Tag: محکمہ موسمیات

کراچی : شہرقائد کے مختلف علاقوں میں بوندا باندی اور ٹھنڈی ہواؤں کے باعث موسم خوشگوار ہوگیا ہے۔

تفصیلات کے مطابق کراچی کے مختلف علاقوں میں صبح سویرے بوندا باندی کے بعد موسم خوشگوار ہو گیا، شہر میں ٹھنڈی ہوائوں کا راج ہے جبکہ مطلع بھی ابر آلود رہنے کا امکان ہے۔

محکمہ موسمیات کا کہنا ہے کہ کراچی میں آج صبح کم سے کم درجہ حرارت 29 ڈگری سینٹی گریڈ ریکارڈ کیا گیا جبکہ ذیادہ سے ذیادہ درجہ حرارت 32 ڈگری سینٹی گریڈ تک جانے کا امکان ہے۔

محکمہ موسمیات کے مطابق ہوا میں نمی کا تناسب 80 فیصد ریکارڈ کیا گیا جبکہ 23 کلومیٹر فی گھنٹہ کی رفتار سے ہوائیں چل رہی ہیں۔

خیال رہے کہ گزشتہ ہفتے سے شہر میں سمندری ہوائیں چلنے سے گرمی کی شدت میں خاطر خواہ کمی واقع ہوئی تھی جبکہ گرمی کے ستائے شہریوں نے سکون کا سانس لیا تھا۔

محکمہ موسمیات نے گزشتہ روز کراچی کے شہریوں کو خوشخبری سناتے ہوئے کہا تھا کہ جمعے کے روز شہر میں ہلکی بوندا باندی کے باعث گرمی کی شدت میں مزید کمی آئے گی جبکہ مطلع ابرآلود رہے گا۔

یاد رہے کہ رمضان کے آغاز کے ساتھ ہی گرمی، حبس، سمندری ہوا کی بندش اور غیراعلانیہ لوڈ شیڈنگ نے عوام کی زندگی اجیرن بنا دی تھی جبکہ ہیٹ اسٹروک کے پیش نظر شہرمیں جگہ جگہ امدادی کیمپ قائم کیے گئے تھے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

کراچی: محکمہ موسمیات کے ڈائریکٹر جنرل ڈاکٹر غلام رسول نے کہا ہے کہ شہر قائد میں بارش کا کوئی امکان نہیں تاہم جھلسا دینے والی گرمی کا سلسلہ جمعرات تک جاری رہے گا۔

تفصیلات کے مطابق شہر قائد میں گزشتہ کئی روز سے سورج آگ برسا رہا ہے، آج بھی شہر کا درجہ حرارت 41 سینٹی گریڈ تک پہنچا جبکہ سمندری ہوائیں بند ہونے سے لو کا زور رہا۔

محکمہ موسمیات کے ڈائریکٹر جنرل ڈاکٹر غلام رسول نے پیش گوئی کی ہے کہ پنجاب اور دیگر بالائی علاقوں میں بھی آئندہ دو روز کے دوران گرمی کی شدت بڑھے گی جس کا براہ راست اثر کراچی میں بھی پڑھے گا۔

اُن کا کہنا تھا کہ کراچی میں بارش کا دور دور تک کوئی امکان نہیں مگر شہر جمعرات تک شدید گرمی کی لپیٹ میں رہے گا اور جمعے کے بعد سے ممکن ہے گرمی کا زور ٹوٹنا شروع ہوجائے گا۔

مزید پڑھیں: کراچی میں آج بھی گرمی عروج پر، درجہ حرارت 42 ڈگری تک پہنچ گیا

انہوں نے  یہ بھی خبردار کیا ہے کہ دو روز تک سمندری ہوائیں بالکل نہیں چلیں گی جس کے باعث سورج کی تپش مزید بڑھے گی اور ہیٹ اسٹروک کا بھی خدشہ ہے۔

ماہ صیام میں سورج کا پارہ چڑھنے کے باوجود لوگ رمضان کی برکتوں کو سمیٹنے کے لیے روزے رکھ رہے ہیں اور اُن کی کوشش ہے کہ خیروعافیت کے ساتھ پورے ماہ کو گزار سکیں۔

طبی ماہرین روزے داروں کو مشورہ دیا ہے کہ وہ کسی بھی ناخوشگوار واقعے سے محفوظ رہنے کے لیے احتیاطی تدابیر کا خاص خیال رکھیں اور دھوپ کے وقت بنا ضرورت گھروں سے باہر نہ نکلیں۔

دوسری جانب ڈائریکٹر میٹ عبدالرشید کا کہنا ہے کہ کراچی میں شمال مغرب کی جانب سے ہواچل رہی ہے، شمال مغرب سے چلنے والی والی گرم اور خشک ہوا کے نتیجے میں23 مئی تک سورج قہر ڈھائے گا، جس کے بعد بتدریج موسم بہتر ہونا شروع ہو جائے گا۔

یہ بھی پڑھیں: گرمی میں خواتین اپنی خوبصورتی کو کیسے بچائیں؟ ویڈیو دیکھیں

علاوہ ازیں  شہر میں جاری غیر اعلانیہ لوڈ شیڈنگ نے بھی شہریوں کا جینا دوبھر کر رکھا ہے، ایک طرف سورج آگ برسا رہے ہے تو دوسری طرف 12، 12 گھنٹے بجلی کی لوڈ شیڈنگ نے شہروں کو دہرے عذاب اور اذیت میں مبتلا کردیا۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

کراچی : محکمہ موسمیات کا کہنا ہے کہ شہر قائد میں آج بھی موسم گرم اور خشک رہے گا جبکہ گرمی کی یہ حالیہ لہر بدھ تک برقرار رہے گی۔

محکمہ موسمیات کے مطابق کراچی میں سمندری ہوائیں بند ہوگئیں جبکہ صبح 10 بجے شہر کا درجہ حرارت 38 ڈگری سینٹی گریڈ ریکارڈ کیا گیا جبکہ شہرمیں آج پارہ 43 ڈگری تک پہنچنے کا امکان ہے۔

محکمہ موسمیات نے خبردار کیا کہ کراچی میں شدید گرمی کی لہر بدھ تک برقرار رہے گی جس کے بعد درجہ حرارت کم ہونا شروع ہوجائے گا۔

محکمہ موسمیات کا کہنا ہے کہ لاڑکانہ، سکھر، نواب شاہ، دادو اور بدین سمیت سندھ کے کئی شہروں میں موسم شدید گرم ہے جہاں درجہ حرارت 50 ڈگری سینٹی گریڈ تک پہنچنے کا امکان ہے۔

محکمہ موسمیات کے مطابق صوبہ بلوچستان اور پنجاب کے میدانی علاقے بھی آج شدید گرمی کی لپیٹ میں رہیں گے۔

محکمہ موسمیات کی جانب سے مالاکنڈ، ہزارہ، پشاور، کوہاٹ، راولپنڈی، فاٹا، کشمیر اور گلگت بلتستان میں بارش کا بھی امکان ظاہر کیا گیا ہے۔

قیامت خیز گرمی ، کراچی کا درجہ حرارت42 ڈگری تک جا پہنچا

خیال رہے کہ گزشتہ روز بھی کراچی کا درجہ حرارت 42 ڈگری سینٹی گریڈ ریکارڈ کیا گیا تھا۔ گرمی کی شدت میں اضافے اور حبس کے باعث طبی ماہرین نے شہریوں کو احتیاط کی ہدایت کی ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔