپریم کورٹ نے مجوزہ آئینی ترامیم کیخلاف درخواست واپس لینے کی بنیاد پرخارج کردی۔

دورانِ سماعت چیف جسٹس نےعابد زبیری سے بھی مکالمے میں کہا آپ کی ایک اوردرخواست بھی تھی، میں نےبطورچیف جسٹس اس درخواست کوسماعت کیلئے مقررنہیں کیا، ہوسکتا ہےاب وہ درخواست بعد میں لگے، حامد خان نے جواب دیا آپ کی بڑی مہربانی ہے

اسلام آباد : سپریم کورٹ میں مجوزہ آئینی ترامیم کالعدم قرار دینےکی درخواست دائر کردی گئی، جس میں استدعا کی گئی کہ وفاقی حکومت کو ترامیم سے روکا جائے۔

تفصیلات کے مطابق مجوزہ آئینی ترامیم کالعدم قرار دینے کی درخواست دائر کردی گئی ، سپریم کورٹ میں درخواست عابد زبیری،شفقت محمود،شہاب سرکی اوردیگرکی جانب سےدائرکی گئی۔

درخواست میں وفاق،چاروں صوبوں،قومی اسمبلی، سینیٹ و دیگر کو فریق بنایا گیاہے اور استدعا کی گئی کہ ترامیم کو غیر آئینی قرار دیا جائے اور وفاقی حکومت کو ترامیم سے روکا جائے۔

درخواست میں یہ بھی استدعا کی گئی کہ آئینی ترمیم کے بل کو پیش کرنے کے عمل کو بھی روکا جائے اور ترامیم کواختیارات کی تقسیم،عدلیہ کی آزادی کیخلاف قراردیاجائے۔

درخواست میں کہا گیا کہ عدلیہ کی آزادی،اختیارات اور عدالتی امور کو مقدس قرار دیا جائے، پارلیمنٹ عدلیہ کے اختیارکو واپس یا عدالتی اختیارات میں ٹمپرنگ نہیں کر سکتی۔

درخواست میں استدعا  کی کہ پارلیمنٹ اگر آئینی ترامیم کرلے تو صدر کو دستخط کرنے سےروکا جائے۔

اسلام آباد : مجوزہ آئینی ترامیم کیلئے قومی اسمبلی کا اجلاس آج پھر ہوگا، گزشتہ روزحکومت نمبرگیم پورا کرنے میں ناکام رہی تھی۔

تفصیلات کے مطابق مجوزہ آئینی ترامیم کیلئےقومی اسمبلی کااجلاس آج ہوگا.۔ اجلاس دن ساڈھے بارہ بجے پارلیمنٹ ہاؤس میں منعقد ہو گا اجلاس کا 3 نکاتی ایجنڈا جاری کردیا گیا ہے۔

اجلاس کیلئے پارلیمنٹ ہاؤس کے احاطے میں سیکیورٹی کی سخت انتظامات کیے گئے ہیں اور سیکیورٹی وجوہات کی بناء پر اجلاس میں مہمانوں کے داخلے پر پابندی عائد کی گئی۔

قومی اسمبلی کے آج ہونےوالےاجلاس میں مہماوں کےداخلے پر پابندی عائد

قومی اسمبلی سیکرٹریٹ کی جانب سے معزز ممبران قومی اسمبلی کو اجلاس میں اپنے ساتھ مہمان نہ لانے کی ہدایت کی گئی ہے جبکہ میڈیا کے نمائندوں کا ویلیڈ پریس گیلری کارڈ کے بغیر پارلیمنٹ ہاؤس کے احاطے میں داخل نہیں ہو گا۔

گزشتہ روز آئینی ترامیم پارلیمان سےمنظور کرانے کے لئے دعووں کے باوجود حکومت سینیٹ اور قومی اسمبلی میں مطلوبہ نمبرز پورےنہ کرپائی اور نمبر گیم پورا کرنے میں ناکام رہی تھی، جس کے باعث بل پارلیمنٹ میں پیش نہ کیاجاسکا تھا ، جس کے بعد قومی اسمبلی کااجلاس رات گیارہ بجے شروع ہوتے ہی ملتوی کردیا گیا تھا۔

اتوارکو باربار وقت تبدیل ہونےکےبعدآخرکاررات گیارہ بجےکےقریب قومی اسمبلی کا اجلاس شروع ہوا، وقفہ سوالات اور توجہ دلاؤ نوٹس معطل کرنے کی تحریک کی منظوری کے فوری بعد اجلاس ملتوی کردیاگیا تھا۔

جے یوآئی کے آٹھ ووٹ کے حصول کیلئے گیم چینجر مولانا فضل الرحمان مرکز نگاہ بنے رہے، حکومت اور اپوزیشن رہنماوں کا مولانا فضل الرحمان کی رہائش آنے جانے کا سلسلہ جاری رہا۔

بیرسٹرگوہر، اسد قیصر،عمرایوب اور شبلی فراز نے مولانا فضل الرحمان کی امامت میں نماز مغرب بھی ادا کی، مولانا فضل الرحمان نے آئینی ترمیم کے مسودہ پر مشاورت کیلئے حکومت سے مزید وقت مانگ لیا ہے۔

گزشتہ روزخصوصی پارلیمانی کمیٹی کے اجلاس میں آئینی ترامیم کامسودہ تمام جماعتوں کےسامنےرکھنےکی تجویزدی گئی جبکہ جے یو آئی اورپی ٹی آئی نے آئینی عدالت کے قیام کی تجویزسےاتفاق کیا تھا۔

وزیر دفاع خواجہ آصف نے پہلے دعوی کیا کہ آئینی ترامیم کےلیےمولانا فضل الرحمان کے تحفظات دورکردیے اور کہا اتحادیوں، مولانا فضل الرحمان کےعلاوہ بھی کچھ ووٹ پڑیں گے لیکن اچانک وزیر دفاع نے بیان بدل دیا۔

مزید پڑھیں : مجوزہ آئینی ترامیم کے اہم نکات کیا ہیں ؟

جے یوآئی ف کے رہنما مولانا عبدالغفور حیدری نے میڈیا سے بات چیت میں کہا کہ آئینی ترمیم کا مسودہ ہمیں ملا ہی نہیں پڑھے بغیر ووٹ کیسے دے سکتے ہیں۔

مجوزہ آئینی ترامیم کے اہم نکات

مجوزہ آئینی ترامیم کے اہم نکات سامنے آگئے، مجوزہ آئینی ترامیم میں بیس سےزائد شقوں کو شامل کیاگیا ہے، مجوزہ آئینی ترمیم میں چیف جسٹس پاکستان کا تقرر سپریم کورٹ کے پانچ سینئر ججز کے پینل سے ہوگا۔

چیف جسٹس کی مدت ملازمت نہیں بڑھائی جائے گی، آئینی عدالت کے باقی چار ججز بھی حکومت تعینات کرے گی۔

ججزتقرری کیلئے جوڈیشل کمیشن میں پارلیمان کو نمائندگی دی جائے گی جبکہ ا سلام آباد ہائیکورٹ کے ججز کو دوسرے صوبوں کی ہائیکورٹس میں بھیجاجاسکے گا۔

آئینی اور مفاد عامہ کےمقدمات کے لیے الگ الگ عدالتوں کےقیام کی ترمیم بھی شامل ہے، ذرائع کےمطابق آرٹیکل تریسٹھ اےمیں ترمیم کی جائےگی جس کے بعد فلور کراسنگ پرووٹ شمار ہوگا۔

ججز کی ریٹائرمنٹ کی بالائی حدنہ بڑھانے کا فیصلہ کیا گیا ہے،نگراں وزیراعظم کے تقررکیلئے طریقہ کار بدلنےکی ترمیم بھی منظورکی جائےگی۔

بلوچستان اسمبلی کی نمائندگی میں اضافےکی ترمیم بھی مجوزہ آئینی ترامیم میں شامل ہیں جبکہ بلوچستان اسمبلی کی سیٹیں پینسٹھ سے بڑھا کراکیاسی کرنےکی تجویز شامل ہے۔