ARYNews.tv | Urdu – Har Lamha Bakhabar

Tag: محکمہ موسمیات

  • طوفانی بارشوں سے متعلق محکمہ موسمیات کی پیش گوئی

    طوفانی بارشوں سے متعلق محکمہ موسمیات کی پیش گوئی

    کراچی: محکمہ موسمیات کی جانب سے 14 اگست کی شام یا رات سے 18 اگست کے دوران ملک میں طوفانی بارشوں کی پیش گوئی کی گئی ہے۔

    محکمہ موسمیات کا اس حوالے سے کہنا ہے کہ مغرب، بحیرہ عرب اور خلیج بنگال سے مون سون ہوائیں ملک پر اثر انداز ہوں گی۔

    مون سون ہواؤں کے باعث سندھ، خیبر پختونخوا، اسلام آباد، پنجاب، بلوچستان، گلگت بلتستان اور کشمیر کے بعض مقامات پر موسلادھار بارشیں متوقع ہیں۔

    بیان کے مطابق 15 اگست کی شام یا رات سے 18 اگست کے دوران سندھ کے ساحلی علاقوں میں مطلع ابر آلود رہنے کے علاوہ ہلکی بارش ہوسکتی ہے۔

    دوسری جانب پیر کو بارش کے باعث ڈیرہ بگٹی کے مختلف نشیبی علاقے زیرآب آگئے، لوگوں کو نشیبی علاقوں سے ریسکیو کیا جارہا ہے۔

    پاکستان میں مون سون کی بارشوں کا دورانیہ اور اہمیت

    پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

    سی ویو : یوم آزادی پر کراچی کے شہریوں کیلئے خوشخبری

    تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔

  • کراچی سمیت مختلف شہروں میں بارش، محکمہ موسمیات کا اہم بیان

    کراچی سمیت مختلف شہروں میں بارش، محکمہ موسمیات کا اہم بیان

    کراچی: شہر قائد سمیت لاہور اور اسلام آباد میں کہیں ہلکی کہیں تیز بارش کا سلسلہ وقفے وقفے سے جاری ہے، جس کے باعث موسم خوشگوار ہوگیا۔

    اے آر وائی نیوز کے مطابق کراچی کے مختلف علاقے ٹاور،آئی آئی چندریگرروڈ، ڈالمیا، کورنگی، نمائش چورنگی، لیاقت آباد، صدر، ناظم آباد میں بھی بارش سے جل تھل ایک ہوگیا۔

    لاہور میں ماڈل ٹاؤن، گلبرگ، فیصل ٹاؤن، ٹاؤن شپ، کلمہ چوک، جیل روڈ، فردوس مارکیٹ میں بارش سے موسم سہانا ہوگیا ہے۔

    محکمہ موسمیات کے مطابق لاہور میں بارش کا سلسلہ اگلے چوبیس گھنٹے تک جاری رہنے کا امکان ہے، اسلام آباد میں بھی بلیوایریا، سیکٹر ایف، سکس، ایف سیون، بری امام، سیکٹرجی سیون، آبپارہ مارکیٹ، زیرو پوائنٹ، پشاور موڑ میں بھی بارش ہوئی۔

    محکمہ موسمیات نے آئندہ چوبیس گھنٹے کے دوران کراچی، کوئٹہ، لاہور، اسلام آباد اور پشاور سمیت بیشتر علاقوں میں گرج چمک کیساتھ بارش کی پیشگوئی کی ہے۔

    بیان میں مزید کہا گیا ہے کہ کشمیر اور گلگت بلتستان میں موسلادھار بارش کے باعث ندی نالوں میں طغیانی اور لینڈ سلائیڈنگ کا خدشہ ہے۔

    پاکستان میں مون سون کی بارشوں کا دورانیہ اور اہمیت
    پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

    مزار قائد کی خاص بات کیا ہے؟

    تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔

  • کراچی کے مختلف علاقوں میں ہلکی بارش سے موسم خوشگوار

    کراچی کے مختلف علاقوں میں ہلکی بارش سے موسم خوشگوار

    کراچی کے مختلف علاقوں میں صبح سویرے ہلکی اور تیز بارش سے موسم خوشگوار ہوگیا۔

    تفصیلات کے مطابق کراچی میں رات سے کہیں ہلکی اور کہیں موسلادھار بارش کا سلسلہ وقفے وقفے سے جاری ہے، ایم اے جناح روڈ، گرومندر، گولیمار، اولڈ سٹی ایریا، صدر سمیت مختلف علاقوں میں بارش سے موسم خوشگوار ہوگیا۔

    محکمہ موسمیات کا کہنا ہے کہ کراچی اس وقت گہرے سیاہ بادلوں کے سائے میں ہے، آج بھی شام یا رات میں بوندا باندی یا ہلکی بارش کا امکان ہے۔

    محکمہ موسمیات نے بتایا کہ آئندہ 24 گھنٹے کے دوران درجہ حرارت 33 ڈگری سینٹی گریڈ تک  جانے کا امکان ہے، اس وقت ہوا میں نمی کا تناسب 85 فیصد ہے، جنوب مغربی سمت سے 17 کلو میٹر فی گھنٹہ کی رفتار سے ہوائیں چل رہی ہیں۔

  • کراچی میں مون سون کا اگلا اسپیل کب داخل ہوگا؟

    کراچی میں مون سون کا اگلا اسپیل کب داخل ہوگا؟

    کراچی : محکمہ موسمیات نے کراچی میں ایک اور مون سون اسپیل کی پیش گوئی کرتے ہوئے موسلادھار بارش کا امکان ظاہر کردیا۔

    تفصیلات کے مطابق شہرقائد میں سرمئی بادلوں نے ڈیرےڈال رکھےہیں، کہیں رم جھم توکہیں بوندا باندی ہورہی ہے تاہم سمندری ہوائیں بحال ہونےسے موسم خوشگوار ہوگیا ہے۔

    محکمہ موسمیات کی جانب سے کہا گیا ہے کہ کمزور مون سون ہوائیں خلیج بنگال اور بحیرہ عرب سے سندھ کا رخ کر رہی ہیں، آئندہ تین روز کے دوران کراچی کا مطلع ابرآلود اور ہلکی بارش کا امکان رہے گا۔

    بارہ اگست سے شہر میں بارشوں کا نیا اسپیل شروع ہونے کا امکان ہے، جس کے بعد موسلادھار بارش کا امکان ہے۔

    محکمہ موسمیات کا کہنا ہے کہ گیارہ اگست سے سندھ میں مون سون کا ایک اور بڑا سسٹم داخل ہوگا، جس سے ضلع کشمور، جیکب آباد، شکارپور، لاڑکانہ، دادو، جامشورو، حیدرآباد، میرپورخاص، تھرپارکر میں تیز بارش کا امکان ہے۔

    مون سون کےچوتھےاسپیل سے بلوچستان کے مختلف اضلاع میں بھی بارشیں ہوں گی ۔۔.

    ملک کے بیشترحصوں میں مون سون بارشوں کا تیسرا اسپیل ختم ہوگیا اور سندھ ، بلوچستان ، پنجاب اور خیبرپختونخوا کے زیادہ تر شہروں میں بارشوں کاسلسلہ تھم گیا ہے۔

    برسات کے بعد کئی علاقوں میں سیلابی صورتحال برقرار ہے، کئی دیہات ڈوبے ہوئے ہیں، کوٹ ادو میں دریائے سندھ سے متصل کئی بستیاں پانی کی نذرہوگئیں جبکہ متعدد علاقوں کا زمینی رابطہ منقطع ہے۔

    محکمہ موسمیات کے مطابق،، آئندہ تین روز کے دوران لاہور سمیت پنجاب کےکچھ شہروں ، جبکہ خیبر پختونخوا میں چند ایک مقامات پربادل برسیں گے۔

    خیال رہے محکمہ موسمیات کی جانب سے بیان میں کہا گیا ہے کہ ملک بھر میں جولائی میں معمول سے کم بارشیں ہوئیں، تاہم جولائی کے مقابلے اگست میں زیادہ بارشیں ہوں گی۔

    واضح رہے پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

    تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔

  • اگست میں بارشیں : محکمہ موسمیات نے خبردار کردیا

    اگست میں بارشیں : محکمہ موسمیات نے خبردار کردیا

    اسلام آباد: محکمہ موسمیات نے اگست میں ہونے والے بارشوں کے حوالے سے خبردار کرتے ہوئے بڑی پیش گوئی بھی کردی۔

    تفصیلات کے مطابق محکمہ موسمیات کی جانب سے بیان میں کہا گیا ہے کہ ملک بھرمیں جولائی میں معمول سےکم بارشیں ہوئیں،، تاہم جولائی کے مقابلےاگست میں زیادہ بارشیں ہوں گی۔

    محکمہ موسمیات کا کہنا تھا کہ بارشوں کا حالیہ سلسلہ رواں ہفتےوقفے وقفےسےجاری رہےگا،، جبکہ تیرہ اگست سے نیا سسٹم ملک میں داخل ہوگا،،، جس سے صوبہ بلوچستان اور سندھ زیادہ متاثرہوں گے، دونوں صوبوں کےشہروں میں فلیش فلڈنگ کابھی خدشہ ہے جبکہ اپر سندھ میں تیزبارشیں متوقع ہیں۔

    اس کے علاوہ بلوچستان کے شمال مشرقی اضلاع میں بھی شدیدبارشیں ہوسکتی ہے،، پنجاب،خیبرپختو نخوا اورآزاد کشمیربھی میں کہیں معتدل اورکہیں موسلادھاربارشوں کا امکان ہے۔

    خیال رہے نیشنل ڈیزاسٹرمینجمنٹ اتھارٹی نے ملک بھرمیں حالیہ بارشوں کے دوران ہونے والے جانی ومالی نقصانات سےمتعلق رپورٹ جاری کی۔

    یکم جولائی سےیکم اگست تک بارشوں سے مختلف حادثات میں ایک سو سات افراد جاں بحق ہوئے، سب سے زیادہ انتالیس اموات پنجاب میں رپورٹ ہوئیں۔

    این ڈی ایم اے کے مطابق خیبرپختونخوا میں چونتیس، سندھ میں بائیس ، بلوچستان میں بارہ، آزاد کشمیرمیں تین، جبکہ گلگت بلتستان میں ایک شخص جاں بحق ہوا جبکہ دوسوسےزائد افراد زخمی ہوئے۔

  • کراچی میں سب سے زیادہ بارش کہاں ہوئی؟

    کراچی میں سب سے زیادہ بارش کہاں ہوئی؟

    کراچی: محکمہ موسمیات نے گزشتہ رات کے دوران شہر میں ہونے والی بارش کے اعدادوشمار جاری کردیے۔

    محکمہ موسمیات کے مطابق کراچی میں ہونے والی بارش نے سب سے زیادہ ناظم آباد کو متاثر کیا جہاں 46.5 ملی میٹر بارش ریکارڈ کی گئی۔

     محکمہ موسمیات کے مطابق ملیر ہالٹ میں 29 اعشاریہ 8، اور قائد آباد میں 27 ملی میٹر بارش ریکارڈ کی گئی ، سب سے کم بارش نارتھ کراچی میں 4 اعشاریہ 2 ملی میٹر بارش ریکارڈ ہوئی۔

    محکمہ موسمیات کے مطابق پی اے ایف بیس فیصل میں 23 ملی میٹر، ابراہیم حیدری میں 13، یونیورسٹی روڈ پر 5.8 ملی میٹر بارش ریکارڈ کی گئی اس کے علاوہ جناح ٹرمینل میں 6.4 ملی میٹر بارش ریکارڈ ہوئی۔

    واضح رہے کہ کراچی میں کئی گھنٹے سے جاری بارش نے جل تھل ایک کر دیا، نشیبی علاقے زیر آب آ گئے، متعدد علاقوں میں بجلی کی فراہم بند ہو گئی جبکہ سڑکوں پر پانی جمع ہونے سے شہریوں کو مشکلات کا سامنا ہے۔

    دوسری جانب محکمہ موسمیات کا کہنا ہے کہ بارش کا سلسلہ آج دن بھر جاری رہے گا۔

  • کراچی میں آج بھی گرج چمک کے ساتھ موسلادھار بارش کا امکان

    کراچی میں آج بھی گرج چمک کے ساتھ موسلادھار بارش کا امکان

    محکمہ موسمیات نے آج کراچی کہیں آندھی  تو کہیں گرج چمک کے ساتھ بارش کا امکان ظاہر کیا ہے۔

    محکمہ موسمیات کے مطابق کراچی میں آج بھی گرج چمک کے ساتھ موسلادھار بارش متوقع ہے ساتھ ہی مطلع ابر آلود اور موسم خوشگوار رہے گا۔

    محکمہ موسمیات کا کہنا ہے کہ کراچی کا کم سے کم درجہ حرارت 28 ڈگری سینٹی گریڈ ریکارڈ کیا گیا جبکہ موجودہ درجہ حرارت 29 ڈگری سینٹی گریڈ ہے اور آج درجہ حرارت 32 ڈگری سینٹی گریڈ تک جانے کا امکان ہے۔

    محکمہ موسمیات کے مطابق ہوا میں نمی کا تناسب 81 فیصد ہے، جنوب مغربی سمت سے 16 کلو میٹر فی گھنٹہ کی رفتار سے ہوائیں چل رہی ہیں۔

  • کراچی میں ممکنہ بارشوں کی پیشگوئی، پولیس کو الرٹ کردیا گیا

    کراچی میں ممکنہ بارشوں کی پیشگوئی، پولیس کو الرٹ کردیا گیا

    کراچی : شہر ممکنہ بارشوں کی پیشگوئی کے پیش نظر کراچی پولیس کو الرٹ کردیا گیا ہے اور تمام فیلڈ کمانڈرز کو اپنے علاقوں میں موجود رہنے کی ہدایت کردی۔

    تفصیلات کے مطابق کراچی میں محکمہ موسمیات کی جانب سے ممکنہ بارشوں کی پیشگوئی کے پیش نظر ایڈیشنل آئی جی جاوید عالم اوڈھو کی ہدایت پر پولیس کو الرٹ کردیا گیا ہے۔

    تمام فیلڈ کمانڈرز کو اپنے علاقوں میں موجود رہنے کی ہدایت جاری کرتے ہوئے ٹریفک پولیس ٹریفک روانی یقینی بنانے میں اپنا کردار ادا کرے، جن علاقوں میں پانی زیادہ ہو وہاں ٹریفک کو متبادل راستے فراہم کئے جائیں۔

    ایڈیشنل آئی جی جاوید عالم اوڈھو نے پولیس کو شہری انتظامیہ کیساتھ رابطے میں رہنے کی ہدایت کرتے ہوئے کہا کہ عوام بجلی کی تاروں، کھمبوں، درختوں اورسائن بورڈزسےدور رہیں اور ایمرجنسی کی صورت میں مددگار 15 اور 1915 پرفوری رابطہ کریں۔

    پولیس ترجمان کا کہنا تھا کہ پولیس عوام کے تحفظ اور خدمت کیلئے تمام وسائل بروئے کارلارہی ہے۔

  • کراچی والے ہوجائیں تیار! محکمہ موسمیات کی اہم پیش گوئی

    کراچی والے ہوجائیں تیار! محکمہ موسمیات کی اہم پیش گوئی

    کراچی: محکمہ موسمیات کا اپنے بیان میں کہنا ہے کہ آج شام یارات شہر میں تیز بارش کا امکان ہے، بارش برسانے والا سسٹم گزشتہ روز شہر میں داخل ہوا تھا۔

    اے آر وائی نیوز کے مطابق محکمہ موسمیات نے بتایا کہ شہر میں بارش برسانے والے سسٹم کے اثرات 6 اگست تک رہیں گے۔

    محکمہ موسمیات کے مطابق شہر کا موجودہ درجہ حرارت 28 ڈگری سینٹی گریڈ ریکارڈ کیا گیا ہے، جبکہ دن میں درجہ حرارت 31 سے 33 ڈگری تک رہے گا۔

    آج صبح سویرے سائٹ ایریا، ناظم آباد، صدر، شارع فیصل، گلستان جوہر، لیاقت آباد، فیڈرل بی ایریا، اولڈسٹی ایریا اور ماڑی پور سمیت کیماڑی کے مختلف علاقوں میں بارش ہوئی۔ طاقتور ہواؤں کا سلسلہ راجستھان، بحیرہ عرب سے سندھ پر اثرانداز ہورہا ہے۔

    محکمہ موسمیات کا کہنا ہے کہ بحیرہ عرب اور خلیج بنگال سے مون سون ہوائیں شدت کے ساتھ بلوچستان اور سندھ میں داخل ہوچکی ہیں، جس کے باعث شدید بارشیں متوقع ہیں۔

    پاکستان میں مون سون کی بارشوں کا دورانیہ اور اہمیت

    پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

    ملک بھر میں بارشوں سے متعلق محکمہ موسمیات کا اہم بیان

    تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔

  • ملک بھر میں بارشوں سے متعلق محکمہ موسمیات کا اہم بیان

    ملک بھر میں بارشوں سے متعلق محکمہ موسمیات کا اہم بیان

    کوئٹہ: ملک بھر میں موسلا دھار بارشوں سے متعلق محکمہ موسمیات کا اہم بیان سامنے آگیا ہے، محکمہ موسمیات کا کہنا ہے کہ آج سے 6 اگست تک بلوچستان کے 22 اضلاع میں بارشوں کا امکان ہے۔

    اے آر وائی نیوز کے مطابق صوبائی ڈیزاسٹر مینجمنٹ اتھارٹی (پی ڈی ایم اے) نے ان اضلاع کی انتظامیہ کو الرٹ رہنے اور شہریوں کو غیر ضروری سفر سے گریز کرنے کا کہا ہے۔

    محکمہ موسمیات کا کہنا ہے کہ بحیرہ عرب اور خلیج بنگال سے مون سون ہوائیں شدت کے ساتھ بلوچستان میں داخل ہوچکی ہیں، جس کے باعث شدید بارشیں ہوں گی۔

    پی ڈی ایم اے کے مطابق 2 اگست سے 6 اگست کے دوران قلعہ سیف اللہ، بارکھان، موسیٰ خیل، خضدار، لسبیلہ، آواران، پنجگور، کیچ، قلات، کوئٹہ، زیارت، ژوب، قلعہ عبداللہ، مستونگ، سبی، شیرانی، کوہلو، بولان، ہرنائی، نصیر آباد، جعفرآباد اور مکران کے ساحلی علاقوں میں تیز ہوائیں اورگرج چمک کے ساتھ وقفے وقفے سے بارش کا امکان ہے۔

    محکمہ موسمیات کے مطابق شدید بارشوں کے باعث اسلام آباد / راولپنڈی، گوجرانوالہ، لاہور، شیخو پورہ، قصور، سیالکوٹ، سرگودھا، فیصل آباد، ملتان، ساہیوال، نوشہرہ اور پشاور کے نشیبی علاقے اور سندھ کے نشیبی علاقے بھی زیر آب آنے کا خدشہ ہے۔

    شدید بارشوں کے باعث خیبرپختونخوا کے پہاڑی علاقوں، مری، گلیات، کشمیر اور گلگت بلتستان میں لینڈ سلائیڈنگ کے باعث ٹریفک کی آمدورفت متاثر ہونے کا خطرہ ہے۔

    پنجاب میں مری، گلیات، راولپنڈی، اٹک، چکوال، تلہ گنگ، جہلم، منڈی بہاؤالدین، گجرات، گوجرانوالہ، حافظ آباد، وزیر آباد، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، لاہور موسلادھار بارش متوقع ہے۔

    سندھ میں مٹھی، سانگھڑ، عمرکوٹ، تھرپارکر، میرپور خاص، خیر پور، مٹیاری، نوشہرو فیروز، جامشورو، ٹھٹھہ، بدین، چھور، پڈعیدن، سجاول، کراچی، حیدرآباد، ٹنڈو اللہ یار، ٹنڈو محمد خان، شہید بینظیر آباد، سکھر، لاڑکانہ، جیکب آباد اور دادومیں تیز ہوائیں /جھکڑ چلنے اورگرج چمک کے ساتھ بارش کا امکان ہے۔

    پاکستان میں مون سون کی بارشوں کا دورانیہ اور اہمیت

    پاکستان میں مون سون کی بارشوں کا دورانیہ عام طور پر جولائی سے ستمبر تک ہوتا ہے۔ یہ بارشیں ملک کے مختلف حصوں میں مختلف شدت اور مدت کے ساتھ برستی ہیں۔ مون سون کی آمد سے ملک کے کئی علاقوں میں خشک سالی کے بعد زندگی میں ایک نئی بہار آ جاتی ہے۔ یہ بارشیں نہ صرف زرعی پیداوار کے لیے بلکہ پانی کے ذخائر کو بھرپور کرنے اور موسم کو خوشگوار بنانے کے لیے بھی انتہائی اہم ہیں۔

    ناران کاغان کا سفر کرنے والے سیاحوں کیلیے اہم اعلان

    تاہم، بعض اوقات یہ بارشیں اتنی شدید ہو جاتی ہیں کہ سیلاب کی صورت اختیار کر لیتی ہیں اور ملک کے مختلف علاقوں میں تباہی پھیل جاتی ہے۔ اس کے علاوہ، غیر متوقع اور بے وقت بارشیں بھی فصلوں کو نقصان پہنچا سکتی ہیں۔