ARYNews.tv | Urdu – Har Lamha Bakhabar

Tag: محکمہ موسمیات

  • ملک بھرمیں سردی نے ڈیرےڈال لئے

    ملک بھرمیں سردی نے ڈیرےڈال لئے

    اسلام آباد : ملک بھرمیں سردی نے ڈیرےڈال لئے ہیں۔ محکمہ موسمیات نے اس ہفتےسردی کی شدت برقرار رہنے کی پیش گوئی کی ہے۔ملک کے بیشترشہروں میں موسم کے تیوربدلے بدلے سے نظرآتے ہیں۔

    بالائی علاقوں میں ٹھنڈ بڑھنے لگی ہے۔ کشمیر،گلگت بلتستان،مالاکنڈ اورکوئٹہ میں کڑاکے کی ٹھنڈدانت بجانے لگی ہے۔ کراچی میں بھی شام کو چلنے والی سردہوائیں جاڑے کی آمدکا پتہ دینے لگی ہیں۔

    محکمہ موسمیات نے چندروزتک سردی کی شدت برقراررہنے کی پیش گوئی کی ہے۔ آئندہ چوبیس گھنٹوں کے دوران ملک کے بیشترشہروں میں موسم سرداورخشک رہنے کا امکان ہے۔

    گزشتہ چوبیس گھنٹوں کے دوران ملک کے بیشترشہروں میں موسم سرداورخشک رہا۔ آج سب سے کم درجہ حرارت اسکردومیں منفی پانچ،استور،گوپس،کوئٹہ میں منفی تین جبکہ کالام،گلگت،قلات،ہنزہ اور چترال میں منفی دو ڈگری سینٹی گریڈ ریکارڈ کیا گیا۔

  • پاکستان کے بالائی علاقوں میں سردی نے رنگ جمالیا

    پاکستان کے بالائی علاقوں میں سردی نے رنگ جمالیا

    اسلام آباد: ملک بھرمیں سردی کا آغازہوچکا ہے۔ بالائی علاقوں میں سردی نے اپنا رنگ جمالیا ہے اور محکمہ موسمیات نے رواں ہفتے سردی کی شدت برقراررہنے کا امکان بھی ظاہرکیا ہے۔

    پاکستان کے بالائی علا قوں میں جاڑادھوم مچاتا آیا ہے اور گرم کپڑے، مونگ پھلی اورلحاف بھی ساتھ لایا ہے۔ ملک کے بیشترشہروں میں موسم کے تیور بدلے بدلے سے نظرآتے ہیں۔ کشمیر، گلگت بلتستان، مالاکنڈ اورکوئٹہ سمیت دیگر علاقوں میں  کڑاکے کی ٹھنڈ دانت بجانے لگی ہے۔

    کراچی والوں کو بھی سردی نے کچھ کچھ جھلک دکھلائی ہے۔ حب چوکی کےعلاقے میں صبح سویرے چھائی شدید دھندنے ٹریفک کی روانی متاثرکردی ہے۔ محکمہ موسمیات نے سردی کی شدت چندروزتک برقراررہنے کی پیشن گوئی کی ہے جبکہ آئندہ چوبیس گھنٹوں کے دوران ملک کے بیشترشہروں میں موسم سرداورخشک رہنے امکان ظاہر کیا جارہا ہے۔

    دوسری جانب مالاکنڈ اورگلگت بلتستان میں ہلکی بارش اور ہلکی برفباری کا امکان ظاہر کیا گیا ہے۔ گزشتہ چوبیس گھنٹوں کے دوران ملک کے بیشترشہروں میں موسم سرداورخشک رہا۔ آج سب سے کم درجہ حرارت اسکردومیں منفی پانچ، کالام،قلات،گوپس،کوئٹہ میں منفی دو جبکہ چترال اوراستورمیں منفی ایک ڈگری سینٹی گریڈ ریکارڈ کیا گیا ہے۔

  • اوہایو : برفباری کے باعث نظام زندگی درہم برہم،1شخص ہلاک

    اوہایو : برفباری کے باعث نظام زندگی درہم برہم،1شخص ہلاک

    اوہایو : امریکا ریاست اوہایو میں شدید سردی اور برفانی طوفان کے باعث نظامِ زندگی درہم برہم ہو کر رہ گیا ہے۔

    امریکا کی شمالی ریاستوں میں انتہائی سرد موسم نے معمول کی زندگی کو مفلوج کردیا ہے، ریاست اوہایو میں درجہ حرارت نقطۂ انجماد سے کئی درجے نیچے گرگیا، طوفانی ہواؤں اور برفباری سے کئے علاقے بجلی سے محروم ہوگئے ہیں جبکہ ریلوے ٹریک پر بھی برف جمنے کی وجہ سے ٹرینوں کی آمدورفت معطل ہوگئی ہے۔

    سڑکوں پر پھسلن کے سبب ٹریفک حادثات میں ایک شخص ہلاک جبکہ متعدد زخمی ہوگئے ہیں، محکمہ موسمیات نے مزید برفباری کی پیش گوئی کی ہے۔

  • آئندہ ہفتے ملک بھر میں مزید سردی بڑھنے کی پیشگوئی

    آئندہ ہفتے ملک بھر میں مزید سردی بڑھنے کی پیشگوئی

    اسلام آباد : ملک بھر میں ٹھندی ہوائیں چلنے سے سردی کی شدت بڑھ گئی، محکمہ موسمیات نے آئندہ ہفتے مزید سردی بڑھنے کی پیشگوئی کی ہے۔

    کوئٹہ میں درجہ حرارت نقطہ انجماد سے تین درجہ نیچے گرگیا۔پنجاب خیبرپختونخوا اوربالائی علاقوں سمیت ملک کے بشتر شہروں میں ٹھنڈی ہواؤں نے سردی بڑھا دی۔

    ٹھنڈ بڑھتے ہی لوگوں نے گرم کپڑوں کا استعمال شروع کردیا۔ چائے ،کافی اور قہوے کا استعمال بھی بڑھ گیا۔۔۔ محکمہ موسمیات کا کہنا ہے کہ ملک کے بالائی علاقوں میں سردی کی شدت میں مزید اضافہ ہوگا۔

    تاہم بشتر شہروں میں موسم سرد اور خشک رہے گا۔۔ محکمہ موسمیات نے آئندہ ہفتے بلوچستان مالاکنڈ ، ہزارہ ، گلگت بلتستان اور کشمیر سمیت پہاڑی اور اور بالائی علاقوں میں سردی کی شدت میں اضافے کی پیشگوئی کی ہے۔

    گزشتہ روزسب سے کم درجہ حرارت اسکردو میں منفی چھ ڈگری سینٹی گریڈ جبکہ کوئٹہ میں منفی چار،گلگت میں منفی تین ، چترال میں منفی دو اور کالام میں منفی ایک ڈگری سینٹی گریڈ ریکارڈ کیا گیا۔

  • ملک بھرمیں سردی نے رنگ جمالیا

    ملک بھرمیں سردی نے رنگ جمالیا

    کراچی : ملک بھرمیں سردی نے رنگ جمالیا ہے، محکمہ موسمیات نے آئندہ ہفتے بیشترشہروں میں سردی کی شدت برقراررہنے کی پیش گوئی کی ہے ۔

    ملک کے بیشتر شہروں میں سردی نے اپنے رنگ دکھانا شروع کردیئے ہیں، شمالی علاقوں میں سردی نے ڈیرے ڈال لئے ہیں، کوئٹہ، قلات، کشمیر، گلگت بلتستان میں کڑاکے کی سردی کا آغاز ہوگیا، شہرِ قائد میں بھی کوئٹہ کی ہواؤں نے رُخ کرلیا ہے اور ہلکی ٹھنڈ نے کراچی والوں کوبھی لحاف اورگرم کپڑے نکالے پر مجبور کردیا۔

    محکمہ موسمیات کا کہنا ہے کہ آئندہ ہفتے ملک کے بیشترشہروں میں موسم سرداورخشک رہے گا جبکہ آئندہ چوبیس گھنٹے کشمیر، گلگت بلتستان، شمالی بلوچستان اور مالاکنڈ میں سردی کی شدت برقرار رہنے کا امکان ہے، آج ملک میں سب سے کم درجہ حرارت اسکردومیں منفی سات ڈگری سینٹی گریڈ ریکارڈ کیا گیا۔

  • کراچی میں بھی یخ بستہ ہواؤں نے گرمی کا زور توڑ دیا

    کراچی میں بھی یخ بستہ ہواؤں نے گرمی کا زور توڑ دیا

    کراچی: پہاڑی علاقوں سمیت ملک کے بیشتر حصوں میں موسم اپنے جوبن پر ہے، کراچی میں بھی یخ بستہ ہواؤں نے گرمی کا زور توڑ دیا۔

    کراچی میں چلی ٹھنٖڈا ہوا اور موسم خوشگوار ہوا، یخ بستہ ہواوں نے شہریوں کو گرم کپڑے پہنا دیئے ۔ملک بھر میں موسم سرما کا آغاز ہوگیا،کوئٹہ اور قلات کو شدید سردی نے اپنی لپیٹ میں لے لیا ۔محکمہ موسمیات کے مطابق آئندہ چند روز تک ملک بیشتر علاقوں میں موسم خشک رہےگا۔

    تاہم کوئٹہ اور قلات سمیت کئی بالائی علاقوں میں گرج چمک کیساتھ بارش کا بھی امکان ہے،جس سے سردی کی شدت میں اضافہ اور درجہ حرارت میں مزید کمی آجائیگی، گزشتہ روز سب سے کم درجہ حرارت قلات میں منفی ایک ڈگری رہا۔

  • نیلوفرکی کراچی آمد کا امکان نہیں،محکمہ موسمیات

    نیلوفرکی کراچی آمد کا امکان نہیں،محکمہ موسمیات

    کراچی: نیلوفرطوفان کے کراچی سے ٹکرانے کی اطلاعات غلط ہیں، محکمہ موسمیات کا کہنا پے کہ کہ بحیرہ عرب میں اٹھنے والے طوفان کے اثرات کراچی آنے سے پہلے کم ہوجائے گا۔

    نیلوفر کی شدت کم ہوگئی ہے، طوفان کراچی کے جنوب مغرب سے چھ سو پچاس کلومیٹر کے فاصلے پر ہیں، محکمہ موسمیات نے کہا ہے کہ نیلوفر کے کراچی سے ٹکرانے کی اطلاعات غلط ہیں، طوفان بھارت کے شہر گجرات کے ساحلی علاقے سے ٹکرائے گا اور کراچی تک پہنچنے سے پہلے ہی نیلوفر کی شدت میں کمی آئے گی۔

    ماہر موسمیات کا کہنا ہے کہ طوفان کے مرکز میں چلنے والی ہواؤں کی رفتار بھی کم ہوجائے گی، طوفان تو نہیں آئے گا لیکن کراچی ،حیدرآباد سمیت سندھ اور بلوچستان میں بادل جم کر برسیں گے۔

    ماہر موسمیات کا کہنا یہ بھی ہے کہ طوفان کے باعث سمندری لہریں ساڑھے چار سے پانچ فٹ اونچی اٹھ سکتی ہیں۔

     طوفان نیلو فر نے تین ممالک میں ہلچل مچادی،  محکمہ موسمیات کے مطابق نیلوفر کے آثار پاکستان کے ساحلی علاقوں تک پہنچنا شروع ہوگئے ہیں۔

    ماہر موسمیات کا کہنا ہے کہ کراچی سمیت سندھ اور بلوچستان میں آج شام سے بارشیں شروع ہو سکتی ہے، بپھرتا طوفان نیلوفر چودہ کلومیٹر فی گھنٹہ کی رفتار سے سندھ کے ساحلی علاقوں کی جانب بڑھ رہا ہے۔ جس کے باعث کراچی کے ساحلی مقامات پر سخت حفاظتی انتظامات کر لیے گئے اورسمندر پر جانے پر دفعہ ایک سو چوالیس نافذ کردی گئی، کراچی کے ماہی گیروں نے طوفان کے پیش نظر کشتیاں برتھ پر پہنچا دیں ۔

  • نیلوفر کراچی سے800کلومیٹردوری پرپہنچ گیا

    نیلوفر کراچی سے800کلومیٹردوری پرپہنچ گیا

    کراچی: نیلوفر طوفان برق رفتاری سےآگےبڑھ رہاہے، یہ طوفان پاکستان میں بارش او ر تیز ہوائوں کا نذرانہ دیتا ہوا بھارتی گجرات میں اپنا سفر پورا کرےگا۔

    بحیرہ عرب میں اٹھنے والے سمندری طوفان نیلوفر نے تین ملکوں کے عوام کو ہلا رکھا ہے، اومان کو نقصان پہنچائے بغیر شمال مشرق کی سمت میں سفر کرنے والا انتہائی شدت کا طوفان جمعرات یا جمعے کو بھارتی صوبہ گجرات سے ٹکرائےگا، اس طوفان سے پاکستان کے ساحلی علاقے تو محفوظ ہیں لیکن اس کے اثرات سے تو کوئی بھی نہیں بچ سکے گا۔

    ماہرین موسمیات کے مطابق تیرہ کلومیٹر فی گھنٹہ کی تیز رفتار سے چلنے والا یہ طوفان پاکستان کے صوبوں بلوچستان اور سندھ کو متاثر کرے گا۔ یہاں طوفانی ہوائیں چلیں گی اور موسلا دھار بارش ہو گی، اپنی پوری شدت سے چلنے والا یہ طوفان اس وقت کراچی سے 800 اور گوادر سے 600 سو  کلو میٹر دور ہے۔

    چیف میٹرولوجسٹ توصیف عالم نے کہا ہے کہ سمندری طوفان نیلوفر جمعرات اورجمعے کوسندھ کےساحلی علاقوں سے گزرے گا، تیزہواؤں کےباعث نقصان کاخدشہ ہے۔

    سمندری طوفان نیلوفر کے پیش نظر پاک بحریہ سندھ اور بلوچستان کی ساحلی پٹی کے باسیوں کو ہنگامی صورت میں امداد فراہم کرنے کے لیے پوری طرح تیار ہے۔

  • سمندری طوفان نیلوفر کراچی سے 875کلومیٹر دور

    سمندری طوفان نیلوفر کراچی سے 875کلومیٹر دور

    کراچی :بحیرہ عرب میں بننے والے نیلوفرطوفان کراچی سےآٹھ سو پچہترکلو میٹرکے فاصلے پرموجود ہے، ملک کے ساحلی علاقوں میں موسلا دھاربارشیں متوقع ہیں۔

    نیلوفر طوفان نے سندھ کے ساحلی علاقوں کے شہریوں کوپریشان کردیا ہے، کراچی اوربلوچستان کے ساحلی علاقوں سے طوفان ٹکرائے گا،  نیلوفر کراچی کے جنوب مغرب میں آٹھ سو پچتھر کلومیٹرکے فاصلے پرموجود ہے۔

    محکمہ موسمیات کا کہنا ہے کہ طوفان دوسے تین روز میں ساحلوں تک پہنچ جائے گا،  طوفان سے کراچی سمیت سندھ اوربلوچستان کے ساحلی علاقوں میں تیزہواؤں کے ساتھ بادلوں کے جم کربرسنے کی بھی پیشن گوئی کی گئی ہے۔

    محکمہ موسمیات کےسربراہ کے مطابق ٹکراتے وقت طوفان کی شدت میں کمی آجائے گی، موسلا دھاربارشوں سے ندی نالوں میں طغیانی کے خدشات ہیں، جس کے لئے حفاظتی اقدامات مکمل کرلئے گئے ہیں۔

  • سمندری طوفان پاکستانی ساحل کےقدرے دور سے گذرے گا، محکمہ موسمیات

    سمندری طوفان پاکستانی ساحل کےقدرے دور سے گذرے گا، محکمہ موسمیات

    کراچی: محکمہ موسمیات نے پیشنگوئی کی ہے کہ سمندری طوفان  نیلوفراس وقت شمال مغرب کی جانب بڑھ رہا ہے۔

     چیف میٹرولوجسٹ توصیف عالم کے مطابق عمان کے ساحل سے ٹکرانے سے قبل ہی طوفان کا رخ تبدیل ہوجائے گا، سمندری طوفان ساحل سے ٹکرانے سے قبل اپنا رخ تبدیل کرتے ہوئے شمال مشرق کی جانب بڑھے گا۔

     محکمہ موسمیات کے مطابق سمندری طوفان پاکستان کے ساحلی علاقوں سے قدرے دور سے گذرے گا،یہ طوفان بھارتی گجرات میں جاکر ٹکرائے گا ، آئندہ دو روز میں کراچی میں گرمی کی شدت میں اضافہ ہوگا، اورسمندری طوفان سے ننگرپارکر، شورکوٹ، عمرکوٹ، چھاچھرو، سمیت ٹھٹھہ اور بدین میں بھی بارشیں ہونگی۔

    محکمہ موسمیات کے مطابق 30 اور 31 اکتوبر کو طوفان کے اثرات بارش کی صورت میں کراچی میں ظاہرہوں گے ،بادلوں کا پھیلاؤ پچاس سے 70 کلومیٹر تک ہوگا، جو بارش کا سبب بنے گا۔