ARYNews.tv | Urdu – Har Lamha Bakhabar

Tag: محکمہ داخلہ سندھ

  • کراچی سمیت سندھ بھرمیں 9 اور10 محرم کو ڈبل سواری پر پابندی عائد

    کراچی سمیت سندھ بھرمیں 9 اور10 محرم کو ڈبل سواری پر پابندی عائد

    کراچی: سندھ حکومت نے عاشورہ کے موقع پر کراچی سمیت صوبے بھر میں موٹرسائیکل کی ڈبل سواری پر پابندی عائد کردی۔

    تفصیلات کے مطابق سندھ حکومت نے صوبے میں کسی بھی ناخوشگوار واقعے سے بچنے اور امن وامان کی صورت حال برقرار رکھنے کے لیے 9 اور 10 محرم کو ڈبل سواری پر پابندی عائد کردی۔

    محکمہ داخلہ سندھ کی جانب سے جاری نوٹیفکیشن کے مطابق کرمنل پروسیجر کوڈ کی دفعہ 144 کے تحت یہ پابندی لگائی گئی۔

    نوٹیفکیشن میں بتایا گیا ہے کہ کراچی، سکھر اور حیدرآباد سمیت صوبے بھر میں 9 اور 10 محرم الحرام کو موٹرسائیکل کی ڈبل سوار پر پابندی ہوگی۔ خواتین، بچے، بزرگ، معذور افراد اور صحافی ڈبل سواری کی پابندی سے مستنیٰ ہوں گے۔

    علاوہ ازیں سندھ حکومت نے یکم سے 10 محرم تک پولیس، رینجرز اور دیگر قانون نافذ کرنے والے اداروں کے باوردی اہلکاروں کے علاوہ صوبے میں ہرقسم کے اسلحے کی نمائش پر پابندی عائد کردی۔

    محکمہ داخلہ سندھ کی جانب سے جاری نوٹیفکیشن کے مطابق 10 روز کے لیے محرم کے جلوسوں، مجالس اور تعزیوں کے علاوہ 5 افراد کا جمع ہونا ممنوع ہوگا جبکہ قابل اعتراض، اشتعال انگیز وال چاکنگ، بینرز اور پوسٹرز اور اس طرح کی تقاریر پر بھی 10 روز کے لیے پابندی ہوگی۔

  • کراچی، عید الاضحیٰ، 14 اگست کے موقع پر قیدیوں کی سزا میں 120 دن کی کمی

    کراچی، عید الاضحیٰ، 14 اگست کے موقع پر قیدیوں کی سزا میں 120 دن کی کمی

    کراچی: محکمہ داخلہ سندھ نے عید الاضحیٰ، 14 اگست کے موقع پر قیدیوں کی سزا میں 120 دن کی کمی کردی۔

    تفصیلات کے مطابق محکمہ داخلہ سندھ کی جانب سے عیدا لاضحیٰ اور 14 اگست کے موقع پر قیدیوں کی سزا میں 120 دن کی کمی کی گئی ہے جس کا نوٹیفکیشن بھی جاری کردیا گیا ہے۔

    نوٹیفکیشن کے مطابق عید الاضحیٰ اور 14 اگست پر 60، 60 روز کی سزائیں معاف کی گئی ہیں، دہشت گردی سمیت سنگین جرائم کے قیدیوں پر سزا کی کمی کا اطلاق نہیں ہوگا۔

    ملک مخالف سازش، دہشت گردی، جاسوسی، قتل، اغوا کے قیدیوں کی سزا بھی معاف نہیں کی جائے گی۔

    وزیراعلیٰ سندھ سید مراد علی شاہ اس خصوصی سزا کی معافی پر فائدہ اٹھانے والے قیدیوں اور ان کے اہل خانہ کو مبارک باد دیتے ہوئے کہا کہ امید ہے سزا میں رعایت حاصل کرنے والے قیدی اپنی زندگی میں بہتری لائیں گے۔

    واضح رہے کہ اس سے قبل صوبہ پنجاب کی جیلوں میں موجود مسیحی قیدیوں کے لیے پنجاب حکومت کا فیصلہ رواں سال 7 مئی کو سامنے آیا تھا۔

    پنجاب حکومت کی جانب سے پہلی مرتبہ مسیحی قیدیوں کے لیے مذہبی تعلیم حاصل کرنے کے عوض سزاؤں میں کمی کا فیصلہ کیا گیا تھا۔

    پنجاب حکومت کی جانب سے محکمہ جیل خانہ جات کو مسیحی قیدیوں کی تفصیلات جمع کرنے کا حکم دیا گیا تھا۔

  • کراچی، محکمہ داخلہ سندھ نے شہر میں جگہ جگہ مویشی منڈیوں کا نوٹس لے لیا

    کراچی، محکمہ داخلہ سندھ نے شہر میں جگہ جگہ مویشی منڈیوں کا نوٹس لے لیا

    کراچی: محکمہ داخلہ سندھ نے شہر قائد میں جگہ جگہ مویشی منڈیوں کا نوٹس لے لیا، شہر میں مویشی منڈیوں سے متعلق ایس پی او جاری کردیا گیا۔

    تفصیلات کے مطابق محکمہ داخلہ سندھ نے شہر قائد میں جگہ جگہ مویشی منڈیاں قائم کرنے کا نوٹس لے لیا جس کا نوٹیفکیشن جاری کردیا گیا ہے، منڈیوں کے اجازت ناموں کا اجرا ٹاؤن، میونسپل کمیٹیاں، کارپوریشن کریں گے۔

    محکمہ داخلہ سندھ کی جانب سے جاری کردہ نوٹیفکیشن کے مطابق تمام این او سیز اداروں کی جانب سے جاری کیے جائیں گے، کسی پارک، گراؤنڈ، سڑک، پبلک جگہ پر مویشی منڈی لگانے کی اجازت نہیں ہوگی۔

    نوٹیفکیشن کے مطابق پرائیویٹ جگہ پر ملک کی رضامندی کے بغیر منڈی نہیں لگائی جاسکتی ہے، منڈی لگانے کی جگہ پر پینے کا صاف پانی، صفائی کا مناسب انتظام ہونا چاہئے۔

    مزید پڑھیں: عید قرباں قریب آتے ہی ڈکیت سرگرم، مویشیوں کی لوٹ مار کا ایک اور واقعہ

    مویشی منڈی میں روشنیوں کا مناسب انتظام ہونا چاہئے، شہر میں لگی مویشی منڈیوں میں سیکیورٹی کا مناسب انتظام ہونا چاہئے، مویشی منڈیوں میں ویٹرنری ڈاکٹرز اور ٹیم کا موجود ہونا لازمی ہوگا۔

    ذرائع کا کہنا ہے کہ ہر سال کی طرح امسال بھی محکمہ داخلہ کی جانب سے غیرقانونی مویشی منڈیوں کے خلاف نوٹیفکیشن جاری کیا گیا ہے لیکن پولیس اہلکاروں کی ملی بھگت سے غیرقانونی مویشی منڈیاں مختلف علاقوں میں پارک کے اطراف اور مین روڈ پر لگی نظر آتی ہیں۔

    یاد رہے کہ چند روز قبل گلشن معمار کے قریب 12 ڈاکو کیٹل فارم سے قربانی کے جانور لوٹ کر فرار ہوگئے تھے، واردات پوری تیاری کے ساتھ کی گئی تھی، مسلح ڈکیتوں نے عملے کو یرغمال بنایا، فارم کے سیکیورٹی گارڈ سے اسلحہ چھین لیا، کیٹل فارم کے ملازمین کو تشدد کا نشانہ بنایا۔

  • محکمہ داخلہ سندھ نے ایم کیو ایم کے تمام رہنماؤں کی سیکورٹی بڑھا دی

    محکمہ داخلہ سندھ نے ایم کیو ایم کے تمام رہنماؤں کی سیکورٹی بڑھا دی

    کراچی: سابق رکن قومی اسمبلی رضا علی عابدی کی ٹارگٹ کلنگ کے بعد محکمہ داخلہ سندھ نے ایم کیو ایم کے تمام رہنماؤں کی سیکورٹی بڑھا دی ہے۔

    تفصیلات کے مطابق کراچی کے علاقے ڈیفنس میں ایم کیو ایم کے سابق رہنما رضا علی عابدی کو دہشت گردوں نے فائرنگ کر کے قتل کر دیا، واقعے کے بعد محکمہ داخلہ سندھ نے ایم کیو ایم رہنماؤں کی سیکورٹی بڑھا دی۔

    [bs-quote quote=”فیصلہ موجودہ صورتِ حال کے تناظر میں کیا گیا ہے۔” style=”style-7″ align=”left” color=”#dd3333″ author_name=”محکمہ داخلہ”][/bs-quote]

    متحدہ قومی موومنٹ کے دفاتر پر بھی پولیس کی بھاری نفری تعینات کر دی گئی ہے، سیکریٹری محکمہ داخلہ کے مطابق یہ فیصلہ موجودہ صورتِ حال کے تناظر میں کیا گیا ہے۔

    خیال رہے کہ آج متحدہ قومی موومنٹ پاکستان کے سابق رہنما علی رضا عابدی فائرنگ سے جاں بحق ہو گئے، انھیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔

    یہ بھی پڑھیں:  کراچی: سابق رکن قومی اسمبلی علی رضا عابدی قاتلانہ حملے میں جاں بحق

    وزیرِ اعلیٰ سندھ مراد علی شاہ نے کہا کہ رضا علی عابدی کو قتل کرنے والے دہشت گردوں کو ہر صورت کیفرِ کردار تک پہنچائیں گے، قاتلانہ حملہ شہر کے امن کو خراب کرنے کی کوشش ہے۔

    دوسری طرف وزیرِ اعظم عمران خان نے بھی علی رضا عابدی پر قاتلانہ حملے کی مذمت کرتے ہوئے رپورٹ طلب کر لی ہے۔

  • ربیع الاوّل : موبائل فون سروس سندھ کے مخصوص علاقوں میں بند رکھنے کا فیصلہ

    ربیع الاوّل : موبائل فون سروس سندھ کے مخصوص علاقوں میں بند رکھنے کا فیصلہ

    کراچی : حکومت سندھ نے فیصلہ کیا ہے کہ موبائل فون سروس مخصوص علاقوں میں بند رہے گی، محکمہ داخلہ سندھ نے وفاقی حکومت سے کل بروز بدھ موبائل فون سروس بند کرنے کی سفارش کی ہے، اس کے علاوہ موٹر سائیکل پر ڈبل سواری کی پابندی بھی برقرار ہے۔

    تفصیلات کے مطابق سندھ حکومت نے 12 ربیع الاول کے موقع پر کراچی سمیت صوبے کے مختلف اضلاع میں آج بروز بدھ موبائل فون سروس بند رکھنے کا فیصلہ کیا ہے اور اس حوالے سے محکمہ داخلہ سندھ نے وفاق سے سفارش بھی کردی ہے۔

    اس حوالے سے ذرائع کا کہنا ہے کہ محکمہ داخلہ سندھ نے وفاق سے کل بروز بدھ موبائل فون سروس بند کرنے کی سفارش کی ہے، محکمہ داخلہ سندھ کے مراسلہ میں کراچی سمیت 15اضلاع میں موبائل فون سروس بند رکھنے کی سفارش کی گئی ہے۔

    محکمہ داخلہ سندھ کے مطابق کراچی میں صدر، کورنگی، ملیر، نیوکراچی میں موبائل سروس بند ہوگی جبکہ حیدرآباد، سکھر، نوابشاہ اور دیگراضلاع میں بھی موبائل سروس کی جزوی بندش ہوگی۔

    موبائل فون سروس صبح 6سےرات11تک بند رکھنے کا کہا گیا ہے۔ محکمہ داخلہ سندھ کے مطابق موبائل فون سروس مخصوص علاقوں میں بند رہے گی۔

    مزید پڑھیں: ماہ ربیع الاوّل ، کراچی میں ڈبل سواری پر پابندی کی مدت میں کمی کا اعلان

    علاوہ ازیں 12 ربیع الاوّل کے موقع پر  محکمہ داخلہ سندھ نے موٹر سائیکل کی ڈبل سواری سے متعلق دو روز قبل نوٹیفکیشن جاری کیا، حکم نامے کے تحت پابندی اب دس ربیع الاوّل سے13ربیع الاوّل تک ہوگی۔

    شہر میں قیام امن اور سیکیورٹی خدشات کے پیش نظر نوٹی فکیشن میں کہا گیا ہے کہ شہریوں کے اسلحہ لے کر چلنے اور لاؤڈ اسپیکر کےاستعمال پر پابندی ہوگی۔

  • کراچی: اغوا، جنسی زیادتی میں ملوث 18 اہم ملزمان کی فہرست تیار

    کراچی: اغوا، جنسی زیادتی میں ملوث 18 اہم ملزمان کی فہرست تیار

    کراچی: شہرِ قائد میں جرائم پر قابو پانے کے سلسلے میں منشیات فروشی، اغوا اور جنسی زیادتی کے واقعات میں ملوث 18 ملزمان کی فہرست تیار کر لی گئی۔

    تفصیلات کے مطابق محکمۂ داخلہ نے کراچی میں جرائم پر کنٹرول کے لیے 18 ایسے ملزمان کی فہرست تیار کر لی ہے جو منشیات فروشی، اغوا اور جنسی زیادتی کے واقعات میں ملوث ہیں۔

    [bs-quote quote=”نوجوان لڑکے اور لڑکیاں شہر کے پوش علاقوں میں کارروائیاں کرتے ہیں۔” style=”style-7″ align=”left” color=”#dd3333″ author_job=”رپورٹ”][/bs-quote]

    محکمۂ داخلہ کی تیار کردہ رپورٹ میں کہا گیا ہے کہ مختلف جرائم میں ملوث نوجوان لڑکے اور لڑکیاں شہر کے پوش علاقوں میں کارروائیاں کرتے ہیں۔

    ذرائع کا کہنا ہے کہ محکمۂ داخلہ نے ڈی جی رینجرز میجر جنرل محمد سعید اور آئی جی پولیس ڈاکٹر سید کلیم امام کو کارروائی کے لیے خط بھی لکھ دیا ہے۔

    ذرائع کا یہ بھی کہنا ہے کہ مذکورہ گروہ کے ارکان کی گرفتاری کے لیے سیکورٹی اداروں نے پوش علاقوں میں چھاپے مارنے کا آغاز کر دیا ہے۔

    یہ بھی پڑھیں:  کراچی پولیس کی کارروائی، غیر اخلاقی گروپ چلانے والا کارندہ گرفتار

    خیال رہے کہ ایک ہفتہ قبل سندھ پولیس نے کلفٹن کے علاقے میں کام یاب کارروائی کرتے ہوئے ایک غیر اخلاقی گروپ چلانے والا کارندہ گرفتار کیا، ملزم فیس بک پر غیر اخلاقی پیج چلا رہا تھا۔

    ایس پی کلفٹن سوہائے عزیز نے پریس کانفرنس کرتے ہوئے بتایا کہ پولیس نے کارروائی کرتے ہوئے ڈرٹی نائٹس گروپ کا کارندہ گرفتار کر لیا ہے، ملزم ارسلان قمر ڈانس پارٹی کراتا تھا۔

  • راؤ انوارکےمبینہ جعلی پولیس مقابلوں کی تحقیقات کےلیےدرخواست پرسماعت

    راؤ انوارکےمبینہ جعلی پولیس مقابلوں کی تحقیقات کےلیےدرخواست پرسماعت

    کراچی : سندھ ہائی کورٹ میں راؤ انوارکے مبینہ جعلی پولیس مقابلوں کی تحقیقات کے لیے درخواست پرسماعت کے دوران محکمہ داخلہ، آئی جی سندھ اوردیگرحکام نے جواب کے لیے مہلت مانگ لی۔

    تفصیلات کے مطابق سندھ ہائی کورٹ میں راؤ انوارکے مبینہ جعلی پولیس مقابلوں کی تحقیقات کے لیے درخواست پرسماعت ہوئی۔

    عدالت میں سماعت کے دوران اسسٹنٹ ایڈووکیٹ جنرل سندھ نے دلائل دیتے ہوئے کہا کہ درخواست نا قابل سماعت ہے۔

    درخواست گزار مزمل ممتاز ایڈوکیٹ نے کہا کہ راؤ انوارنے جعلی مقابلوں کے ذریعے ترقی حاصل کی۔

    درخواست میں موقف اختیار کیا گیا ہے کہ راؤانوارنے دوران ملازمت اختیارات سے تجاوزکیا، مبینہ طور پر250سے زائد افراد کوجعلی مقابلوں میں مارا۔

    راؤ انوارکو دوران ملازمت مسلسل ملیرمیں کس نے تعینات رکھا؟ جعلی مقابلوں کے الزامات کی باوجود کوئی کارروائی نہیں ہوئی۔

    راؤ انوار کے خلاف دائر درخواست میں عدالت سے استدعا کی گئی ہے کہ تحقیقات کے لیے اعلی سطح بورڈ قائم کیا جائے، درخواست میں سندھ حکومت، آئی جی سندھ، راؤانوار اور دیگرحکام کو فریق بنایا گیا ہے۔

    محکمہ داخلہ، آئی جی سندھ اوردیگرنے جواب کے لیے مہلت مانگ لی جس کے بعد عدالت نے سماعت 30 مارچ تک ملتوی کرتے ہوئے فریقین کو رپورٹ پیش کرنے کا حکم دے دیا۔

    سپریم کورٹ نے راؤانوار کو توہین عدالت کا نوٹس جاری کردیا

    یاد رہے کہ 16 فروری کونقیب اللہ محسود قتل کیس میں حفاظتی ضمانت کے باوجود پیش نہ ہونے پر راؤانوار کو سپریم کورٹ نے توہین عدالت کا نوٹس جاری کیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آٹھ محرم الحرام کا جلوس: ملک بھرمیں سیکورٹی کےسخت انتظامات

    آٹھ محرم الحرام کا جلوس: ملک بھرمیں سیکورٹی کےسخت انتظامات

    کراچی : ملک بھر میں آٹھ محرم الحرام کی منسابت سے برآمد ہونے والے جلوسوں کی سیکورٹی کے لیے سخت ترین انتظامات کیے گئے ہیں جبکہ کئی شہروں میں موٹرسائیکل کی ڈبل سواری پرپابندی ہے۔

    تفصیلات کے مطابق کراچی میں آٹھ محرم الحرام کا مرکزی جلوس نشترپارک سے برآمد ہوکر کھارادار حسینیہ ایرانیاں پر اختتام پذیر ہوگا جبکہ جلوس کی گزرگاہوں سےملحقہ علاقوں میں موبائل سروس بند ہوگی۔

    ایم اے جناح روڈ اورصدر میں آٹھ محرم الحرام کے جلوس کی گزرگاہوں سے ملحقہ سڑکوں کو کنٹینرلگا کر بند کرگیا ہے۔

    کراچی میں ڈبل سواری پر پابندی عائد

    کراچی میں آٹھ، نو اور دس محرم الحرام کومحکمہ داخلہ سندھ نے موٹرسائیکل کی ڈبل سواری پر پابندی عائد کردی ہے۔ حکام کا کہنا ہے پابندی لگائے جانے کی وجہ یومِ عاشور پر کیے جانے والے سیکورٹی انتظامات کو موثر بناناہے۔

    محرم الحرام جلوس، متبادل ٹریفک پلان جاری

    کراچی ٹریفک پولیس نے رواں سال بھی 8 تا 10 محرم پر نکالنے جانے والے جلوسوں کے پیش نظر متبال ٹریفک پلان جاری کردیا۔

    دوسری جانب لاہور میں آٹھ محرم الحرام کا مرکزی جلوس امام بارگاہ دربار حسین موری گیٹ سے برآمد ہوگا جو لوہاری، انارکلی، مال روڈ سے گزرتا ہوا پام اسٹریٹ انارکلی پر اختتام پذیرہوگا۔ جلوس کے راستوں پر موبائل فون سروس معطل رہے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کراچی میں ڈبل سواری پر پابندی عائد

    کراچی میں ڈبل سواری پر پابندی عائد

    کراچی : یومِ عاشور کے موقع پرسیکورٹی کو مدنظر رکھتے ہوئے کراچی میں موٹرسائیکل کی ڈبل سواری پرپابندی لگا دی گئی ہے۔

    تفصیلات کے مطابق محکمہ داخلہ سندھ نے کراچی میں آٹھ، نو اور دس محرم الحرام کو موٹرسائیکل کی ڈبل سواری پر پابندی عائد کردی ہے۔ حکام کا کہنا ہے پابندی لگائے جانے کی وجہ یومِ عاشور پر کیے جانے والے سیکورٹی انتظامات کو موثر بناناہے۔

    محکمہ داخلہ سندھ کی جانب سے صوبے بھر میں 60 روز کے لیے اسلحے کی نمائش پرپابندی عائد کی گئی ہے اور سادہ لباس سیکورٹی گارڈ کے اسلحہ لے کرچلنے پربھی پابندی ہے۔

    دس محرم الحرام تک پولیس موبائل سے مماثلت رکھنے والی گاڑیوں کے استعمال پربھی پابندی ہوگی۔

    محرم الحرام جلوس، متبادل ٹریفک پلان جاری

    واضح رہے کہ گزشتہ روز محرم الحرام میں ٹریفک کی آمد و رفت کو بحال رکھنے اور عوام کو مشکلات سے بچانے کے لیے ٹریفک پولیس نے 8 تا 10 محرم کا متبادل ٹریفک پلان جاری کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

     

  • سندھ کے مختلف شہروں میں موبائل سروس معطل

    سندھ کے مختلف شہروں میں موبائل سروس معطل

    کراچی : محکمہ داخلہ سندھ کا کہنا ہے کہ یوم عاشور کے دن سیکورٹی خدشات کے پیش نظرسندھ کے مختلف شہروں میں موبائل سروس بند رہے گی۔

    محمکہ داخلہ سندھ کے مطابق یوم عاشورہ کے دن سندھ کے مختلف شہروں میں موبائل سروس ساڑھے بارہ بجے سے شام ساڑھے سات بجے تک بند رہے گی۔

    سندھ حکومت نے اس سے قبل نو اور دس محرم الحرام کے دن سندھ کے مختلف شہروں میں موبائل سروس بندکرنے کی وفاقی حکومت سےسفارش کی تھی تاہم نو محرم کو موبائل سروس بند نہیں کی گئی لیکن آج سندھ حکومت کی سفارش پر موبائل سروس بند کرنے کا فیصلہ کیا گیا ہے۔


    Mobile phone service remain off in sindh… by arynews

    وزارت داخلہ پاکستان کی جانب سے محکمہ داخلہ سندھ کو موبائل سروس بندکرنے کے حوالے سے باضابطہ طور پر آگاہ کردیا گیا ہے۔

    محکمہ داخلہ سندھ کا کہنا ہے کہ ہم نے جو سفارش کی تھی اس بنیاد پر کراچی سمیت سندھ کے مختلف شہروں میں موبائل سروس بندکرنے کا فیصلہ کیا گیا اور جلوس کے اختتام پذیز ہونے تک مختلف شہروں میں موبائل سروس معطل رہے گی۔

    دوسری جانب لاہور سمیت پنجاب کے کئی شہروں میں بھی موبائل فون سروس بند کرنے کا فیصلہ کیا گیا ہے۔صوبہ پنجاب کے دارالحکومت لاہور میں جلوس کے روٹ اور اس کے گردونواح میں موبائل سروس جلوس کے اختتام تک بند رہے گی۔

    مزید پڑھیں: وفاقی دارالحکومت میں موبائل سروس بندنہ کرنےکافیصلہ

    یاد رہے کہ گزشتہ روز وزارت داخلہ کی جانب سے وفاقی دارالحکومت میں موبائل سروس بند نہ کرنے کافیصلہ کیا گیا تھااور ساتھ ہی جلوس کے راستوں پر سیکورٹی کے فول پروف انتظامات کرنے کی ہدایات کی گئی تھیں۔

    واضح رہے کہ چاروں صوبوں، گلگت،فاٹا اور اسلام آباد انتظامیہ نے نو اور دس محرم کو موبائل فون سروس بند کرنے کے لیے وفاقی حکومت کو درخواست دی تھی جبکہ کراچی، لاہور،راولپنڈی ،پشاور اور کوئٹہ سمیت کئی شہروں میں ڈبل سواری پربھی پابندی ہے۔