ARYNews.tv | Urdu – Har Lamha Bakhabar

Tag: محکمہ موسمیات

  • رویت ہلال کمیٹی کا اجلاس آج ہوگا، محکمہ موسمیات کی چاند نظرنہ آنے کی پیشگوئی

    رویت ہلال کمیٹی کا اجلاس آج ہوگا، محکمہ موسمیات کی چاند نظرنہ آنے کی پیشگوئی

    کراچی : رمضان المباک کا چاند دیکھنے کیلئے مرکزی رویت ہلال کمیٹی کا اجلاس آج بروز اتوار مفتی منیب الرحمان کی زیر صدارت ہوگا، محکمہ موسمیات نے چاند نظرنہ آنے کی پیشگوئی کی ہے۔

    تفصیلات کے مطابق ماہ رمضان المبارک کا چاند دیکھنے کیلئے رویت ہلال کمیٹی کا مرکزی اجلاس آج کراچی میں ہوگا، اجلاس کی صدارت چیئرمین رویت ہلال کمیٹی مفتی منیب الرحمان کریں گے۔

    محکمہ موسمیات نے کل ملک میں رمضان کا چاند نظرنہ آنے کی پیشگوئی کی ہے، اس حوالے سے ذرائع محکمہ موسمیات کا کہنا ہے کہ ماہ رمضان کے چاند کی پیدائش29شعبان کی شام ہوگی۔

    اتوار کو چاند نظر آنے کے لیے مطلوبہ عمر پوری نہیں ہوگی، لہٰذا پیر کو رمضان کا چاند نظرآنے کے واضح امکانات ہوں گے، اس لیے ملک میں پہلا روزہ منگل کو ہونے کے امکانات زیادہ ہیں۔ اس کے علاوہ رویت ہلال ریسرچ کونسل نے بھی پہلاروزہ منگل کو ہونے کی پیشگوئی کردی ہے۔

    رویت ہلال ریسرچ کونسل کے مطابق چاند ہفتے اور اتوار کی رات تین بج کر46منٹ پر پیدا ہوگا، پانچ مئی کی شام غروب آفتاب کے وقت چاند کی عمر16گھنٹے سے کم ہوگی، نیا چاند دکھائی دینے کیلئے کم ازکم عمر19گھنٹے ہوتی ہے۔

    مزید پڑھیں: سعودی عرب اور خلیجی ممالک میں رمضان کا چاند نظر نہیں آیا، پہلا روزہ پیر کو ہوگا

    واضح رہے کہ سعودی عرب اور خلیجی ممالک میں رمضان کا چاند نظر نہیں آیا ہے، لہٰذا سعودی عرب اور یو اے ای میں پہلا روزہ چھ مئی بروز پیر کو ہوگا۔

  • کراچی میں آج بھی گرمی کی لہربرقرار رہے گی

    کراچی میں آج بھی گرمی کی لہربرقرار رہے گی

    کراچی: محکمہ موسمیات کا کہنا ہے کہ کراچی میں آج زیادہ سے زیادہ درجہ حرارت 40 ڈگری سینٹی گریڈ رہنے کا امکان ہے۔

    محکمہ موسمیات کے مطابق کراچی میں آج بھی گرمی کی لہربرقرار رہے گی، آج شہر کا درجہ حرارت 40 ڈگری تک جا سکتا ہے۔

    کراچی کا موجودہ درجہ حرارت 29 ڈگری سینٹی گریڈ ہے جبکہ ہوا میں نمی کا تناسب 60 فیصد ہے، جنوب مغربی سمت سے ہوائیں 12 کلومیٹر فی گھنٹہ کی رفتار سے چل رہی ہیں۔

    گرم موسم کے باعث ماہرین صحت نے عوام کو گھر، دفتر اور ٹھنڈے مقامات مقامات پررہنے کی تجویز دی ہے اور کہا ہے کہ سفر کرنے والے افراد احتیاطی تدابیراپنائیں۔

    ماہرین صحت نے لوگوں کو شدید گرمی اور ہیٹ ویو کے دوران تازہ اور ہلکی پھلکی غذائیں استعمال کرنے سمیت زیادہ سے زیادہ پانی استعمال کرنے کی تجویز بھی دی ہے۔

    محکمہ موسمیات کے مطابق کراچی میں یکم مئی 2019 سال کا گرم ترین دن تھا اور درجہ حرارت 42 ڈگری تک ریکارڈ کیا گیا تھا۔

    یاد رہے کہ 4 روز قبل محکمہ موسمیات نے شہر قائد میں شدید گرمی کی پیش گوئی کرتے ہوئے ہیٹ الرٹ جاری کیا تھا۔

  • کراچی میں آج بھی موسم گرم اور خشک رہے گا، محکمہ موسمیات

    کراچی میں آج بھی موسم گرم اور خشک رہے گا، محکمہ موسمیات

    کراچی: محکمہ موسمیات کا کہنا ہے کہ کراچی میں آج زیادہ سے زیادہ درجہ حرارت 42 ڈگری سینٹی گریڈ رہنے کا امکان ہے۔

    محکمہ موسمیات کے مطابق کراچی میں آج بھی موسم گرم اور خشک رہے گا، آج بھی شہر کا درجہ حرارت 42 ڈگری تک جا سکتا ہے۔

    محکمہ موسمیات کا کہنا ہے کہ دن بھرہوا 10 سے 12 کلومیٹرفی گھنٹہ کی رفتارسے چلے گی۔

    کراچی میں ہر گزرتے دن کے ساتھ گرمی کی شدت میں بتدریج اضافہ ہو رہا ہے، ہیٹ ویو کی لہر نے لوگوں کو گھروں میں محصور کرکے رکھ دیا ہے۔

    گرم موسم کے باعث ماہرین صحت نے عوام کو گھر، دفتر اور ٹھنڈے مقامات مقامات پررہنے کی تجویز دی ہے اور کہا ہے کہ سفر کرنے والے افراد احتیاطی تدابیراپنائیں۔

    ماہرین صحت نے لوگوں کو شدید گرمی اور ہیٹ ویو کے دوران تازہ اور ہلکی پھلکی غذائیں استعمال کرنے سمیت زیادہ سے زیادہ پانی استعمال کرنے کی تجویز بھی دی ہے۔

    محکمہ موسمیات کے مطابق کراچی میں یکم مئی 2019 سال کا گرم ترین دن تھا اور درجہ حرارت 42 ڈگری تک ریکارڈ کیا گیا تھا۔

    یاد رہے کہ 4 روز قبل محکمہ موسمیات نے شہر قائد میں شدید گرمی کی پیش گوئی کرتے ہوئے ہیٹ الرٹ جاری کیا تھا۔

  • آج کراچی سمیت سندھ بھرمیں موسم شدید گرم رہے گا، محکمہ موسمیات

    آج کراچی سمیت سندھ بھرمیں موسم شدید گرم رہے گا، محکمہ موسمیات

    کراچی : آج ملک کے بیشترعلاقوں میں موسم گرم اور خشک جبکہ جنوبی پنجاب اور سندھ شدید گرم رہیں گے تاہم پہاڑی علاقوں میں بارش کا امکان ہے۔

    تفصیلات کے مطابق محکمہ موسمیات نے آج اور کل کے لیے کراچی میں شدید گرمی کی پیش گوئی کی ہے جس کے مطابق آج درجہ حرارت 40 جبکہ کل 42 ڈگری سینٹی گریڈ تک رہنے کا امکان ہے۔

    محکمہ موسمیات کا کہنا ہے کہ آج کراچی سمیت سندھ بھر شدید گرم رہے گا جبکہ جنوبی پنجاب میں بھی گرمی رہے گی، سینٹرل پنجاب کے علاقے گوجرانوالہ، سرگودھا، لاہور، راولپنڈی، اسلام آباد، پشاور، مالاکنڈ، مردان، ہزارہ، کوہاٹ، گلگت اور کشمیر میں چند مقامات پرآندھی اورگرج چمک کے ساتھ بارش کا امکان ہے۔

    محکمہ موسمیات کا مزید کہنا ہے کہ شہر کراچی میں یکم مئی سے تین مئی کے دوران درجہ حرارت 40 سے 42ڈگری کے درمیان بڑھ سکتا ہے جبکہ اس ہیٹ ویو کے دوران سمندر کی جنوب مغربی ہوائیں بھی معطل رہیں گی۔

    اس کی جگہ بلوچستان اور سندھ کے گرم و مرطوب علاقوں کی ہوائیں شہر کا رخ کریں گے۔گزشتہ روز سب سے زیادہ درجہ حرارت جیکب آباد میں چھیالیس ڈگری سینٹی گریڈ ریکارڈ کیا گیا۔

  • کراچی میں ہیٹ ویو کا خلیج بنگال میں طوفان سے کوئی تعلق نہیں: محکمہ موسمیات

    کراچی میں ہیٹ ویو کا خلیج بنگال میں طوفان سے کوئی تعلق نہیں: محکمہ موسمیات

    کراچی: خلیج بنگال میں ہوا کا کم دباؤ سمندری طوفان کی شکل اختیار کر گیا ہے، محکمہ موسمیات نے خبردار کیا ہے کہ بحیرۂ عرب میں ہوا کا کم دباؤ بنا تو کراچی براہِ راست متاثر ہوگا۔

    تفصیلات کے مطابق محکمہ موسمیات کا کہنا ہے کہ خلیج بنگال میں ہوا کا دباؤ کم ہو گیا ہے جس کے باعث سمندر میں طوفان بن گیا ہے، تاہم کراچی میں ہیٹ ویو کا اس طوفان سے کوئی تعلق نہیں ہے۔

    ڈائریکٹر محکمہ موسمیات کا کہنا تھا کہ سمندری طوفان بھارتی شہر چنائے کے قریب پہنچ کر شمال مشرق کی طرف جائے گا۔

    انھوں نے کہا کہ طوفان بھارت کی ساحلی پٹی پر تیز بارش کی صورت میں اثر انداز ہوگا، یہ طوفان پاکستان سے بہت دور ہے اور اس کے اثرات نہ ہونے کے برابر ہیں۔

    یہ بھی پڑھیں:  کراچی والے ہوشیار! ہیٹ ویو آنے کو ہے

    ڈائریکٹر محکمہ موسمیات سردار سرفراز کا کہنا تھا کہ بحیرۂ عرب میں ہوا کا کم دباؤ بنا تو کراچی براہ راست متاثر ہوگا، جب کہ مئی اور جون میں مزید ہیٹ ویو کا امکان ہے۔

    دریں اثنا، کراچی میں ممکنہ ہیٹ ویو کے پیش نظر پی ایم ڈی سی نے صوبائی محکموں کو خطوط لکھ کر کہا ہے کہ یکم سے 3 مئی تک کراچی میں ہیٹ ویو کی پیش گوئی ہے، تمام متعلقہ محکمے گرمی سے بچاؤ کے لیے احتیاطی تدابیر کریں۔

    پی ایم ڈی سی کی جانب سے جن محکموں کو خطوط لکھے گئے ہیں ان میں سیکریٹری صحت، سیکریٹری اطلاعات، کمشنر کراچی، اور ڈی سیز شامل ہیں۔

  • رمضان کا چاند 6 مئی کو نظر آنے کا امکان ہے، محکمہ موسمیات

    رمضان کا چاند 6 مئی کو نظر آنے کا امکان ہے، محکمہ موسمیات

    کراچی : محکمہ موسمیات نےپیشگوئی کی ہے کہ رمضان کا چاند  تیس شعبان یعنی 6 مئی کو نظر آنے کا امکان ہے  اور پہلا روزہ سات مئی بروز منگل ہوگا ۔

    تفصیلات کے مطابق محکمہ موسمیات کا کہنا ہے رمضان کا چاند 5مئی یعنی 29شعبان کونظرنہیں آئے گا، سائنسی اعدادوشمار کے مطابق ماہ صیام کا چاند 6 مئی کو نظر آنے کا امکان ہے کیونکہ چاند کی پیدائش 5مئی کو 3 بجکر 45 منٹ پر ہونا شروع ہوگی۔

    محکمہ موسمیات کا کہنا ہے چھ مئی کو کراچی میں غروب آفتاب سات بجکر چار منٹ پرہوگا ،غروب آفتاب کے بعد سات بجکرتینتیس منٹ تک چاند آسمان پر ہوگا، اس وقت چاندکی عمرپندرہ گھنٹےتینتالیس منٹ ہوگی۔

    ملک کے بیشترحصوں میں موسم جزوی طورپرابرآلودرہنےکاامکان ہے۔

    مزید پڑھیں : ملک بھر میں ایک ساتھ رمضان کا آغاز، وفاقی مذہبی امور متحرک، صوبوں سے حمایت مانگ لی

    یاد رہے وزارتِ مذہبی امور رواں سال بھی رمضان المبارک اور عید ملک بھر میں ایک ساتھ منانے کے لیے سرگرم ہوگئے ہیں اور انہوں نے صوبوں سے قانونی حمایت مانگ لی ہے۔

    وزارتِ مذہبی امور برائے مذہبی بین ہم آہنگی نے رویت ہلال سے متعلق قانون سازی کا مسودہ تیار کرلیا، جس میں کہا گیا ہے کہ آئین کے تحت چاند کے لیے صوبائی اسمبلیوں سے قرارداد کی منظوری ضروری ہے۔

    خیال رہے کہ رمضان المبارک 1440 ہجری کا چاند دیکھنے کے لیے رویت ہلاک کمیٹی نے 5 مئی بروز اتوار اجلاس طلب کیا ہے، اگر چاند نظر آگیا تو پہلا روزہ 6 مئی ورنہ 7 مئی کو ہوگا۔

  • ملک کے مغربی علاقوں میں مغربی ہواؤں کا نیا سسٹم داخل، محکمہ موسمیات

    ملک کے مغربی علاقوں میں مغربی ہواؤں کا نیا سسٹم داخل، محکمہ موسمیات

    لاہور: محکمہ موسمیات کا کہنا ہے کہ جنوبی وسطی پنجاب میں آج اور کل تیز ہواؤں کے ساتھ بارش کا امکان ہے۔

    تفصیلات کے مطابق محکمہ موسمیات کا کہنا ہے کہ ملک کے مغربی علاقوں میں مغربی ہواؤں کا نیا سسٹم داخل ہوگیا۔

    محکمہ موسمیات کے مطابق بالائی ،وسطی علاقے جمعرات تک مغربی سسٹم کے زیراثررہیں گے مغربی سسٹم جمعہ تک ملک کے شمالی علاقوں میں موجود رہے گا۔

    محکمہ موسمیات کا کہنا ہے کہ بالائی پنجاب میں چند مقامات پرآندھی، گرج چمک کے ساتھ بارش کا امکان ہے، اس دوران بالائی پنجاب کے کچھ علاقوں میں ژالہ باری بھی متوقع ہے۔

    محکمہ موسمیات کے مطابق جنوبی، وسطی پنجاب میں آج اورکل تیزہواؤں کے ساتھ بارش کی پیشگوئی ہے۔

    پی ڈی ایم اے نے آندھی، بارشوں کے پیش نظرمتعلقہ اداروں کو حفاظتی اقدامات یقینی بنانے اور کسانوں کو احتیاطی تدابیر اختیار کرنے کی ہدایت کی ہے۔

    دوسری جانب پنجاب میں راولپنڈی، اٹک، جہلم، گوجرانولہ، فیصل آباد، سیالکوٹ اورپاکپتن سمیت کئی شہروں میں آندھی کے بعد بادل برس پڑے، اسلام آباد میں تیزبارش سے جل تھل ہوگیا۔

    لاہورمیں طوفانی ہواؤں نے درخت اکھاڑ پھینکے، فیڈرزٹرپ کرگئے شالامار، باغبانپورہ، بادامی باغ سمیت شہرکے بیشترعلاقے اندھیرے میں ڈوب گئے۔

    ادھر پنجاب کے شہر وزیرآباد میں تیز ہواؤں کے باعث گھر کی دیوار گرنے سے 2 افراد زخمی ہوگئے جنہیں طبی امداد کے لیے اسپتال منتقل کردیا گیا۔

  • کراچی میں آج موسم گرم اور خشک رہے گا

    کراچی میں آج موسم گرم اور خشک رہے گا

    کراچی: صوبہ سندھ کے دارالحکومت کراچی میں آج موسم گرم اور خشک رہے گا، زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے۔

    تفصیلات کے مطابق کراچی میں آئندہ 24 گھنٹے کے دوران موسم گرم اور خشک رہے گا، محکمہ موسمیات کا کہنا ہے کہ تیز ہوائیں چلنے کے باعث گرمی کی شدت کم محسوس ہوگی۔

    محکمہ موسمیات کے مطابق شہر میں صبح کے اوقات میں ہوا میں نمی کا تناسب 50 سے 60 فیصد تک رہے گا، کراچی کا موجودہ درجہ حرارت 27 ڈگری سینٹی گریڈ ہے اور زیادہ سے زیادہ درجہ حرارت 33 سے 35 ڈگری سینٹی گریڈ رہنے کا امکان ہے۔

    محکمہ موسمیات نے 2 روز قبل پیشگوئی کی تھی کہ ملک کے بیشتر علاقوں میں موسم خشک جبکہ میدانی علاقوں میں موسم گرم رہے گا تاہم گلگت بلتستان، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ مزید بارش کا امکان ہے۔

    محکمہ موسمیات کا کہنا تھا کہ بالائی پنجاب، خیبر پختونخواہ، کشمیر اور گلگت بلتستان کے مختلف علاقوں میں تیز ہواؤں، بارش اور ژالہ باری کے پیش نظر کاشت کار اپنی فصلوں کی حفاظت کے لیے احتیاطی تدابیر اختیار کریں۔

  • کراچی میں موسم آج گرم اور خشک رہے گا

    کراچی میں موسم آج گرم اور خشک رہے گا

    کراچی: محکمہ موسمیات کا کہنا ہے کہ آج کراچی میں موسم گرم اور خشک رہے گا جبکہ درجہ حرارت 38 ڈگری تک رہنے کا امکان ہے۔

    تفصیلات کے مطابق محکمہ موسمیات کا کہنا ہے کہ شہر قائد میں آج موسم گرم اور خشک رہے، شہر میں آج صبح درجہ حرارت 27 ڈگری سینٹی گریڈ ریکارڈ کیا گیا۔

    محکمہ موسمیات کے مطابق 4 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 60 فیصد ہے۔

    وفاقی دارالحکومت اسلام آباد میں آج گرمی کی شدت میں اضافے کا امکان ہے، صبح کے وقت اسلام آباد کا درجہ حرارت 20 ڈگری سینٹی گریڈ ریکارڈ کیا گیا۔

    لاہور میں بھی آج موسم خشک رہے گا، شہر کا درجہ حرارت 31 ڈگری سینٹی گریڈ تک جانے کا امکان ہے، ہوا میں نمی کا تناسب 79 فیصد رہے گا۔

    محکمہ موسمیات نے دو روز قبل پیشگوئی کی تھی کہ ملک کے بیشترعلاقوں میں موسم خشک جبکہ میدانی علاقوں میں موسم گرم رہے گا تاہم گلگت بلتستان، کشمیر اور ملحقہ پہاڑی علاقوں میں چند مقامات پرتیزہواؤں اور گرج چمک کے ساتھ مزید بارش کا امکان ہے۔

    محکمہ موسمیات کا کہنا تھا کہ بالائی پنجاب، خیبرپختونخواہ، کشمیر اور گلگت بلتستان کے مختلف علاقوں میں تیزہواؤں ، بارش اور ژالہ باری کے پیش نظر کاشت کار اپنی فصلوں کی حفاظت کے لیے احتیاطی تدابیر اختیار کریں۔

  • کراچی میں بارش کا کوئی امکان نہیں، محکمہ موسمیات

    کراچی میں بارش کا کوئی امکان نہیں، محکمہ موسمیات

    کراچی : محکمہ موسمیات کا کہنا ہے بارش برسانے والاسسٹم پاکستان میں موجود ہے تاہم کراچی میں بارش کاکوئی امکان نہیں، کراچی میں ہواؤں کی رفتارمیں تیزی کاامکان ہے اور اپریل کے آخر تک گرمی کی شدت میں اضافہ متوقع ہیں۔

    تفصیلات کے مطابق ڈائریکٹرمحکمہ موسمیات کا کہنا ہے ایران میں بننےوالابارش کانظام فی الحال بلوچستان ،پنچاب اور کے پی میں موجود ہے، بارش کانظام کراچی سمیت سندھ سے نکل چکاہے۔

    محکمہ موسمیات نے بتایا راچی میں بارش کاکوئی امکان نہیں ، موسم جزوی طورپرابرآلودرہےگا جبکہ ہواؤں کی رفتارمیں تیزی کاامکان ہے، چنددنوں میں موسم پھرسےگرمی کی جانب لوٹ جائے گا اور اپریل کےآخرتک گرمی کی شدت میں اضافہ متوقع ہے۔

    اپریل کےآخرتک گرمی کی شدت میں اضافہ متوقع ہے

    ڈائریکٹر موسمیات کا کہنا تھا کراچی میں 18 سے 20 ناٹیکل مائل کی رفتار سے ہوائیں چلیں گی، شام تک ہواکی رفتار کم ہونا شروع ہوجائے گی۔

    کراچی کاموجودہ درجہ حرارت 28 ڈگری سینٹی گریڈ اور ہوا میں نمی کاتناسب 56 فیصد ہے، زیادہ سے زیادہ درجہ حرارت 32 ڈگری سینٹی گریڈ رہنے کا امکان ہے۔

    دوسری جانب بلوچستان میں موسلادھار بارشوں اورسیلاب سےنظام زندگی درہم برہم ہوگئی ، مختلف حادثات میں ہلاکتوں کی تعداد نو ہوگئی ۔ پنجاب اور سندھ کے مختلف شہروں میں بارش سےگرمی کی شدت میں کمی آگئی ہے۔

    سندھ کے مختلف شہروں میں بارش کاسلسلہ جاری ہے ، لاڑکانہ , سکھر ، نوشہرو فیروز سمیت دیگر شہروں میں بارش سےگرمی کازورٹوٹ گیا۔

    محکمہ موسمیات کے مطابق اسلام آباد، پنجاب، خیبر پختون خوا، کوئٹہ، ژوب، سکھر، لاڑکانہ، کشمیر اور گلگت بلتستان میں آج بھی بارش کا امکان ہے۔