ARYNews.tv | Urdu – Har Lamha Bakhabar

Tag: محمد آصف

  • ورلڈ گیمز اسنوکر، محمد آصف نے سیمی فائنل میں رسائی حاصل کرلی

    ورلڈ گیمز اسنوکر، محمد آصف نے سیمی فائنل میں رسائی حاصل کرلی

    پاکستان کے محمد آصف ورلڈ گیمز اسنوکر کے سیمی فائنل میں رسائی حاصل کرنے میں کامیاب ہوگئے۔

    پاکستان کے محمد آصف نے ورلڈ گیمز اسنوکر کے کوارٹر فائنل میں برطانیہ کے زیک کوسکر کو زیر کرتے ہوئے 0-2 سے کامیابی حاصل کی۔

    پاکستان کے محمد آصف نے پہلے فریم میں 51 کا بریک کھیلتے ہوئے 15-79 سے کامیابی حاصل کی جبکہ دوسرا فریم انہوں نے 31-89 سے اپنے نام کیا۔

    اب آصف ورلڈ گیمز 2025 میں میڈل سے ایک فتح کی دوری پر ہیں، سیمی فائنل میں فتح آصف کا میڈل یقینی کردے گی۔ سیمی فائنل میں شکست کی صورت میں انہیں برانز میڈل کا میچ کھیلنا ہوگا۔

    محمد آصف نے عالمی چیمپئن کا ٹائٹل کشمیریوں کے نام کردیا

    پاکستان اب تک ورلڈ گیمز کی تاریخ میں ایک ہی میڈل جیت پایا ہے، پاکستان کے لیے واحد میڈل اسنوکر میں شوکت علی نے 2001 میں حاصل کیا تھا۔ شوکت علی نے 2001 ورلڈ گیمز میں اسنوکر کا برانز میڈل جیتا تھا۔

  • عالمی اسنوکر چیمپئن محمد آصف کی والدہ انتقال کرگئیں

    عالمی اسنوکر چیمپئن محمد آصف کی والدہ انتقال کرگئیں

    فیصل آباد: عالمی اسنوکر چیمپئن محمد آصف کی والدہ فانی دنیا کو خیر باد کہہ گئیں، جس کی تصدیق خاندانی ذرائع نے کردی ہے۔

    خاندانی ذرائع کے مطابق عالمی اسنوکر چیمپئن محمد آصف کی والدہ کی نماز جنازہ بعد نماز ظہر شیخ کالونی جھنگ روڈ قبرستان فیصل آباد میں ادا کی جائیگی۔

    واضح رہے کہ فیصل آباد سے تعلق رکھنے والے 42 سالہ محمد آصف نے پہلی مرتبہ 2012 میں آئی بی ایس ایف عالمی اسنوکر چیمپئن شپ جیتی تھی۔ جب کہ 2019 میں محمد آصف دوسری مرتبہ عالمی اسنوکر چیمپئن بنے تھے۔

    رواں سال کے آغاز میں انہوں نے سارک اسنوکر چیمپئن شپ میں کامیابی حاصل کی تھی۔

    کولمبو میں کھیلے گئے سارک اسنوکر چیمپئن شپ کے فائنل میں پاکستان کے محمد آصف نے سری لنکن کیوئسٹ کو شکست دی تھی، انہوں نے حریف کھلاڑی کے خلاف پانچ صفر سے کامیابی حاصل کی تھی۔

    دوسرے سیمی فائنل میں ورلڈ امیچر اسنوکر چیمپئن پاکستان کے محمد آصف کا مقابلہ ہم وطن نسیم اختر سے تھا، بیسٹ آف نائن فریم پر مشتمل سیمی فائنل میں محمد آصف نے پانچ تین کے فریم اسکور سے فتح سمیٹی تھی۔

    پاک بنگلادیش ٹی ٹونٹی سیریز کا آج سے آغاز ہوگا، تیاریاں مکمل

    نسیم اختر نے ساتویں فریم میں 102کا سنچری بریک بھی کھیلا لیکن وہ تجربہ کار آصف کے سامنے ٹھہر نہیں پائے تھے۔

  • نیشنل اسنوکر چیمپئن شپ:عالمی امیچر چیمپئن محمد آصف سیمی فائنل میں ہار گئے

    نیشنل اسنوکر چیمپئن شپ:عالمی امیچر چیمپئن محمد آصف سیمی فائنل میں ہار گئے

    نیشنل اسنوکر چیمپئن شپ میں عالمی امیچر چیمپئن محمد آصف کو سیمی فائنل میں شاہد آفتاب سے شکست کا سامنا کرنا پڑا۔

    رپورٹس کے مطابق دوسرے سیمی فائنل میں محمد سجاد نے نمبر دو سیڈ اور ایشین سکس ریڈ بال چیمپئن اویس منیر کو شکست دی دے دی۔

    واضح رہے کہ نیشنل اسنوکر چیمپئن شپ کا فائنل آج کھیلا جائے گا۔

    اس سے قبل وزیراعظم شہباز شریف نے سارک اسنوکر چیمپئن شپ جیت کر پاکستان کا نام روشن کرنے والے کیوئسٹ محمد آصف کو 25 لاکھ انعام دیا تھا۔

    وزیراعظم شہباز شریف سے اسنوکر کے عالمی اور سارک چیمپئن محمد آصف نے ملاقات کی تھی۔ اس موقع پر وزیراعظم نے انہیں سارک چیمپئن شپ جیتنے پر مبارکباد پیش کی اور 25 لاکھ روپے کا انعامی چیک پیش کیا۔

    وزیر اعظم شہباز شریف نے کہا کہ آپ نے اسنوکر کی دنیامیں ملک کانام روشن کیا ہے اور پوری قوم کو آپ پر فخر ہے۔

    شہباز شریف نے مزید کہا کہ پاکستانی کھلاڑی اپنی صلاحیتوں سے دنیا میں ملک و قوم کا نام روشن کر رہے ہیں اور حکومت کھلاڑیوں کو سہولتوں کی فراہمی کیلیے ہر ممکن اقدام کر رہی ہے۔

    انہوں نے متعلق حکام کو محمد آصف کے ساتھ مل کر اسنوکر کھلاڑیوں کی تربیت کرنے کیی بھی ہدایت کی۔

    محمد آصف نے حال ہی میں تیسری سارک اسنوکر چیمپئن شپ 025ء کے فائنل میں سری لنکا کے طحہٰ عشرت کو شکست دی تھی۔

    کولمبو میں کھیلے گئے ایونٹ کے فائنل مقابلے میں آصف نے میچ بغیر کوئی فریم ڈراپ کیے جیتا۔ سارک اسنوکر چیمپئن شپ ان کے کیریئر کا مجموعی طور پر آٹھواں ٹائٹل ہے۔

    پاکستان کے محمد آصف نے سارک اسنوکر چیمپئن شپ جیت لی

    واضح رہے کہ محمد آصف نے گزشتہ سال ورلڈ چیمپئن شپ بھی جیتی تھی۔ وہ 2019 اور 2012 کے ورلڈ چیمپئن بھی تھے۔ انہوں نے تین بار عالمی چیمپئن بن کر روایتی حریف بھارتی کیوئسٹ کا ریکارڈ بھی برابر کیا تھا۔

  • محمد آصف کی امریکا سے متنازع ویڈیو وائرل

    محمد آصف کی امریکا سے متنازع ویڈیو وائرل

    پاکستانی کرکٹ ٹیم کے سابق فاسٹ بولر محمد آصف کی امریکا کی ایک متنازع ویڈیو سوشل میڈیا پر گردش کررہی ہے۔

    سابق فاسٹ بولر محمد آصف امریکا میں حال ہی میں ایک تقریب میں شریک ہوئے، اُنہوں نے اس تقریب کے دوران ایک میڈیا نمائندے سے بھی بات کی، جس کی ویڈیو سوشل میڈیا پر گردش کررہی ہے۔

    سوشل میڈیا صارفین کی جانب سے اس وائرل ویڈیو پر شدید تنقید کا سلسلہ جاری ہے، زیادہ تر سوشل میڈیا صارفین کا کہنا ہے کہ جس طرح آصف بات کررہے ہیں اس سے صاف معلوم ہورہا ہے کہ وہ نشہ کئے ہوئے ہیں۔

    @baatonkayshair Is fast bowling done? #muhammadasif #shoaibakhtar #cricket #cricketlover #pakistancricket #pcb #psl #india #trendingnow #karachi #t20cricket #cricketfans #bcci #trendingreels #funny #lahore #mumbai #fastbowling #spinner #baatonkayshair ♬ original sound – Baaton Kay Shair

    اس سے قبل بھی آصف کی قومی ٹیم کے سابق فاسٹ بولرز شعیب اختر سے ملاقات کی ویڈیو سوشل میڈیا پر وائرل ہوئی تھی۔

    امریکا میں منعقدہ ایک تقریب کے دوران پاکستان کرکٹ ٹیم کے سابق جادوگر بولر آصف اور دنیا کے تیز ترین بولر شعیب اختر کے درمیان ملاقات ہوئی، کافی سالوں بعد ہونے والی اس ملقات کے دوران محمد آصف کافی جذباتی نظر آئے جبکہ وہ اسٹیج پر شعیب اختر کے گلے لگ گئے۔

    ماضی میں پاکستان کے دونوں مایہ ناز پیسر کے تعلق اتنا بہتر نہیں رہا بلکہ دونوں میں تنازع کی خبر بھی میڈیا کی زینت بنی تھی۔

    اپنے دور میں بیٹرز کے لیے خوف کی علامت رہنے والے دونوں پیسر کی ملاقات کی ویڈیو امریکا سے منظر عام پر آئی جسے مداح کافی پسند کررہے ہیں، شائقین کو اس ملاقات کے بعد دونوں کی پرانی جوڑی یاد آگئی جس نے پاکستان کرکٹ ٹیم کے لیے کئی میچز جیتے تھے۔

  • ’’امریکا 2026 کے ورلڈکپ میں بھی پاکستان کو ہرادے گا‘‘

    ’’امریکا 2026 کے ورلڈکپ میں بھی پاکستان کو ہرادے گا‘‘

    سابق فاسٹ بولر محمد آصف نے پیشگوئی کرتے ہوئے کہا ہے کہ پاکستان کرکٹ ٹیم 2026 کے ورلڈکپ میں امریکا سے بھی ہار جائے گی۔

    پاکستان کرکٹ ٹیم کچھ سالوں سے کافی مشکلات کا شکار ہے اور ان می پرفامنس دن بہ دن تنزلی کا شکار ہوتی جارہی ہے، پہلے بابر اعظم کی کپتان میں گرین شرٹس کو 2023 ورلڈکپ میں گروپ مرحلے سے باہر ہونا پڑا جبکہ افغانستان نے پہلی بار ون ڈے میچ میں پاکستان کو شکست سے دوچار کیا۔

    بعدازاں ٹی ٹوئنٹی ورلڈکپ 2024 بھی بابر کی کپتانی میں پاکستان کے لیے ڈراؤنا خواب ثابت ہوا جہاں اسے امریکا جیسی نوآموز ٹیم کے ہاتھوں ذلت اٹھانا پڑی، پھر بھارت سے ہار کر وہاں سے بھی ٹیم گروپ اسٹیج سے ہی چلتی بنی۔

    اب بنگلہ دیش کے ہاتھوں ٹیسٹ میچ میں پہلی بار پاکستان کو ہزیمت سے دوچار ہونا پڑا جبکہ یہ شرمناک شکست قومی ٹیم کو ہوم گراؤنڈ پر اٹھانا پڑی۔

    ایسے میں سابق پاکستانی پیسر محمد آصف نے کہا ہے کہ ہم امریکا سے ٹی ٹوئنٹی ورلڈکپ میں ہارے، جو پہلی بار ورلڈ کپ کھیل رہے تھے، اس وقت جس طرح کی صورتحال چل رہی ہے، میں آپ کو اس بات کی ضمانت دیتا ہوں کہ امریکا اگلے ورلڈ کپ 2026 میں بھی پاکستان کو ہرائے گا۔

    محمد آصف نے کہا کہ 2026 ورلڈ کپ سے پہلے ہمیں کپتان، کوچ اور کھلاڑیوں کو تبدیل کرنا ہوگا، ہمیں دو سال کی منصوبہ بندی کرنے کی ضرورت ہے۔

    انھوں نے کہا کہ ہمیں ایسی ٹیم بنانی ہوگی کہ یہ وہ 20 کھلاڑی ہیں جن کے ساتھ ہم کام کرنا چاہتے ہیں، تاہم ہم پھر سے وہی باتیں دہرا رہے ہیں، اسی لیے میں آپ کو یہ بتا رہا ہوں کہ آگے کیا ہونا ہے۔

    محمد آصف نے مزید کہا کہ جب اگلے دو سالوں میں بھارت اور جنوبی افریقہ کی ٹیمیں آگے بڑھ رہی ہیں تو ہم تنب بھی اسی جگہ پر موجود ہونگے۔

  • ورلڈ کپ اسکواڈ میں ناکام کھلاڑیوں کی شمولیت، محمد آصف سیخ پا

    ورلڈ کپ اسکواڈ میں ناکام کھلاڑیوں کی شمولیت، محمد آصف سیخ پا

    سابق پاکستانی فاسٹ بولر محمد آصف نے قومی ٹیم کے ورلڈ کپ 2023 کے اسکواڈ میں شامل کئے گئے وہ کھلاڑی جنہوں نے ایشیا کپ میں قوم کو مایوس کیا، ان کے انتخاب پر شدید تنقید کی۔

    پاکستان کرکٹ بورڈ (پی سی بی) نے ورلڈ کپ 2023 کے لیے 15 رکنی اسکواڈ کا اعلان کر دیا ہے جس میں فاسٹ بولر نسیم شاہ کو ڈراپ کر دیا گیا ہے، جب کہ آل راؤنڈر شاداب خان کو ایشیا کپ 2023 کی مایوس کن کارکردگی کے باوجود اسکواڈ میں منتخب کیا گیا ہے۔

    ایشیا کپ 2023 کے دوران، 24 سالہ آل راؤنڈر شاداب صرف چھ وکٹیں حاصل کرنے میں کامیاب رہے – ان میں سے چار وکٹیں انہوں نے نیپال کے خلاف میچ میں حاصل کی تھیں، جبکہ ٹورنامنٹ کے پانچ میچز میں انہوں نے صرف 13رنز بنائے، محمد نواز اور آغا سلمان نے بھی مایوس کن کارکردگی کا مظاہرہ کیا تھا۔

    میڈیا رپورٹس میں پیش گوئی کی گئی تھی کہ ان کھلاڑیوں کی مایوس کن کارکردگی کے باعث انہیں ورلڈ کپ اسکواڈ میں شامل نہیں کیا جائے گا مگر حیرت انگیز طور پر شاداب خان اور آغا سلمان اپنی جگہ برقرار رکھنے میں کامیاب رہے۔

    ٹیم کے اعلان کے بعد سابق پاکستانی فاسٹ بولر محمد آصف نے آغا سلمان کے انتخاب پر کڑی تنقید کرتے ہوئے کہا کہ وہ انہیں کھلاڑی بھی نہیں مانتے۔

    محمد آصف نے کہا کہ آغا سلمان صرف اس وقت سکور کرتے ہیں جب پاکستان پہلے ہی ایک ٹیم کے طور پر اچھی پوزیشن میں ہو، انہوں نے آغا سلمان کو وقت کا ضیاع قرار دیا۔

    پاکستان کے موجودہ پیس اٹیک کے بارے میں بات کرتے ہوئے سابق پاکستانی فاسٹ باؤلر محمد آصف نے اپنی رائے کا اظہار کرتے ہوئے کہا کہ ‘ورلڈ کپ اسکواڈز میں منتخب باؤلرز اوسط درجے کے ہیں، کوئی خاص نہیں ہے۔

  • پاکستان کیلیے کھیلنا چھوڑ دوں گا، عالمی اسنوکر چیمپئن

    پاکستان کیلیے کھیلنا چھوڑ دوں گا، عالمی اسنوکر چیمپئن

    فیصل آباد:عالمی اسنوکر چیمپئن محمد آصف نے دلبراشتہ ہو کر اسنوکر چھوڑنے کا عندیہ دے دیا۔

    ایک بیان میں محمد آصف نے کہا کہ اگر معاملات بہتر نہ ہوئے اور یہی رویہ روا رکھا گیا تو پاکستان کے لیے اسنوکر کھیلنا چھوڑ دوں گا، ہو سکتا ہے کہ اسنوکر سے کنارہ کشی ہی اختیار کر لوں۔

    عالمی چیمپئن نے کہا کہ لوگوں کے سوالوں کے جوابات دیتے دیتے تھک گیا ہوں، ابھی صرف احتجاج کر رہا ہوں اور ہو سکتا ہے مستعفی ہو جاؤں۔

    ان کا کہنا تھا کہ کوئی بھی انتہائی فیصلہ کرنے سے قبل اہل خانہ سے مشاورت کرؤں گا اور ان کے مشورے سے ہی کوئی اقدام اٹھاؤں گا۔

    یہ بھی پڑھیں: عالمی اسنوکر چیمپئن محمد آصف نے حکومت سے اہم مطالبہ کردیا

    محمد آصف کا کہنا تھا کہ کوئی بڑا فیصلہ کرنے ہی پڑے گا کیونکہ مایوسی کے بادل برقرار ہیں، اگر یہی رویہ رہا تو مجھے فیصلہ لینے میں زیادہ وقت نہیں لگے گا۔

    واضح رہے کہ گزشتہ سال ترکی کے شہر انتالیہ میں کھیلے گئے ایونٹ میں کیوسٹ محمد آصف نے شاندار کارکردگی کا مظاہرہ کرتے ہوئے چیمپئن شپ جیت کر پاکستان کا نام روشن کیا تھا۔
    بعدازاں انہوں نے شکوہ کرتے ہوئے کہا تھا کہ عوام سے تو محبت ملی ہے پر حکومتی حوصلہ افزائی نہیں ملتی، حکومت سے یہی کہتے ہیں ہمیں سپورٹ کریں۔

  • پاکستان کا نام روشن کرنے والے اسنوکر چیمپئن محمد آصف کیلئے ایک اور انعام

    پاکستان کا نام روشن کرنے والے اسنوکر چیمپئن محمد آصف کیلئے ایک اور انعام

    فیصل آباد: اسنوکر کی دنیا میں پاکستان کا نام روشن کرنے والے عالمی چیمپئن محمد آصف کو انعام کے طور پر ایک لاکھ روپے کا چیک دیا گیا۔

    تفصیلات کے مطابق اسنوکرورلڈچیمپئن محمدآصف نے ڈی سی آفس فیصل آباد کا دورہ کیا جہاں ان کا پرتپاک استقبال ہوا، اس موقع پر ڈپٹی کمشنر محمدعلی نے محمدآصف کو ایک لاکھ روپے کا چیک پیش کیا۔

    اسنوکر کی دنیا پر حکمرانی کرنے والے محمد آصف کا کہنا تھا کہ عزت افزائی پر ضلعی انتظامیہ اور شہریوں کا شکرگزار ہوں، وطن عزیز اور قومی پرچم کی سربلندی کے جذبے سے کھیلا اور اسی طرح کھیلتا رہوں گا۔

    انہوں نے مزید کہا کہ آئندہ بھی ملک کے لیے عالمی ٹائٹل جیتنے کا عزم ہے۔

    اسرائیلی حریف کو شکست دینے کی سب سے زیادہ خوشی ہوئی: محمد آصف

    خیال رہے کہ گزشتہ روز ورلڈ اسنوکر چیمپئن محمدآصف اے آر وائی نیوز کے مارننگ شو ’’باخبرسویرا‘‘ کے خصوصی مہمان بنے تھے اور عالمی ٹائٹل اپنے نام کرنے کے بعد دلی جذبات سے آگاہ کیا تھا۔

    اے آروائی نیوز سے خصوصی گفتگو کرتے ہوئے عالمی اسنوکر چیمپئن کا کہنا تھا کہ اسرائیلی حریف کو شکست دینے کی سب سے زیادہ خوشی ہوئی، ترکی میں ہونے والے میگا ایونٹ میں شرکت سے قبل پاکستان میں ہی ایک ٹورنامنٹ جیت چکا تھا جس کے باعث مورال بلند تھا۔

    یاد رہے کہ حال ہی میں ترکی کے شہر انتالیہ میں ہونے والی عالمی اسنوکر چیمپئن شپ میں پاکستان کے نمبر ون محمد آصف نے فلپائن کے جیفری روڈا کو 5-8 سے شکست دے کر چیمپئن شپ اپنے نام کی تھی۔

  • اسرائیلی حریف کو شکست دینے کی سب سے زیادہ خوشی ہوئی: محمد آصف

    اسرائیلی حریف کو شکست دینے کی سب سے زیادہ خوشی ہوئی: محمد آصف

    کراچی: ورلڈاسنوکر چیمپئن محمد آصف کا کہنا ہے کہ عالمی کپ جیتنا آسان نہیں تھا، ایونٹ سے قبل بہت محنت کی تھی۔

    تفصیلات کے مطابق ورلڈ اسنوکر چیمپئن محمدآصف اے آر وائی نیوز کے مارننگ شو ’’باخبرسویرا‘‘ کے خصوصی مہمان بنے، اور عالمی ٹائٹل اپنے نام کرنے کے بعد دلی جذبات سے آگاہ کیا۔

    اے آروائی نیوز سے خصوصی گفتگو کرتے ہوئے عالمی اسنوکر چیمپئن کا کہنا تھا کہ اسرائیلی حریف کو شکست دینے کی سب سے زیادہ خوشی ہوئی، ترکی میں ہونے والے میگا ایونٹ میں شرکت سے قبل پاکستان میں ہی ایک ٹورنامنٹ جیت چکا تھا جس کے باعث مورال بلند تھا۔

    انہوں نے مزید کہا کہ دورے سے قبل ہی میں بہت پرامید تھا اور اللہ تعالیٰ نے میری دعا قبول کی، عالمی ٹورنامنٹ میں اسرائیلی کھلاڑی سے ٹاکرا ہوا اور اسے ہرانے پر بہت خوشی ہوئی، کوشش کروں گا آئندہ بھی پاکستان کا نام روشن کروں۔

    ورلڈاسنوکر چیمپئن محمد آصف کو محنت کا صلہ مل گیا

    یاد رہے کہ حال ہی میں ترکی کے شہر انتالیہ میں ہونے والی عالمی اسنوکر چیمپئن شپ میں پاکستان کے نمبر ون محمد آصف نے فلپائن کے جیفری روڈا کو 5-8 سے شکست دے کر چیمپئن شپ اپنے نام کی تھی۔

    اس سے قبل پاکستان کے محمد آصف نے 2012ء میں بھی آئی بی ایس ایف ورلڈ اسنوکر چیمپئن شپ کا ٹائٹل اپنے نام کیا تھا جبکہ 2014 میں محمد سجاد نے فائنل کے لیے کوالیفائی کیا تھا لیکن وہ ٹائٹل نہیں جیت سکے تھے۔

    خیال رہے کہ عالمی ٹائٹل اپنے نام کرنے کے بعد محمد آصف نے میڈیا سے گفتگو کرتے ہوئے انتہائی خوشی کا اظہار کیا، ان کا کہنا تھا کہ جیت میرے اکیلے کی نہیں پورے ملک کی ہے، اتنی بڑی کامیابی سے ہمکنار کرنے پر اللہ تعالیٰ کا شکرگزار ہوں۔

  • ورلڈاسنوکر چیمپئن محمد آصف کو محنت کا صلہ مل گیا

    ورلڈاسنوکر چیمپئن محمد آصف کو محنت کا صلہ مل گیا

    لاہور: ورلڈ اسنوکر چیمپئن شپ جیتنے والے محمد آصف کے لیے پانچ ہزار ڈالر کی انعامی رقم کا اعلان کردیا گیا۔

    تفصیلات کے مطابق پاکستان کا سرفخر سے بلند کرنے والے باصلاحیت اسنوکر کھلاڑی کے لیے نیشنل بینک کے صدر کی جانب سے 5 ہزار ڈالر انعامی رقم کا اعلان کیا گیا ہے۔

    محمد آصف نے اپنی انتھک محنت اور لگن کے باعث ورلڈ اسنوکر چیمپئن شپ کا ٹائٹل اپنے نام کیا۔

    خیال رہے کہ گزشتہ دنوں ترکی کے شہر انتالیہ میں ہونے والی عالمی اسنوکر چیمپئن شپ میں پاکستان کے نمبر ون محمد آصف نے فلپائن کے جیفری روڈا کو 5-8 سے شکست دے کر چیمپئن شپ اپنے نام کی تھی۔

    اس سے قبل پاکستان کے محمد آصف نے 2012ء میں بھی آئی بی ایس ایف ورلڈ اسنوکر چیمپئن شپ کا ٹائٹل اپنے نام کیا تھا جبکہ 2014 میں محمد سجاد نے فائنل کے لیے کوالیفائی کیا تھا لیکن وہ ٹائٹل نہیں جیت سکے تھے۔

    خیال رہے کہ عالمی ٹائٹل اپنے نام کرنے کے بعد محمد آصف نے میڈیا سے گفتگو کرتے ہوئے انتہائی خوشی کا اظہار کیا، ان کا کہنا تھا کہ جیت میرے اکیلے کی نہیں پورے ملک کی ہے، اتنی بڑی کامیابی سے ہمکنار کرنے پر اللہ تعالیٰ کا شکرگزار ہوں۔

    پاکستان کےمحمدآصف نےورلڈ اسنوکر چیمپئن شپ جیت لی

    پاکستان کے محمد آصف ترکی میں ورلڈ اسنوکرچیمپئن شپ جیتنے کے بعد 11 نومبر کو وطن پہنچے، صدر پی بی ایس ایف منور شیخ بھی محمد آصف کے ہمراہ تھے۔