لندن: ایم کیو ایم کے کنوینئر ڈاکٹر عمران فاروق کے قتل کیس میں انتہائی اہم پیش رفت ہوئی ہے، قتل کے الزام میں گرفتار ملزم محسن علی کے فنگر پرنٹس جائےوقوعہ سے ملنے والے فنگر پرنٹس سے میچ کرگئے۔
کچھ عرصے قبل خبر آئی تھی کہ ملزم محسن علی کا ڈی این اے جائے واردات سے ملنے والی اشیا سے میچ کر گیا، ذرائع کا کہنا ہے کہ اسکاٹ لینڈ یارڈ پولیس نے حکومت پاکستان کو باقاعدہ طور پر اس بات سے آگاہ کردیا ہے۔
یاد رہے کہ پاکستانی حکام عمران فاروق کے مبینہ قاتل کو برطانیہ کے حوالے کرنے کا عندیہ دے چکے ہیں، قاتلوں نےڈاکٹر عمران فاروق کو چھریوں کے وار اور سر پر اینٹیں مارکر قتل کیا۔
پڑھیں: محسن کیساتھ نائن زیرو پر عمران فاروق قتل کی منصوبہ بندی کی، ملزمان کے سنسنی خیز انکشافات
مزید پڑھیں: عمران فاروق قتل کیس، ملزم محسن علی سے تفتیش مکمل
