Tag: محسن بیگ

اسلام آباد : محسن بیگ نے ایف آئی آر کے اخراج کے لیے ہائی کورٹ میں ایک اور درخواست دائر کردی،جس کے ساتھ متفرق درخواست بھی موجود ہے۔

تفصیلات کے مطابق محسن بیگ کی جانب سے ایف آئی آر کی اخراج کے لیے ایک اور درخواست دائر کردی گئی ، اسلام آباد ہائیکورٹ کے چیف جسٹس اطہر من اللہ آج سماعت کریں گے۔

درخواست میں سیکرٹری داخلہ،آئی جی ، ڈی جی ایف آئی اے،ایس ایچ او تھانہ مارگلہ ، ایڈیشنل ڈائریکٹر ایف آئی اے ،ریاست سمیت دیگر کو فریق بنایا گیا ہے۔

درخواست میں کہا گیا ہے کہ مقدمے اور تمام نتیجہ خیز کارروائیوں کو منسوخ کیا جائے، درخواست گزار کے خاندان کو بھی سیاسی انتقام کا نشانہ بنایا گیا ہے۔

ایف آئی آر کا شکایت کنندہ ایک وفاقی وزیر ہے، سیاسی عزائم، رنجش کی بنیاد پر فوجداری مقدمات بنائے گئے، محسن بیگ سرکاری اہلکاروں کےطرز عمل سےشدیدزخمی ہوا ، تاہم محسن بیگ کےزخمی ہونےکاتذکرہ ایف آئی آر میں نہیں کیا گیا۔

درخواست گزار کی جانب سے کہا گیا کہ کچھ نامعلوم افراد محسن بیگ کے گھر میں سول ڈریس میں گھس گئے تھے، پولیس کو ایمرجنسی کال 15 بھی کیا گیا، سول افراد سے وارنٹ اور سرچ وارنٹ دکھانےکاکہاگیاتھا۔

دوسری جانب محسن بیگ کی جانب سے ایک اور متفرق درخواست دائر کی گئی ، جس میں کہا گیا کہ محسن بیگ کو سول لباس میں افراد نے حملے کا نشانہ بنایا اور محسن بیگ کوغیرقانونی طورپرحراست میں لےکرتھانےمیں پندرہ افراد اُن پر تشدد کیا، اتنا مارا کہ ناک سے خون بہنے لگا، ان کی جان کو خطرہ ہے۔

متفرق درخواست کے مطابق محسن بیگ کا بیٹا تاحال لاپتا ہے، محسن بیگ کے بیٹے کو اگر کچھ ہوا تو ایف آئی اے حکام ذمےدار ہوں گے، سیشن جج نے بھی قانون کے غلط استعمال کا مشاہدہ کیا، استدعا ہے کہ محسن بیگ کو عدالت میں ذاتی طور پر پیش کرنےکاحکم دیاجائے۔

اسلام آباد : اسلام آباد ہائی کورٹ نے محسن بیگ پر تھانے میں تشدد کی شکایت پر رپورٹ طلب کرتے ہوئے کہا کہ آئی جی اسلام آباد پولیس پیر تک محسن بیگ کے ساتھ ہونے والے واقعے پر رپورٹ پیش کریں۔

آئی جی اسلام آباد کو پیر تک محسن بیگ کے ساتھ ہونے والے واقعے کی رپورٹ پیش کرنے کا حکم.

محسن بیگ کی گرفتاری ، آئی جی اسلام آباد کو پیر تک واقعے کی رپورٹ پیش کرنے کا حکم

تفصیلات کے مطابق اسلام آباد ہائی کورٹ میں محسن بیگ کے خلاف مقدمات خارج کرنےکی درخواستوں پرسماعت ہوئی ، سماعت اسلام آبادہائیکورٹ کےچیف جسٹس اطہرمن اللہ نے کی۔

محسن بیگ کی بیگم کی جانب سے لطیف کھوسہ اور ریاست کی جانب سےایڈووکیٹ جنرل نیاز اللہ نیازی عدالت میں پیش ہوئے۔

لطیف کھوسہ نے کہا کہ مجرمانہ مقدمے اور تمام نتیجہ خیز کارروائیوں کو منسوخ کیا جائے، ایف آئی آر نمبر 34/2022 کا شکایت کنندہ ایک موجودہ وفاقی وزیر ہے، سیاسی عزائم، رنجش کی بنیادپرفوجداری مقدمات بنائے گئے۔

محسن بیگ کی اہلیہ کے وکیل کا کہنا تھا کہ محسن بیگ ایف آئی اے،پولیس کےطرزعمل سےزخمی ہوا ، اس حقیقت کا تذکرہ ایف آئی آرمیں نہیں کیاگیاہے، محسن بیگ کوپولیس اورایف آئی اے ٹیم نےتشددکا نشانہ بنایا، پولیس اور ایف آئی اے جرم کوچھپانے کےلیےغیر قانونی ایف آئی آر درج کی گئی۔

وکیل نے مزید بتایا کہ محسن بیگ کوپولیس ،ایف آئی اے نے غیر قانونی طور پر حراست میں لیاتھا، ایڈیشنل سیشن جج اسلام آباد ویسٹ کی کارروائی ان حقائق کی عکاسی کرتی ہے، کچھ نامعلوم افرادمحسن بیگ کےگھرمیں سول ڈریس میں گھس گئے تھے۔

لطیف کھوسہ کا کہنا تھا کہ پولیس کوایمرجنسی کال 15بھی کیاگیا، سول افرادسےکہاگیاکہ وہ سرچ وارنٹ دکھائیں، جس پر چیف جسٹس نے کہا متاثرہ شخص ایف آئی آر کااخراج مانگ سکتا ہے، بیگم کی جانب سےایف آئی آرکا اخراج قانون کے تحت نہیں ہو سکتا۔

چیف جسٹس نے استفسار کیا کہ کیامحسن بیگ خودنہیں چاہتےکےایف آئی آرکی اخراج ہو، جس پر لطیف کھوسہ نے بتایا کہ پولیس تھانے کے اندر محسن بیگ کوبری طرح مارمارکرزخمی کر دیا، بہت افسوسناک ہےوزیراعظم تک اس معاملےمیں شامل ہوگئے ، اس عدالت کےماتحت جج کیخلاف کارروائی کا فیصلہ کیا گیا ہے۔

چیف جسٹس اطہر من اللہ نے ریمارکس میں کہا آپ نے ایف آئی آر خارج کرنے کی درخواست دائر کر رکھی ہے، ملزم کے علاوہ کوئی مقدمہ خارج کرنے کی درخواست دائر نہیں کر سکتا، آپ اپنی درخواست میں ترمیم کر کے لا سکتے ہیں۔

جس پر وکیل کا کہنا تھا کہ کل تک تو محسن بیگ سے ملنے تک نہیں دیا جا رہا تھا، عدالت نے بیلف بھیجا تو اسکو تھانے میں داخل نہیں ہونے دیا گیا، ایس ایچ او کے کمرے میں10سے15 لوگوں نے انہیں مارا۔

چیف جسٹس نے کہا کہ کسی تیسرے شخص کی درخواست پر مقدمہ خارج نہیں کیا جا سکتا، ہمیں معلوم بھی نہیں کہ ملزم خودمقدمہ خارج کرنابھی چاہتا ہےیا نہیں، چیف جسٹ

ہائی کورٹ نے محسن بیگ پر تھانے میں تشدد کی شکایت پررپورٹ طلب کرتے ہوئے کہا آئی جی اسلام آبادپولیس پیر تک محسن بیگ کے واقعے پر رپورٹ پیش کریں۔

چیف جسٹس نے کہا متاثرہ فریق محسن بیگ خوددرخواست دیں توفیصلہ کریں گے، مقدمات خارج کرنےکیلئے صرف متاثرہ شخص ہی درخواست دے سکتا ہے۔

اسلام آباد ہائی کورٹ نے ہدایت کی محسن بیگ تک وکیل کی رسائی کونہ روکا جائے، عدالت نےمحسن بیگ کی بیگم کیجانب سے دوسری درخواست پر بھی سیم آرڈرکر دیا ، دونوں درخواستوں پرسماعت چیف جسٹس اطہرمن اللہ پیر کو دوبارہ کریں گے۔

اسلام آباد : محسن بیگ کی اہلیہ نے شوہر کو حبس بے جامیں رکھنے کیخلاف اسلام آباد ہائیکورٹ میں درخواست دائر کردی۔

تفصیلات کے مطابق محسن بیگ کوحبس بے جا میں رکھنے کیخلاف درخواست دائر کردی گئی ، محسن بیگ کی اہلیہ نےاسلام آباد ہائی کورٹ میں درخواست دائر کی۔

درخواست میں سیکریٹری داخلہ، آئی جی ، ڈی جی ایف آئی اے ، ایس ایچ اومارگلہ، ایڈیشنل ڈائریکٹر ایف آئی اے، ریاست اوردیگر کو فریق بنایا گیا ہے۔

درخواست میں کہا گیا ہے کہ درخواست گزار کے خاندان کو سیاسی انتقام کا نشانہ بنایا گیا ، محسن بیگ کو پولیس اور ایف آئی اے نے غیر قانونی حراست میں لیا۔

یاد رہے گزشتہ روزاسلام آباد میں ایک گھنٹے تک ڈرامہ اور پولیس پر فائرنگ کے بعد محسن بیگ کو گرفتار کیا گیا تھا ، ایف آئی اے ٹیم محسن بیگ کو گرفتار کرنے پہنچی تو انھوں نے پستول تان لی، اہلکار کو یرغمال بنالیا، بٹ مارے اور سیدھی گولی چلائی۔

بعد ازاں ملزم کے خلاف دہشت گردی ایکٹ کے تحت مقدمہ درج کیا گیا اور انسداد دہشتگردی عدالت اسلام آباد نےمحسن بیگ کا تین روزہ جسمانی ریمانڈ دے دیا تھا۔

خیال رہے حمزہ بیگ کوآج انسداددہشت گردی عدالت میں پیش کیاجائےگا، حمزہ بیگ کو ایف آئی اےاہلکاروں پرفائرنگ اورتشدد پر گرفتار کیا گیا تھا۔

چھاپے کے دوران حمزہ بیگ نےوالدکیساتھ مل کر ایف آئی اے اہلکاروں پرفائرنگ کی اورتشدد کیا جبکہ ایف آئی اے نے گھر سے کمپیوٹر،یوایس بی اورکچھ دستاویز قبضے میں لے لیں۔