Tag: محکمہ موسمیات

کراچی :چیف میٹرولوجسٹ سردارسرفراز نے کراچی کی پیش گوئی پر یوٹرن لے لیا اور کہا ایک سےڈیڑھ ہفتےتک بارش کاکوئی امکان نہیں۔

تفصیلات کے مطابق محکمہ موسمیات نے موسم کی صورتحال کے حوالے سے کہا کہ مون سون کا نیا سسٹم سندھ میں داخل ہونا شروع ہوگیا ہے، جس کے زیراثرکراچی میں بارش کا امکان ہے، اس دوران، مغربی اور جنوب مغربی سمت سےہوائیں چلیں گی۔

محکمہ موسمیات کا کہنا تھا کہ آج اور کل میرپورخاص، عمرکوٹ، ٹھٹھہ، مٹھی سمیت اندرون سندھ بھی چند مقامات پر گرج چمک کے ساتھ بادل برسنے کا امکان ہے۔

چیف میٹرولوجسٹ سردارسرفراز نے یو ٹرن لیتے ہوئے کہا کہ  شہر میں آج بارش کےامکانات کم ہیں، چندمضافاتی علاقوں میں بارش ہوسکتی ہے تاہم ایک سےڈیڑھ ہفتےتک بارش کاکوئی امکان نہیں۔

سردارسرفراز نے بتایا کہ مون سون ہوائیں مشرقی سندھ میں داخل ہوئی تھیں، مون سون ہواؤں کے زیر اثر تھر و دیگر علاقوں میں بارش ہوئی۔

دوسری جانب لاہورسمیت پنجاب کے مختلف اضلاع میں بارش کا سلسلہ جاری ہے اور آج بھی بارش کا امکان ہے جبکہ بلوچستان اور سندھ کے مختلف شہروں میں بارش کے بعد تباہی کے مناظردیکھنے کو مل رہے ہے۔

محکمہ موسمیات کا کہنا ہے کہ ملک کے بیشتر علاقوں میں موسم گرم اور خشک رہنے اور سندھ، شمال مشرقی و جنوبی بلوچستان اور جنوبی پنجاب میں تیز ہواؤں اور گرج چمک کے ساتھ بارش کا امکان ہے۔

بالائی خیبرپختونخوا، کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش کی توقع ہے۔

کراچی : محکمہ موسمیات نے کل کراچی میں گرج چمک کے ساتھ بارش کی پیش گوئی کردی۔

تفصیلات کے مطابق محکمہ موسمیات کی جانب سے کہا گیا ہے کہ مون سون ہواؤں کاسلسلہ آج سےمشرقی سندھ میں داخل ہونےکاامکان ہے ، جس کے باعث شہر قائد میں کل گرج چمک کےساتھ بارش متوقع ہے۔

محکمہ موسمیات نے بتایا کہ نئے مون سون سسٹم کے تحت ، سکھر،لاڑکانہ، خیرپور، دادو، جیکب آباد، حیدرآباد، ٹھٹھہ، بدین، ٹنڈو الہ یار، ٹنڈو محمد خان، تھرپارکر، مٹھی، میرپور خاص، عمرکوٹ اور سانگھڑ میں آج سے چار سمتبر کے دوران متعدل، تیز اور کہیں کہیں موسلادھار بارشوں کا امکان ہے۔

دوسری جانب ملک بھر میں کہیں ہلکی اور کہیں تیز بارش کا سلسلہ جاری ہے، لاہور میں بارش کے بعد موسم خوشگوار ہوگیا ہے۔ جب کہ سندھ اور بلوچستان میں طوفانی بارشوں اورریلوں سے تباہی دکھائی دیتی ہے۔

۔محکمہ موسمیات آئندہ چوبیس گھنٹےکےدوران کوئٹہ،لاہور،اسلام آباد،پشاور، کشمیر اور گلگت بلتستان سمیت ملک کےبیشترعلاقوں میں بارش کی پیشگوئی کی ہے۔

کراچی : محکمہ موسمیات نے کراچی میں آج دوپہر 2 سے رات 8 بجے کے درمیان طوفانی بارش کی پیش گوئی کردی۔

تفصیلات کے مطابق حالیہ طاقتور مون سون سسٹم ابھی تک پاکستان پر ہے اور خصوصاً سندھ پر اس کے زیادہ اثرات دیکھے جارہے ہیں۔

محکمہ موسمیات کی جانب سے کہا گیا ہے کہ بارش برسانے والا سسٹم دس سے پندرہ کلو میٹر فی گھنٹہ کی رفتار سے بڑھ رہا ہے، اور آج یہ سسٹم شہر کے جنوب کی جانب زیادہ قریب آجائے گا، جس کے باعث آج کراچی میں شدید بارش کا امکان ہے۔

محکمہ موسمیات کا کہنا ہے کہ طاقتورمون سون سسٹم کراچی سے 290 کلومیٹر کے فاصلے پر ہے، آج دوپہر2 سے رات 8 بجے کے درمیان موسلادھار بارش ہوسکتی ہے۔

شہر میں تیز گرد آلود ہواؤں اور آندھی کے ساتھ بادل برس سکتے ہیں اور اکتیس اگست تک کراچی میں ایک سو پچاس سے دو سو ملی میٹر بارش کا امکان ہے، جس سے نشیبی علاقوں میں اربن فلڈنگ کا بھی خدشہ ہے۔

چیف میٹرولوجسٹ شاہد عباس نے اے آر وائی نیوز سے گفتگو کرتے ہوئے بتایا کہ مون سون سسٹم بلوچستان میں بھی بارش برسائے گا، بارشوں کا سلسلہ 2 سے 3 دن تک جاری رہے گا، شدید بارشوں سے سندھ میں فصلوں کو نقصان پہنچے گا۔

موسم کا حال بتانے والوں نے مزید کہا ہے کہ سجاول اور ٹھٹھہ میں بھی آج طوفانی بارش کا امکان ہے اور تین سو ملی میٹر سے زیادہ بارش ہوسکتی ہے۔

بارشوں کی موجودہ صورتحال کے پیش نظر حیدرآباد میں آج تعلیمی ادارے بند رکھنے کا اعلان کیا گیا ہے جبکہ میرپور خاص، جامشورو، سجاول، ٹھٹھہ میں بھی تعلیمی ادارے بند رکھنے کے نوٹیفکیشن جاری کردیے گئے ہیں۔

کراچی : محکمہ موسمیات نے کراچی والوں کو بارش برسانے والا طاقتور سسٹم‌‌ کے حوالے سے خبردار کردیا۔

تفصیلات کے مطابق مون سون کا ایک اوراسپیل کراچی میں داخل ہونےکاامکان ہے ، میٹرولوجسٹ انجم زیغم نے بتایا کہ کراچی کامطلع ابرآلودسےجزوی ابرآلودرہےگا اور کالےبادلوں کےڈیرےرہیں گے۔

محکمہ موسمیات نے بتایا کہ ہوا کا کم دباؤمغربی بنگال پرموجودہے، اگلے دو روز کے دوران ہوا کا کم دباؤ مغرب کی جانب بڑھےگا۔

محکمہ موسمیات کا کہنا ہے کہ بنگال سےطاقتورمون سون ہواؤں کاسلسلہ پاکستان کےجنوبی علاقوں میں داخل ہوگا ، جس سے 25 سے 29 اگست کراچی سمیت اندرون سندھ بارش کاامکان ہے۔

محکمہ موسمیات کی 26سے29اگست کےدوران جنوبی علاقوں میں شدیدبارشوں کی پیشگوئی
بنگال سےہواؤں کاسلسلہ پاکستان کےجنوبی علاقوں میں داخل ہوگا،

اگلے3روزکےدوران کراچی کاموسم گرم ،مرطوب رہنے کاامکان ہے، کراچی میں زیادہ سے زیادہ درجہ حرارت36ڈگری تک جاسکتاہے اور ہوامیں نمی کاتناسب بڑھنے سےگرمی کی شدت زیادہ محسوس کی جاسکتی ہے۔

محکمہ موسمیات کے مطابق حیدرآباد،ٹھٹھہ سمیت مختلف شہروں میں آج گرج چمک کےساتھ بارش کاامکان ہے۔

دوسری جانب محکمہ موسمیات نے 26سے29اگست کےدوران جنوبی علاقوں میں شدیدبارشوں کی پیشگوئ کی ہے، گلگت بلتستان، کشمیر، بالائی خیبرپختونخوامیں چندمقامات پرتیزہواؤں کےساتھ بارش کی پیشگوئی ہے۔

جنوب مشرقی سندھ،شمال مشرقی/جنوبی پنجاب میں چندعلاقوں میں بارش کاامکان ہے جبکہ شمال مشرقی بلوچستان میں چندمقامات پر تیز ہواؤں اورگرج چمک کےساتھ بارش کی توقع ہے۔

کراچی : محکمہ موسمیات نے کراچی میں مون سون کے ایک اور اسپیل کے نتیجے میں طوفانی بارش کی پیشگوئی کرتے ہوئے اربن فلڈنگ کا خدشہ ظاہر کردیا۔

تفصیلات کے مطابق محکمہ موسمیات نے کراچی میں آج سے موسلادھاربارش کی پیشگوئی کرتے ہوئے خبردار کیا بارش سے نشیبی علاقوں میں اربن فلڈنگ کا خدشہ ہے۔

محکمہ موسمیات کا کہنا ہے کہ آج شام کہیں ہلکی اورکہیں تیزبارش متوقع ہے، مون سون کا اسپیل 3روزتک جاری رہےگا تاہم دن کےاوقات میں زیادہ سے زیادہ درجہ حرارت32ڈگری تک جانے کا امکان ہے۔

دوسری جانب اسلام آباد راولپنڈی اورلاہورسمیت ملک کے بیشترعلاقوں میں مون سون کا سلسلہ جاری ہے، راولپنڈی میں موسلادھار بارش کے باعث نالہ لئی میں پانی کی سطح بلند ہوگئی ، جس کے بعد واسا نے ہائی الرٹ وارننگ جاری کردیا ہے۔

شیخوپورہ ،فیصل آباد،سیالکوٹ، گجرات ،منڈی بہاؤالدین،جہلم ،حافظ آباد ،ننکانہ اور جام پورسمیت پنجاب کے کئی شہروں میں بھی تیز ہواؤں کےساتھ بارش نے جل تھل ایک کردیا ہے۔

محکمہ موسمیات کے مطابق سندھ اور بلوچستان کے مختلف شہروں میں بھی بادل برسنے کا سلسلہ جاری ہے۔

بھمبر آزاد کشمیر بارش سے ندی نالے بپھرگئے، جس سے درجنوں دیہاتوں کو ملا نے والا رابطہ پل بہہ گیا جبکہ سماہنی میں مکان گرنے سے خاتون سمیت دو افراد زخمی ہوئے۔

چترال کےدونوں اضلاع میں سیلابی صورتحال ہے، دریائے چترال میں طغیانی سے کئی نشیبی علاقے زیرآب ہیں جبکہ درجنوں رابطہ سڑکیں اوربجلی کانظام منقطع ہوگیاہے