Tag: محمود خان

پشاور: وزیراعلیٰ خیبرپختونخوا محمود خان نے باڑہ سے 43 کلومیٹر طویل روڈ کے تعمیر نو کا افتتاح کر دیا، منصوبہ 2 سال میں مکمل ہوگا کل لاگت 1.6 ارب روپے آئے گی۔

تفصیلات کے مطابق وزیراعلیٰ خیبرپختونخوا محمود خان نے قبائلی ضلع خیبرکا دورہ کیا، وزیراعلیٰ نے باڑہ سے 43 کلومیٹر طویل روڈ کے تعمیر نو کا افتتاح کر دیا۔

منصوبہ 2 سال میں مکمل ہوگا کل لاگت 1.6 ارب روپے آئے گی، منصوبے سے سفر کا دورانیہ 4 سے کم ہو کر2 گھنٹے رہ جائے گا۔ وزیراعلیٰ نے باڑہ اور جمرود میں ریسکیو 1122 عمارت پر تعمیراتی کام کا افتتاح بھی کیا۔

محمود خان نے باڑہ میں عوامی سہولت مرکز کا افتتاح بھی کر دیا، عوامی سہولت مرکز 19 ملین روپے لاگت سے تعمیر کیا گیا ہے۔

50 سال حکمرانی کرنے والی جماعتوں نےعوام کے لیے کچھ نہیں کیا،محمود خان

یاد رہے کہ گزشتہ ماہ دیر بالا میں جلسے سے خطاب کرتے ہوئے وزیراعلیٰ خیبرپختونخوا محمود خان کا کہنا تھا پورے صوبے کا وزیراعلیٰ ہوں، کسی مخصوص ضلع کے لیے کام کا تاثر غلط ہے۔

محمود خان کا کہنا تھا کہ 50 سال حکمرانی کرنے والی جماعتوں نےعوام کے لیےکچھ نہیں کیا، مخالفین آئندہ الیکشن کے لیے 5 سال تک انتظار کریں، تحریک انصاف 2023 میں کارکردگی کے بنیاد پر میدان میں اترے گی۔

پشاور: وزیراعلیٰ خیبرپختونخواہ محمود خان کا کہنا ہے کہ فاٹا انضمام کے فیصلے کو ہر صورت کامیاب بنانا ہے، ترقیاتی کاموں پر قبائل کے تحفظات دور کرنے کی کوشش ہے۔

تفصیلات کے مطابق وزیراعلیٰ خیبرپختونخواہ محمود خان کا کہنا ہے کہ 70سالوں کی پسماندگی دور کرنے میں وقت لگے گا، تمام قبائلی اضلاع میں تعلیم اور صحت کے معیار کو بہتر بنائیں گے۔

محمود خان نے کہا کہ تمام سرکاری اداروں میں عملےکی کمی کو پورا کیا جائے گا۔ انہوں نے کہا کہ فاٹا انضمام کے فیصلے کو ہر صورت کامیاب بنانا ہے، ترقیاتی کاموں پر قبائل کے تحفظات دور کرنے کی کوشش ہے۔

باجوڑ میں زراعت کے پروگرام کا انعقاد قابل تحسین ہے، محمود خان

یاد رہے کہ گزشتہ ماہ وزیراعلیٰ خیبرپختونخواہ محمود خان کا کہنا تھا کہ فاٹا انضمام کو مکمل کرنے کی توفیق دینے پر اللہ کا شکر گزار ہوں، صوبے کے دیگر علاقوں کی طرح باجوڑ بھی ترقی کرے گا۔

محمود خان کا کہنا تھا کہ میں لیڈر عمران خان کو جانتا ہوں، وزیراعظم کبھی بھی قوم کو مایوس نہیں کریں گے۔

وزیراعلیٰ خیبرپختونخواہ کا کہنا تھا کہ اللہ کی مدد اورعمران خان کی کوششوں سے چیلنجز میں سرخرو ہوں گے، انشااللہ عوام کو کبھی مایوس نہیں ہونے دیں گے۔

پشاور: وزیراعلیٰ خیبرپختونخواہ محمود خان کا کہنا ہے کہ سی پیک کے ذریعے کےپی میں روزگار کے مواقع بڑھ جائیں گے، حکومتی کوشش ہے سرمایہ کاری کے لیے سازگار ماحول فراہم کرے۔

تفصیلات کے مطابق خیبرپختونخوا میں سی پیک منصوبے کے تحت سرمایہ کاری تقریب سے خطاب کرتے ہوئے وزیراعلیٰ خیبرپختونخواہ نے کہا کہ سی پیک کے ذریعے کےپی میں روزگار کے مواقع بڑھ جائیں گے۔

محمود خان نے کہا کہ کانفرنس سرمایہ کاری کے لیے بھرپور فائدہ مند ثابت ہوگی، حکومتی کوشش ہے سرمایہ کاری کے لیے سازگار ماحول فراہم کرے۔

وزیراعلیٰ خیبرپختونخواہ نے کہا کہ کے پی میں روڈز اور انفرا اسٹرکچرکے بڑے منصوبوں پر کام جاری ہے، زراعت، معدنیات اور سیاحت میں چینی سرمایہ کاری کریں۔

سابق چینی سفیر نے کہا کہ پاکستان کے ساتھ موسمی دوستی نہیں ہے، پاکستان اور چین ایک دوسرے کی مدد کر رہے ہیں، چین نے پہلے پاکستان میں سی پیک منصوبے کا آغاز کیا۔

پاکستان مشکل میں ہو تو قرضوں کی واپسی کا تقاضا نہیں کریں گے، چینی سفیر

یاد رہے کہ دو روز قبل چینی سفیر یاؤ جنگ کا کہنا تھا کہ چین نے ہمیشہ سیاسی مقاصد اور مخصوص حکومتوں سے بالاتر ہو کر پاکستان کی مدد کی، پاکستان مشکل میں ہو تو قرضوں کی واپسی کا تقاضا نہیں کریں گے۔

پشاور: وزیراعلیٰ خیبرپختونخواہ محمود خان کا کہنا ہے کہ فاٹا انضمام کو مکمل کرنے کی توفیق دینے پراللہ کا شکر گزار ہوں، صوبے کے دیگر علاقوں کی طرح باجوڑ بھی ترقی کرے گا۔

تفصیلات کے مطابق وزیراعلیٰ خیبرپختونخوا محمود خان نے تقریب سے خطاب کرتے ہوئے کہا کہ وزیراعظم عمران خان نے کہا کہ غریب آدمی کی فلاح کو ترجیح دینی ہے، وزیراعظم نے مجھ سے کہا آپ کو وزیراعلیٰ بنایا ہے مایوس نہیں کرنا۔

محمود خان نے کہا کہ باجوڑ میں زراعت کے پروگرام کا انعقاد قابل تحسین ہے، قبائلی علاقوں کے دورے کرکے ان کے مسائل حل کرنے ہیں، صوبے کے دیگر علاقوں کی طرح باجوڑ بھی ترقی کرے گا۔ انہوں نے کہا کہ فاٹا کا انضمام بہت بڑا چیلنج تھا، فاٹا انضمام کو مکمل کرنے کی توفیق دینے پراللہ کا شکر گزار ہوں۔

وزیراعلیٰ خیبرپختونخواہ محمود خان نے مزید کہا کہ میں لیڈر عمران خان کو جانتا ہوں، عمران خان کبھی بھی قوم کو مایوس نہیں کریں گے۔

انشااللہ عوام کو کبھی مایوس نہیں ہونے دیں گے، محمود خان

یاد رہے کہ گزشتہ ماہ وزیراعلیٰ خیبرپختونخواہ محمود خان کا کہنا تھا کہ اللہ کی مدد اورعمران خان کی کوششوں سے چیلنجزمیں سرخرو ہوں گے، انشااللہ عوام کو کبھی مایوس نہیں ہونے دیں گے۔

پشاور: وزیر اعلیٰ خیبر پختون خوا محمود خان نے کہا ہے کہ کوشش ہے تحریک انصاف کے وژن کے مطابق کام کریں، میں کسی سے اخلاق سے گر کر بات نہیں کروں گا۔

تفصیلات کے مطابق وزیر اعلیٰ کے پی نے ایک تقریب سے خطاب کرتے ہوئے کہا کہ بہ طور وزیر اعلیٰ کہتا ہوں کہ جو مٹہ گئے وہ پشاور آئیں، جو لوہے کے چنے کی بات کرتا تھا آج رو رہا ہے۔

محمود خان کا کہنا تھا کہ دیکھتا ہوں میرے حلقے اور گھر کون آتا ہے، ان لوگوں کی تربیت نہیں ہوئی، میں انھیں مولانا نہیں کہتا، میرا قائد جو کہے گا اس پر عمل کروں گا، میری پرورش اخلاق کے دائرے میں ہوئی ہے۔

دریں اثنا، وزیر اعلیٰ نے معمولی جرائم کے قیدیوں کے لیے 2 ماہ معافی کا اعلان کر دیا ہے، گریڈ 3 سے 16 تک کے ملازمین کو بھی ترقی دینے کا اعلان کیا گیا۔

یہ بھی پڑھیں:  مولانا فضل الرحمان کو کے پی سے گزرنے نہیں دوں گا، وزیراعلیٰ کے پی محمود خان

آج وزیر اعلیٰ خیبر پختون خوا محمود خان نے سینٹرل جیل پشاور کے نئے بلاک کا بھی افتتاح کیا، پشاور سینٹرل جیل 160 سال قبل (1854) بنایا گیا، جس کے بعد پہلی مرتبہ جیل میں تعمیر نو کی گئی ہے۔

ایک اجلاس میں وزیر اعلیٰ نے تمام محکموں کے انتظامی سربراہان کو ہدایت کرتے ہوئے کہا کہ جن جن محکموں میں جو بھی نئے قوانین بنائے گئے ہیں ان کے تحت رولز جلد سے جلد بنائے جائیں اور مسودے ایک ماہ کے اندر منظوری کے لیے صوبائی کابینہ کے سامنے پیش کیے جائیں۔

یاد رہے کہ رواں ماہ اے آر وائی نیوز سے گفتگو کرتے ہوئے وزیر اعلیٰ خیبر پختونخوا نے کہا تھا کہ وہ فضل الرحمان کو کے پی سے گزرنے نہیں دیں گے اور اپنے بیان پر قائم رہیں گے۔