Tag: محکمہ موسمیات

اسلام آباد : محکمہ موسمیات نے ملک بھر میں عیدالاضحٰی کے دوران موسم کے حوالے سے بڑی پیش گوئی کردی تاہم عید کے بعد بارش کی توقع ہے۔

تفصیلات کے مطابق محکمہ موسمیات کی جانب سے کہا گیا ہے کہ عیدالاضحٰی کےدوران ملک بھر میں موسم گرم اورخشک رہے گا تاہم چند مقامات پرہلکی بارش متوقع ہے تاہم بیشتر حصوں میں عید پر درجہ حرارت میں اضافے کا خدشہ ہے۔

موسم کا حال بتانے والوں نے بتایا کہ جون کے آخر میں بھی بارش کےدو سلسلے ملک میں داخل ہوں گے، پاکستان میں مون سون وقت سے پہلے بھی آسکتی ہے۔

انھوں نے کہا کہ اس سال مون سون سیزن میں معمول سے زیادہ بارشیں ہوں گی،، دریاؤں،ندی نالوں میں طغیانی کے پیش نظر اطرف کی آبادیوں کو احتیاط کا انتباہ جاری کردیا گیا ہے۔

دوسری جانب ملک کے بیشتر علاقوں میں گرمی کی شدت میں ایک بار پھر اضافہ ہوگیا، لاہور، ملتان، فیصل آباد، سرگودھا، ڈیرہ اسماعیل خان، بنوں، لاڑکانہ اور نوابشاہ میں درجہ حرارت چوالیس سے چھیالیس ڈگری رہنے کا امکان ہے۔

اسلام آباد، راولپنڈی، لاہور، پشاور، دیر سوات، آزاد کشمیر اور گلگت بلتستان میں شام یا رات کے اوقات میں بارش متوقع ہے جبکہ کراچی اور کوئٹہ سمیت ملک کے بیشتر علاقوں میں موسم گرم اور خشک رہے گا۔

اسلام آباد : محکمہ موسمیات نے ایک بار پھر ملک کے مختلف شہروں میں درجہ حرارت شدید گرمی کی پیش گوئی کردی۔

تفصیلات کے مطابق موسم کے تیور ایک بار پھر بدلنے لگے اور درجہ حرارت دوبارہ بڑھنے لگا۔

محکمہ موسمیات نے ملک کے وسطی اورجنوبی میدانی علاقوں میں موسم شدید گرم رہنے کی پیشگوئی کی ہے۔

صوبہ سندھ کےشہر دادو اورموہنجوداڑو آج شدید گرمی کی لپیٹ میں رہیں گے، جہاں درجہ حرارت 47 ڈگری کو چھوسکتا ہے۔

سکھر، نوابشاہ مٹھی، اور حیدرآباد میں بھی پارہ 40 ڈگری سے تجاوز کر سکتا ہے، بہاولپور میں درجہ حرارت 45 ، سرگودھا اور فیصل آباد میں 44 ڈگری تک جانے کا امکان ہے۔

جہلم، ساہیوال، ملتان، ڈیرہ غازی خان میں پارہ 43 ڈگری تک جانے کا امکان ہے، لاہور میں زیادہ سے درجہ حرارت 42 ڈگری سینٹی گریڈ رہنے کی توقع ہے۔

دوسری جانب کراچی میں آئندہ 24 گھنٹے کے دوران موسم گرم اورمرطوب رہے گا، موجودہ درجہ حرارت 32 ڈگری سینٹی گریڈ ہے اور گرمی کی شدت 38 ڈگری تک محسوس کی جارہی ہے۔

کراچی : محکمہ موسمیات نے بارش اور آندھی کے جھکڑ چلنے کی پیش گوئی کردی ، جس کے باعث گرمی کی شدت کم ہونے کا امکان ہے۔

محکمہ موسمیات نے آج سے7 جون کے دوران ملک کے مختلف علاقوں میں بارشوں کی پیشگوئی کردی اور کہا کمزور مغربی ہواؤں کی لہر منگل شام یا رات کوبالائی و وسطی علاقوں میں داخل ہونے کا امکان ہے۔

موسم کا حال بتانے والوں کا کہنا یے کہ مغربی لہر 3 دنوں تک برقرار رہنے کی توقع ہے، اس دوران اسلام آباد سمیت پنجاب کے مختلف علاقوں میں 4 سے 6 جون اور 4 سے 8 جون کے دوران کے پی،جی بی اورآزادکشمیر میں بارش کا امکان ہے۔

سندھ میں 6 سے 7 جون اور 5سے 7 جون کے دوران بلوچستان کے مختلف علاقوں میں بارش کاامکان ہے۔

دوسری جانب ملک کے بیشتر شہروں میں گرمی کی شدت برقرار ہے، سب سے زیادہ درجہ حرارت ڈی جی خان اور ملتان میں 46  ڈگری ریکارڈ کیا گیا۔

سبی، گجرانوالہ، سرگودھا، فیصل آباد ،لاہور میں 44 ، پشاور میں 41 ،اسلام آباد میں 38  اور کراچی میں 34 ڈگری سینٹی گریڈ ریکارڈ کیا گیا۔

محکمہ موسمیات کی جانب سے ایڈوائزری جاری کی گئی ہے جس میں رواں ہفتے گرمی کی لہر ختم ہونے کا امکان ظاہر کیا گیا ہے۔

محکمہ موسمیات کا کہنا تھا کہ اس ہفتے گرمی کی لہر ختم ہوجائے گی جبکہ محکمے نے 4 تا 7 جون بالائی علاقوں میں گرج چمک کے ساتھ بارشوں کی پیش گوئی بھی کی گئی ہے۔ خیبر پختونخوا میں بھی 4 سے 8 جون کے دوران بارش کا امکان ہے۔

پنجاب اور اسلام آباد میں 4 سے 6 جون کے دوران بارش متوقع ہے، اس کے علاوہ بلوچستان میں 5 سے 7 جبکہ سندھ میں 6 سے 7 جون تک بارش کا امکان ظاہر کیا گیا ہے۔

خیال رہے کہ کراچی میں کئی دنوں سے گرمی کا راج برقرارہے، شہر ہیٹ ویو کی لپیٹ میں ہونے کے باعث پارہ بیالس ڈگری سینٹی گریڈ تک بھی گیا تھا۔

کراچی میں درجہ حرارت 36 ڈگری سینٹی گریڈ بھی ریکارڈ کیا جائے تو گرمی کی شدت 42 ڈگری سینٹی گریڈتک محسوس کی جارہی ہے۔

محکمہ موسمیات کا کہنا تھا کہ جنوب مغرب سمت سے9 کلومیٹرفی گھنٹے کی رفتار سے ہوائیں چل رہی ہیں اور ہوا میں نمی کا تناسب 78 فیصد ہے۔

چیف میٹرولوجسٹ سردار سرفراز نے بتایا تھا کہ 2 جون سے ہیٹ ویو کا سلسلہ ختم ہوجائےگا تاہم جون میں کراچی میں موسم گرم اور مرطوب ہی رہے گا۔