Tag: محمد رضوان

پاکستان کو پہلے ٹی ٹوئنٹی میں جنوبی افریقہ نے ہرایا مگر اس میچ میں محمد رضوان بطور کپتان ایک منفی ریکارڈ بھی اپنے نام کر گئے۔

ڈربن میں کھیلے گئے پہلے ٹی ٹوئنٹی میچ میں جنوبی افریقہ کے 184 رنز کے ہدف میں پاکستانی ٹیم 172 رنز پر محدود رہی۔ اس میچ میں گرین شرٹس کی جانب سے ٹاپ اسکورر کپتان محمد رضوان رہے جنہوں نے 74 رنز بنائے لیکن یہ رنز ٹیم کے جیت کے کیا کام آتے الٹا ایک منفی ریکارڈ میں شریک کار بنا گئے۔

محمد رضوان نے اس میچ میں 62 گیندوں پر 74 رنز بنائے۔ انہوں نے اپنی نصف سنچری بنانے کے لیے 50 سے زائد گیندیں کھیلیں۔ انہوں نے یہ نصف سنچری 52 گیندوں میں مکمل کی، جو ٹی 20 کرکٹ کی تاریخ میں چوتھی سست ترین نصف سنچری ہے۔

تاہم بطور کپتان وہ پہلے کھلاڑی ہیں جنہوں نے ٹی 20 میں نصف سنچری بنانے کے لیے 50 سے زائد گیندیں کھیلیں اور سب سے سست رفتاری سے نصف سنچری بنانے والے کپتان بن گئے۔

ٹی 20 کی تاریخ میں سست ترین نصف سنچری بنانے کی فہرست میں ٹاپ پر اسکاٹ لینڈ کے بلے باز ریان واٹسن ہیں جنہوں نے آئی سی سی ورلڈ ٹی 20 کوالیفائر میں کینیا کے خلاف 54 گیندوں میں اپنی نصف سنچری مکمل کی۔

بھارت کے سابق اوپنر اور موجودہ کوچ گوتم گمبھیر نے 2012 میں آسٹریلیا کے خلاف 54 گیندوں پر نصف سنچری مکمل اس ریکارڈ میں شریک ہوئے تھے۔

پاکستانی بلے باز شعیب خان نے بھی 2008 میں زمبابوے کے خلاف 53 گیندوں پر نصف سنچری بنائی تھی اور وہ سست ترین نصف سنچری بنانے والے تیسرے بلے باز بنے تھے۔ اب رضوان نے 52 گیندوں پر نصف سنچری بنا کر اس کلب کو جوائن کر لیا ہے۔

تاہم محمد رضوان اس لحاظ سے یہ منفی ریکارڈ بنانے والے اکلوتے کھلاڑی ہیں کہ دیگر مذکورہ دیگر بیٹرز نے صرف کھلاڑی کے طور یہ منفی ریکارڈ بنایا، مگر محمد رضوان نے بطور کپتان یہ ریکارڈ اپنے نام کیا اور یوں وہ سست ترین نصف سنچری بنانے والے پہلے کپتان بن گئے ہیں۔

https://urdu.arynews.tv/mistakes-did-the-pakistani-team-repeat-in-the-first-t20/

پاکستان کرکٹ ٹیم کے کپتان محمد رضوان نے کہا ہے کہ قومی ٹیم نے آسٹریلیا اور زمبابوے میں اچھی پرفارمنس دی ہم جنوبی افریقہ میں بھی جیت کیلیے پر عزم ہیں۔

پاکستان وائٹ بال کرکٹ ٹیم کے کپتان محمد رضوان نے ڈربن میں میڈیا سے گفتگو کرتے ہوئے جیت کے عزم کا اظہار کیا ہے اور کہا ہے کہ قومی ٹیم نے آسٹریلیا اور زمبابوے میں اچھی پرفارمنس دی۔ جنوبی افریقہ کیخلاف سیریز ایک نیا چلینج ہے لیکن ہم یہاں بھی بہترین نتائج کے لیے پر عزم ہیں۔

محمد رضوان نے کہا کہ آسٹریلیا اور زمبابوے کی کنڈیشنز مختلف تھیں، جنوبی افریقہ کی کنڈیشنز الگ ہوں گی۔ کوشش کریں گے آسٹریلیا اور زمبابوے کے تجربے سے یہاں فائدہ اٹھائیں۔

قومی کپتان نے کہا کہ ماضی کی پرفارمنس ہمارے لیے معنی نہیں رکھتیں کیونکہ ہر دن نیا ہوتا ہے اور نئی پرفارمنس دینی ہوتی ہے۔ ہم یہاں سیریز کے لیے آئے ہیں جو چیلنج ضرور ہے لیکن ہمارے نوجوان کھلاڑی باصلاحیت ہیں۔ نئے کھلاڑیوں کو انٹرنیشنل سطح پر کھیلنے کا تجربہ بھی مل رہا ہے۔ جونیئر کھلاڑی سینئرز کے تجربے سے سیکھ رہے ہیں۔

ان کا یہ بھی کہنا تھا کہ بیرون ملک کی کنڈیشنز میں کھیلنا ہمیشہ سے چیلنجنگ ہوتا ہے۔ اس کے برعکس ہوم کنڈیشنز میں فائدہ ہوتا ہے، جہاں فینز اور کراؤڈ کی سپورٹ ملتی ہے۔

واضح رہے کہ پاکستان اور جنوبی افریقہ کے درمیان تین ٹی ٹوئنٹی میچوں پر مشتمل سیریز کا آج سے آغاز ہو رہا ہے۔ پہلا میچ ڈربن میں کھیلا جائے گا۔

پاکستان ٹیم جنوبی افریقہ کے خلاف تین ٹی 20 میچوں پر مشتمل سیریز کھیلنے کے بعد تین ون ڈے اور دو ٹیسٹ میچوں پر مشتمل سیریز بھی کھیلے گی۔

پاکستان کا جنوبی افریقہ میں امتحان کا آغاز، پہلا ٹی 20 میچ آج ہوگا

بلاوایو: پاکستان وائٹ بال کرکٹ ٹیم کے کپتان محمدرضوان عاقب جاوید نے کہا ہےحکمت عملی میں بہت زیادہ تبدیلیاں نہیں کروں گا۔

محمد رضوان نے پریس کانفرنس میں اظہار خیال کرتے ہوئے کہا کہ عاقب جاوید کو کوچنگ کا بڑاوسیع تجربہ حاصل ہے، عاقب جاوید نے پچ کا معائنہ کیا، ان سے بات بھی ہوئی، عاقب جاوید نے کہا ہےحکمت عملی میں بہت زیادہ تبدیلیاں نہیں کروں گا،رضوان

انھوں نے کہا کہ عاقب جاوید پاکستان کے کئی بولرز کے ساتھ کام کرچکے ہیں، پچھلے 2،3 سال سے کپتانی کررہا ہوں، فرنچائزکرکٹ اور انٹرنیشنل کرکٹ کی کپتانی میں فرق ہے۔

قومی کپتان کا کہنا تھا کہ چیمپئنز ٹرافی کیلئے بہترین ٹیم بنانے کی کوشش ہے، جنوبی افریقہ کے دورے تک ٹیم کو بہترین شیپ میں لانا چاہتے ہیں، کسی دوسرے ملک میں جاکر کھیلنا ہمیشہ چیلنج ہوتا ہے۔

انھوں نے کہا کہ ہرکھلاڑی جیسا کھیل رہا ہے وہ خود ایک کپتان ہے، آسٹریلیامیں کھیلی گئی سیریز اب ماضی کا حصہ ہے، ہوم گراؤنڈ سے باہر سیریز کھیل رہے ہیں مگر اعتماد بھرپورہے،

محمدرضوان نے کہا کہ زمبابوے کی ہوم کنڈیشن ہے وہ اسے بہتر سمجھتے ہیں، پروفیشنل کرکٹر کو ہرطرح کی کنڈیشن کیلئے تیار ہونا ہوتا ہے، آسٹریلیا میں جو اعتماد ملا اس سیریز میں بھی فائدہ اٹھائیں گے۔

انھوں نے کہا کہ سینئر کھلاڑیوں کا خلا پُر کرنا اتنا آسان نہیں، اس سیریز میں پاکستان کو کئی مزید سپراسٹار ملیں گے، ون ڈے ٹیم کو اچھے سے اچھا بنانے کی کوشش کررہے ہیں۔

محمدرضوان تمام نوجوان کھلاڑی ڈومیسٹک کے ٹاپ پرفارمرز ہیں، ٹیم میں نوجوان کھلاڑی ہیں، سب کیلئے بڑا موقع ہے۔

پاکستان کے وائٹ بال کپتان محمد رضوان نے کہا ہے کہ لیڈر کی حیثیت سے پہلے آپ قربانی دینا شروع کرتے ہیں اس لیے تیسرے میچ میں بیٹھا۔

کپتان محمد رضوان نے پریس کانفرنس کے دوران آسٹریلیا کے خلاف تیسرا ٹی ٹوئنٹی میچ نہ کھیلنے کے سوال پر کہا کہ بطور کپتان اور لیڈرپہلے آپ قربانی دینا شروع کرتے ہیں، ہم فیوچر اسٹارز کو آزما رہے ہیں تو میں نے سوچا کہ میں ہی ہوں جہاں سےآغاز کروں۔

انھوں نے کہا کہ میں نے میچ نہ کھیلنے کے حوالے سے منیجمنٹ اور کھلاڑیو ں سے بات کی تھی، حسیب اللہ کوپہلے میچ میں زیادہ موقع نہیں ملا تھا لیکن ہمارے لیے ہر میچ اہم ہوتا ہے۔

محمد رضوان نے کہا کہ مستقبل کی پلاننگ کو دیکھتے ہوئے حسیب اللہ کوموقع دینےکا فیصلہ کیا، ون ڈے سیریز میں چیزیں سمجھنے کا موقع ملا، امید ہے کہ چیزیں بہتر ہوجائیں گی، جہانداد خان، حسیب اللہ اورعثمان خان اچھا کھیلے ہیں۔

وکٹ کیپر بیٹر کا کہنا تھا کہ سڈنی کے میچ میں ہم اگر کیچز پکڑتے تو شاید آج چیزیں اور ماحول مختلف ہوتا، ہمارے پاس مڈل آرڈر میں تجربہ کار بیٹر موجود نہیں ہیں۔

قومی ٹیم کے کپتان نے کہا کہ ہمیں بھی معلوم ہےکہ ہمارے کچھ بیٹرزکو مسائل ہیں، ٹی ٹوئنٹی میں چیزوں کوبہترکرنے کے لیے ہمارے پاس وقت ہے۔

خیال رہے کہ وائٹ بال کپتان محمد رضوان نے تیسرا ٹی ٹوئنٹی میچ نہیں کھیلا تھا اور قیادت سلمان علی آغا نے کی تھی تاہم اس مقابلے میں بھی کینگروز نے گرین شرٹس کو شکست فاش دے کر وائٹ واش کیا۔

آسٹریلیا اس وقت ون ڈے ورلڈ کپ کا عالمی چیمپئن ہے اور محمد رضوان پاکستان کی تاریخ کے دوسرے کپتان ہیں جنہوں نے ورلڈ چیمپئن کو ان ہی گھر میں زیر کیا۔

محمد رضوان کی قیادت میں پاکستان ٹیم نے آسٹریلیا کو اس کی سر زمین پر دو، ایک سے ون ڈے سیریز میں شکست دے دی۔ یہ 22 سال بعد پاکستان کی آسٹریلوی سر زمین پر ون ڈے سیریز میں فتح ہے۔

 

View this post on Instagram

 

A post shared by Pakistan Cricket (@therealpcb)

2002 میں جب وقار یونس کی قیادت میں گرین شرٹس نے آسٹریلیا کو اسی کے گھر میں مات دی تھی تب بھی آسٹریلیا ون ڈے کا عالمی چیمپئن تھا اور آج جب کینگروز کو شاہینوں نے ہرایا ہے، تب بھی آسٹریلیا ورلڈ چیمپئن ہے۔

پاکستان اور آسٹریلیا کے درمیان یہ کینگروز کے دیس میں پانچویں ون ڈے سیریز تھی۔ تین سیریز میں میزبان جب کہ دو سیریز میں مہمان ٹیم فاتح رہی۔

2002 کے بعد 2010 میں پاکستان ٹیم نے محمد یوسف کی قیادت میں آسٹریلیا کا دورہ کیا۔ لگاتار چار میچز میں ناکامی کے بعد آخری میچ میں شاہد آفریدی نے قیادت کی لیکن نتیجہ نہ بدل سکا اور گرین شرٹس وائٹ واش ہوئی۔

رواں سیریز سے قبل آخری بار قومی ٹیم نے 2017 میں اظہر علی کی کپتانی میں آسٹریلیا میں قدم رکھے، لیکن ان کے زخمی ہو جانے کے باعث محمد حفیظ نے یہ ذمے داری نبھائی۔ پہلا میچ جیتے اور اگلے تینوں میچ ہار کر سیریز ایک، صفر سے گنوائی۔

https://urdu.arynews.tv/pak-australia-series-haris-rauf-maxwell/