Tag: محمد رضوان

پاکستانی کپتان محمد رضوان ایک قدم دور رہ کر کرکٹ کی تاریخ کا عالمی ریکارڈ بناتے بناتے رہ گئے تاہم وہ لیجنڈ وکٹ کیپرز کے ہم پلہ ہو گئے۔

ایڈیلیڈ میں کھیلے جا رہے دوسرے ون انٹرنیشنل میں پاکستانی بولرز نے آسٹریلیا جیسی مضبوط ٹیم کو صرف 163 رنز پر ڈھیر کر دیا۔ اس میں جہاں فاسٹ بولرز کی محنت کارفرما رہی وہیں وکٹوں کے عقب میں کپتان محمد رضوان کی چابک دستی نے بھرپور کردار ادا کیا۔

محمد رضوان نے اس ون ڈے انٹرنیشنل میں وکٹوں کے عقب میں چھ کیچز دبوچ کر کھلاڑیوں کو پویلین کا راستہ دکھایا۔ اس کارکردگی کے ساتھ ہی انہوں نے ایک ون ڈے میچ میں وکٹوں میں چھ شکار کرنے کا ریکارڈ برابر کر دیا۔

اس سے قبل 8 کرکٹرز ایک میچ میں 6 کیچز لینے کا کارنامہ انجام دے چکے ہیں۔ اگر محمد رضوان، ایڈم زمپا کا کیچ ڈراپ نہ کرتے تو سات شکار کے ساتھ وہ عالمی ریکارڈ بنا لیتے۔

انہوں نے کینگرو کپتان پیٹ کمنز سمیت اسٹیو اسمتھ، جوش انگلس، مارنس لبھوشن، ایرون ہارڈی اور مچل اسٹارک کا وکٹوں کے پیچھے شکار کیا۔ ان میں سے چار شکار حارث رؤف کی گیندوں پر جب کہ ایک ایک حسنین اور نسیم شاہ کی گیندوں پر کیا۔

محمد رضوان سے قبل ا یڈم گلکرسٹ، مارک باؤچر، ایلک اسٹیورٹ، میٹ پرائیر، جوز بٹلر، سرفراز احمد، کوئنٹن ڈی کاک اور میتھیو کراس بھی ایک میچ میں 6 کیچ کر چکے ہیں۔

https://urdu.arynews.tv/second-one-day-australia-all-out-163-against-pakistan-adelede/

پاکستان کے سابق کرکٹر کا ماننا ہے کہ یہ نہ سمجھا جائے کہ پاکستان کرکٹ بورڈ کی اعلیٰ انتظامی وکٹ کیپر بیٹر محمد رضوان سے خوش ہے۔

سابق کرکٹر مدثر نذر خیال ہے کہ پی سی بی کے پاس اب ٹیم کی قیادت کے لیے واحد آپشن رہ گیا ہے، انھوں نے کہا کہ اس وقت کرکٹ بورڈ کے پاس کوئی چوائس نہیں رہی انھوں نے محمد رضوان کے علاوہ سب کو آزمالیا ہے، انھیں رضوان کو کپتان بنانا پڑے گا،

مدثر نذر نے کہا کہ ویسے مجھے نہیں لگتا کہ اندرونی حلقے اور بورڈ کی اعلیٰ انتظامیہ رضوان سے بہت خوش ہیں، لیکن وہ اسے منتخب کرنے پر مجبور ہوجائیں گے۔

انھوں نے کہا کہ اگر وہ کسی نوجوان کھلاڑی کو منتخب کرتے ہیں تو یہ وہی صورتحال بن جائے گی جیسے کہ بابر اعظم کے ساتھ ہوئی تھی،

سابق پاکستانی کرکٹرت مدثر نذر نے کہا کہ کسی سینئر کو کپتان بنایا جائے اور پھر اس کے انڈر میں کسی کو تیار کیا جائے، پاکستان کے لیے بہتر ہوگا کہ تینوں فارمیٹس کے لیے رضوان کو کپتان بنایا جائے۔

خیال رہے کہ بابر اعظم کے وائٹ بال ٹیم کی کپتانی سے مستعفی ہونے کے بعد محمد رضوان مضبوط امیدوار کے طور پر سامنے آئے مگر اب تین نئے نام بھی سامنے آگئے ہیں۔

رپورٹس کے مطابق بابر اعظم کی جگہ ون ڈے اور ٹی ٹوئنٹی ٹیم کی کپتانی کے لیے اب جارح مزاج اوپنر فخر زمان، ٹیسٹ ٹیم کے نائب کپتان سعود شکیل اور آل راؤنڈر سلمان علی آغا کا نام گردش کررہا ہے۔

بابر اعظم کے دوست اور سابق اوپننگ پارٹنر محمد رضوان نے اسٹار بیٹر کی شادی سے متعلق مداحوں کو خوشخبری سنادی۔

ایک انٹرویو کے دوران ملتان سلطانز کے قائد نے انکشاف کیا کہ شاداب خان اور شاہین شاہ کو میں نے ہی شادی کرنے کا کہا تھا، اب بابر بھی جلد ہی شادی کے خوبصورت بندھن میں بندھنے والے ہیں۔

اپنی اور سابق قومی قائد کی دوستی کے بارے میں بتاتے ہوئے انھوں نے کہا کہ میری ان سے بہت دوستی ہے۔ میں اور بابر ایک دوسرے سے زندگی کے مختلف پہلوؤں پر صلاح مشورے بھی کرتے ہیں۔

محمد رضوان کا کہنا تھا میاں بیوی کا رشتہ اللہ پاک نے بہت مقدس بنایا ہے، میں چاہتا ہوں ایمانی صفات جلد پوری ہو جائیں کیوں کہ شادی کرنا اللہ رب العزت کا حکم ہے۔

رضوان نے انکشاف کیا کہ میں اور بابر اعظم اور ایک دوسرے سے سیکھتے رہتے ہیں۔ کسی اور کے کمرے میں جانے سے پہلے میسج کرتے ہیں لیکن ہم دونوں کسی بھی وقت ایک دوسرے کے کمرے میں چلے جاتے ہیں۔

سابق نمبر ون ٹی ٹوئنٹی بیٹر کا ماننا ہے کہ ڈومیسٹک کرکٹ میں کافی عرصے سے بولرز آ رہے ہیں، ملتان سلطانز کی طرف سے احسان اللّٰہ، آصف علی، محمد علی ابھر کر سامنے آئے، ایک زمانہ تھا جب لاہور، کراچی اور سیالکوٹ سے کھلاڑی ملتے تھے۔

رضوان نے کہا کہ پشاور اور خیبر پختونخوا میں کلب کرکٹ کا معیار بہت بلند ہے، رات کو پاکستان کا میچ کھیل کر آتے ہیں اور صبح کلب کا میچ بھی کھیلتے ہیں۔

انھوں نے کہا کہ کلب کرکٹ مضبوط ہونے کی وجہ سے خیبر پختونخوا کی کرکٹ ترقی کر رہی ہے، صوبے کے کرکٹرز بہت محنتی ہیں۔

محمد رضوان نے ملتان سلطانز کے کوچ عبد الرحمان کو آج کل اعتماد حاصل کرنے کے لیے دیکھتا ہوں، عبد الرحمان کو خیبر پختونخوا کا کوچ بننے پر دھمکیاں بھی ملیں۔

قائد ملتان سلطان نے کہا کہ دینِ اسلام ہر کام میں نمبر ون بننے کی تعلیم دیتا ہے، پاکستانی نوجوانوں کو پیغام ہے کہ نمبر ون بننے کی کوشش کریں، اگر ہر نوجوان ایمانداری سے کام کرے تو ایسا ہو ہی نہیں سکتا کہ پاکستان ترقی نہ کرے۔

وکٹ کیپر بیٹر نے بتایا کہ انھوں نے اسلامیہ کالج سے انٹر تک تعلیم حاصل کی ہے، مزید تعلیم حاصل کرنے کی کوشش کی لیکن کرکٹ کی وجہ سے آگے تعلیم جاری نہیں رکھ پایا۔