Tag: محکمہ موسمیات

کراچی : محکمہ موسمیات نے کراچی میں حالیہ سردی کی لہر سے متعلق پیشگوئی کرتے ہوئے کہا کہ 9 فروری سے درجہ حرارت میں اضافہ متوقع ہے۔

تفصیلات کے مطابق محکمہ موسمیات نے کراچی کے موسم کے حوالے سے کہا ہے کہ شہرقائدمیں موسم سرداورخشک ہے، کم سے کم درجہ حرارت 12 ڈگری سینٹی گریڈ ریکارڈ کیا گیا تاہم آج رات کم سے کم درجہ حرارت 12   سے 14 ڈگری رہنے کا امکان ہے۔

محکمہ موسمیات کا کہنا تھا کہ زیادہ سے زیادہ درجہ حرارت 29 ڈگری سینٹی گریڈ تک جانے کا امکان ہے ، شمال مشرق سمت سے 8 کلومیٹر فی گھنٹہ کی رفتار سے ہوا چل رہی ہے۔

موسم کا حال بتانے والوں نے 9 فروری سے درجہ حرارت میں اضافے کا امکان ظاہر کردیا۔

مزید پڑھیں : کراچی کے موسم میں بڑی تبدیلی

دوسری جانب بالائی علاقے اوربلوچستان بدستور شدید سردی کی لپیٹ میں ہیں، جہاں درجہ حرارت نقطہ انجماد سے نیچے ہے۔

زیارت میں درجہ حرارت منفی سات قلات اور کوئٹہ میں منفی چھ ، استور، کالام،اور اسکردو میں منفی چار، مالم جبہ، ہنزہ میں منفی تین، دیر اور راولاکوٹ میں منفی دو ریکارڈ کیا گیا۔

کراچی : شہر قائد میں سردی میں کمی آگئی، زیادہ سے زیادہ درجہ حرارت 30 ڈگری تک جانے کا امکان ہے۔

تفصیلات کے مطابق شہر قائد میں سردی کا زور ٹوٹ گیا، محکمہ موسمیات کا کہنا ہے کہ شہر میں سردی کی نئی لہر کا کوئی امکان نہیں اور کم سے کم درجہ حرات بارہ اور زیادہ سے زیادہ انتیس ڈگری رہے گا۔

شہر میں ہوا میں نمی کا تناسب زائد ہونے سے صبح کے وقت میں اوس بھی پڑی تاہم محکمہ موسمیات نے شہرکا موسم خنک اور خشک رہنے کی پیشگوئی کی ہے اور زیادہ سے زیادہ درجہ حرارت تیس ڈگری تک جانے کا امکان ہے۔

محکمہ موسمیات کا کہنا ہے کہ شہر قائد سمیت سندھ بھر میں معمول سے کم بارشیں ہوئیں تاہم شہر قائد میں آئندہ ماہ کے پہلے ہفتے میں بارش کا کوئی امکان نہیں۔

دوسری جانب خیبرپختونخوا، گلگت بلتستان اور کشمیر میں آج بارش اور پہاڑوں پر برفباری کا امکان ہے، سب سے کم درجہ حرارت اسکردو میں منفی دس ڈگری ریکارڈ کیا گیا۔

اسی طرح ہنزہ منفی چھ ، کوئٹہ منفی تین، اسلام آباد ایک، پشاور تین اور لاہور میں سات ڈگری رہا۔

کراچی : محکمہ موسمیات نے کراچی میں ہفتہ اور اتوار کو درجہ حرارت سنگل ڈیجیٹ تک گرنے کی پیش گوئی کردی۔

تفصیلات کے مطابق کراچی میں یخ بستہ ہواؤں کے باعث رات سے سردی کی شدت میں اضافہ ہوگیا ، درجہ حرارت دس اعشاریہ نو ڈگری رہا لیکن شدت آٹھ سینٹی گریڈ تک محسوس کی گئی۔

محکمہ موسمیات کی جانب سے کہا گیا ہے کہ سردی کی حالیہ لہر جنوری کے اختتام تک جاری رہے گی۔

محکمہ موسمیات نے شہر میں سردی بڑھنے کی پیشگوئی کرتے ہوئے کہا کہ ہفتے اور اتوار کو پارہ سنگل ڈیجٹ تک جاسکتا ہے اور ٹھنڈی ہوائیں بھی چلیں گی۔

محکمہ موسمیات کا کہنا تھا کہ رات کم سے کم درجہ حرات10.9ڈگری سینٹی گریڈریکارڈہوا، شمال مشرق سمت سے 7 کلومیٹرفی گھنٹہ کی رفتار سے ہوا چل رہی ہے جبکہ ہوا میں نمی کا تناسب 35 فیصد ہے۔

دوسری جانب ملک بھرمیں سردی کی شدت برقرارہے، بالائی علاقوں میں پہاڑوں پربرف کی سفیدی چھائی ہے اور درجہ حرارت بدستورنقطہ انجماد سے نیچے ہے۔

بلوچستان میں بھی بارش اوربرف باری کےبعد خون جما دینے والی سردی ہے، لہہ میں پارہ منفی بارہ ریکارڈ کیا گیا۔

کالام، گوپس اور استور میں منفی نو تک گرگیا جبکہ قلات منفی اٹھ، اسکردو منفی چھ، ہنزہ اور کوئٹہ منفی چار جبکہ مالم جبہ اور دیر میں منفی تین سینٹی گریڈ ریکارڈ کیا گیا۔

کراچی : شہر قائد میں سردی کی لہر جاری ہے، محکمہ موسمیات نے شہریوں کو سردی کی نئی لہر سے متعلق خبردار کردیا، جس سے سردی کی شدت میں اضافے کا امکان ہے۔

تفصیلات کے مطابق ملک بھر میں جہاں ٹھنڈ پڑ رہی ہیں وہیں کراچی میں بھی سرد ہواؤں نے سردی کی شدت میں اضافہ کردیا ہے۔

محکمہ موسمیات نے شہریوں کو خبردار کیا ہے کہ جمعہ سے شہر میں سرد ہواؤں کا سلسلہ داخل ہوگا، جس سے اس ہفتہ سردی کی شدت مزیدبڑھنےکےامکانات ہیں۔

موسم کا حال بتانے والوں کا کہنا تھا کہ 19 جنوری تک رات کے درجہ حرارت 10 سے 12ڈگری تک رہنے اور 17جنوری کو تیز ہوائیں چلنے کا امکان ہے۔

کراچی کاموجودہ درجہ حرارت12ڈگری سینٹی گریڈ جبکہ زیادہ سےزیادہ درجہ حرارت 26ڈگری سینٹی گریڈتک جانےکاامکان ہے تاہم ہوامیں نمی کا تناسب 70 فیصد ہے۔

محکمہ موسمیات نے بلوچستان میں چند مقامات پر ہلکی بارش اور برف باری کی پیشگوئی کی ہے، کوئٹہ میں درجہ حرارت منفی دو ڈگری تک پہنچ گیا ہے جبکہ قلات میں منفی تین اور زیارت منفی تین ڈگری پر آگیا۔

بالائی علاقوں میں برفیلی ہوائیں شہریوں کا خون جمارہی ہیں اور پارہ نقطہ انجماد سے کئی ڈگری نیچے چلا گیا ہے۔ شدید سرد موسم نےاستورااور اسکردو کا پارہ منفی دس تک پہنچا دیا ہے، گلگت اورکالام میں منفی سات،ہنزہ میں منفی چھ اورچترال میں منفی چارریکارڈ کیا گیا۔