ARYNews.tv | Urdu – Har Lamha Bakhabar

Tag: محمد بن سلمان

  • سعودی ولی عہد اور فرانسیسی صدر میں رابطہ، خطے کی صورت حال پر تبادلہ خیال

    سعودی ولی عہد اور فرانسیسی صدر میں رابطہ، خطے کی صورت حال پر تبادلہ خیال

    ریاض: سعودی عرب کے ولی عہد شہزادہ محمد بن سلمان نے فرانسیسی صدر سے ٹیلی فونک رابطہ کیا ہے.

    تفصیلات کے مطابق محمد بن سلمان اور عمانوایل ماکروں کے درمیان ٹیلی فونک رابطہ ہوا ہے، جس میں‌ دونوں ممالک کے تعلقات کو مزید فروغ دینے کے لیے تبادلہ خیال کیا گیا۔

    عرب میڈیا کے مطابق اس گفتگو میں خطے میں ہونے والی تازہ پیش رفت کے حوالے سے بھی تبادلہ خیال ہوا ہے۔ یاد رہے کہ سعودی ولی عہد کے پاس نائب وزیراعظم اور وزیر دفاع کا قلم دان بھی موجود ہے.

    خیال رہے کہ شہزادہ محمد بن سلمان نے ماہ اپریل میں امریکا کے تین ہفتے کے طویل دورے کے بعد سرکاری دعوت پر فرانس کا دورہ کیا تھا، جہاں انھوں نے فرانسیسی صدر عمانوایل ماکروں اور دوسرے اعلیٰ عہدے داروں سے ملاقاتیں کیں.

    یاد رہے کہ 21 اپریل کو سعودی شاہی محل کے نزدیک فائرنگ کی آوازیں سنائی دی تھیں، جس کے بعد ولی عہد محمد بن سلمان کئی روز تک میڈیا سے دور رہے، اس پراسرار گمشدگی نے کئی قیاس آرائیوں کو جنم دیا، روسی میڈیا نے دعویٰ کیا تھا کہ 21 اپریل کی مبینہ بغاوت میں سعودی ولی عہد شدید زخمی ہوگئے ہیں.

    سعودی حکام نے جلد ہی اس دعویٰ کی تردید کر دی اور محمد بن سلمان کی مصری صدر السیسی کے ساتھ ایک تصویر جاری کی. گذشتہ دونوں سعودی عرب کے سرکاری میڈیا نےمحمد بن سلمان کی حالیہ تصویر جاری کی تھی، جس میں وہ کونسل برائے اقتصادی کونسل کے اجلاس کی صدارت کررہے تھے۔

    اب سعودی ولی عہد نے اور فرانسیسی صدر سے ٹیلی فونک رابطہ ہوا ہے، جس میں دو طرفہ تعلقات پر تبادلہ خیال کیا گیا.

    سعودی ولی عہد محمد بن سلمان سے متعلق قیاس آرائیاں جھوٹی ثابت ہوئیں

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی ولی عہد محمد بن سلمان سے متعلق قیاس آرائیاں جھوٹی ثابت ہوئیں

    سعودی ولی عہد محمد بن سلمان سے متعلق قیاس آرائیاں جھوٹی ثابت ہوئیں

    ریاض: سعودی عرب کے  ولی عہد محمد بن سلمان کی پراسرار گمشدگی کے حوالے سے جاری تمام قیاس آرائیاں ختم ہوگئیں۔

    تفصیلات کے مطابق گزشتہ دنوں غیرملکی میڈیا میں یہ افواہیں زیرگردش تھیں کہ سعودی عرب کے ولی عہد اور وزیر دفاع شہزادہ محمد بن سلمان پراسرار طور پر گمشدہ ہوگئے اور وہ منظر عام پر نہیں آرہے۔

    بین الاقوامی تعلقات کے ماہرین اور مبصرین کا خیال تھا کہ شہزادہ محمد بن سلمان امریکا میں مبینہ طور پر اسرائیل کی حمایت میں دیے جانے والے بعد سے منظر عام پر نہیں آرہے تاہم جلد دوبارہ اپنی سرگرمیوں کا آغاز کریں گے۔

    یہ بات بھی سامنے آئی تھی کہ ایک ماہ قبل سعودی شاہی محل کے قریب 21 اپریل کو ایک ڈرون دیکھا گیا تھا جس پر شاہی محافظوں نے فائرنگ کی تھی، افواہ تھی کہ ڈرون نے شاہی محل کو نشانہ بنایا تھا تاہم حکام نے اس مضحکہ خیز دعویٰ کی تردید کردی تھی اور اپنے جاری بیان میں کہا تھا کہ واقعے میں سعودی نائب ولی عہد شاہ سلمان محفوظ رہے تھے اور انہیں محفوظ مقام پر منتقل کیا گیا تھا۔

    مزید پڑھیں: سعودی ولی عہد شہزادہ محمد بن سلمان کی تازہ ترین تصویرعالمی میڈیا کی توجہ کا مرکز

    قبل ازیں سعوی ولی عہد  شہزادہ محمد بن سلمان کی پراسرار گمشدگی پر خاموشی توڑتے ہوئے سرکاری ادارے نے سماجی رابطے کی ویب سائٹ ٹوئٹر پر ایک تصویرجاری کی تھی جس میں  سعودی وزیردفاع مصری صدر عبد الفتح السیسی، امیر بحرین حماد بن عیسیٰ اور متحدہ عرب امارات کے ولی عہد کے ساتھ موجود تھے۔

    مگر اب سعودی عرب کے سرکاری میڈیا نے تمام افواہوں کو ایک بار پھر غلط ثابت کرتے ہوئے محمد بن سلمان کی حالیہ تصویر جاری کردی جس میں وہ کونسل برائے اقتصادی کونسل کے اجلاس کی صدارت کررہے ہیں۔

    عرب میڈیا کے مطابق سعودی ولی عہد کی سربراہی میں ہونے والے اجلاس میں مختلف امور پر تبادلہ خیال کیا گیا اور مملکت کے لیے اقتصادی اقدامات اٹھانے پر سامنے آنے والی سفارشات پر بھی غور کیا گیا۔

    واضح رہے کہ محمد بن سلمان وزیر دفاع کے ساتھ ساتھ کونسل برائے اقتصادی اور ترقیاتی امور کے چیئرمین کے فرائض انجام دے رہے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سعودی شہزادے محمد بن سلمان خیریت سے ہیں: سعودی ذرائع کا دعویٰ

    سعودی شہزادے محمد بن سلمان خیریت سے ہیں: سعودی ذرائع کا دعویٰ

    ریاض: سعودی شہزادے محمد بن سلمان سے متعلق تمام افواہیں دم توڑ گئیں، ذرائع کا کہنا ہے کہ محمد بن سلمان خیریت سے ہیں اور معمول کے مطابق امور مملکت ادا کر رہے ہیں۔

    تصیلات کے مطابق سعودی ولی عہد شہزاد محمد بن سلمان کے منظر عام سے مسلسل غائب رہنے کے بعد ایرانی میڈیا نے یہ دعویٰ کیا تھا کہ گزشتہ ماہ سعودی عرب میں بغاوت کی کوشش کے دوران شہزادہ محمد بن سلمان قتل ہوچکے ہیں، یہی وجہ ہے کہ وہ عالمی منظر نامے سے غائب ہیں۔

    سعودی عرب کے معتبر ذرائع نے اب یہ دعویٰ کیا ہے کہ ولی عہد شہزادہ محمد بن سلمان خیریت سے ہیں اور وہ معمول کے مطابق امور مملکت ادا کر رہے ہیں، ولی عہد محمد بن سلمان سے متعلق منفی خبروں میں کوئی صداقت نہیں ہے، ان کی ہلاکت کی خبریں بھی بے بنیاد ہیں۔

    محمد بن سلمان طویل غیر ملکی دورے کے بعد ملک واپس پہنچ گئے

    بین الاقوامی تعلقات کے ماہرین اور مبصرین کا خیال ہے کہ شہزادہ محمد بن سلمان امریکا میں فلسطین مخالف بیانات کے بعد سے سعودی عرب میں منظر عام پر نہیں آرہے، جلد دوبارہ اپنی بیرونی سرگرمیوں کا آغاز کریں گے۔

    امریکی صدر کا داماد میری جیب میں ہے‘محمد بن سلمان

    خیال رہے کہ ایک ماہ قبل سعودی حکام کی جانب سے جاری کردہ بیان میں کہا گیا تھا کہ  21 اپریل کو ریاض کے شاہی محل کے قریب ایک ڈرون دیکھا گیا تھا جس پر شاہی محافظوں نے فائرنگ کی تھی ، حکام کے مطابق اس واقعے میں سعودی شاہ سلمان کو بھی محفوظ مقام پر منتقل کیا گیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ’ نجات مفتاح‘ … تھیٹرمیں کام کرنے والی روایت شکن پہلی سعودی خاتون

    ’ نجات مفتاح‘ … تھیٹرمیں کام کرنے والی روایت شکن پہلی سعودی خاتون

    ریاض : روایت پسند سعوی عرب میں پہلی مرتبہ کسی خاتون نے تھیٹر پر کام کرکے سب کو حیران کردیا ہے، ولی عہد شاہ محمد بن سلمان کے وژن 2023 کے تحت مملکت روشن خیالی اور جدیدیت کی جانب گامزن ہے.

    تفصیلات کے مطابق سعودیہ عرب میں نجات مفتاح نامی اداکارہ نے اسٹیج ڈرامے میں اداکاری کے جوہر دکھا کر قدامت پسندی کی زنجیروں کو توڑ دیا ہے اور عوامی تھیٹر میں کام کرنے والی پہلی سعودی خاتون کا اعزاز حاصل کرنے میں کامیاب ہو گئی ہیں.

    عرب میڈیا کے مطابق نجات مفتاح نے تھیٹر میں پیش کیے جانے والے ڈرامے حیات الامبرا طور میں اہم کردار ادا کر کے شائقین کے دل جیت لیے اور تھیٹر دیکھنے والے افراد نے اداکارہ کی صلاحیتوں کو سراہتے ہوئے اس نئے اضافے پر خوشی کا اظہار کیا.

    نجات مفتاح جو آئی ٹی کے شعبے سے منسلک ہیں اور شوقیہ طور پر اداکاری کرتی ہیں نے میڈیا سے گفتگو میں بتایا کہ اسکول اسٹیج ڈراموں میں پرفارم کرتی رہی ہیں لیکن تاہم عوامی تھیٹر میں اتنے لوگوں کے سامنے اداکاری کے جوہر دکھانے کا کبھی سوچا بھی نہیں تھا.

    نجات مفتاح کا کہنا تھا کہ دنیا کو نئے اور روشن خیال سعودیہ عرب سے روشناس کرانے کے لیے اپنی سی کوشش کی ہے جس کے لیے والدین کی حوصلہ افزائی اور قدم قدم پر معاونت حاصل رہی جس کے بغیر یہ سب ناممکن نہ تھا چنانچہ میں والدین اور اپنے اساتذہ کی شکر گزار ہوں.

    خیال رہے کہ حیات الامبرا طور یعنی شہنشاہ کی زندگی نامی ڈرامہ 2017 سے اب تک چار مرتبہ جدہ میں پیش کیا جا چکا ہے تاہم پہلی مرتبہ اس میں ایک خاتون اداکارہ کو کاسٹ میں شامل کیا گیا ہے جب کہ اس سے پہلے یہ کردار بھی ایک مرد اداکار نے ادا کیا تھا.

    واضح رہے کہ معیشت کی زبوں حالی کے شکار سعودی عرب کے ولی عہد محمد بن سلمان کے وژن 2023 کے تحت خواتین کو خصوصی رعایت دی جارہی ہے اور اب خواتین گاڑی بھی چلا رہی ہیں، ملازمتیں بھی کر رہی ہیں جب کہ سیاحت اور تجارت کو فروغ دینے کے لیے دبئی طرز کا نیا شہر بھی قائم کیا جارہا ہے.

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کھرب پتی سعودی شہزادے ولید بن طلال کو رہا کر دیا گیا

    کھرب پتی سعودی شہزادے ولید بن طلال کو رہا کر دیا گیا

    ریاض: بدعنوانی کے الزام میں‌ گذشتہ برس گرفتار ہونے والے کھرب پتی سعودی شہزادے ولید بن طلال کو رہا کر دیا گیا ہے.

    تفصیلات کے مطابق گذشتہ برس نومبر میں اینٹی کرپشن کمیٹی کی جانب سے گرفتار کیے جانے والے شہزادوں، وزرا اور امرا کو کروڑوں‌ کی ادائیگی کے بعد دھیرے دھیرے رہا کیا جارہا ہے.

    گذشتہ دنوں پلی بارگین کے بعد جن افراد کو رہا کیا گیا، ان میں دنیا کی امیر ترین شخصیات میں‌ شمار ہونے والے ولید بن طلال بھی شامل تھے، جو اب اپنے گھر پہنچ گئے ہیں.

    یاد رہے کہ گذشتہ برس ولی عہد محمد بن سلمان کی سربراہی میں‌ قائم ہونے والی اینٹی کرپشن کمیٹی نے گیارہ شہزادوں، چار حاضر اور سابق وزرا کو گرفتار کر لیا تھا. گرفتاریوں‌ کا سلسلہ بعد میں‌ بھی جاری رہا اور یہ تعداد 200 تک پہنچ گئی. گرفتار ہونے والے افراد کو دارالحکومت ریاض کے کارلٹن ہوٹل میں رکھا گیا تھا.

    ولید بن طلال کو پہلے مرحلے میں گرفتار کیا گیا تھا، ولیدبن طلال کی گرفتاری سے سعودی اسٹاک مارکیٹ ہل گئی تھی، شہزادے کی کمپنی کےشیئر9.9 فیصد تک گرگئے اور سعودی اسٹاک مارکیٹ 1.5 فیصد تک نیچے آگئی تھی.

    امیرترین شہزادے کی گرفتاری، سعودی اسٹاک مارکیٹ ہل گئی

    بین الاقوامی ذرایع ابلاغ کے مطابق ولید بن طلال لگ بھگ تین ماہ قید رہنے کے بعد اب رہا ہوکر گھر پہنچ گئے ہیں۔ یاد رہے کہ سعودی حکومت سے سمجھوتے کے بعد گرفتار کئے گئے بیشتر شہزادوں اور امرا کو رہا کردیا گیا ہے، البتہ ان سمجھوتے کی تفصیلات سامنے نہیں‌ آئیں.

    شہزادہ طلال نے رہائی کے بعد موقف اختیار کیا کہ ان پر کرپشن کے چارجز عائد نہیں کیے گئے، حکومت اور ان کے مابین کچھ مالی معاملات پر بات ہوئی ہے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب میں کرپشن کےالزام میں 11 شہزادے اور4 وزیرگرفتار

    سعودی عرب میں کرپشن کےالزام میں 11 شہزادے اور4 وزیرگرفتار

    ریاض : سعودی عرب میں کرپشن کے الزام میں گیارہ شہزادے، چارموجودہ اور سابق وزرا کوحراست میں لے لیا گیا ہے۔

    تفصیلات کے مطابق سعودی عرب میں نئی اینٹی کرپشن کمیٹی نے گیارہ شہزادوں، 4 موجودہ اورسابق وزرا کو کرپشن کے الزام میں گرفتار کرلیا۔

    عرب میڈیا کے مطابق یہ گرفتاریاں اس اینٹی کرپشن کمیٹی کی تشکیل کے چند گھنٹوں بعد ہی کی گئی ہیں جس کے سربراہ ولی عہد محمد بن سلمان ہیں۔

    سعودی عرب میں بڑے پیمانے پر گرفتاریاں ولی عہد محمد بن سلمان کی زیر صدارت سعودی عرب کی اینٹی کرپشن کمیٹی کے فیصلے کے بعد کی گئیں۔

    سعودی عرب: کرپشن پر وزرا کو 10 سال قید کا حکم

    اینٹی کرپشن کمیٹی نے یہ بھی اعلان کیا ہے کہ وہ 2009 میں جدہ میں آنے والے سیلاب کی فائل بھی دوبارہ کھول رہی ہے جبکہ کورونا وائرس کی بھی تحقیقات کی جائیں گی۔

    سعودی گزٹ کے مطابق اس نئی کمیٹی کے پاس کرپشن کرنے والے افراد کے خلاف تحقیقات، گرفتار کرنے اور سفری پابندیاں لگانے کے ساتھ ساتھ اثاثے منجمد کرنے کا اختیار بھی ہے۔

    دوسری جانب سعودی عرب کے فرمانروا شاہ سلمان نے وزیر نیشنل گارڈ اور نیول چیف کو ان کے عہدوں سے برطرف کردیا۔

    ریاض، حوثی باغیوں کا ایئرپورٹ پر میزائل حملہ

    سعودی فرما نروا شاہ سلمان کے رات گئے جاری کردہ شاہی فرمان کے تحت نیشنل گاڑدز کے وزیر شہزادہ متعب بن عبداللہ کو ان کے عہدے سے ہٹاکر خالد بن عبدالعزیزکو نیشنل گارڈز کا نیا وزیرمقررکردیا گیا۔

    وزیراقتصادیات ومنصوبہ بندی عادل فقہی کو ان کے عہدے سے برطرف کرکے ان کی جگہ محمد بن مزیاد التویجری کو وزیرمالیات اور پلاننگ کا قلمدان سونپ دیا گیا ہے۔

    شاہی فرمان کے تحت نیول چیف ایڈمرل عبداللہ بن سلطان کو ان کے عہدے سے سکبدوش کرکے وا ئس ایڈمرل فہد بن عبداللہ الغفیلی کو بحریہ کا سربراہ بنا دیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سعودی عرب ایران تنازعے کومذاکرات سےحل کرنےکےخواہاں ہیں،وزیراعظم

    سعودی عرب ایران تنازعے کومذاکرات سےحل کرنےکےخواہاں ہیں،وزیراعظم

    اسلام آباد : سعودی وزیر دفاع اور نائب ولی عہد شہزادہ محمد بن سلمان اور وز یراعظم میاں نواز شریف کے درمیان اسلام آباد میں ملاقات ہوئی،ملاقات میں پاک سعودی عرب تعلقات اورمشرق وسطیٰ میں امن و امان سمیت خطے کی موجودہ صورتحال پرتبادلہ خیال کیا گیا۔

    وزیر اعظم ہاوس میں ہونے والی ملاقات میں سعودی عرب اور ایران کشیدگی پر بھی تفصیلی گفتگو ہوئی۔

    اس موقع پر وزیر اعظم میاں نواز شریف نے کہا کہ پاکستان سعودی عرب کے ساتھ تعلقات کوقدرکی نگاہ سےدیکھتاہے۔

    سعودی عرب اور ایران کے درمیان تنازعے کومذاکرات کےذریعےحل کرنےکےخواہاں ہیں،وزیراعظم پاکستان کا کہنا تھا کہ اوآئی سی کےکردارکومزید فعال بنانےکی ضرورت ہے،ہم مسلم ممالک میں ہم آہنگی کےفروغ کیلئےکردار ادا کرتےرہینگے۔

    اس موقع پر سعودی وزیر دفاع نے کہا کہ پاکستان سعودی عرب کیلئےاہمیت کاحامل ملک ہے اور پاکستان نے مشکلوقت میں ہمیشہ سعودی عرب کا ساتھ دیا۔

  • سعودی وزیردفاع شہزادہ محمد بن سلمان اسلام آباد پہنچ گئے

    سعودی وزیردفاع شہزادہ محمد بن سلمان اسلام آباد پہنچ گئے

    اسلام آباد : سعودی نائب ولی عہد شہزادہ محمد بن سلمان پاکستان پہنچ گئے، ایئر پورٹ پر خواجہ آصف اور سرتاج عزیز نے ان کا استقبال کیا۔

    تفصیلات کے مطابق سعودی نائب ولی عہد اور وزیر دفاع شہزادہ محمد بن سلمان دورہ پاکستان پر اسلام آباد پہنچ گئے ہیں۔

    نور خان ایئربیس پر وفاقی وزیر دفاع خواجہ آصف ، مشیر خارجہ سرتاج عزیز نے شہزادہ محمد بن سلمان کو خوش آمدید کہا، سعودی نائب ولی عہد وزیراعظم نواز شریف اور آرمی چیف جنرل راحیل شریف سے اہم امور پر تبادلہ خیال کریں گے۔

    ذرائع کے مطابق ملاقاتوں میں دو طرفہ دفاعی تعلق ،دہشت گردی کے خلاف جنگ ،سعودی اتحاد اور مشرق وسطیٰ کی صورتحال سمیت اہم معاملات پر بات چیت کی جائے گی۔

    علاوہ ازیں سعودی وزیردفاع کی آمد سے قبل وزیراعظم نواز شریف سے نیشنل سیکیورٹی ایڈوائزر ناصر جنجوعہ نے ملاقات کی اور ومی سلامتی کے اہم امور پر تبادلہ خیال کیا۔

    واضح رہے کہ دوروز قبل سعودی وزیرخارجہ عادل ابن الجبیر بھی پاکستان کا دورہ کرچکے ہیں۔ سعودی عرب میں شیعہ عالمِ دین شیخ باقرالنمرکی سزائے موت پرعمل درآمد کے نتیجے میں ایران کی جانب سے انتہائی سخت ردعمل کا مظاہرہ کیاگیا تھا جس کے بعد سے مشرقِ وسطیٰ میں کشیدگی کی نئی لہردوڑگئی ہے.