Tag: محکمہ موسمیات

کراچی : محکمہ موسمیات نے کراچی میں آج سے موسم مزید گرم ہونے کی پیشگوئی کردی تاہم گرمی کی لہر بارہ مارچ تک جاری رہنے کا امکان ہے۔

تفصیلات کے مطابق کراچی میں موسم گرما نے انٹری دے دی، آج سے گرمی کی شدت میں اضافے کے بعد شہر کا درجہ حرارت 38 ڈگری سینٹی گریڈ تک جانے کا امکان ہے۔

محکمہ موسمیات نے بتایا کہ گرم موسم کی شدت 12 مارچ تک برقرار رہنے کا امکان ہے ، جس کے بعد مغربی ہواؤں کا سلسلہ ملک کے بالائی علاقوں پر اثرانداز ہو سکتا ہے، جس سے شہر میں 12 مارچ کے بعد درجہ حرارت میں کمی متوقع ہے۔

دوسری جانب ملک کے میدانی علاقوں میں دن میں دھوپ اور معمول کے درجہ حرارت میں اضافے سے موسم بدلنے لگا ہے۔

کشمیر، گلگت بلتستان، سوات، دیر، چترال اور دیگر بالائی علاقوں میں سردی کی لہر برقرار ہے، جہاں کم سے کم درجہ حرات استور میں منفی چار، گوپس اور کالام میں منفی تین اور ہنزہ میں منفی دو ڈگری ریکارڈ کیا گیا۔

محکمہ موسمیات نے آئندہ چوبیس گھنٹے کے دوران کوئٹہ ، لاہور، اسلام آباد،پشاور سمیت ملک کے بیشتراضلاع میں موسم خشک رہنے کی پیشگوئی کی ہے۔

کراچی : محکمہ موسمیات نے شہر قائد کے شہریوں کو خبردار کرتے ہوئے گرمی کی شدت بڑھنے کا خدشہ ظاہر کردیا۔

تفصیلات کے مطابق کراچی والے اب ہوجائیں تیار کیوں کہ محکمہ موسمیات نے شہر میں آج سے درجہ حرارت میں دو سے تین ڈگری اضافے کا امکان ظاہر کردیا۔

محکمہ موسمیات نے دن میں گرمی کی شدت بڑھنے کا خدشہ ظاہر کرتے ہوئے کہا کہ دن کے اوقات میں تیز دھوپ کے ساتھ موسم گرم رہنے کا امکان ہے اور زیادہ سے زیادہ درجہ حرارت چونتیس سے چھتیس ڈگری سینٹی گریڈ تک جاسکتا ہے۔

موسم کا حال بتانے والوں کا کہنا تھا کہ شام کے وقت شہر میں سمندری ہوائیں چلنے کا سلسلہ شروع ہوگا۔

دوسری جانب ملک کے بیشتراضلاع میں آج موسم خشک رہے گا، محکمہ موسمیات نے کوئٹہ، لاہور، اسلام آباد اور پشاور سمیت بیشتر علاقوں میں موسم خشک رہنے کی پیش گوئی کی ہے۔

Weather Updates Pakistan- موسم کی خبریں

کشمیر اور گلگت بلتستان سمیت بالائی علاقوں میں موسم سرد رہنے کا امکان ہے۔

پنجاب کے بیشتر اضلاع میں موسم خشک، مری اور گلیات میں سردی اور جزوی ابر آلود مطلع رہنے کا امکان ہے۔

ملک کے بیشتر علاقوں میں گزشتہ 24 گھنٹوں کے دوران موسم سرد اور خشک، پہاڑی علاقوں میں شدید سردی رہی۔

لہہ میں سب سے کم درجہ حرارت منفی 13 ڈگری، استور منفی 06، کالام منفی 04، جبکہ گوپس اور ہنزہ میں منفی 03 ڈگری ریکارڈ کیا گیا۔

کراچی : محکمہ موسمیات نے کراچی میں بارش کے حوالے سے نئی پیش گوئی کردی۔

تفصیلات کے مطابق ملک کے مختلف شہروں میں بادل برسنے سے جاتی سردی لوٹ آئی ہے۔

محکمہ موسمیات نے آج کراچی میں ہلکی بارش کی پیشگوئی کرتے ہوئے کہا کراچی میں مطلع ابر آلود رہنے کا امکان ہے اور آئندہ چند روز تک پارہ پینتیس ڈگری سینٹی گریڈ تک جا سکتا ہے۔

لاہور، جہلم، جھنگ، ساہیوال، شیخوپورہ، جڑنوالہ، ڈسکہ اور محسن وال میں وقفے وقفے سے بارش کے ساتھ ٹھنڈی ہوائیں چلنے لگیں۔

اسلام آباد اور راولپنڈی میں کبھی ہلکی کبھی تیز بارش سے موسم سہانا ہوگیا ہے۔

کوئٹہ اور پنجگور سمیت بلوچستان کے بیشتر علاقوں میں وقفے وقفے سے بارش کا سلسلہ جاری ہے۔

نتھیا گلی، ایبٹ آباد اور مانسہرہ سمیت بالائی علاقوں میں برفباری سے ہرسو سفیدی چھاگئی۔

محکمہ موسمیات نے آج خیبر پختونخوا، بلوچستان ،پنجاب،گلگت بلتستان اور کشمیرمیں بارش اور پہاڑوں پرمزید برف باری کی پیش گوئی کی ہے۔

لاہور میں گزشتہ روز شروع ہونے والی بارش وقفے وقفے سے جاری ہے، بارش کے باعث موسم سرد ہوگیا ہے، محکمہ موسمیات کے مطابق آج مزید بارش کا امکان ہے جبکہ سکھرسمیت گردو نواح میں ہلکی بارش سے جاتی سردی لوٹ آئی۔

کراچی : محکمہ موسمیات نے کراچی میں بارش کے حوالے سے بڑی پیش گوئی کردی، بارش برسانے والا سسٹم دو مارچ تک برقرار رہے گا۔

تفصیلات کے مطابق ملک میں بارشوں اور برفباری کا نیا سلسلہ انٹری دے چکا ہے، جو سات دن تک جاری رہے گا، بارش برسانے والا سسٹم بیشتر شہروں پر اثر انداز ہوگا ۔

محکمہ موسمیات نے کراچی میں آج ہلکی بارش کا امکان ظاہر کرتے ہوئے کہا کہ شہر میں آج موسم ابرآلود رہے گا۔

موسم کا حال بتانے والوں کا کہنا تھا کہ شمالی اور پہاڑی علاقوں میں گرج چمک کے ساتھ بارش اور برفباری ہوگی، جبکہ پنجاب، خیبرپختونخوا اور اسلام آباد میں ژالہ باری کا بھی امکان ہے۔

بارش اور برفباری سے مری، گلیات، ناران، کاغان اور دیگر پہاڑی علاقوں میں سڑکیں بند اور پھسلن کا خطرہ ہے۔

کشمیر اور گلگت بلتستان میں پچیس فروری سے دو مارچ تک شدید بارشوں اور برف باری کا امکان ہے ، محکمہ موسمیات کے مطابق بلوچستان اور سندھ کے کچھ حصوں میں چھبیس فروری تک بادل برس سکتے ہیں ۔

لاہور میں صبح سویرے بارش کے بعد سردی کی شدت میں اضافہ ہوگیا ہے جبکہ آئندہ 24 گھنٹے کے دوران شہر میں ہلکی بارش کا امکان ہے۔

پشاور اور گرد و نواح میں ہلکی بارش اور ٹھنڈی ہواؤں کا سلسلہ جاری ہے، جس سے موسم خوشگوار اور سرد ہو گیا ہے۔۔ محکمہ موسمیات کے مطابق بارشوں کا سلسلہ دو مارچ تک جاری رہنے کا امکان ہے۔

بلوچستان میں بھی مغربی ہواؤں کا سسٹم داخل ہونے سے کوئٹہ اور چمن میں موسلادھار بارش وقفے وقفے سے جاری ہے۔

کراچی : محکمہ موسمیات نے کراچی کے موسم کے حوالے سے بڑی پیش گوئی کردی اور کہا آج زیادہ سے زیادہ درجہ حرارت 31 ڈگری سینٹی گریڈ تک جانے کا امکان ہے۔

تفصیلات کے مطابق محکمہ موسمیات نے کراچی میں موسم کی صورتحال بتاتے ہوئے کہا کہ شہر میں مطلع جزوی برآلود اور موسم گرم رہے گا۔

محکمہ موسمیات نے شہر میں آج تیز سمندری ہوائیں چلنے کا امکان ظاہر کرتے ہوئے کہا کہ زیادہ سے زیادہ درجہ حرارت31 ڈگری سینٹی گریڈ رہنے کا امکان ہے۔

شہر میں ہوا میں نمی کا تناسب 88 فیصد ہے جبکہ شمال مشرق سمت سے 6 کلو میٹر فی گھنٹہ کی رفتار سے ہوا چل رہی ہے۔

شہرکافضائی معیارمضر ہے اور ہوا میں آلودہ ذرات کی مقدار 112 پرٹیکیولیٹ میٹرز ریکارڈ کیا گیا۔

دوسری جانب محکمہ موسمیات نے ملک بھر میں آج سے بارش کا نیا اسپیل داخل ہونے کی پیش گوئی کی ہے۔

آج سے مغربی ہواؤں کا سسٹم ملک میں داخل ہوگا، جس کے نتیجے میں پنجاب، خیبر پختونخوا اور اسلام آباد میں ژالہ باری کا امکان ہے۔

شمالی اورپہاڑی علاقوں میں گرج چمک کےساتھ بارش اوربرف باری کا امکان ہے۔

گلگت بلتستان میں پچیس فروری سے دو مارچ تک شدید بارش اوربرف باری متوقع ہے جبکہ پہاڑی علاقوں میں سڑکیں بند اور پھسلن کا خطرہ ہے۔

خیبر پختونخوا اور کشمیرمیں فلیش فلڈنگ اورلینڈسلائیڈنگ کاخدشہ ہے، جس کے پیش نظر سیاحوں کو غیر ضروری سفرسے گریزکی ہدایت کی گئی ہے۔