Tag: محرم الحرام

ملک بھر میں محرم الحرام کی مجالس اورجلوسوں کا سلسلہ جاری

کراچی : ملک بھر میں محرم الحرام کی مجالس اورجلوسوں کا سلسلہ جاری ہے، کسی بھی ناخوشگوار واقعے سے نمٹنے کیلئے سیکیورٹی کے سخت انتظامات کئے گئے ہیں۔

محرم الحرام کی آمد کے ساتھ ہی ملک بھر مجالس اور جلوس کا آغاز ہوگیا ہے، کراچی میں بڑے پیمانے پرمجالس منعقد کی جارہی ہیں۔ان کی سیکیورٹی کیلئے پولیس کی بھاری نفری تعینات کردی گئی ہے، صوبائی وزیرِ بلدیات شرجیل میمن نے اٹھ محرم سے محرم تک موٹرسائیکل کی ڈبل سواری پر پابندی عائد کردی ہے۔

راولپنڈی اوراسلام آباد میں مجالس اورجلوسوں کی سیکیورٹی کیلئے پولیس کی بھاری نفری امام بارگاہوں پرتعینات ہے، پنڈی میں داخلی وخارجی راستے بند کرنے اور جلوس کے راستوں کو سیل کرنے کیلئے کنٹینرز کا استعمال کیا جائے گا۔

لاہور میں آٹھ ہزار پولیس جوان سیکیورٹی کے فرائض انجام دے رہے ہیں، ڈی آئی جی آپریشنز لاہور کے مطابق شہرمیں آٹھ ، نو اور دس محرم کو ڈبل سواری پرپابندی ہوگی جبکہ نو اوردس محرم کوموبائل فون سروس بھی بند رہے گی۔

ملتان میں مختلف امام بارگاہوں پرسی سی ٹی وی کیمرے اور واک تھرو گیٹ بھی لگائے گئے ہیں، محرم میں ضلع بہاولپور اور ملتان میں دہشت گردی کے خطرہ کے پیشِ نظر دونوں اضلاع میں سیکیورٹی فول پروف بنانے کی ہدایات جاری کردی گئی ہیں، کوئٹہ میں محرم کے دوران پولیس کے پانچ ہزار اہلکارسیکیورٹی ڈیوٹی کررہے ہیں۔

خیرپور میں بھی سیکیورٹی کے انتہائی سخت انتظامات کیے گئے ہیں۔

اکتوبر 30, 2014
محرم الحرام : ملک بھر میں سیکیورٹی کے سخت انتظامات

کراچی : محرم الحرام کی آمد کے ساتھ پورے ملک میں محرم کی مجالس اور جلوسوں کا سلسلہ جاری ہے، مختلف شہروں میں سیکیورٹی کے حوالے سے بھی سخت انتطامات کیے گئے ہیں ۔

ملک بھر میں محرم الحرام کی آمد کے ساتھ ہی مجالس اور جلوسوں کا آغاز ہو چکا ہے، لاہور شہر میں اٹھارہ سو مختلف مقامات پر مجالس کا اہتمام کیا گیا ہے، اس موقع پر سیکیورٹی کے سخت انتظامات دیکھنے میں آرہے ہیں، ریزرو پولیس کے آٹھ ہزار جوان بھی محرم کی مجالس اور جلوسوں کی سیکیورٹی کے فرائض انجام دے رہے ہیں۔

اسی طرح کراچی شہرمیں بھی مختلف حساس مقامات پر پولیس اور رینجرز کی اضافی نفری تعینات ہے، مجالس اور چھوٹے بڑے جلوس کا سلسلہ بھی جاری ہے، تقریبا چودہ ہزار اہلکار امام بارگاہوں اور جلوسوں کے راستوں کی نگرانی پر مامور ہیں ساتھ ہی سی سی ٹی وی کیمروں سے بھی مدد لی جا رہی ہے ۔

ملتان شہر میں بھی مجالس اور جلوسوں کی آمد کا سلسلہ جاری ہے۔

یکم محرم سے دس محرم تک سولہ سو مجالس اور چار سو پچاسی چھوٹے بڑے جلوس نکالے جائیں گے۔ مختلف امام بارگاہوں پرسی سی ٹی وی کیمرے اور واک تھرو گیٹ بھی نصب کئے گئے ہیں ۔

اکتوبر 29, 2014
ملک بھر میں محرم الحرام کے دوران سیکیورٹی کے انتظامات سخت

کراچی: ملک بھر میں محرم الحرام کے دوران سیکیورٹی کے سخت انتظامات کئے گئے ہیں، پولیس کے جوان اہم عمارتوں اور شاہراہوں پرڈیوٹیاں دے رہے ہیں۔

محرم الحرام میں امن و امان قائم رکھنے کیلئے سیکیورٹی کے سخت انتظامات کیے گئے ہیں، اسلام آباد میں پولیس اور رینجرزسیکیورٹی کے فرائض انجام دے رہے ہیں، جبکہ فوج اسٹینڈ بائی ہے۔ سی سی پی اولاہور نے اےآروائی نیوزسے گفتگو کرتے ہوئے بتایا کہ نو اور دس محرم کو پولیس کے چاق و چوبند دستے اہم عمارتوں اور راستوں پر تعینات رہیں گے۔

کراچی میں سخت سیکیورٹی انتظامات کئے گئے ہیں، نو اور دس محرم کو بائیس ہزار پولیس اہلکار ڈیوٹی دینگے، بم ڈسپوزل اسکواڈ اہم مقامات کی سوئپنگ اورسرچنگ بھی کرے گا،جلوسوں کے روٹس پراہم عمارتوں پرماہر نشانہ باز بٹھائے جائیں گے، جبکہ اطراف کے علاقوں کے لوگوں کے کوائف بھی جمع کئے جارہے۔

اندرون سندھ بھی حساس اضلاع میں پولیس اوررینجرزاہلکاروں نے اپنی ڈیوٹیاں سنبھال لی ہیں، میرپورخاص کے ایس ایس پی جام ظفر اللہ دھاریجو کے مطابق باسٹھ ماتمی جلوس اورتئیس تعزیے نکالے جائیں گے جبکہ چودہ مقامات کو انتہائی حساس قرار دیا گیا ہے، پشاورمیں سیکیورٹی کیلئے اندرون شہر جانیوالے راستے کوخاردارتاروں سے سیل کردیا گیا ہے۔

اکتوبر 27, 2014
محرم الحرام میں صوبے کی سیکیورٹی اولین ترجیح ہوگی، آئی جی سندھ

کراچی: ملک بھرکی طرح کراچی میں بھی محرم الحرام کے دوران سیکیورٹی کے سخت انتظامات کئے گئے ہیں۔ فوج کو اسٹینڈ بائی پر رکھا گیا ہے تاکہ کسی بھی ناخوشگوار واقعے کی صورت میں فوج فوری حرکت میں آجائے گی۔ سندھ کی سیکیورٹی کے حوالے سے آئی جی سندھ غلام حیدر جمالی کہتے ہیں محرم الحرام میں صوبےکی سیکورٹی اولین ترجیح ہوگی۔

تفصیلات کے مطابق محرم الحرام میں دہشت گردی اورفرقہ وارانہ کشیدگی کے خطرے کے پیش نظرملک بھرمیں سیکیورٹی سخت کردی گئی ہے۔ اسلام آباد میں پولیس اور رینجرزسیکیورٹی کے فرائض انجام دے رہے ہیں اور فوج اسٹینڈ بائی ہے۔ فوج کسی بھی نا خوشگوار واقعے کی صورت میں فوراً حرکت میں آجائے گی۔

ملک بھر کی طرح کراچی میں بھی سخت سیکیورٹی انتظامات کئے گئے ہیں۔ محرم الحرام میں سندھ بھر کی سیکیورٹی کے حوالے سے آئی جی سندھ غلا حیدر جمالی کا کہنا ہے کہ محرم الحرام میں صوبے کی سیکیورٹی اولین ترجیح ہوگی۔ آئی جی سندھ کا کہنا ہے کہ نو اور دس محرم کو بائیس ہزار پولیس اہلکار تعینات کیئے جائینگے۔

آئی جی سندھ غلام حیدر جمالی کا کہنا تھا کہ محرم الحرام میں سیکیورٹی کو مزید سخت کرتے ہوئے بم ڈسپوزل اسکواڈ کی ذمہ دار لگا دی گئی ہے کہ وہ اہم مقامات کی سوئپنگ اورسرچنگ بھی کرے۔ انھوں نے مزید کہا کہ جلوسوں کے روٹس پراہم عمارتوں پر ماہر نشانہ باز بٹھائے جائیں گے۔

محرم الحرام میں سیکیورٹی کے پیش نظر نو اور دس محرم کو کئی شہروں میں موٹر سائیکل کی ڈبل سواری پرپابندی لگانے اورموبائل فون سروس بند کرنے پربھی غور کیا جا رہا ہے۔

اکتوبر 27, 2014
ملک بھر میں محرم الحرام کا چاند نظرآگیا

کراچی: محرم الحرام کا چاند نظر آگیا،تفصیلات کے مطابق کراچی میں محرم الحرام کا چاند دیکھنے کیلئےمفتی منیب الرحمان کی سربراہی میں رویت ہلال کمیٹی کا اجلاس جاری ہے۔

اجلاس میں ملک بھر سے ملنے والی شہادتوں کے بعد ماہ محرالحرام کا چاند نظر آنے کا اعلان کیا گیا اور یومِ عاشور چار نومبر بروز منگل ہوگا،علاوہ ازیں ملک بھر میں محرم الحرام کے دوران سیکیورٹی کے سخت انتظامات کئے جا رہے ہیں۔

اسلام آباد میں پولیس اور رینجرز سیکیورٹی کے فرائض انجام دینگے۔جبکہ فوج اسٹینڈ بائی ہوگی۔ فوج کسی بھی نا خوشگوارواقعے کی صورت میں فوری حرکت میں آئےگی۔

ترجمان کراچی پولیس کا کہنا ہے کہ محرم کے دوران کراچی میں سیکیورٹی کےسخت انتظامات کئے جارہے ہیں۔ سیکیورٹی کیلئے بیس سے بائیس ہزاراہلکاروں کو تعینات کیا جائے گا۔

بم ڈسپوزل اسکواڈ اہم مقامات کی سوئپنگ اورسرچنگ بھی کرے گی۔ ایس ایس پی سکھر کے مطابق محرم الحرام کے دوران سات ہزار پولیس اہلکار تعینات کئے جائیں گے۔

جلوسوں کی سیکیورٹی کے لیے چار سو رینجرز کے جوان موجود ہوں گے،جبکہ آرمی کو اسٹینڈ بائی رکھا گیا ہے۔ ایبٹ آباد کی ضلعی انتظامیہ نے محرم میں اسلحہ کی نمائش ، افغان مہاجرین کی نقل و حرکت، ہوائی فائرنگ ، لاؤڈ اسپیکرکے غلط استعمال پرپابندی لگادی ہے۔

اکتوبر 25, 2014
محرم الحرام کی آمد، شہر بھر میں سیکیورٹی ادارے متحرک متعدد گرفتار

کراچی: محرم الحرام کی آمد کے ساتھ ہی کراچی بھر میں مختلف سیکیورٹی ادارے متحرک ہو گئے، شہر میں مختلف مقامات میں چھاپوں اور ٹارگیٹڈ آپریشنز میں متعدد افراد گرفتار کر لئے گئے، لیاری میں مبینہ مقابلہ تین ٹارگٹ کلر مارنے کا دعوہ۔

تفصیلا ت کے مطابق محرم الحرام کی آمد کے ساتھ ہی کراچی میں مختلف سیکیورٹی اداروں کی جانب سے امن و امان کی صورت حال کو قابو میں رکھنے کے لئے شہر میں کاروائیوں کا سلسلہ جاری ہے۔ سیکیورٹی اداروں کی جانب سے شہر کے مختلف علاقوں میں چھاپوں اور ٹارگٹڈآپریشن کا سلسلہ جاری ہے جن میں فرنٹئیر اور قصبہ کالونی سے بارہ افراد کو حراست میں لیا گیا ہے۔

ادھر سیکیورٹی اداروں نے کٹی پہاڑی اور کینٹ اسٹیشن پر آپریشن کے دوران سینتیس افراد کو گرفتار کرلیا، رات گئے لیاری میں مبینہ مقابلے میں تین ٹارگٹ کلرز کو بھی ہلاک کر نے کا دعوہ کیا جارہا ہے۔ ذرائع کے مطابق لیاری کےعلاقے چاکیواڑہ میں رینجرز اور گینگ وار کے کارندوں کے درمیان مقابلے میں تین ٹارگٹ کلر مارے گئے ہے۔

اس حوالے سے ترجمان رینجرزکا کہنا تھا کہ ہلاک ملزمان رینجرزاہلکارسمیت بیس افراد کے قتل اور بھتہ خوری سمیت متعدد وارداتوں میں مطلوب تھے۔

اکتوبر 25, 2014
محرم الحرام، سندھ اور پنجاب میں فوج طلب کرنے کا فیصلہ

کراچی : سندھ پولیس نے محرم الحرام میں سیکیورٹی کیلئے فوج سے مدد کی درخواست کی ہے اور مراسلہ محکمہ داخلہ کو بھیج دیا ہے، دوسری جانب حکومتِ پنجاب نے بھی محرم کے دوران حساس اضلاع میں رینجرز اور فوج طلب کرنے کا فیصلہ کیا ہے ۔

ایڈیشنل آئی جی آپریشنز سندھ نے محکمہ داخلہ کو سمری ارسال کی ہے، جس کی کاپی اے آروائی نیوزکو حاصل ہوگئی ہے، اس خط میں درخواست کی گئی ہے کہ محرم الحرام کے دوران پاک فوج کے جوانوں کو اسٹینڈ بائے رکھا جائے اور ضرورت پڑنے پران کی مدد حاصل کی جائے۔

سندھ پولیس نے سیکریٹری داخلہ سے کراچی کے تین زونز میں پاک فوج کی مدد حاصل کرنے کی درخواست کی ہے، مراسلے میں ساوتھ زون میں نو سو فوجی، ایسٹ زون میں فوج کی چار کمپنیاں اور ویسٹ زون میں تین کمپنیاں فراہم کرنے کی درخواست کی گئی ہے۔

مراسلے میں حیدرآباد میں ایک کمپنی ، ڈسٹرکٹ دادو کیلئے پچاس فوجی جوان،لاڑکانہ کیلئے چار سو فوجی اور سکھر میں فوج کی پانچ کمپنیاں فراہم کرنے کی درخواست کی گئی ہے۔

دوسری جانب پنجاب حکومت نے محرم الحرام کے دوران لاہور، ملتان، مظفرگڑھ، فیصل آباد، راولپنڈی، ڈیرہ غازی خان سمیت صوبے کے حساس اضلاع میں رینجرز اور پاک فوج کے دستوں کو طلب کرنے کا فیصلہ کرلیا ہے۔

نو اور دس محرم کو حساس اضلاع میں موبائل فون بند کرنے پر بھی غور کیا جارہا ہے۔

اکتوبر 25, 2014