Tag: محمد حسنین

آسٹریلیا کی بگ بیش لیگ میں پاکستانی کرکٹر اسامہ میر کے بعد فاسٹ بولر محمد حسنین نے بھی اپنی ٹیم سڈنی تھنڈر کو جوائن کرلیا ہے۔

سڈنی تھنڈرنے محمد حسنین کواوورسیز ری پلیسمنٹ  کےطور پر  لیگ کے بقیہ میچز کے لئے سائن کر لیا۔ سڈنی تھنڈر نے لوکی فرگوسن اور شرفین ردرفرڈ کی جگہ حسنین اور جارج گارٹن کو شامل کیا۔ لوکی  فرگوسن اور شرفین ردرفورڈ  آئی ایل ٹی ٹوئنٹی میں شرکت  کے لئے چلے گئے ہیں۔

سڈنی تھنڈر کے جنرل منیجر ٹرینٹ کوپ لینڈ نے محمد حسین کی واپسی پر اعتماد کا اظہار کرتے ہوئے کہا کہ حسنین، فرگوسن کی کمی کو پورا کرنے میں اہم کردار ادا کریں گے۔

واضح رہے کہ محمد حسنین اس سے قبل بھی سڈنی تھنڈر کا حصہ رہ چکے ہیں، محمدحسنین نے بیگ بیش سیزن 2021-22 میں سڈنی تھنڈرز کی نمائندگی کی تھی۔

خیال رہے کہ سڈنی تھنڈرز کی نمائندگی کرتے ہوئے 2021 سیزن میں محمد حسنین کا بولنگ ایکشن رپورٹ ہوا تھا، محمدحسنین بولنگ ایکشن کلیئر ہونے کے بعد پہلی بار بی بی ایل میں ان ایکشن ہوں گے۔

فیصل آباد: چیمپئنز ون ڈے کپ کا اختتام پینتھرز کی جیت کے ساتھ ہوگیا، ایونٹ کے سب سے کامیاب بولر اور بیٹر کا نام بھی سامنے آگیا۔

چیمپئنز ون ڈے کپ کے دلچسپ اعداد و شمار جاری کیے گئے ہیں جس کے مطابق پینتھرز کے محمد حسنین نے ٹورنامنٹ میں تہلکہ مچاتے ہوئے سب سے زیادہ 17 وکٹیں اپنے نام کیں جبکہ پینتھرز کے ہی بیٹر عثمان خان نے ایونٹ میں سب سے زیادہ 272 رنز بنائے۔

ٹرافی کے لیے ہونے والے مقابلے میں آل راؤنڈ کارکردگی کا مظاہرہ کرنے والے پینتھرز کے ساجد خان کو فائنل کا ہیرو قرار دیا گیا۔

ایونٹ میں شاندار بولنگ کرنے والے پینتھز کے محمد حسنین پلیئر آف دی ٹورنامنٹ قرار پائے، محمد حسنین نے ایونٹ میں سب سے زیادہ17 بیٹرز کو پویلین بھیجا۔

یہ بات بھی قابل ذکر ہے کہ رنراپ مارخورز نے افتتاحی میچ میں پینتھرز کو شکست دی تھی، تاہم پینتھرز نے کوالیفائر اور فائنل میں مارخورز کو ہرا کر بدلہ چکا دیا۔

پاکستان کرکٹ ٹیم کے نوجوان فاسٹ بولر محمد حسنین نے بالی وڈ کنگ شاہ رخ خان سے ملاقات کا دلچسپ قصہ سنایا ہے۔

پاکستان کرکٹ ٹیم کے فاسٹ بولر محمد حسنین نے بجی ٹی چینل کے شو میں شرکت کی جہاں میزبان شو کے دوران ان کی شاہ رخ کی وائرل تصویر سے متعلق پوچھا۔

جس پر فاسٹ بولر حسنین نے بتایا کہ ‘ میں 2020 میں سی پی ایل (کیریبیئن لیگ) کھیلنے گیا تھا جس ٹیم سے میں کھیل رہا تھا اس ٹیم کے مالک شاہ رخ خان تھے’۔

محمد حسنین کس کو فلم میں ہیروئن بنائیں گے؟

حسنین نے بتایا کہ ‘شاہ رخ  خان ٹیم کے اونر تھے ہم میچ کھیل رہے تھے تو وہ صرف 3 میچ دیکھنے کے لیے آئے تھے، میچ ختم ہوا تو ہم ڈریسنگ روم میں تھے، کپڑے تبدیل کررہے تھے کہ شاہ رخ خان وہاں آئے، اس وقت میں نے پہلی مرتبہ انہیں دیکھا تھا’۔

فاسٹ بولر محمد حسنین نے کہا کہ ‘مجھے ان سے ملاقات میں بہت مزہ آیا، کیونکہ جسے ہم نے ساری زندگی ٹی وی پر دیکھا ہو اور وہ سامنے آجائیں، تو اچھا لگتا ہے’۔

اس کے علاوہ کرکٹر محمد حسین نے شو میں موجود آڈینس نے سوال کیا کہ آپ شادی کب کررہے ہیں جس پر فاسٹ بولر نے کہا کہ یہ تو نسیم شاہ نے بتادیا ہے کہا کہ ہے شادیوں کا سیزن ختم ہوگیا ہے۔