پاکستان کرکٹ ٹیم کے فاسٹ بولر شاہین شاہ آفریدی نے اپنی شادی کی دوسری سالگرہ پر اپنی اہلیہ سے جذباتی انداز میں محبت کا اظہار کیا ہے جسے ان کے مداح بے حد پسندیدگی کی نگاہ سے دیکھ رہے ہیں۔
شاہین شاہ آفریدی نے انسٹاگرام پر اپنی اہلیہ انشا آفریدی کے ہمراہ ایک تصویر بھی پوسٹ کی اور ساتھ ہی ایک خوبصورت سا محبت بھرا پیغام بھی لکھا۔
انہوں نے لکھا کہ یہ یقین کرنا مشکل ہوتا ہے کہ تمھارے ساتھ میرے دو سال گزر گئے، میں نے کبھی اس قدر گہرے انداز سے محبت اور اس رشتے کا تصور بھی نہیں کیا تھا، لیکن آپ نے یہ حقیقت بنا دیا۔
فاسٹ بولر نے لکھا کہ میں اس لمحے اور احساس کو اُس وقت تک بیان نہیں کرسکتا تھا جب تک آپ ساتھ نہ ہوتیں۔
انہوں نے انشا کا شکریہ ادا کرتے ہوئے کہا کہ ’تم نے ہماری زندگیوں کو خوبصورت بنایا اور ہمیں بیٹے جیسا عظیم تحفہ دیا‘۔
View this post on Instagram
شکریہ کہ تم نے ہماری زندگی کو خوبصورت بنایا۔ میں اور علی یار ہمیشہ تمہارے شکر گزار رہیں گے۔
شاہین نے شادی کی سالگرہ کی مبارک باد دیتے ہوئے انشا کیلیے میری محبت، بہترین دوست اور اچھی روحانی ساتھی کے الفاظ استعمال کرتے ہوئے امید ظاہر کی کہ انشاء اللہ ہم ایسے ہی سالوں ساتھ گزاریں گے۔
یاد رہے کہ قومی کرکٹر شاہین آفریدی 3 فروری 2023 کو سابق کپتان شاہد آفریدی کی صاحبزادی انشا کے ساتھ رشتہ ازدواج میں منسلک ہوئے تھے۔ دونوں کے ہاں گزشتہ برس پہلے بیٹے کی ولادت ہوئی تھی۔
