Tag: محمد عامر

لاہور: قومی کرکٹ ٹیم کے فاسٹ بولر محمد عامر بیماری کے سبب انگلینڈ کے خلاف کھیلے جانے والے تیسرے ون ڈے سے بھی باہر ہوگئے۔

تفصیلات کے مطابق قومی کرکٹ ٹیم کے فاسٹ بولر محمد عامر کا وائرل انفیکشن شدت اختیار کرتا جارہا ہے، میڈیکل رپورٹس میں انہیں چکن پاکس کی تصدیق ہوگئی ہے۔

رپورٹ کے مطابق ڈاکٹر نے محمد عامر کو پانچ روز مکمل آرام کا مشورہ دیا ہے، محمد عامر کی انگلینڈ کے خلاف سیریز کے بقیہ میچز میں بھی شرکت مشکوک ہوگئی ہے۔

واضح رہے کہ محمد عامر انفیکشن کی وجہ سے سیریز کا پہلا اور دوسرا ون ڈے بھی نہیں کھیل سکے تھے، بیماری کے سبب محمد عامر کی ورلڈ کپ میں شرکت مشکوک ہوگئی ہے۔

مزید پڑھیں: دوسرا ون ڈے: قومی ٹیم کی شاندار بیٹنگ، انگلینڈ 12 رنز سے کامیاب

یاد رہے کہ پاکستان اور انگلینڈ کے درمیان تیسرا ون ڈے میچ کل کھیلا جائے گا، پہلا ون ڈے میچ بارش کے باعث منسوخ کردیا گیا تھا جبکہ دوسرے ون ڈے میچ میں انگلش ٹیم نے گرین شرٹس کو صرف 12 رنز سے شکست دی تھی۔

خیال رہے کہ محمد عامر کو پی سی بی کی سلیکشن کمیٹی نے ورلڈ کپ کے عبوری اسکواڈ کا حصہ نہیں بنایا تھا جبکہ عامر کی ورلڈ کپ اسکواڈ میں شمولیت انگلینڈ کے خلاف کارکردگی سے مشروط تھی۔

کراچی: قومی کرکٹ ٹیم کے سابق لیگ اسپنر مشتاق احمد نے کہا ہے کہ بولنگ کے مقابلے میں بیٹنگ میں تجربہ کار کھلاڑی ہیں، بولرز اتنے تجربہ کار نہیں جس کا نقسان ہوسکتا ہے۔

تفصیلات کے مطابق سابق لیگ اسپنر مشتاق احمد نے اسپورٹس روم میں گفتگو کرتے ہوئے کہا کہ جنید خان سب سے سینئر کھلاڑی ہیں انہیں ذمہ داری لینا ہوگی، عامر وکٹ نہیں لیتا لیکن رنز روک کر دباؤ بڑھاتا ہے، عامر انگلینڈ کے خلاف پرفارم کرکے ورلڈ کپ ٹیم میں آئے گا تو فائدہ ہوگا۔

انہوں نے کہا کہ ون ڈے میچ میں بہت منصوبہ بندی کے ساتھ کرکٹ کھیلنا ہوتی ہے، حریف ٹیم عامر کو محتاط ہوکر کھیلنے کا پلان بناتی ہے اس لیے انہیں وکٹ نہیں ملتی، شاداب اپنی مکمل ورائٹی کے ساتھ گیند کرے تو فائدہ ہوگا۔

[bs-quote quote=”حریف ٹیم عامر کو محتاط ہوکر کھیلنے کا پلان بناتی ہے اس لیے انہیں وکٹ نہیں ملتی” style=”style-8″ align=”left” author_name=”مشتاق احمد”][/bs-quote]

سابق لیگ اسپنر نے کہا کہ فخر زمان اور امام الحق کی جوڑی بہت اچھی ہے، دونوں اوپنرز کا رول بہت واضح ہے، جیت کے لیے ڈریسنگ روم کا اچھا ماحول بہت ضروری ہے، ہر کھلاڑی کو اپنا روم کا معلوم ہونا چاہئے۔

ایک سوال کے جواب میں مشتاق احمد نے کہا کہ کرکٹ جنگ نہیں ایک کھیل ہے اور اسے کھیل ہی کی طرح کھیلنا چاہئے، سابق کھلاڑیوں کو پاک بھارت میچ کو جنگ نہیں کہنا چاہئے، قومی ٹیم کو بھارت کے خلاف میچ جیتنے کی کوشش کرنی چاہئے۔

مشتاق احمد نے کہا کہ ورلڈ سے قبل انگلینڈ سے پانچ ون ڈے سے فائدہ ہوگا، انگلینڈ سے سیریز آرگنائز کرنے پر پی سی بی کو کریڈیٹ دینا چاہئے، اسپنرز مڈل اوور میں وکٹ لیں گے تو کامیابی ملے گی، قومی ٹیم میں ورلڈ کپ جیتنے کی مکمل صلاحیت موجود ہے، شعیب ملک کا پرفارم کرنا بہت ضروری ہے۔

انہوں نے کہا کہ 92 ورلڈ کپ جیتنا اعزاز کی بات تھی، عمران خان کی کپتانی میں کھیلنے والوں کا کیریئر بہت زبردست رہا، موجودہ دور میں میچ جیتنے کے لیے جارحانہ کرکٹ کھیلنا ہوگی۔

کراچی: قومی کرکٹ ٹیم کے چیف سلیکٹر انضمام الحق نے کہا ہے کہ عامر تجربہ کار ہے لیکن وکٹ نہیں لے گا تو ٹیم کو مشکل ہوگی، محمد عامر انگلینڈ کے خلاف پرفارم کرکے ورلڈ کپ ٹیم میں آسکتا ہے۔

تفصیلات کے مطابق چیف سلیکٹر انضمام الحق نے اے آر وائی نیوز کے پروگرام ’اسپورٹس روم‘ میں گفتگو کرتے ہوئے کہا کہ صرف تجربے پر کسی کھلاڑی کو ٹیم میں نہیں رکھ سکتے، عامر انگلینڈ کے خلاف پرفام کرکے ورلڈ کپ ٹیم میں آسکتا ہے۔

چیف سلیکٹر نے کہا کہ نوجوان کھلا ڑیوں کے لیے ورلڈ کپ کھیلنا خوش قسمتی ہے، میں نے 5 ورلڈ کپ کھیلے، پہلے ورلڈ کپ کی خوشی الگ ہی تھی، ورلڈ کپ کا دباؤ ہوتا ہے، کھلاڑی ذمہ داری سے کھیلیں تو نتائج مثبت آتے ہیں۔

[bs-quote quote=”عالمی کپ میں قومی ٹیم ٹاپ فور میں ضرور آئے گی” style=”style-8″ align=”left” author_name=”انضمام الحق”][/bs-quote]

انہوں نے کہا کہ نوجوان کھلاڑیوں سے کام لینے میں کپتان کا رول اہم ہے، 22 کروڑ آبادی میں سے صرف 15 کھلاڑی سلیکٹ ہوتے ہیں، ٹیم میں اچھا ہی کھلاڑی منتخب ہوتا ہے، کھلاڑیوں میں جتنی خود اعتمادی ہوگی اتنا ہی اچھا کھیلیں گے۔

انضمام الحق نے کہا کہ پاک بھارت میچ کا اضافی دباؤ ہوتا ہے، ورلڈ کپ میں وہ ہی ٹیم جیتے گی جو مشکل وقت میں خود پر قابو رکھے۔

ایک سوال کے جواب میں انہوں نے کہا کہ کرکٹ کھیلنا آسان لیکن چیف سلیکٹر بننا بہت مشکل ہے، ٹیم کا انتخاب کرنا بہت مشکل کام ہے، ڈومیسٹک میں جتنا سخت مقابلہ ہوگا اتنے اچھے کرکٹرز سامنے آئیں گے۔

چیف سلیکٹر نے کہا کہ حسنین ورلڈ کپ میں سرپرائز پیکیج ثابت ہوگا، حسنین کے علاوہ تمام بولر ایک جیسی رفتار سے گیند کرتے ہیں، ٹیم میں ورلڈ کپ جیتنے کی صلاحیت ہے، عالمی کپ میں قومی ٹیم ٹاپ فور میں ضرور آئے گی۔

لاہور: ورلڈ کپ اور انگلینڈ کے خلاف سیریز سے قبل قومی کھلاڑیوں کے فٹنس ٹیس لیے گئے، ذرائع کے مطابق سرفراز احمد، محمد عامر اور عثمان شنواری نے فٹنس ٹیسٹ پاس کرلیا۔

تفصیلات کے مطابق مشن ورلڈ کپ اور انگلینڈ کے خلاف سیریز سے قبل قومی کھلاڑیوں کے فٹنس ٹیسٹ لیے گئے، قومی کرکٹ ٹیم کے کپتان سرفراز احمد، فاسٹ بولر محمد عامر اور عثمان شنواری نے فٹنس ٹیسٹ پاس کرلیا ہے۔

کپتان سرفراز احمد نے فٹنس ٹیسٹ میں 5.17 اور محمد عامر نے یویو ٹیسٹ میں 18 اسکور کیا۔

ذرائع کا کہنا ہے کہ آل راؤنڈر محمد نواز اور عماد وسیم اس سے قبل فٹنس ٹیسٹ پاس کرچکے ہیں، پی سی بی کی جانب سے 17 اپریل کو فٹنس ٹیسٹ کے نتائج کا اعلان کیا جائے گا۔

مزید پڑھیں: ورلڈکپ : پاکستانی ٹیم کا ٹریننگ کیمپ کب لگے گا

واضح رہے کہ ورلڈکپ کے لیے 15 رکنی ٹیم کے ساتھ5 ریزروکھلاڑیوں کا بھی اعلان کیاجائے گا، آئی سی سی رولز کے مطابق کسی انجری کی صورت میں ٹیمیں 21 مئی تک اپنے اسکواڈ میں تبدیلی کرسکتی ہیں، اس کے بعد کسی کھلاڑی کے متبادل کیلئے ٹیکنیکل کمیٹی کی اجازت درکار ہوگی۔

یاد رہے کہ قومی کرکٹ ٹیم 23 اپریل کو لندن روانہ ہوگی جہاں انگلینڈ کے خلاف سیریز کھیلی جانی ہے۔

پاکستان اور انگلینڈ کے درمیان ون ڈے میچ 8 مئی کو اوول، گیارہ مئی کو ساؤتھمپٹن، 14 مئی کو برسٹل، 17 مئی کو ٹرینٹ برج اور 19 مئی کو لیڈز میں کھیلا جائے گا۔

ورلڈ کپ 30 مئی سے شروع ہوگا اور قومی ٹیم اپنی مہم کا آغاز 31 مئی کو ٹرینٹ برج میں ویسٹ انڈیز کے خلاف میچ سے کرے گی۔

کراچی: سابق کپتان اور کراچی کنگز کے صدر وسیم اکرم نے کہا ہے کہ میں سمجھتا ہوں محمد عامر بہترین بولر ہے ان پر تنقید مناسب نہیں ہے۔

تفصیلات کے مطابق سوئنگ کے سلطان اور کراچی کنگز کے صدر وسیم اکرم نے میڈیا سے گفتگو کرتے ہوئے کہا کہ ورلڈ کپ کا فارمیٹ 1992 والا ہے، پاکستان ٹیم کے چانسز ہیں، اچھا کھیلنا پڑے گا۔

وسیم اکرم نے کہا کہ محمد حسنین کو کھلانا چاہتے ہیں تو کھلائیں روکنے سے کوئی فائدہ نہیں ہوگا۔

انہوں نے کہا کہ بدقسمتی سے ہمیں کوئی نیا بیٹسمین نہیں مل رہا ہے، کرکٹ کے معاملے پر ہمیں معیار کی طرف دیکھنا چاہئے۔

مزید پڑھیں: ورلڈ کپ میں ٹیم فائٹ کرتی دکھائی دے گی، سرفراز احمد

واضح رہے کہ اے آر وائی نیوز سے گفتگو کرتے ہوئے کپتان قومی کرکٹ ٹیم سرفراز احمد کا کہنا تھا کہ محمد عامر کو اپنی کارکردگی پر فوکس کرنے کی ضرورت ہے، ٹیم کا اسٹرائیک بولر وکٹیں نہ لے رہا ہو تو کپتان کو پریشانی ہوتی ہے۔

ان کا کہنا تھا کہ ورلڈ کپ کا فارمیٹ مشکل ہے، بھارت سے میچ اہم ہوتا ہے، جیتنے کی کوشش کریں گے، ٹیم بہت اچھی ہے، خواہش ہے کہ ہم ورلڈ کپ جیتیں اگر ٹیم ورلڈ کپ نہیں بھی جیتتی تو گراؤنڈ میں فائٹ کرتی ہوئی نظر آئے گی۔

سرفراز احمد کا کہنا تھا کہ سلیکشن کمیٹی، کوچ اور کپتان ایک پیج پر ہیں، ورلڈ کپ اسکواڈ میں زیادہ تبدیلی نہیں ہوگی، جلد کوچ اور سلیکٹرز سے اسکواڈ پر مشاورت ہوگی۔