Tag: محسن نقوی

اسلام آباد : وزیرداخلہ محسن نقوی سے سعودی عرب کےنائب وزیرداخلہ کو آگاہ کیا 4300 بھکاریوں کے نام ای سی ایل میں شامل کرلئے ہیں۔

تفصیلات کے مطابق وزیر داخلہ محسن نقوی سے سعودی عرب کے نائب وزیر داخلہ ڈاکٹر ناصر بن عبدالعزیز الداؤد کی ملاقات ہوئی۔

سعودی عرب کے سفیر نواف بن سعید احمد المالکی بھی موجود تھے، ملاقات میں پاکستان سے بھکاریوں کو سعودی عرب بھجوانے والے مافیا کی سرکوبی پر تفصیلی گفتگو ہوئی۔

محسن نقوی نے سعودی نائب وزیر داخلہ کو بتایا چار ہزار تین سو بھکاریوں کے نام ای سی ایل میں شامل کیے گئے ہیں، سعودی عرب جانے والے بھکاریوں کے خلاف زیرو ٹالرنس پالیسی اپنائی ہے، ایسے بھکاری مافیا کیخلاف ملک بھر میں مؤثر کریک ڈاؤن کیا جا رہا ہے۔

دونوں ملکوں نے قیدیوں کے تبادلے کے معاہدے پر عملدرآمد پر اتفاق کیا، محسن نقوی نے کہا چار سو انیس پاکستانی قیدیوں کی واپسی کیلئے قانونی کارروائی جلد مکمل کی جائے گی۔

محسن نقوی نے اسلام آباد اور ریاض کو جڑواں شہر قرار دینے کی تجویز دی، جس سے سعودی نائب وزیرداخلہ نے اتفاق کیا۔

ملاقات میں پیرا ملٹری فورسز اور پولیس کے باہمی تبادلوں اور مشترکہ ٹریننگ کے امور پر بھی گفتگو ہوئی۔

وزیر داخلہ نے کہا سعودی شہریوں کیلئے پاکستان آنے پر کوئی ویزا نہیں، جب چاہیں آئیں، انہوں نے سعودی عرب کے ولی عہد شہزادہ محمد بن سلمان کے وژن ٹوئنٹی تھرٹی کو سراہا۔

سعودی نائب وزیر داخلہ نے کہا پاکستان سے انتہائی قریبی تعلقات ہیں جسے مزید فروغ دینا چاہتے ہیں۔ پیراملٹری فورسز، پولیس کے باہمی تبادلوں اور مشترکہ ٹریننگ کیلئے تیار ہیں۔

اسلام آباد : وفاقی وزیر داخلہ محسن نقوی نے خبردار کیا ہے کہ علی امین گنڈا پور نے مزید لائن کراس کی تو انتہائی اقدام کی طرف جانا پڑے گا۔

تفصیلات کے مطابق وفاقی وزیر داخلہ محسن نقوی ڈی چوک پہنچ گئے، اس موقع پر میڈیا سے گفتگو کرتے ہوئے کہا کہ گزشتہ 48 گھنٹے میں 120 افغان شہری پکڑ گئے ہیں، افغان شہریوں کا پکڑا جانا الارمنگ ہے۔

محسن نقوی پی ٹی آئی کو مخاطب کرتے ہوئے کہا کہ آپ کے ملک کے لوگ احتجاج کر رہے ہوں تو الگ چیزہے، مظاہرین نے پولیس پر فائرنگ کی 85 اہلکار زخمی ہیں، پولیس پر فائرنگ ہوئی ہے اور آنسو گیس کے شیل بھی چلا رہے ہیں تاہم پولیس والوں کو طبی امداد کیلئے اسپتال منتقل کردیا گیا ہے۔

وزیر داخلہ کا کہنا تھا کہ ان لوگوں سے سوال کریں جو کہہ رہے ہیں یہ پرامن احتجاج ہے، شواہد موجود ہیں سوشل میڈیا گروپس میں کہا جا رہا تھا کہ ہتھیار لیکر آئیں، بنوں، ٹرائبل ایریا سے آنے والے لوگوں کو ہتھیار لانے کا کہا گیا، یہ افغان نیشنل کہاں سے آرہے ہیں۔

انھوں نے بتایا کہ وزیراعظم سے بات ہوئی ایس سی او کانفرنس کسی صورت سبوتاژ نہیں ہوگی، وزیراعظم اور صدر پاکستان آپس میں رابطےمیں ہیں۔

وفاقی وزیر نے کہا کہ وزیراعلیٰ کے پی کے قافلے سے پولیس پرفائرنگ اور شیلنگ ہوئی ہے ، ان کے لیڈر کی ہدایات ہیں اور وزیراعلیٰ کے پی ساری صورتحال کے ذمہ دار ہیں۔

انھوں نے خبردار کیا کہ اسلام آباد پر جو جتھہ حملہ آور ہونے آرہا ہے اسے وزیراعلیٰ کےپی لیڈکررہےہیں، علی امین گنڈا پور لائن کراس کررہے ہیں ،اگر انہوں نے مزید لائن کراس کی تو ہمیں انتہائی قدم اٹھانا پڑے گا۔

وزیر داخلہ نے مزید بتایا کہ انہیں بہت سمجھانےکی کوشش کی گئی ہے لیکن ان کے عزائم ہمیں کچھ اور لگ رہے ہیں، پی ٹی آئی کا مقصد ہے کسی طریقے سے ایس سی او کانفرنس نہ ہو لیکن ہم ایسا نہیں ہونے دیں گے ۔

انھوں نے واضح کیا کہ دھاوا بولنے پر مذاکرات نہیں ہوسکتے، یہ نہیں ہوسکتا ایک طرف دھاوا بولیں اور دوسری طرف مذاکرات کریں۔

وفاقی وزیر نے اسلام آباد کے عوام سے معذرت کرتے ہوئے کہا کہ عوام سمجھیں یہ سب کرنا ہماری مجبوری ہے، انہیں سمجھنا چاہئےکہ کن لوگوں کی وجہ سے یہ سب ہو رہا ہے، ان کے پاس ہتھیار ہیں اور ہمارے جوان بغیر ہتھیاروں کے ہیں، ہمارے لئے آسان تھا کہ انہیں روک لیتے لیکن وہ کسی اور مقصد کیلئے آرہے ہیں۔

اسلام آباد : وزیرداخلہ محسن نقوی کا کہنا ہے کہ جو بھی شخص یا تنظیم ریاست کیخلاف بندوق اٹھائے وہ دہشت گرد ہے،موقع دےرہےہیں کہ ہتھیار ڈال دیں۔

تفصیلات کے مطابق وزیر داخلہ محسن نقوی نے علما و مشائخ کے ہمراہ پریس کانفرنس کرتے ہوئے کہا کہ جس آگ میں ہمیں دھکا دیاجارہاہے اس سے نکلنا ہے ، سب سے پہلی بات یہ ہے کہ ہم سب پاکستانی ہیں، ہمیں مل کر دہشتگردی کرنےوالوں کا راستہ روکنا ہے

وزیر داخلہ کا کہنا تھا کہ ریاست کیخلاف بندوق اٹھانےوالوں سے آہنی ہاتھوں سے نمٹا جائے گا، جوبھی شخص یاتنظیم ریاست کیخلاف بندوق اٹھائےوہ دہشتگردہے، ریاست ،آئین اورقانون کومانیں اورہتھیارڈال دیں، آج ہم ان لوگوں کوموقع دےرہےہیں کہ ہتھیارڈال دیں۔

انھوں نے کہا کہ ہم کچھ دنوں بعدہرصوبےمیں جائیں گےوزرااعلیٰ سےملاقاتیں کرینگے، یہی پیغام صوبائی حکومتوں سےبھی لیناچاہیں گے ، ہم آصف زرداری کےپاس بھی جائیں گےان سےبھی یہی پیغام آئےگا۔

وفاقی وزیر کا مزید کہنا تھا کہ وزارت داخلہ اور مذہبی امورمل کر دن رات کام کریں گے، دہشتگردی روکنےکیلئے آپ کی تجاویزپرعمل کریں گے۔

انھوں نے کہا کہ یہ ہمارامشترکہ پیغام ہے کہ دہشتگردی کیخلاف ہیں، ریاست کی رٹ کو مانناپڑےگا،۔

اسلام آباد : وزیرداخلہ محسن نقوی نے بلوچستان میں دہشت گردی کے حقائق ثبوت کے ساتھ سامنے لانے کا اعلان کردیا۔

تفصیلات کے مطابق وزیر داخلہ محسن نقوی نے بلوچستان میں ہونے والے واقعات کے حوالے سے کہا کہ بلوچستان میں معصوم لوگوں کاقتل سفاکیت کی انتہا ہے، دہشت گردی کے حقائق ثبوت کے ساتھ سامنےلائیں گے۔

وزیر داخلہ کا کہنا تھا کہ خریب کاری کے واقعات پاکستان میں عدم استحکام پیدا کرنے کی سازش ہے، دشمن منصوبے کےتحت ملک میں انارکی پھیلانا چاہتا ہےلیکن بلوچستان میں امن کیلئے ہرممکن اقدام کیا جائےگا ، دہشت گردوں اورسہولتکاروں کوچھپنےکی جگہ نہیں ملے گی۔

انھوں نے بتایا کہ بلوچستان حکومت کےساتھ رابطےمیں ہوں، امن کی فضا برقرار رکھنے کیلئے مؤثراقدامات کیے جا رہے ہیں۔

ان کا مزید کہنا تھا کہ بلوچستان میں شہید افراد کے لواحقین کےغم میں شریک ہیں، کوئی سمجھتا ہے دہشت گردی سے قوم کےغیرمتزل عزم کوشکست دے گا تویہ بھول ہے، دہشتگردی کےمکمل خاتمےتک جنگ جاری رہےگی، بلوچستان میں امن وامان کومستقل بنیادوں پرمانیٹرکیا جا رہا ہے۔

اسلام آباد :وزیرداخلہ محسن نقوی  نے سعودی عرب کو پیشہ وربھکاریوں کیخلاف کارروائی کی یقین دہانی کرادی اور کہا یہ مافیاپاکستان کےامیج کو خراب کر رہا ہے۔

تفصیلات کے مطابق وزیرداخلہ محسن نقوی نے سعودی عرب کے سفارت خانے کا دورہ کیا ، جہاں سعودی سفیرنواف بن سعید احمد المالکی سےملاقات کی۔

ملاقات میں باہمی دلچسپی کے امور،پاک سعودی عرب تعلقات کےفروغ پر تبادلہ خیال کیا گیا، محسن نقوی نے سعودیہ جانیوالے پیشہ وربھکاریوں کیخلاف کارروائی کی یقین دہانی کرائی۔

وزیرداخلہ نے کہا کہ ایف آئی اےکومافیا کیخلاف بھی ملک بھر میں کریک ڈاؤن کا حکم دے دیا، یہ مافیاپاکستان کےامیج کو خراب کر رہا ہے۔

ان کا مزید کہناتھا کہ سعودی عرب ہمارے لئے بے پناہ عقیدت و احترام کا محور ہے، سعودی عرب نےہمیشہ مشکل میں پاکستان کا بھرپور ساتھ دیا، جس پر سعودی سفیر نے کہا کہ پاکستان کیساتھ بھائیوں جیسے تعلقات ہیں۔