فیصل آباد : نوجوان نے محبت میں ناکامی پر لڑکی کو شادی کے دن گولی مارکرخود بھی خودکشی کرلی۔
محبت میں ناکامی قیمتی جانیں لے گئی، ہم توڈوبے ہیں صنم تم کوبھی لے ڈوبیں گے کی مثال قائم کردی، فیصل آباد کے نوجوان باسط نے عائشہ کو شادی کا پیغام بھیجا تھا لیکن رشتے سے انکار ہوا۔
لڑکی کی شادی کہیں اور طے ہوگئی، باسط انتقام کی آگ میں جلنے لگا اور بارات کے روز ملزم نے عائشہ کے گھر میں گھس کر فائرنگ کردی۔ جس سے دلہن عائشہ وہیں زندگی کی بازی ہاربیٹھی۔
شادی کا گھر ماتم کدہ بن گیا، باسط نے عائشہ کو مارنے کے بعد خود کو بھی گولی مارلی، اسےاسپتال لے جایا جارہا تھا کہ وہ بھی راستے میں دم توڑگیا اور یوں ناکامی اورانتقام نے دوگھرانوں کواُجاڑدیا۔
