Tag: محمد رضوان

موجودہ دور میں محمد رضوان اور سرفراز احمد میں سے معین خان کا فیوریٹ وکٹ کیپر بیٹر کون ہے، اس حوالے سے سابق کپتان نے ایک انٹرویو میں کھل کر اظہار خیال کیا ہے۔

اسپورٹس شو کے دوران معین خان سے سوال کیا گیا تھا کہ آج کل کے دور میں کون سے وکٹ کیپر ان کے فیوریٹ ہیں اور کیوں ہیں، جس کے جواب میں پاکستان کرکٹ ٹیم کے سابق کپتان کا کہنا تھا کہ آج کل کی کرکٹ میں انھیں رضوان بہت پسند ہے جس طرح وہ کھیل رہا ہے۔ پیچھے آپ جائیں تو سرفراز بہت عمدہ وکٹ کیپر بیٹر تھے۔

معین خان نے مزید کہا کہ تاہم میں سمجھتا ہوں کہ دنوں کی ترجیح ابھی بھی وکٹ کیپنگ ہی ہے اور آپ ان دونوں سے بھی پوچھیں گے تو وہ بھی یہی کہیں گے۔ میں یہ بات اعظم کو بھی سمجھاتا ہوں کہ کیپنگ پر فوکس کرو۔

انھوں نے کہا ک آج کے دور میں ان دونوں کے علاوہ اگر آپ تھوڑا اور پیچھے جائیں تو ایم اس دھونی مجھے بہت پسند تھے، انھوں نے بھارت کے لیے زبردست پرفارمنس دی ہے وکٹ کیپر نے اپنے ملک کو بڑے بڑے ٹورنامنٹس جتوا دیے ۔

View this post on Instagram

A post shared by ASports (@asportstv.pk)

وہ ایک ایسے پلیئر تھے جو وکٹ کیپنگ، بیٹنگ اور کپتانی کے ساتھ ساتھ ٹیم میں ایک انقلاب لے کر آئے وہ جو کہ بے مثال ہے۔

انھوں نے کہا کہ اگر اس سے بھی پہلے کی بات کریں تو جن کو دیکھ کر میں نے کرکٹ شروع کی جیسے وسیم باری، سلیم یوسف، ای این ہیلی اور کرن مورے میرے فیوریٹ تھے۔

کولمبو: قومی کرکٹ ٹیم کے سابق کپتان سرفراز احمد کولمبو ٹیسٹ میں ہیلمٹ پر گیند لگنے باعث ’’ریٹائرڈ ہرٹ‘‘ ہوگئے جس کے بعد محمد رضوان کو ٹیم میں شامل کرلیا گیا۔

کولمبو میں کھیلے جارہے پاکستان اور سری لنکا کے خلاف سیریز کے دوسرے اور آخری ٹیسٹ میچ کے تیسرے روز وکٹ کیپر بیٹر سرفراز احمد بیٹنگ کیلئے آئے تو فاسٹ بولر اسیتھا فرنینڈو باؤنسر کیا جو انکے سر پر لگا۔

بال لگنے کے باعث وہ زخمی ہوگئے، وکٹ کیپر بلے باز سرفراز احمد کو سر کو ممکنہ شاک لگنے کی وجہ سے ہچکچاہٹ کی حالت میں ہونے کے سبب میدان سے باہر  لے جایا گیا۔

کولمبو ٹیسٹ: عبداللہ شفیق نے ڈبل سنچری جڑ دی، پاکستان کمانڈنگ پوزیشن میں آگیا

پاکستان ٹیم مینجمنٹ نے میچ ریفری سے سرفراز کی جگہ محمد رضوان کو کھلانے کی درخواست کی تھی، میچ ریفری ڈیوڈ بون نے ٹیم مینجمنٹ کی درخواست منظور کرلی۔

کولمبو میں جاری دوسرے اور آخری ٹیسٹ کے بقیہ میچ میں محمد رضوان ایکشن میں نظر آئیں گے، سرفراز احمد  22 گیندوں پر 14 رنز بنا کر ناٹ آؤٹ رہے تاہم ان کی جگہ کنکشن قانون کے تحت محمد رضوان کی بیٹنگ جاری ہے۔

کراچی: قومی کرکٹ ٹیم کے وکٹ کیپر و بیٹسمین محمد رضوان  نے کہا کہ پانچویں نمبر کی پوزیشن پر کھیلنے  میں خوش نہیں ہوں۔

کراچی میں نیوز کانفرس کرتے ہوئے قومی کرکٹ ٹیم کے وکٹ کیپر و بیٹسمین محمد رضوان نے کہا کہ ہر میچ ہمارے لیے اہم ہے، اگر کوئی غلطی ہوتی ہیں تو بھلا کر آگے بڑھتے ہیں، ہمارا فوکس صرف سیریز جیتنے پر ہے۔

محمدرضوان کا کہنا تھا کہ ہم سب پروفیشنل ہیں اس لیے ہر پوزیشن پر کھیلنے کیلئے تیار رہنا چاہئے، ہر پوزیشن پر کھلاڑی کی ڈیمانڈ ہوتی ہے۔

انہوں نے کہا کہ پانچویں نمبر کی پوزیشن پر کھیلنے میں خوش نہیں ہوں، میں چوتھے نمبر پر کھیلنا چاہتا ہوں لیکن اس سے کوئی فرق نہیں پڑتا کیونکہ ہماری ٹیم چاہتی ہے کہ میں پانچویں نمبر پر بیٹنگ کروں، ضروری نہیں کہ جو میں چاہتا کپتان اور کوچ بھی وہ ہی چاہیں ۔

وکٹ کیپر کا مزید کہنا تھا کہ کراچی کی وکٹ مختلف بنی ہوئی ہیں، ہمارا مقصد صرف جیت ہے، سب جانتے ہیں ون ڈے میں زیادہ رنز بن رہے ہیں، کنڈیشنز کو سمجھنا ہمارے لیے اہمیت رکھتا ہے۔

قومی کرکٹ ٹیم کے کھلاڑی کا کہنا تھا کہ تنقید کرنے والوں پر خوشی ہوتی ہے، میں کسی سے کوئی گلہ  شکوہ نہیں کرتا۔

راولپنڈی: نیوزی لینڈ کے خلاف تیسرے ٹی ٹوئنٹی میچ میں وکٹ کیپر بیٹر محمد رضوان کو آرام دیے جانے کا امکان ہے۔

ذرائع کے مطابق محمد رضوان کمر کی تکلیف سے چھٹکارا اب تک نہیں پاسکے، ان کی کمر کی تکلیف کا آج پھر جائزہ لیا جائے گا جس کے بعد رضوان کو کھلانے یانہ کھلانے کا فیصلہ ہوگا۔

ذرائع کا کہنا ہے کہ محمد رضوان کی جگہ پلیئنگ الیون میں محمد حارث شامل ہوں گے تاہم رضوان کی تکلیف سنجیدہ نوعیت کی نہیں ہے لیکن انہیں احتیاطی طور پر آرام دیا جاسکتا ہے۔

محمد رضوان زخمی، کل کا میچ کھیلیں گے یا نہیں؟

واضح رہے کہ دوسرے ٹی ٹوئنٹی میچ میں سویپ کرتے ہوئے محمد رضوان کی کمر میں کھچاؤ پڑا تھا جس کے بعد ان کی جگہ محمد حارث نے فیلڈنگ کی تھی۔

پاکستان اور نیوزی لینڈ کے درمیان تیسرا ٹی ٹوئنٹی میچ آج کھیلا جائے گا، یاد رہے کہ پاکستان کو پانچ میچز کی سیریز میں دو صفر کی برتری حاصل ہے۔