Tag: محمد عامر

فاسٹ بولر محمد عامر نے کہا کہ بابر اعظم پاکستان کے اس دور کا سب سے بہترین پلیئر ہے۔

مقامی ٹی وی چینل پر گفتگو کرتے ہوئے قومی ٹیم کے کپتان بابر اعظم اور ان کے درمیان تعلقات کے حوالے سے بات کی ہے، انہوں نے کہا کہ بابر اعظم میرا سابق منگیتر نہیں کہ میں اسے رشتہ ختم ہونے کے بعد پسند ہی نہ کروں گا۔

محمد عامر نے کہا کہ کپتان بابر اعظم میرے جونیئر تھے اس کے ساتھ میں 5 سال کھیلا ہوں، اس دوران بابر نے ہمیشہ مجھے احترام دیا اور عزت کی،  ہمارے درمیان کبھی کوئی مسئلہ نہیں تھا۔

فاسٹ بولر کا کہنا تھا کہ ہمارے یہاں لوگ رائے کو ایک غلط سمت میں لے جاتے ہیں، ہر ایک کا دوسرے کے لیے ایک مختلف اوپینین ہوسکتا ہے، اس کا مطلب ہرگز نہیں کہ میں اسے پسند نہیں کرتا۔

انہوں نے کہا کہ میں نے کبھی بابر کے بابر کے نجی زندگی کے حوالے سے کوئی بات نہیں کی، میں نے ہمیشہ کرکٹ سے متعلق اپنی رائے کا اظہار کیا ہے۔

محمد عامر نے کہا کہ میرے نزدیک بابر اعظم  ٹیسٹ اور ون ڈے میں ایک عظیم بلے باز ہے البتہ ٹی ٹوئنٹی میں انھیں اتنا خطرناک نہیں سمجھتا، یہ ایک بولر میری اپنی رائے ہے۔

انہوں نے مزید کہا کہ بابر اعظم اس دور کے بہترین پلئیر ہیں۔

پاکستان سپر لیگ ( پی ایس ایل) کے اس سیزن میں فاسٹ بولر محمد عامر کئی وفعہ غصے میں نظر آئے تھے جس کی وجہ انہوں نے بتائی ہے۔

کراچی کے نیشنل اسٹیڈیم میں کھیلے گئے کراچی کنگز اور پشاور زلمی کے میچ میں بابر اعظم نے محمد عامر کی تیز گیند پر کور ڈرائیو پر شاندار چوکا لگایا تھا تو عامر نے غصے اور جھنجھلاہٹ میں بابر اعظم کی طرف گیند پھینکی جسے کیمرے نے محفوظ کرلیا اور یہ ویڈیو سوشل میڈیا پر تیزیسے وائرل ہوگئی تھی۔

گراؤنڈ میں محمد عامر کا اس طرح کا رویہ صرف بابر اعظم کے ساتھ نہیں بلکہ وکٹ لینے پر ان کی سیلیبریشن کو بھی شائقین کرکٹ نے تنقید کا نشانہ بنایا تھا تاہم اب ایک نجی چینل پر شو میں انہوں نے اس ایگریشن کی وجہ بتائی ہے۔

محمد عامر کا کہنا تھا کہ پی ایس ایل سیزن 7 میں انجری کا شکار ہونے کے بعد ایک میچ بھی نہیں کھیلا، اسی دروان میں میچ دیکھ رہا تھا تو میں نے سوچا کہ کچھ تو مجھ سے پیچھے رہ گیا ہے جس کی وجہ سے میری کرکٹ پیچھے جارہی ہے۔

انہوں نے کہا کہ پہلے میں نے اپنی ڈائیٹ کے حوالے سے سوچا کہ وہ ٹھک سے کھا رہا ہوں یا نہیں پھر نے اپنی ٹریننگ کے بارے میں سوچا کہ میں 20 سال کی عمر اور 30 سال کی عمر میں کس طرح کی ٹریننگ کررہا ہوں جس کے لیے میں نے اپنا پرسنل ٹریننر رکھ لیا۔

’ اس کے بعد میں نے سوچا کہ میری بولنگ میں ایسی کوئی چیز ہے جس سے پیس نہیں آرہا یا مزہ نہیں آرہا، انہوں نے کہا کہ میں پہلے بیٹسمین کے ساتھ آنکھ مچولی کرتا تھا جو کہ میں نہیں کررہا تھا‘

محمد عامر نے مزید کہا کہ جب میں کسی کو بولنگ کراتا ہوں تو یہی سوچتا ہوں کہ تو نہیں یا تو میں نہیں، پھر اسےسے ایگریشن باہر آتا ہے، اس سے یہ ہرگز مطلب نہیں کہ میری کسی سے ناراضگی ہے۔