پشاور : محکمہ انسداد دہشت گردی نے بین الاقوامی دہشت گرد تنظیم داعش کے پمفلٹ تقسیم کرنے والے دو ملزمان کو گرفتار کر لیا گیا ہے۔
محکمہ انسدادِ دہشت گردی نے پشاور ٹاؤن کی حدود میں دہشت گردی تنظیم کے اشتہارات تقسیم ہونے کی اطلاع پر کاروائی کرتے ہوئے صدر نوتھیہ بازار سے بین الاقوامی تمظیم دہشت گرد تنظیم داعش کے دو ملزمان کو گرفتار کر لیا ہے۔
حکام کے مطابق گرفتار ملزمان غلام محمد اور لعل محمد کا تعلق داعش تنظیم سے ہے، جو فاری اور پشتو زبان میں تحریر پمفلٹ تقیسم کر رہے تھے، دونوں ملزمان کے خلاف دہشت گردی ایکٹ سال 1997کے تحت مقدمہ درج کر لیا گیا ہے۔
ملزمان کو تفتیش کے لیے نامعلوم مقام پر منتقل کر دیا گیا ہے۔
واضح رہے کہ دو روز پہلے کراچی صفورا گوٹھ میں دہشت گردوں نے اسماعیلی کمیونٹی کی بس پر فائرنگ کرکے 47 افراد کو موت کے گھاٹ اتار دیا تھا جبکہ داعش کے پمفلٹ پھینک کر فرار ہوگئے تھے۔
