اسلام آباد : اسلامی نظریاتی کونسل نے خواتین کو محرم کے بغیر حج پر جانے کی مشروط اجازت دے دی اور کہا خاتون کے بغیرمحرم حج کی گنجائش بعض شرائط سے مشروط ہے۔
تفصیلات کے مطابق اسلامی نظریاتی کونسل نےوزارت حج کےاستفسارپرتحریری جواب دےدیا، جس میں رائے دی ہے کہ فقہ جعفریہ،مالکی اورشافعی کےمطابق خاتون محرم کےبغیرحج کرسکتی ہے۔
اسلامی نظریاتی کونسل کا کہنا ہے کہ خاتون کےبغیرمحرم حج کی گنجائش بعض شرائط سے مشروط ہے، فقہ حنفیہ اور فقہ حنبلی کے تحت محرم میسر نہ ہونے پر عورت پر حج فرض نہیں، فقہ جعفریہ،مالکی اورشافعی کےمطابق جس خاتون کوقابل اعتمادخواتین کی رفاقت حاصل ہوحج پرجاسکتی ہے۔
،اسلامی نظریاتی کونسل نے فقہ جعفریہ،مالکی اورشافعی کےعورت کے والدین اور شادی ہونے کی صورت میں شوہر سے اجازت لازمی قرار دی۔
کونسل نے رائے دی ہے کہ جس عورت کوسفراورحج فسادیاخطرےکااندیشہ نہ ہوبغیرمحرم حج کےلئےجاسکتی ہے، گروپ کےہمراہ بغیرمحرم جانےوالی خاتون حج پرجائےتووزارت مذہبی امورپہلےچھان بین کرے اور گروپ ممبران کےبارےمیں اطمینان کرنےکےبعدہی بغیرمحرم حج پرجانےکی اجازت دی جائے۔
