Tag: محمد شامی

مودی حکومت کی جانب سے انڈین کرکٹ ٹیم کے فاسٹ بولر محمد شامی کو بڑا اعزاز دینے کا اعلان کیا گیا ہے۔

بھارتی ذرائع ابلاغ کے مطابق ورلڈکپ میں شاندار پرفارمنس کا مظاہرہ کرنے والے محمد شامی کو ارجن ایوارڈ سے نوازنے کا فیصلہ کیا گیا ہے۔ بھارتی وزارت کھیل نے بدھ کو اس بات کا اعلان کیا ہے۔

محمد شامی کو بھارت کے دوسرے سب سے بڑے کھیلوں کے ایوارڈ ’ارجن ایوارڈ‘ سے نوازا جائیگا۔ مرکزی وزارت برائے کھیل نے 20 دسمبر کو نیشنل اسپورٹس ایوارڈ کے لیے پلیئرز کے ناموں کی فہرست جاری کی۔

ارجن ایوارڈ کے لیے محمد شامی سمیت 26 دیگر کھلاڑیوں کا نام شامل کیا گیا ہے۔ تمام کھلاڑیوں کو بھارت کے صدر راشٹرپتی بھون میں 9 جنوری 2024 کو منعقد ہونے والی تقریب میں ایوارڈ سے نوازیں گے۔

واضح رہے کہ آئی سی سی کرکٹ ورلڈکپ کپ 2023 میں محمد شامی نے بہترین کارکردگی کا مظاہرہ کیا تھا اور 24 وکٹیں حاصل کی تھیں۔

राष्ट्रीय खेल पुरस्कारों का ऐलान, मोहम्मद शमी को मिलेगा अर्जुन अवॉर्ड

◆ बैडमिंटन की स्टार जोड़ी चिराग शेट्टी और सात्विकसाईराज रंकीरेड्डी को मिलेगा खेल रत्न #MohammadShami #Shami | #KhelRatna pic.twitter.com/PHDNEOfRQF

— News24 (@news24tvchannel) December 20, 2023

بی سی سی آئی نے محمد شامی کا نام ایوارڈ کے لیے نامزدگی کی آخری تاریخ ختم ہونے کے بعد بھیجا گیا تھا۔ بی سی سی آئی نے خصوصی سفارش کے ساتھ ان کا نام وزارت کھیل کو بھیجا تھا۔

دوسری طرف بھارتی کی نمبر ون مینز ڈبلز بیڈمنٹن جوڑی ساتوک اور چراغ کو کھیل رتن ایوارڈ دینے کا بھی فیصلہ کیا گیا ہے۔ کھیل رتن ہندوستان کا سب سے بڑا کھیل ایوارڈ ہے۔

آئی سی سی ورلڈ کپ 2023 میں ہوم گراؤنڈ میں آسٹریلیا سے ہار کے بعد محمد شامی نے مایوسی کا اظہار کیا ہے۔

احمد آباد کے نریندر مودی اسٹیڈیم میں آسٹریلیا کے خلاف ورلڈ کپ فائنل میں عبرتناک شکست کے بعد محمد شامی نے اپنی مایوسی کا اظہار کیا اور کہا کہ کاش ہم 300 رنز بنا لیتے۔

فاسٹ بولر محمد شامی  نے ٹیم کی ناقص کارکردگی پر کہا کہ اگر ہماری ٹیم 300 رنز بنا لیتی تو ہم کامیابی سے دفاع کر لیتے، ہمارے پاس زیادہ رنز نہیں تھے۔

محمد شامی کا کہنا تھا کہ لیکن میں کسی ایک چیز پر الزام لگانا درست نہیں سمجھتا، ہمیں یہ دیکھنا ہوگا کہ بطور ٹیم ہم کہاں کھڑے ہیں، ایک یونٹ کے طور ہر ہمیں اس پر محنت کرنی ہوگی۔

واضح رہے کہ آسٹریلیا نے آئی سی سی ایونٹ کے فائنل میں بھارت کو اس کی سرزمین پر باآسانی شکست دی تھی۔ کینگروز نے حتمی مقابلے میں بھارتی بیٹرز اور بولرز کی ایک نہ چلنے دی تھی اور انھیں تمام شعبوں میں آؤٹ کلاس کرتے ہوئے ریکارڈ چھٹی بار ٹرافی اپنے نام کی تھی۔

فائنل میں ہار کے بعد بھی محمد شامی کے لیے ورلڈ کپ خاص رہا، آئی سی سی کرکٹ ورلڈ کپ میں انہوں نے سب سے زیادہ 24 وکٹیں حاصل کی تھیں۔

ورلڈکپ 2023 میں سب سے زیادہ وکٹیں لینے والے بھارتی فاسٹ بولر محمد شامی نے پاکستانی کرکٹرز کو تنقید کا نشانہ بناتے ہوئے کہا ہے کہ انھیں میری کامیابی ہضم نہیں ہوئی۔

آسٹریلیا کے ہاتھوں آئی سی سی ایونٹ کے فائنل میں شکست کے بعد سوشل میڈیا پر اپنے ایک انٹرویو میں انھوں نے کہا کہ اگر آپ دوسرے کی کامیابی کو انجوائے کرنا سیکھ لوگے تو بہتر کھلاڑی بنو گے۔ میں کچھ نہیں کرتا بس جو ہے اوپر والا دینے والا ہے۔

میزبان نے ان سے سوال کیا کہ یہ جو اسٹوری ہے آپ کی وہ اسٹوری تو بتائیں۔ اس پار بھارتی پیسر کا کہنا تھا کہ میں سن رہا تھا اور شروع میں تو میچز کھیلے ہی نہیں تھے میں نے، جب میں ٹیم میں آیا تو میں نے پانچ وکٹ لیے پھر اس کے بعد مقابلے میں چار وکٹ لیے۔ پھر اگلے میچ میں بھی پانچ وکٹیں حاصل کیں۔

محمد شامی نے کہا کہ کچھ پاکستان کے پلیئرز کو ہضم نہیں ہورہی ہے یہ بات تو میں کیا کروں کیوں کہ ان کے دماغ میں یہ ہے کہ ہم بہترین ہیں۔ بھائی بہتری وہ ہوتا ہے جو وقت پر پرفارم کرتا ہے۔

سابق پاکستانی ٹیسٹ کرکٹر حسن رضا کے الزام پر بات کرتے ہوئے انھوں نے کہا کہ ‘میں اسی کو مانتا ہو جو سخت محنت کرے، جو پرفارم کرے جو ٹیم کے لیے کھڑا ہو۔ اب آپ اس میں تنازعات بنائے چلے جارہے ہو، آئی سی سی کے پاس الگ الگ گیندیں ہیںم سدھر جاؤ۔

بھارتی پیسر نے وسیم اکرم کا حوالہ دیتے ہوئے کہا کہ ’یہی بات وسیم بھائی نے بتائی تھی کہ کیسے گیندیں ڈبے میں آتی ہیں، پھر ان کا انتخاب کیا جاتا ہے.

Mohammad Shami teaching Pakistan a life lesson.
Must watch for every person on the green side. pic.twitter.com/6oWA5IoJ7S

— Abhishek (@vicharabhio) November 21, 2023

اگر آپ سابق کرکٹر نہ ہوتے اور پھر اس قسم کی باتیں کرتے تو سمجھ آتا ہے لیکن کرکٹر ہوتے ہوئے ایسی باتیں کرنے کی تک نہیں بنتی۔

واضح رہے کہ آئی سی سی ایونٹ کے دوران بھارتی بولرز نے کافی عمدہ بولنگ کی تھی، میزبان نے 10 مسلسل میچز میں کامیابی حاصل کی تھی اور مخالف ٹیموں کو کھل کر بیٹنگ کرنے کا موقع نہیں دیا تھا۔

محمد شامی نے عالمی کپ میں بہترین پرفارمنس کا مظاہرہ کرتے ہوئے سب زیادہ 24 وکٹیں حاصل کی تھیں۔ تاہم وہ اور ان کی ٹیم فائنل میں آسٹریلیا کے خلاف ناکام ثابت ہوئے تھے۔

ورلڈکپ فائنل میں آسٹریلیا کے ہاتھوں دردناک شکست کے بعد پیسر محمد شامی بھارتی وزیراعظم نریندر مودی کے گلے لگ گئے۔

ورلڈکپ 2023 میں بہترین بولر کا اعزاز حاصل کرنے والے محمد شامی نے نریندر مودی کے سینے سے لگ کر اپنا غم ہلکا کرلیا۔ بھارتی وزیراعظم جب اپنی ٹیم کو دلاسا دینے ڈریسنگ روم آئے تو انھوں نے شامی گلے لگایا جس کی تصوری خوش کرکٹر نے شیئر کی۔

ورلڈکپ فائنل میں مات کھانے کے بعد ایونٹ میں سب سے زیادہ 24 وکٹیں لینے والے بھارتی فاسٹ بولر شامی بجھے بجھے دکھائی دیے جب کہ وہ آسٹریلیا کے خلاف صرف ایک ہی وکٹ لے سکے تھے۔

یکطرفہ شکست کے بعد بھارتی ٹیم کے تمام کھلاڑی اور سپورٹنگ اسٹاف افسردہ تھا وہیں شامی بھی غمگین تھے۔ محمد شامی ڈریسنگ روم میں بھارتی وزیراعظم نریندر مودی کے گلے لگ کر افسردہ ہوگئے۔ انھوں نے ایکس پر یہ تصویر شیئر کی۔

بھارتی پیسر نے لکھا کہ بدقسمتی سے کل ہمارا دن نہیں تھا۔ میں پورے ورلڈ کپ میں تمام بھارتیوں کا ٹیم اور اپنی حمایت کرنے پر شکریہ ادا کرتا ہے۔

Unfortunately yesterday was not our day. I would like to thank all Indians for supporting our team and me throughout the tournament. Thankful to PM @narendramodi for specially coming to the dressing room and raising our spirits. We will bounce back! pic.twitter.com/Aev27mzni5

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 20, 2023

محمد شامی نے نریندر مودی کا بھی شکریہ ادا کیا کہ وہ ڈریسنگ روم آئے اور غم میں ڈوبے کھلاڑیوں کا حوصلہ بڑھایا ۔

واضح رہے کہ آسٹریلیا نے احمد آباد کے نریندر مودی اسٹیڈیم میں کھیلے جانے والے ورلڈکپ فائنل میں بھارتی بیٹرز اور بولرز کی ایک نہ چلنے دی۔ کینگروز نے باآسانی بھارت کو 6 وکٹوں سے مات دے کر ٹرافی اپنے نام کی۔

We had a great tournament but we ended up short yesterday. We are all heartbroken but the support of our people is keeping us going. PM @narendramodi’s visit to the dressing room yesterday was special and very motivating. pic.twitter.com/q0la2X5wfU

— Ravindrasinh jadeja (@imjadeja) November 20, 2023

سابق بھارتی کپتان سنیل گواسکر محمد شامی کے بجائے کسے پلیئر آف دی ٹورنامنٹ سمجھتے ہیں، کرکٹ لیجنڈ نے بتادیا۔

اس ایونٹ میں چند پلیئرز نے نہایت شاندار کارکردگی کا مظاہرہ کیا ہے جن میں سب سے ٹاپ پر بھارتی پیسر محمد شامی موجود ہیں۔ انھوں نے اپنی تباہ کن بولنگ سے ہر ٹیم کو مشکل میں ڈالے رکھا۔ سیمی فائنل میں تو فاسٹ بولر نے 7 کیوی بیٹرز کو چلتا کیا۔

تاہم بھارتی لیجنڈ سنیل گواسکر شامی کو پلیئر آف دی ٹورنامنٹ نہیں سمجھتے۔ اس کے بجائے وہ جن دو کرکٹرز کو اس کا حقدار سمجھتے ہیں وہ دنوں بھی بھارتی ہی ہیں، ان میں سے ایک ویرات کوہلی اور دوسرے کپتان روہت شرما ہیں۔

اپنے دور کے ماسٹر بیٹر سنیل گواسکر نے کہا کہ میں اس ایوارڈ کے لیے دو پلیئرز کو منتخب کروں گا ان میں سے ایک کوہلی ہیں۔ جس طرح انھوں نے ٹورنامنٹ میں بیٹنگ کی وہ شاندار ہے، ساتھ ہیں کوہلی نے ون ڈے میں 50 سنچریاں بھی مکمل کی جو اب ت کوئی نہیں کرپایا۔

سنیل نے کہا کہ ویرات نے تسلسل سے کارکردگی دکھائی ہے تقریباً ہر میچ میں انھوں نے نصف سنچری یا اس سے زیادہ رنز اسکور کیے ہیں۔

دوسرا نام گواسکر نے روہت شرما کا لیا، ان کا کہنا تھا کہ بھارتی کپتان نے ورلڈکپ میچز میں ان کے بعد آنے والے بیٹرز کے لیے جس طرح راستہ بنایا وہ قابل تعریف ہے۔ روہت نے ٹیم کے لیے بے لوث پرفارمنس دی ہے۔

گواسکر نے کہا کہ بطو اوپنر روہت شرما بھارتی ٹیم کو بہترین آغاز فراہم کرتے ہیں اور سنگلز لینے کے بجائے بولرز پر اٹیک کرتے ہیں۔

واضح رہے کہ بھارت نے ورلڈکپ میں اب تک بہترین کارکردگی کا مظاہرہ کیا ہے اور اپنے تمام 10 میچز میں کامیابی حاصل کی ہے۔ تاہم آسٹریلین ٹیم بھارت کے خوابوں کے اس سفر کو خراب کرنے کا پورا ارادہ رکھتی ہے۔

افغانستان کے خلاف میچ میں محمد شامی کو شامل نہ کرنے پر بھارتی شائقین کرکٹ نے کپتان روہت شرما اور مینجمنٹ کو آڑے ہاتھوں لے لیا۔

آئی سی سی کرکٹ ورلڈکپ میں بھارت اپنے دوسرے میچ میں افغانستان کے مدمقابل تھا تاہم ان فارم فاسٹ بولر محمد شامی پلیئنگ الیون میں اپنی جگہ بنانے میں ناکام رہے اور ان کی جگہ بھارتی مینجمنٹ نے شردل ٹھاکر کو ٹیم کا حصہ بنایا۔

بھارتی شائقین کو امید تھی کی دہلی کی کنڈیشنز کو دیکھتے ہوئے روی چندرن ایشون کی جگہ ٹیم میں محمد شامی کو شامل کیا جائے گا تاہم ایسا نہ ہوسکا اور ممکنہ طور پر بیٹنگ کو مضبوط بنانے کے لیے آل راؤنڈر شردل ٹھاکر کو چنا گیا۔

کئی بھارتی سپورٹرز ٹیم میں شامی کی عدم شمولیت پر ناخوش نظر آئے اور انھوں نے سوشل میڈیا پر اپنے دل کی بھڑاس نکالتے ہوئے کپتان روہت شرما اور ٹیم مینجمنٹ کو تنقید کا نشانہ بنایا۔

Indian team are doing the very clownery which I feared they will do.

Making Shardul play instead of Ashwin/Shami.

Since today's match is against Afghanistan this might go unscathed but in a match against Eng/SA/NZ or knockouts this will make us bleed.

— Shriram 🎢 (@shriramtweet) October 11, 2023

ایک صارف نے لکھا کہ ’بھارتی ٹیم کافی مسخرہ پن کررہی ہے جس کا مجھے پہلے ہی ڈر تھا، شامی یا ایشون کی جگہ شردل کو کھلایا گیا۔

برہمی کا اظہار کرتے ہوئے ایک شخص نے کہا کہ افغانستان کے خلاف میچ کے لیے ٹیم منتخب کرتے ہوئے روہت کیا سوچ رہے تھے، شامی ٹیم میں کیوں نہیں کھیل رہے۔

Shami should have been included in the playing 11 today. As he have good record against afgan and would also have been good for rotation. #INDvsAFG #Ind pic.twitter.com/xMFXwzZRNP

— Loha (@Lohasingh1999) October 11, 2023

ایک اور صارف نے لکھا کہ ٹھاکر کی جگہ شامی کو ٹیم میں کیوں نہیں لیا گیا۔ بیٹنگ کے بارے میں کیا سوچنا یہ پچ تو ویسے ہی بیٹنگ فرینڈلی ہے۔

واضح رہے کہ ورلڈکپ سے قبل آسٹریلیا کے خلاف سیریز میں شامی نے بہترین کاکردگی کا مظاہرہ کیا تھا جب کہ پہلے میچ میں انھوں نے پانچ وکٹیں بھی حاصل کی تھیں۔

بھارتی پیسر محمد شامی نے کہا ہے کہ شوپیش ایونٹ سے قبل ٹیم کی روٹیشن پالیسی بہت فائدہ مند ہے، اس سے پلیئرز پر بوجھ بھی کم ہو جاتا ہے۔

آئی سی سی کرکٹ ورلڈکپ میں بھارتی پیس اٹیک کا حصہ محمد شامی نے ذرائع ابلاغ سے گفتگو میں کہا کہ جب آپ ٹیم بناتے ہیں، تو حالات کو مدنظر رکھتے ہوئے کھلاڑیوں کو کس ترتیب سے یا کس میچ میں کھلانا ہے اس میں کوچ کا اہم کردار ادا ہوتا ہے۔

انھوں نے کہا کہ پچھلی چند سیریز میں ہمیں اچھے نتائج ملے ہیں اور روٹیشن پالیسی اچھی طرح کام کر رہی ہے۔ مجھے نہیں لگتا کہ ہمیں ورلڈ کپ سے پہلے بیک ٹو بیک گیمز کھیلنے کے لیے خود پر زیادہ بوجھ ڈالنے کی ضرورت ہے۔

محمد شامی نے کہا کہ یہ ہمارے لیے اچھا ہے کیونکہ ان حالات میں فاسٹ بولرز کو آرام دیتے ہوئے میچ کھلانا کافی اہمیت کاحامل ہے۔ یہ بیٹرز سے زیادہ باؤلرز کے لیے اہم ہوتا ہے،

آئی سی سی ٹورنامنٹس سے پہلے روٹیشن سود مند ہے، اس سے کھلاڑیوں کو ضروری ردھم میں آنے میں مدد ملتی ہے۔

جون میں منعقد ہونے والے ورلڈ ٹیسٹ چیمپئن شپ فائنل کے بعد شامی کو بریک دیا گیا تھا جو کہ ان کے لیے ضروری بھی تھا تاہم انھوں نے کہا کہ اس دوران بھی میں نے خود کو مصروف رکھا۔ اس وقفے کو لینا بہت ضروری تھا کیونکہ بغیر آرام کے میں سات سے آٹھ ماہ تک کھیلا تھا۔

شامی نے کہا کہ اس آرام کے دوران بھی میں نے گھر میں پریکٹس کا عمل جاری رکھا تھا۔ ٹیم کے ساتھ ہوتا تو میں پریکٹس کرتا ہوں تاہم اس سے زیادہ پریکٹس اس وقت کرتا ہوں جب میں گھر پر ہوتا ہوں۔

واضح رہے کہ بھارتی کرکٹ ٹیم اپنی ورلڈ کپ مہم کا آغاز 8 اکتوبر کو آسٹریلیا کے خلاف چنئی میں میچ سے کرے گی۔