Tag: محسن نقوی

واشنگٹن: وزیر داخلہ محسن نقوی نے امریکی سرمایہ کاروں کو کان کنی اور آئی ٹی سیکٹر میں سرمایہ کاری کی دعوت دی۔

تفصیلات کے مطابق وفاقی وزیر داخلہ محسن نقوی نے یو ایس چیمبر آف کامرس کا دورہ کیا۔

اس دورے میں وزیر داخلہ کی امریکہ پاکستان بزنس کونسل کے اعلیٰ سطح کے وفد سے ملاقات ہوئی۔

ملاقات میں مائننگ اور انفارمیشن ٹیکنالوجی کے شعبوں میں سرمایہ کاری پر بات چیت کی گئی۔

وزیر داخلہ نے کان کنی اور آئی ٹی سیکٹر میں امریکی سرمایہ کاروں کو سرمایہ کاری کی دعوت دی۔

ملاقات میں وفاقی وزیر نے پاکستان میں کام کرنے والی امریکی کمپنیوں کے مسائل سنے اور کہا امریکی کمپنیوں سے متعلق مسائل ترجیحی بنیادوں پر حل کیے جائیں گے.

محسن نقوی کا کہنا تھا کہ یو ایس پاکستان بزنس کونسل پاکستان میں سرمایہ کاری کے مواقع سے فائدہ اٹھا سکتی ہے، پاکستان معاشی استحکام کی جانب گامزن ہے، تمام معاشی اشاریے بہتر ہوئے ہیں اور معیشت ٹیک آف کر رہی ہے۔

انھوں نے امریکہ پاکستان بزنس کونسل کو پاکستان میں سرمایہ کاری کی دعوت دیتے ہوئے کہا کہ پاکستان سرمایہ کاری کے لیے پر کشش مواقع رکھتا ہے، ضروری این او سیز کے اجرا میں بہتری لائی گئی ہے۔

وزیر داخلہ محسن نقوی نے امریکا میں ڈیموکریٹس اور ری پبلکن کانگریس مین تھامس رچرڈ سوازی اور جیک برگمین سے اہم ملاقات کی ہے۔

وزیر داخلہ محسن نقوی نے امریکا میں کانگریس مین تھامس رچرڈ سوازی اور جیک برگمین سے اہم ملاقات کی ہے۔ ان میں رچرڈ سوزی کا تعلق ڈیموکریٹس اور جیک برگمین کا تعلق ری پبلکن سے ہے۔ ملاقات میں امریکا میں پاکستان کے سفیر رضوان سعید شیخ بھی موجود تھے۔

ملاقات میں باہمی دلچسپی کے امور، افغانستان کی صورتحال پر بات چیت کی گئی اور پاک امریکا تعلقات کو فروغ دینے پر اتفاق کیا گیا جب کہ 30 اپریل کو پاکستانی کاکس کانفرنس واشنگٹن ڈی سی میں منعقد کرانے کا فیصلہ کیا گیا۔

 محسن نقوی نے تھامس سوازی اورجیک برگمین کو پاکستان کے دورے کی دعوت دی اور کہا کہ آپ کے دورہ پاکستان سے باہمی تعلقات کو مزید مستحکم کرنے میں مدد ملے گی۔

ملاقات میں وزیر داخلہ نے کہا کہ امریکا پاکستان کا انتہائی اہم معاشی اور دفاعی شراکت دار ہے اور ہم سماجی شعبوں کی بہتری کیلیے امریکی تعاون کو قدر کی نگاہ سے دیکھتے ہیں۔

ان کا کہنا تھا کہ پاکستان امریکا کےساتھ دو طرفہ تعلقات کو خصوصی اہمیت دیتا ہے اور امریکا کے ساتھ تمام شعبوں میں مزید اشتراک چاہتا ہے۔

اس موقع پر ڈیموکریٹس سے تعلق رکھنے والے تھامس سوزی نے کہا کہ پاکستان کے ساتھ تعلقات مزید مضبوط بنانے کیلیے پر عزم ہیں۔ جلد پاکستان کا دورہ کروں گا۔

پشاور: وفاقی وزیر داخلہ محسن نقوی نے وزیراعلیٰ خیبرپختونخوا علی امین گنڈاپور سے ملاقات کرکے صوبے میں قیام امن کے حوالے سے ہر ممکن تعاون کی یقین دہانی کرادی۔

تفصیلات کے مطابق وزیراعلی خیبرپختونخوا علی امین گنڈاپور نے ایوان وزیراعلیٰ آمد پر وفاقی وزیر داخلہ محسن نقوی کا خیر مقدم کیا، دونوں رہنماؤں کی ملاقات میں صوبے میں امن و امان کی صورتحال اور کرم میں قیام امن کے لیے اقدامات پر تبادلہ خیال کیا گیا۔

وزیرداخلہ محسن نقوی نے وزیراعلیٰ کے پی کو امن کیلئے ہرممکن تعاون کی یقین دہانی کرائی اور کہا کہ کےپی میں قانون نافذ کرنیوالے اداروں کی استعداد کار بڑھانے میں تعاون کرینگے۔

محسن نقوی نے کہا کہ کرم میں قیام امن اولین ترجیح ہے، اسٹیک ہولڈرز کی مشاورت سے کرم میں امن کیلئے اقدامات کی ضرورت ہے۔

محسن نقوی اور علی امین نے دہشتگردی کیخلاف جنگ میں سیکیورٹی اداروں کے شہدا کو خراج عقیدت پیچ کرتے ہوئے کہا کہ شہدا ہمارے لئے سرمایہ افتخار ہیں، لازوال قربانیوں کو سلام پیش کرتے ہیں

دوسری جانب وزیراعلیٰ خیبرپختونخوا علی امین گنڈاپور نے کہا کہ شہدا کی قربانیاں ناقابل فراموش ہیں، دہشتگردی کے عفریت کا ملکر مقابلہ کرینگے۔

ریاض : سعودی عرب نے پاکستان کو منشیات کا سراغ لگانے کیلئے جدید ترین آلات کیلئے تعاون کی پیشکش کردی۔

تفصیلات کے مطابق ریاض میں وزیرداخلہ و انسداد منشیات محسن نقوی نے سعودی عرب اینٹی نارکوٹکس ہیڈکوارٹر کا دورہ کیا۔

سعودی ڈی جی اینٹی نارکوٹکس میجر جنرل محمد ال قرنی نےمحسن نقوی کا استقبال کیا، محسن نقوی کی سعودی ڈائریکٹر جنرل اینٹی نارکوٹکس سے ملاقات ہوئی۔

ملاقات میں انسداد منشیات کے حوالے سے باہمی تعاون بڑھانے پر تبادلہ خیال کیا گیا اور انسداد منشیات کیلئے دوطرفہ معاونت کے تحت مزیدمؤثر اقدامات پر اتفاق کیا گیا۔

سعودی عرب نے پاکستان کومنشیات کا سراغ لگانے کیلئے جدید ترین آلات کیلئے تعاون کی پیشکش کی۔

اس موقع پر محسن نقوی نے اینٹی نارکوٹکس ہیڈکوارٹر کے کنٹرول روم کا مشاہدہ کیا ، جہاں انھیں سعودی حکام نے انسداد منشیات کے سلسلے میں بریفنگ دی۔

وفاقی وزیر نے ڈائریکٹر جنرل سعودی اینٹی نارکوٹکس کودورہ پاکستان کی دعوت دیتے ہوئے کہا کہ منشیات کی لعنت سےکوئی ملک تنہا نہیں نمٹ سکتا،یہ مشترکہ چیلنج بن چکا ہے، پاکستان سعودی عرب سےاینٹی نارکوٹکس سےمتعلق تعاون جاری رکھے گا۔

ان کا کہنا تھا کہ نئی نسل کونشےسےمحفوظ ماحول دینےکیلئےبین الاقوامی سطح پر جامع اقدامات کی ضرورت ہے۔

سعودی حکام کی جانب سے بریفنگ میں بتایا گیا کہ سعودی اینٹی نارکوٹکس پاکستان کےادارے اے این ایف کیساتھ رابطے میں ہے، اے این ایف کے ساتھ مستقل بنیادوں پر معلومات کا تبادلہ ہوتا ہے، سعودی عرب کی انفارمیشن پرحال ہی میں پاکستان سے منشیات کے 2 ملزم پکڑے گئے۔