ARYNews.tv | Urdu – Har Lamha Bakhabar

Tag: محمد عامر

  • محمد عامر نے ٹی ٹوئنٹی میں اہم اعزاز حاصل کرلیا

    محمد عامر نے ٹی ٹوئنٹی میں اہم اعزاز حاصل کرلیا

    پاکستانی فاسٹ بولر محمد عامر نے ٹی ٹوئنٹی کرکٹ میں اہم سنگ میل عبور کرلیا، پیسر نے 400 وکٹوں کا ہندسہ عبور کرلیا۔

    لیفٹ ہینڈ پیسر عامر ٹی ٹوئنٹی کرکٹ میں 400 وکٹیں اپنے نام کرنے والے دوسرے پاکستانی بولر بنے، انھوں نے آج کیربیئن پریمیئر لیگ کے دوران یہ اعزاز حاصل کیا، محمد عامر نے انٹیگا اینڈ باربادوا کی جانب سے کھیلتے ہوئے فابیئن ایلن کو آؤٹ کرکے اس سنگ میل تک پہنچے۔

    اب وہ پاکستان کے ان تجربہ کار باؤلرز کی صف میں شامل ہو گئے ہیں جو 400 وکٹیں حاصل کرچکے ہیں، فاسٹ بولر عامر اب تک ٹی ٹوئنٹی فارمیٹ میں 343 میچ کھیل چکے ہیں۔

    اس فارمیٹ میں پاکستان کے لیے سب سے زیادہ وکٹیں لینے والے فاسٹ بولر وہاب ریاض ہیں، جنہوں نے 348 میچوں میں 7.54 کے اکانومی ریٹ سے 413 وکٹیں حاصل کی ہیں۔

    پاکستانی فاسٹ بولر کی ٹی ٹوئنٹی فارمیٹ میں باؤلنگ ایوریج 22.54 اور اکانومی 7.33 ہے، محمد عامر نے ٹی ٹوئنٹی ورلڈ کپ 2024 کے بعد دوبارہ پاکستان کرکٹ سے ریٹائرمنٹ کا اعلان کیا تھا۔

    قومی اور بین الاقوامی سطح پر ٹی ٹوئنٹی کرکٹ میں محمد عامر اپنا ایک مقام رکھتے ہیں اور یہ کامیابی عامر کی صلاحیتوں کو اجاگر کرتی ہے۔

  • محمد عامر کا پی ایس ایل کے فائنل سے قبل بڑا بیان

    محمد عامر کا پی ایس ایل کے فائنل سے قبل بڑا بیان

    پاکستان سپر لیگ پی ایس ایل 10 کی فرنچائز کوئٹہ گلیڈی ایٹرز کے فاسٹ بولر محمد عامر کا فائنل میچ سے قبل اہم بیان سامنے آیا ہے، جس میں اُن کا کہنا ہے کہ فائنل میں غلطی کی گنجائش نہیں ہوتی، اسی وجہ سے دباؤ ہوتا ہے۔

    کوئٹہ گلیڈی ایٹرز کے فاسٹ بولر محمد عامر کا لاہور میں میڈیا سے گفتگو کرتے ہوئے کہنا تھا کہ ہر ٹیم کا فائنل میں پہنچنا خواب ہوتا ہے، اس مرتبہ ہم فائنل کھیل رہے ہیں، ہمیں امید ہے ہم فائنل جیتیں گے۔

    عامر کا کہنا تھا کہ فائنل نارمل میچ نہیں ہوتا یہ ایک مختلف مقابلہ ہوتا ہے، فائنل میں غلطی کی گنجائش نہیں ہوتی، جس کے باعث ہر کوئی دباؤ میں ہوتا ہے۔

    اُن کا کہنا تھا کہ خرم شہزاد اچھی بولنگ کررہے ہیں، ڈومیسٹک سے سیکھ کر آئے ہیں۔ ہر کھلاڑی کو اپنے متعلق اندازہ لگانا چاہیے کہ کہاں غلطیاں ہو رہی ہیں، لاہور ہمارا ہوم گراؤنڈ ہے، یہ ہمارے لیے خوش قسمت رہا ہے۔

    اس سے قبل لاہور قلندرز کے کپتان شاہین شاہ آفریدی نے پی ایس ایل 10 کے فائنل سے قبل بڑا دعویٰ کرتے ہوئے کہا ہے کہ ہمیں مکمل یقین ہے کہ ہم فائنل جیتیں گے۔

    شاہین شاہ آفریدی نے پی ایس ایل کے فائنل میں رسائی حاصل کرنے پر پوری ٹیم کی کارکردگی کو سراہتے ہوئے کہا کہ تمام کھلاڑیوں نے اہم موقع پر زبردست کھیل کا مظاہرہ کیا۔

    واضح رہے کہ لاہور قلندرز نے قذافی اسٹیڈیم لاہور میں کھیلے گئے اہم میچ میں دفاعی چیمپئن اسلام آباد یونائیٹڈ کو 95 رنز سے شکست دیکر فائنل میں جگہ بنالی ہے۔

    لاہور کے قذافی اسٹیڈیم میں کھیلے گئے میچ میں لاہور قلندرز کی جانب سے دیے گئے 203 رنز کے تعاقب میں اسلام آباد یونائیٹڈ کی ٹیم 15.1 اوورز میں 107 رنز پر ڈھیر ہوگئی۔لاہور قلندرز اور کوئٹہ گلیڈی ایٹرز کے درمیان فائنل 25 مئی بروز اتوار کو کھیلا جائے گا۔

  • محمد عامر آج کا میچ کیوں نہیں کھیلے؟ وجہ سامنے آگئی

    محمد عامر آج کا میچ کیوں نہیں کھیلے؟ وجہ سامنے آگئی

    پی ایس ایل 10 میں کوئٹہ گلیڈی ایٹرز کے فاسٹ بولر محمد عامر کی آج اسلام آباد یونائیٹڈ کے خلاف میچ نہ کھیلنے کی وجہ سامنے آگئی۔

    لاہور کے قذافی اسٹیڈیم میں کھیلے گئے میچ میں کوئٹہ گلیڈی ایٹرز نے اسلام آباد یونائیٹڈ کی جانب سے دیا جانے والا 158 رنز کا ہدف ایک گیند قبل 8 وکٹوں کے نقصان پر حاصل کرلیا۔

    اسلام آباد یونائیٹڈ کی جانب سے آخری اوورز میں تین کیچز ڈراپ کیے گئے۔

    حسن نواز نے 64 رنز کی ناقابل شکست اننگز کھیلی، رائلی روسو 27 رنز بنا کر رن آؤٹ ہوئے۔

    کپتان سعود شکیل 7 رنز بناسکے، فن ایلن 20 رنز بنا کر آؤٹ ہوئے، مارک چیپ مین 2، حسیب اللہ 7 رنز بناسکے، محمد وسیم جونیئر 10 رنز بنا کر پویلین لوٹ گئے۔

    پی ایس ایل 10: کوئٹہ گلیڈی ایٹرز نے اسلام آباد یونائیٹڈ کو 2 وکٹوں سے ہرا دیا

    اسلام آباد یونائیٹڈ کی جانب سے نسیم شاہ اور سلمان ارشاد نے دو، دو کھلاڑیوں کو آؤٹ کیا، جیسن ہولڈر، محمد نواز اور سلمان علی آغا نے ایک، ایک وکٹ حاصل کی۔

    تاہم فاسٹ بولر محمد عامر گزشتہ دو میچز میں کوئٹہ گلیڈی ایٹرز کی جانب سے نہیں کھیلے جس پر ٹیم کے سوشل میڈیا اکاؤنٹ پر وجہ بتائی گئی ہے۔

    کوئٹہ کے سوشل میڈیا پیج پر بتایا گیا ہے کہ محمد عامر بخار کی وجہ سے ٹیم کو دستیاب نہیں، وہ سو فیصد فٹ نہیں ہے جبکہ کوشل مینڈس بھی بخار میں مبتلا ہیں اس وجہ سے وہ بھی آج ٹیم کو دستیاب نہیں تھے۔

  • محمد عامر سے بہترین مشورے لیتا رہتا ہوں، خرم شہزاد

    محمد عامر سے بہترین مشورے لیتا رہتا ہوں، خرم شہزاد

    لاہور: کوئٹہ گلیڈی ایٹرز کے کھلاڑی خرم شہزاد کا کہنا ہے کہ انجری فاسٹ بولر کی زینت ہے لیکن اب انجری سے نجات حاصل کرلی ہے۔ محمد عامر نے دنیا کی ہر لیگ کھیلی ہے تو ان سے بہترین مشورے لیتا رہتا ہوں۔

    پریس کانفرنس کرتے ہوئے کوئٹہ گلیڈی ایٹرز کے خرم شہزاد کا کہنا تھا کہ جب سے لاہور آئے ہیں تو ٹیم اچھا پرفارم کررہی ہے، بابر اعظم اور سعود شکیل دونوں کی کپتانی بہت اچھی ہے، دونوں کی کپتانی میں کوئی خاص فرق نہیں ہے۔

    میرا یہی پلان ہے کہ پاکستان کیلئے ٹی ٹوئنٹی اور ون ڈے بھی کھیلنا ہے، میرا اس وقت پورا دھیان پی ایس ایل پر ہے، جب اگلی سیریز آئے گی اس کے بارے میں تب سوچیں گے۔

    اس سے قبل سابق کپتان یونس خان نے محمد عامر کی بولنگ کی تعریف کرتے ہوئے کہا تھا کہ انھوں نے بابراعظم کو آؤٹ کرنے کیلیے اپنے تجربے کا استعمال کیا۔

    نجی چینل پر گفتگو کرتے ہوئے یونس خان نے کہا کہ میں کوئٹہ گلیڈی ایٹرز کی بولنگ کی تعریف کرنا چاہوں گا کہ انھوں نے بہت زبردست بولنگ کی، میں نے دیکھا کہ کس طرح فہیم اشرف کو صائم ایوب کے خلاف استعمال کیا گیا اور پھر محمد عامر نے پشاور کے خلاف کمال بولنگ کی۔

    سابق لیجنڈ بیٹر نے کہا کہ آپ نے ایک چیز نوٹ کی ہوگی کہ جب محمد عامر نے بابراعظم کے خلاف پہلا اوور کیا تو انھیں بالکل بھی لیگ بی فور وکٹ آؤٹ کرنے کی کوشش نہیں کی۔

    یونس خان کا کہنا تھا کہ پہلا بال عامر نے باؤنسر کیا، دوسرا بال کوریڈور میں کیا جو بابر کو کھیلنا پڑ گیا، انھوں نے پہلے اوور میں کوئی ایسا بال نہیں کیا۔

    کراچی کنگز کے حسن علی کا پی ایس ایل میں اب تک کا شاندار سفر

    جب عامر دوسرا اوور کرنے آئے ہیں تو انھوں نے بابر کو ان سوئنگ پر آؤٹ کیا، عامر نے دیکھا کہ بابراعظم اپنے زون میں آگئے ہیں اور وہ شارٹس کھیلیں گے تو محمد عامر نے ان سوئنگ بال ڈال دی اور ان کو آؤٹ کیا۔

  • ’ٹائیگر ابھی زندہ ہے‘ عمر اکمل نے یہ کس فاسٹ بولر کے لیے کہا؟

    ’ٹائیگر ابھی زندہ ہے‘ عمر اکمل نے یہ کس فاسٹ بولر کے لیے کہا؟

    پاکستانی کرکٹر عمر اکمل نے کوئٹہ گلیڈی ایٹرز کے فاسٹ بولر محمد عامر کی پی ایس ایل میں شاندار بولنگ کی تعریف کی ہے۔

    یوٹیوب چینل پر گفتگو کرتے ہوئے عمر اکمل نے کہا کہ جس طرح انہوں نے بابر کو آؤٹ کیا وہ عامر کی کلاس کو ظاہر کرتا ہے، جب ٹاپ بولر اور ٹاپ بیٹر آمنے سامنے ہوتے ہیں تو کیا ہم واقعی ان کی کلاس کا مشاہدہ کرتے ہیں۔

    انہوں نے کہا کہ عامر مسلسل بابر کو چیلنج دیا ہے اور ان کی کمزوریوں کو بے نقاب کیا ہے، جب بابر نے پراعتماد آغاز کیا تو عامر نے زبردست انداز میں وکٹ حاصل کرکے واپسی کی۔

    عمر اکمل نے کہا کہ عامر نے بابر کو ڈریسنگ روم کی طرف اشارہ کرتے ہوئے جشن منایا اس سے ایسا لگتا ہے کہ جیسے وہ کوچنگ اسٹاپ سے کہہ رہے ہوں کہ ’ٹائیگر ابھی زندہ ہے۔‘

    یہ پڑھیں: محمد عامر، بابر کی کمزوریوں سے بخوبی واقف تھے، شعیب اختر

    انہوں نے کہا کہ زلمی کی خراب فارم کی بنیادی وجہ بابر اور صائم کا رنز نہ کرنا ہے، ان کی ناکامیاں باقی لائن اپ پر بھی دباؤ ڈال رہی ہیں، میں ان کی ٹیم سلیکشن کی حکمت عملی کو نہیں سمجھ سکا۔

    گزشتہ روز شعیب اختر کا کہنا تھا کہ طویل عرصے کے بعد عامر کی بولنگ کو دیکھ کر خوشی ہوئی، بابر اعظم گیند کو ٹھیک سے دیکھنے کے لیے جدوجہد کررہے تھے، گیند یا تو اس کے سر یا اس کے جسم سے لگ رہی تھی۔

    سابق فاسٹ بولر کا کہنا تھا کہ عامر ذہنی طور پر بابر پر حاوی تھے جب ہجوم گراؤنڈ کے چاروں طرف ’بابر، بابر‘ کے نعرے لگا رہا تھا تو عامر خاموشی سے اپنا کام کررہے تھے۔

    ان کا کہنا تھا کہ بابر کو سیٹ ہونے کے لیے وقت لینا چاہینے تھا کیونکہ پچ مشکل تھی۔

  • بابراعظم کو محمد عامر نے پلان بنا کر آؤٹ کیا، یونس خان

    بابراعظم کو محمد عامر نے پلان بنا کر آؤٹ کیا، یونس خان

    سابق کپتان یونس خان نے محمد عامر کی بولنگ کی تعریف کرتے ہوئے کہا ہے انھوں نے بابراعظم کو آئوٹ کرنے کےلیے اپنے تجربے کا استعمال کیا۔

    نجی چینل پر گفتگو کرتے ہوئے یونس خان نے کہا کہ میں کوئٹہ گلیڈی ایٹرز کی بولنگ کی تعریف کرنا چاہوں گا کہ انھوں نے بہت زبردست بولنگ کی، میں نے دیکھا کہ کس طرح فہیم اشرف کو صائم ایوب کے خلاف استعمال کیا گیا اور پھر محمد عامر نے پشاور کے خلاف کمال بولنگ کی۔

    سابق لیجنڈ بیٹر نے کہا کہ آپ نے ایک چیز نوٹ کی ہوگی کہ جب محمد عامر نے بابراعظم کے خلاف پہلا اوور کیا تو انھیں بالکل بھی لیگ بی فور وکٹ آئوٹ کرنے کی کوشش نہیں کی۔

    برگر کھانے سے متعلق یونس خان کا اعظم خان کو خاص مشورہ

    یونس خان کا کہنا تھا کہ پہلا بال عامر نے بائونسر کیا، دوسرا بال کوریڈور میں کیا جو بابر کو کھیلنا پڑ گیا، انھوں نے پہلے اوور میں کوئی ایسا بال نہیں کیا۔

    جب عامر دوسرا اوور کرنے آئے ہیں تو انھوں نے بابر کو ان سوئنگ پر آئوٹ کیا، عامر نے دیکھا کہ بابراعظم اپنے زون میں آگئے ہیں اور وہ شارٹس کھیلیں گے تو محمد عامر نے ان سوئنگ بال ڈال دی اور ان کو آئوٹ کیا۔

    https://urdu.arynews.tv/mohammad-amir-team-grouping-story-ct-2025/

  • محمد عامر کی بیٹی نے والد کا انداز اپنا لیا، ویڈیو وائرل

    محمد عامر کی بیٹی نے والد کا انداز اپنا لیا، ویڈیو وائرل

    پی ایس ایل 10 میں کوئٹہ گلیڈی ایٹرز کے فاسٹ بولر محمد عامر کی بیٹی نے والد کا انداز اپنا لیا۔

    ایچ بی ایل پی ایس ایل 10 کے  گزشتہ روز کے میچ میں کوئٹہ گلیڈی ایٹرز نے پشاور زلمی کو  64 رنز سے شکست دی تھی، کوئٹہ گلیڈی ایٹرز نے پشاور زلمی کو جیت کے لیے 179 رنز کا ہدف دیا تھا۔

    تاہم پشاور زلمی  کی ٹیم 15ویں اوورز میں 114 رنز پر ڈھیر ہوگئی تھی، پشاور زلمی کے حسین طلعت 39 رنز بناکر نمایاں رہے، جبکہ محمد حارث نے 17 اور بابر اعظم نے 12 رنز اسکور کیے تھے۔

    تاہم بابر اعظم کو آؤٹ کرنے کے بعد محمد عامر نے پشپا کے اسٹائل میں جشن منایا جس کی ویڈیو سوشل میڈیا پر وائرل ہوگئی۔

    محمد عامر کی جانب سے بیٹی کی ویڈیو شیئر کی گئی جس میں وہ انہی کے انداز میں جشن منارہی ہیں۔

    انہوں نے ویڈیو شیئر کرتے ہوئے کیپشن میں پوچھا کہ ’یہ کس نے بہتر کیا ہے؟‘

     

    View this post on Instagram

     

    A post shared by Mohammed Amir (@official.mamir)

    فاسٹ بولر نے چند گھنٹوں قبل یہ ویڈیو شیئر کی جسے ہزاروں کی تعداد میں صارفین دیکھ چکے ہیں اور کہہ رہے ہیں کہ ’یہاں عامر بھائی بیٹی سے ہار گئے ہیں۔‘

    سوشل میڈیا صارفین نے عامر کو ’کنگ‘ کہہ کر مخاطب کیا اور بابر اعظم کے مداحوں کو ٹرول بھی کیا۔

  • بابر اعظم بہت بڑے کھلاڑی ہیں مگر ۔۔۔۔۔، محمد عامر نے کیا کہا؟

    بابر اعظم بہت بڑے کھلاڑی ہیں مگر ۔۔۔۔۔، محمد عامر نے کیا کہا؟

    پی ایس ایل 10 میں پشاور زلمی کے کپتان مایہ ناز بلے باز بابر اعظم کو مسلسل دو بار آؤٹ کرنے والے محمد عامر نے ان کے بارے میں اظہار خیال کیا ہے۔

    پی ایس ایل 10 کے سنسنی خیز مقابلے جاری ہیں۔ گزشتہ روز کوئٹہ گلیڈیئٹر نے پشاور زلمی کو شکست دے کر دوسری کامیابی حاصل کی۔ اس میچ میں کوئٹہ کے محمد عامر نے پشاور کے کپتان بابر اعظم کو آؤٹ کرنے کے بعد منفرد جشن منایا اور جارحانہ انداز بھی اختیار کیا۔

    میچ کے بعد پریس کانفرنس میں عامر نے گفتگو کرتے ہوئے کہ میدان میں کسی سے لڑائی نہیں ہوتی۔ تاہم جارحانہ انداز ضرور اختیار کیا جاتا ہے اور یہی فاسٹ بولنگ کی خوبصورتی ہے۔ فیلڈ میں جارحانہ انداز دیکھ کر فینز بھی انجوائے کرتے ہیں۔

    بابر اعظم کے حوالے سے گفتگو کرتے ہوئے محمد عامر نے کہا کہ اس میں کوئی شک نہیں کہ بابر اعظم بہت بڑے کھلاڑی ہیں مگر میں ان کے خلاف پلان بنا کر آتا ہوں۔

    ان کا کہنا تھا کہ میچ میں میرا پورا فوکس اپنی بولنگ پر ہوتا ہے۔ میں یہ نہیں دیکھتا کہ سامنے کون سا بلے باز ہے بلکہ پچ کو ریڈ کرتا ہوں اور کنڈیشن کے مطابق بولنگ کرتا ہوں۔ اس لیے کامیابی کے چانسز بڑھ جاتے ہیں۔

     

    محمد عامر نے کہا کہ پہلا پلان یہی تھا کہ اگر نیا بال سوئنگ ہو رہا ہو تو اس کا جتنا فائدہ اٹھا سکتا ہوں، اٹھاؤں۔ پھر چاہے سامنے بابر ہوں یا صائم کیونکہ دونوں کی پشاور کی بیک بون ہیں۔ میں نے ٹارگیٹ کے مطابق بولنگ کی اور کامیابی ملی اور اگر مجھے کامیابی مل رہی ہے تو ملنے دیں۔

    سابق قومی فاسٹ بولر نے نوجوان بولرز کو مشورہ دیتے ہوئے کہا کہ ٹی ٹوئنٹی میں کھلاڑی کو ہر فن مولا ہونا چاہیے۔ اس لیے نئے بولرز بولنگ کے ساتھ فیلڈنگ اور بیٹنگ پر بھی توجہ دیں۔

     

    واضح رہے کہ گزشتہ روز میچ میں محمد عامر پشاور کے کپتان بابر اعظم کو آؤٹ کرنے کے بعد دوڑتے ہوئے اپنی ٹیم کوئٹہ کے ڈگ آئوٹ کی طرف بھاگے اور پشپا کے اسٹائل میں جشن منایا تھا۔

    https://urdu.arynews.tv/psl-10-half-tournament-complete-team-position/

  • ’عامر پاکستان کے موجودہ پریمیم فاسٹ بولر سے بہتر ہیں‘

    ’عامر پاکستان کے موجودہ پریمیم فاسٹ بولر سے بہتر ہیں‘

    پاکستان کے سابق بلے باز فواد عالم نے موجودہ دور کے فاسٹ بولز سے محمد عامر کو ذہین بولرز میں سے ایک قرار دیا ہے۔

    نجی ٹی وی کے پروگرام میں گفتگو کرتے ہوئے فواد عالم سے سوال کیا گیا کہ کیا محمد عامر آج کے ’پریمیم‘ فاسٹ بولر کے مقابلے میں بہتر بولر ہیں؟

    کوئٹہ گلیڈی ایٹرز نے پشاور زلمی کو 64 رنز کے بڑے مارجن سے شکست دیدی

    بابر اعظم نے کوئٹہ گلیڈی ایٹرز سے شکست کی وجہ بتادی

    جس پر فواد عالم نے محمد عامر کے اسکل اور کرکٹ کی ذہانت کی تعریف کرتے ہوئے جواب دیا کہ عامر باؤلنگ کے دوران اپنے دماغ کا موثر استعمال کرتے ہیں اور وہ بخوبی جانتے ہیں کہ بابر اعظم جیسے ٹاپ کھلاڑیوں کو کیسے آؤٹ کرنا ہے۔

    انہوں نے کہا کہ اگرچہ محمد عامر کو بھی بعض دفعہ رنز پڑتے ہیں لیکن ان کی ذہانت کے ساتھ باؤلنگ کرنے کی صلاحیت انہیں گراؤنڈ میں نمایا کرتی ہے۔

    واضح رہے کہ پی ایس ایل 10 میں پشاور زلمی کے خلاف کوئٹہ گلیڈی ایٹرز نے 64 رنز سے کامیابی حاصل کی تھی۔

    گزشتہ روز کے میچ میں انہوں نے پشاور زلمی کے کپتان بابر اعظم کو مہارت سے ساتھ آؤٹ کیا تھا، جس کے بعد انہوں نے پریس کانفرنس میں کہا تھا کہ میدان میں غصہ دکھانا فاسٹ بولر کی خوبصورتی ہے، جب فاسٹ بور ایگریشن دکھاتا ہے تو میدان میں شائقین کو مزہ آتا ہے۔

  • پی ایس ایل 10: بابر اعظم کو لگاتار دوسری بار آئوٹ کرنے پر محمد عامر کا منفرد جشن

    پی ایس ایل 10: بابر اعظم کو لگاتار دوسری بار آئوٹ کرنے پر محمد عامر کا منفرد جشن

    پاکستان سپر لیگ 10 میں پاکستان کے ٹاپ بیٹر بابر اعطم کو لگاتار دوسری بار آئوٹ کرنے پر محمد عامر نے گرائونڈ میں منفرد انداز میں جشن منایا۔

    پشاور زلمی کے کپتان بابر اعظم اس بار پی ایس ایل میں اپنے پرانے رنگ میں نظر نہیں آرہے اور اب تک کھیلے جانے والے میچز میں ان کی کارکردگی نہایت واجبی سی رہی ہے، آج کوئٹہ کے خلاف میچ میں وہ ایک بار پھر سے محمد عامر کا شکار بن گئے۔

    انٹرنیشنل کرکٹ سے ریٹائرمنٹ لینے والے کوئٹہ کے فاسٹ بولر محمد عامر نے بابراعظم کو 12 رنز پر ایل بی ڈبلیو کردیا، بابر نے آئوٹ ہونے سے پہلے ایک چوکا اور چھکا بھی لگایا۔

    محمد عامر پشاور کے کپتان کو آئوٹ کرنے کے بعد دوڑتے ہوئے اپنی ٹیم کوئٹہ کے ڈگ آئوٹ کی طرف بھاگے اور پشپا کے اسٹائل میں گلے کے نیچے سے ہاتھ بھی گھمایا۔

    اس کے بعد انھوں نے منہ سےاشارہ کرتے ہوئے دھماکے کا بھی اشارہ کیا، اس موقع پر کوئٹہ کےمینٹور ویون رچرڈز انھیں ٹھنڈا رہنے کا اشارہ کرتے ہوئے نظر آئے۔

    خیال رہے کہ اس سے قبل بھی کوئٹہ گلیڈی ایٹرز اور پشاور کے درمیان ہونے والے پی ایس ایل 10 کے پہلے مقابلے میں لیفٹ آرم فاسٹ بولر محمد عامر نے ہی بابر اعظم کو پویلین کا راستہ دکھایا تھا۔