Tag: محکمہ آبپاشی

  • عوام بھی اب سرکاری ریسٹ ہاؤسز استعمال کرسکیں گے

    عوام بھی اب سرکاری ریسٹ ہاؤسز استعمال کرسکیں گے

    لاہور: پہلی بارعوام بھی سرکاری ریسٹ ہاؤسز استعمال کرسکیں گے، سرکاری ریسٹ ہاؤسز کے نئے کرایوں کا نوٹیفکیشن جاری کردیا گیا۔

    محکمہ آبپاشی کی جانب سے سرکاری ریسٹ ہاؤسز کے کرایوں میں اضافے کا نوٹیفکیشن جاری کردیا گیا ہے، کیٹیگری اے ون میں سرکاری افسران سے 10 ہزار روپے روزانہ چارج ہوگا جبکہ عوام سے 15 ہزار روپے روزانہ کمرے کا کرایہ چارج ہوگا۔

    کیٹیگری اے ون میں غیرملکیوں سے 20 ہزار روپے روزانہ کا کرایہ چارج ہوگا، اس کے علاوہ کیٹیگری اے میں سرکاری افسران سے 5490 روپے روزانہ کا کرایہ چارج ہوگا۔

    عوام سے 10 ہزار روپے روزانہ جبکہ غیرملکیوں سے کیٹیگری اے کےلیے 15 ہزار روپے کے چارجز وصول کیے جائیں گے۔

    کیٹیگری بی کے ریسٹ ہاؤسز میں افسران سے 2 ہزارروپے چارج ہونگے، عوام سے 5ہزار اور غیرملکیوں سے 6500 روپے روزانہ چارجز لیے جائیں گے۔

    ریسٹ ہاؤسز میں زیادہ سے زیادہ پانچ روز کی بکنگ ہوگی، کسی بھی شخص کو 7د ن پہلے درخواست دینی ہوگی۔

    https://urdu.arynews.tv/kp-rest-houses-lease-policy/

  • بلوچستان میں شدید بارشیں ، حب ڈیم کا لیول خطرناک حد تک بڑھ گیا

    بلوچستان میں شدید بارشیں ، حب ڈیم کا لیول خطرناک حد تک بڑھ گیا

    حب :حب ڈیم کا لیول خطرناک حد تک بڑھ گیا، حب ڈیم میں سطح آب 298 فٹ تک پہنچ گئی ہے، محکمہ آبپاشی کا کہنا ہے کہ پانی کی آمد کا سلسلہ جاری ہے اور مزید اضافے کا امکان ہے۔

    تفصیلات کے مطابق بلوچستان میں شدید بارشوں کے نتیجے میں حب ڈیم میں پانی کی سطح میں اضافہ ہوگیا، گذشتہ چوبیس گھنٹوں کے دوران پانی کی سطح میں تقریبا بیس فٹ کا اضافہ ہوا۔

    ذرائع کا کہنا ہے کہ حب ڈیم میں پانی کے ذخیرے میں تیزی سے اضافہ ہوا ہے، بلوچستان کے علاقے دریجی اورسارونہ کی ندیوں میں طغیانی کی اطلاعات بھی ہیں۔

    ذرائع کے مطابق حالیہ بارش سے حب اور کراچی کوایک سال تک پانی فراہم کیا جاسکے گا، حب ڈیم میں سطح آب 298 فٹ تک پہنچ گئی ہے، اس میں مسلسل اضافہ سے حب ڈیم کا لیول خطرناک حد تک بڑھ گیا ہے۔

    واضح رہے کہ حب ڈیم اور کینجھر جھیل کراچی کو پانی کی فراہمی کے دو بڑے ذرائع ہیں، ہاں سے پانی دھابیجی، گھارو اور حب پمپنگ اسٹیشنز کے ذریعے شہر کو سپلائی کیا جاتا ہے۔

    کراچی کے ضلع ویسٹ کے علاقوں کو پانی کی فراہمی حب ڈیم سے ہوتی ہے اور گذشتہ کئی سال سے بارشیں نہ ہونے کے سبب علاقوں میں پانی کی فراہمی نہ ہونے کے برابر تھی۔