Tag: محمود خان اچکزئی

اسلام آباد : اپوزیشن اتحاد کے سربراہ محمود خان اچکزئی نے حکومت سے مذاکرات پر تحفظات اظہار کردیا اور کہا احتجاج پر ایکشن لینے والی حکومت سے مذاکرات کیوں ہوں۔

تفصیلات کے مطابق اپوزیشن کے چند اتحادیوں نے پی ٹی آئی کے حکومت سے مذاکرات پر تحفظات کا اظہار کردیا ، ذرائع نے بتایا محمود اچکزئی کا مؤقف ہے احتجاج پر ایکشن لینے والی حکومت سے مذاکرات کیوں ہوں۔

ذرائع کا کہنا ہے کہ پی ٹی آئی میں بھی مذاکراتی کمیٹی کے سوا دیگر رہنماؤں کو مذاکرات پر اعتراضات ہیں تاہم محمود اچکزئی کے اعتراضات دور کرنےکےلیےاسدقیصرملاقات کریں گے۔

دوسری جانب اپوزیشن رہنماؤں کا اہم اجلاس طلب کرلیا گیا ہے، اجلاس محمودخان اچکزئی کی رہائش گاہ پرہوگا ، اجلاس میں عمر ایوب،بیرسٹرگوہرشرکت کریں گے جبکہ علامہ ناصر عباس اور دیگررہنما بھی شریک ہوں گے.

اجلاس میں سیاسی صورتحال اور مستقبل کی حکمت عملی زیرغور آئے گی۔

اسلام آباد : اپوزیشن اتحاد کے سربراہ محمود خان اچکزئی نے وزیر دفاع خواجہ آصف کو جواب دیتے ہوئے کہا کمیں اسٹیبلشمنٹ سمیت سب سے مذاکرات کیلئے تیار ہوں۔

تفصیلات کے مطابق قومی اسمبلی میں اپوزیشن اتحاد کے سربراہ محمود خان اچکزئی نے وزیر دفاع کو اسٹیبلشمنٹ سےمذاکرات کے سوال پر جواب دیتے ہوئے کہا اسٹیبلشمنٹ سمیت سب سے مذاکرات کیلئے تیار ہوں اور اسٹیبلشمنٹ سے کہوں گا آئین کی بالادستی کیلئے بات کرے۔

کوئی کسی کی گود میں نہیں پلا، یہاں سب ذمہ دارلوگ بیٹھےہیں، ایک دوسرے کو طعنے نہ دیں اور مل کر حل نکالیں ۔۔

نوازشریف کابیان آیاسب بیٹھ کربات کریں لیکن میاں صاحب مذاکرات کی بات کرتے ہیں پیچھےسے چھریاں مارتےہیں،

یاد رہے وزیردفاع خواجہ آصف نے اپوزیشن اتحادکےسربراہ سےب راہ راست سوال کرتے ہوئے کہا تھا کیا محمود خان اچکزئی اسٹیبلشمنٹ سےمذاکرات کریں گے؟

ان کا کہنا تھا کہ پی ٹی آئی والے اس وقت این آراو مانگ رہے ہیں، یہ چاہتے ہیں اسٹیبلشمنٹ ان کو ریلیف دے، جب تک نو مئی زندہ ہے، کسی قسم کے مذاکرات نہیں ہوں گے۔

اسلام آباد: صدر مملکت کے انتخاب کے لئے آصف زرداری اور محمود خان اچکزئی کے کاغذات نامزدگی جمع کرادیئے گئے۔

تفصیلات کے مطابق صدرمملکت کے انتخاب کیلئے امیدراوں کے نامزدگی جمع کرانے کا سلسلہ جاری ہے، آصف زرداری کے کاغذات نامزدگی جمع کرادیئے گئے۔

بلاول بھٹوآصف زرداری کےتجویز کنندہ اورفاروق ایچ نائیک تائیدکنندہ ہیں ، آصف زرداری کی طرف سے 2 کاغذات نامزدگی جمع کرائے گئے ہیں۔

مراد علی شاہ نے صدارتی انتخاب کیلئے آصف زرداری کے نامزدگی پیپرز جمع کرا دیے ، وزیراعلیٰ سندھ کے ہمراہ پارٹی رہنما بھی سندھ ہائی کورٹ پہنچے، فریال تالپور،قائم علی شاہ،سراج درانی اور دیگرپی پی رہنما مرادعلی شاہ کے ہمراہ تھے۔

مراد علی شاہ نے کاغذات نامزدگی چیف جسٹس سندھ ہائیکورٹ کےپاس جمع کرائے ، مراد علی شاہ پیپلز پارٹی کے صدارتی امیدوار آصف زرداری کے تجویز کنندہ ہیں

دوسری جانب سنی اتحاد کونسل کے حمایت یافتہ صدارتی امیدوارمحمودخان اچکزئی کے بھی کاغذات نامزدگی جمع کرادیئے گئے۔

لطیف کھوسہ، عامرڈوگر اور عمرایوب نےاسلام آباد ہائیکورٹ میں کاغذات جمع کرائے، محمود خان اچکزئی کی طرف سے بھی 2 کاغذات نامزدگی جمع کروائے گئے ہیں۔

چیف جسٹس عامرفاروق نے صدر کے انتخاب کیلئے کاغذات نامزدگی وصول کئے، سردارلطیف کھوسہ نے چیف جسٹس عامر فاروق سے مکالمے میں کہا کہ ہم تو سمجھ رہے تھے آپ چیمبر میں بلا کر چائے وغیرہ پلائیں گے، تو چیف جسٹس عامر فاروق کا کہنا تھا کہ چائے تو اس کے بعد بھی آپکو پلا دیں گے۔

چیف جسٹس عامر فاروق کا کہنا تھا کہ عمر ایوب اور علی محمد خان بھی اس عدالت میں پہلی بار آئے ہیں، جس پر علی محمد خان نے کہا کہ میں اس عدالت میں انصاف مانگنے آتا رہا ہوں، جبکہ سردار لطیف کھوسہ نے بتایا عمر ایوب صاحب پہلی بار آئے ہیں۔

سیکرٹری چیف جسٹس نے لطیف کھوسہ سےمکالمے میں کہا کہ آپ کےاتھارٹی لیٹرچاہیےہونگےتو لطیف کھوسہ کا کہنا تھا کہ ہم اتھارٹی لیٹرابھی جمع کروادیتےہیں۔