اسلام آباد: محکمہ موسمیات نےآئندہ چوبیس گھنٹے کے دوران ملک کے بیشتر شہروں میں بارش کی پیش گوئی کردی ۔
گزشتہ چوبیس گھنٹوں میں خیبر پختونخوا اور پہاڑی علاقوں میں چند مقامات پر بادل خوب برسے، بارش سے گرمی اور حبس ختم ہوا اور موسم خوشگوار ہوگیا۔ سب سے زیادہ بارش پارا چنار اور دیر میں آٹھ ملی میٹر ریکارڈ کی گئی ۔
محکمہ موسمیات نے آئندہ چوبیس گھنٹے کے دوران کراچی، اسلا م آباد، بالائی پنجاب، خیبر پختونخواہ ، گلگت بلتستان، کشمیر میں تیز ہواؤں، آندھی چلنے اور گرج چمک کیساتھ بارش کی پیشگوئی کی ہے۔
لاہور سمیت پنجاب کے مختلف شہروں میں رم جھم برستے بادلوں نے موسم خوشگوارکردیا۔ تو شدید گرمی سے پریشان سندھ والوں کو ابر کرم برسنے کا انتظار ہے۔ کہیں گہرے بادل چھائے ہیں تو کہیں بارش اورٹھنڈی ہوا تو کہیں گرمی نے جینا محال کیا ہوا ہے ،لاہور سمیت پنجاب کے مختلف شہروں کا موسم خوشگوار ہے ۔لاہور شہر کے مختلف علاقوں میں موسلادھار بارش سے گرمی کا زور ٹوٹ گیا اور شہریوں کے چہرے کھل اٹھے ۔
موسم کا حال بتانے والوں کا کہنا ہے کہ روالپنڈی ، اسلام آباد سمیت پنجاب اور کشمیر میں بعض مقامات پر بارش کا امکان ہے، کہیں بارش اور تیز ہواوں نے گرمی کا زور توڑ دیا ۔ تو کہیں گرمی سے عوام پریشان ہیں ،کراچی سمیت سندھ کے مختلف شہروں میں حبس نے شہریوں کے معمولات بری طرح متاثر کر دیے ہیں۔
محکمہ موسمیات کے مطابق آئندہ چوبیس گھنٹے کے دوران سندھ سمیت ملک کے بیشتر شہروں میں موسم گرم رہے گا۔ گرشتہ چوبیس گھنٹے کے دوران زیادہ سے زیادہ درجہ حرارت داالبندین میں چوالیس اور سب سے زیادہ بارش لاہور میں چار ملی میٹر ریکارڈ کی گئی
کراچی : رات گئے ہلکی بارش ہوئی، محکمہ موسمیات کے مطابق ملک کے بیشتر علاقوں میں مطلع آبر الود ہے جبکہ چند مقامات پر بارش کا امکان ہے۔
ملک کے بیشتر علاقوں میں وقفے وقفے سے گرج چمک کے ساتھ بارشوں کا سلسلہ جاری ہے، محکمہ موسمیات کے مطابق گزشتہ چوبیس گھنٹوں کے دوران اسلام آباد، گجرانوالہ، پشاور، مالاکنڈ، حیدرآباد، کشمیر اور گلگت بلتستان میں چند مقامات پر گرچ چمک کے ساتھ بارش ہوئی۔
آئندہ چوبیس گھنٹوں کے دوران بالائی پنجاب میں گجرانوالہ،لاہور، سرگودھا ڈویژن، خیبر پختونخواہ میں مالاکنڈ، کوہاٹ، پشاور، ہزارہ ڈویژن میں کہیں کہیں جبکہ فیصل آباد کراچی ، حیدرآباد، سکھراور میر پور خاص میں تیز ہواؤں اور گرج چمک کے ساتھ بارش کا امکان ہے ۔
محکمہ موسمیات بھی تجزیہ کا روں کی طرح پیشنگوئی کررہا ہے کہ ملک کے بیشتر حصوں میں مطلع ابر آلود رہے گا۔
کہیں گر می کا زور برقرار ہے تو کہیں بارش سے موسم خوشگوار کردیا ہے، کراچی والوں کو شدت سے بارش کا انتظار ہے، اندرون سندھ میں ابر آلود موسم نے گرمی کی شدت کو کم کردیا ہے،جس سے گرمی سے بلبلائے شہریوں نے سکھ سانس لیا۔
محکمہ موسمیات کے مطابق سندھ بھر میں آئندہ چند روز میں بارش کا امکان ہے، راولپنڈی، گوجرا نوالہ، سرگودھا، ساہیوال اور ملتان سمیت پنجاب کے مختلف شہروں میں بھی بارش کی پیشگوئی کی گئی ہے، آئندہ چوبیس گھنٹے کے دوران خیبر پختون خوا، گلگت بلتستان اور کشمیر بادلوں کے سائے میں رہینگے، تاہم بیشتر شہروں میں موسم گرم اور مرطوب رہنے کی توقع ہے ۔
گزشتہ چوبیس گھنٹے کے دوران ما لاکنڈ ڈیویژن، گلگت سمیت بیشتر شہروں میں بارش ہوئی، آئندہ چوبیس گھنٹے کے دوران ملک کے اہم شہروں کا درجہ حرارت کچھ اس طرح رہے گا،اسلام آباد بتیس،لاہور تیس ، کراچی تیس، حیدر آباد پینتیس ،کوئٹہ چھتیس اور پشاور میں بتس سینٹی گریڈ رہے گا۔
موسم خوشگوارہے تو مزاج پر بھی بہارہے، کئی علاقوں میں بارش کی نوید عید آئی ہے خوشیاں لائی ہے، اگر موسم بھی خوشگوار ہوجائے تو مزا دوبالا ہوجائے ۔محکمہ موسمیات نے ملک کے بیشتر علاقوں میں بارش کی نوید سنائی ہے ۔
محکمہ موسمیات کا کہنا ہے کہ عید کا سماں ہے عید کے دنوں میں نکلتے وقت چھتریاں ضرور ہاتھ میں لیجئے گا کیونکہ موسم بھی ابر آلود رہے گا۔ مزاج خوشگوار ہے تو موسم بھی حسین ہوگیا ہے۔ملک بھر میں عید کے پہلے دن تو پنجاب کے کئی علاقوں میں خوب بارش ہوئی۔ابر کرم برسا تو گجرانوالہ میں بارش کا تئیس ملی میٹر ریکارڈ قائم ہوگیا۔
جبکہ آئندہ چوبیس گھنٹوں میں میدانی اور گرم علاقوں میں بھی جل تھل کی پیش گوئی ہے۔محکمہ موسمیات کے مطابق سندھ مشرقی بلوچستان ،ملتان ڈی جی خان اور اسلام آباد اور مشرقی پنجاب اور خیبرپختونخواہ کے چند علاقوں میں گرج چمک کے ساتھ بارش کا امکان ہے
کراچی: شوال یعنی عیدالفطر کا چاند دیکھنے کے لئے مرکزی رویتِ ہلال کمیٹی کا اجلاس آج کراچی میں ہوگا۔
اجلاس کی صدارت مفتی منیب الرحمنٰ کریں گے، اجلاس میں دیگرعلمائے کرام بھی شریک ہونگے، ملک بھر سے رویت کی شہادتیں موصول ہونے کے بعد عید منانے کا فیصلہ کیا جائے گا۔
محکمہ موسمیات کے مطابق ملک کے جنوبی حصوں میں آج چاند نظرآنے کے امکانات ہیں۔
اسلام آباد: ملک کے مختلف علاقوں میں مون سون کی بارشوں کا سلسلہ جاری ہے ،جڑواں شہروں میں موسلا دھار بارش سے نالہ لئی میں طغیانی کاخطرہ پیدا ہوگیا ہے، فلڈ کنٹرول نے نالہ لئی کے لیے پری الرٹ وارننگ جاری کردی ہے۔
ملک کے مختلف علاقوں میں مون سون کی بارشوں کا سلسلہ جاری ہے ، نالہ لئی کٹاریاں کے مقام پر چھ اعشاریہ سترہ اور گوالمنڈی کے مقام پر دس اعشاریہ اکتالیس فیصد پانی کے بہاو میں اضافہ ہوگیا ہے۔
آئندہ چوبیس گھنٹوں کے دوران ملک کے بیشتر علاقوں میں موسم گرم اور مرطوب رہیگا ،تاہم سرگودھا، لاہور،گوجرانوالہ، میرپورخاص، حیدرآباد، کراچی، ہزارہ، کشمیر، قلات ،ژوب اور گلگت میں چند مقامات پر گرج چمک کیساتھ بارش کا امکان ہے۔
گزشتہ روز سب سے زیادہ بارش سیالکوٹ میں تریسٹھ ملی میٹر ریکارڈ کی گئی جبکہ سب سے زیادہ درجہ حرارت نوکنڈی میں اڑتالیس ڈگری سینٹی گریڈ رہا۔
ملک کے مختلف شہروں میں گرمی نے ایک بار پھر زور پکڑ لیاہے۔ محکمہ موسمیات نے کشمیر، گوجرانوالہ اور میرپورخاص میں بعض مقامات پر بارش کی پیشگوئی کی ہے۔ ملک بھر میں موسم کے تیور الگ ہیں۔کہیں سورج آگ برسا رہا ہے اور کہیں بادل برسنے کا امکان ہے۔ مختلف شہروں میں شدید گرمی نے شہریوں کو پریشان کر رکھا ہے۔
محکمہ موسمیات کے مطابق آئندہ چوبیس گھنٹے کے دوران ملک کے بیشتر علاقوں میں موسم گرم اور مرطوب رہیگا تاہم کشمیر، گوجرانوالہ اور میرپورخاص سمیت بعض مقامات پر تیز ہوائوں اور گرج چمک کے ساتھ بارش کا امکان ہے۔ گزشتہ چوبیس گھنٹے کے دوران ملک کے بیشتر علاقوں میں موسم گرم اور مرطوب رہا تاہم بالائی پنجاب، خیبرپختونخوا، کشمیر، گلگت اور بالائی پہاڑی علاقوں میں چند مقامات پر بارش بھی ہوئی ۔
جس سے گرمی کی شدت میں کچھ حد تک کمی دیکھنے میں آئی۔گزشتہ چوبیس گھنٹے کے دوران سب سے زیادہ درجہ حرارت نوکنڈی میں چھیالیس، دالبندین ،سبی اور دادو میں پینتالیس،نوابشاہ میں چوالیس ڈگری سینٹی گریڈ رہا۔
اسلام آباد: محکمہ موسمیات کے مطابق آئندہ چوبیس گھنٹے کے دوران ملک بھر میں موسم گرم رہے گا تاہم کراچی کے مختلف علاقوں میں بوندا باندی نے موسم دلکش کردیا۔
کراچی میں ابر آلود موسم، ٹھنڈی ہوائیں اور ہلکی بوندا باندی نے موسم خوشگوار کردیا، محکمہ موسمیات کے مطابق آئندہ چوبیس گھنٹے کے دوران ملک کے بیشتر علاقوں میں موسم گرم اور مرطوب رہے گا، کراچی اور بلوچستان کے کچھ علاقوں میں مطلع جزوی ابر آلود رہنے کا امکان ہے تاہم گلگت بلتستان میں چند ایک مقامات پر گرج چمک کیساتھ بارش کی توقع ہے۔
محکمہ موسمیات کے مطابق گزشتہ چوبیس گھنٹے کے دوران راولپنڈی، سرگودھا، مالاکنڈ، میر پورخاص، گوجرانولہ اور گلگت میں چند مقامات پر تیز ہواوں کیساتھ بارش ہونے کا امکان ہے، محکمہ موسمیات کے مطابق ملک میں میدانی علاقوں میں گرمی برقرار رہنے کی توقع ہے۔
گزشتہ روز سب سے زیادہ درجہ حرارت سبی میں چوالیس ڈگری ریکارڈ کیا گیا، آئندہ چوبیس گھنٹے کے دوران اسلام آباد اور لاہور میں چھتیس، کراچی میں پینتیس، کوئٹہ چھتیس، پشاور میں انتیس ڈگری اور حیدرآباد میں ستائیس ڈگری سینٹی گریڈ ریکارڈ کیا گیا۔
اسلام آباد :ملک بھرمیں موسم کے بدلتی رت نے کہیں شہریوں کوگرمی سے پریشان کررکھاہے تو متعددعلاقوں میں برستے بادل نے روزے آسان بنادیئے ہیں ۔موسم کے نرالے رنگ ہیں۔ کہیں برسات ہورہی ہے،تو کہیں سورج آگ برسا رہا ہے ۔ ملک کے بیشتر علاقوں میں مطلع صاف ہے جبکہ شمالی علاقوں کشمیر، گلگت بلتستان اور کراچی میں بادل چھائے ہوئے ہیں۔
محکمہ موسمیات کا کہنا ہے کہ آئندہ چوبیس گھنٹوں کے دوران ملک کےبیشترعلاقوں میں مطلع صاف رہےگاتاہم کشمیر،گوجرانوالہ، راولپنڈی، لاہور، ڈی جی خان،ملتان،ساہیوال،مالاکنڈ،ہزارہ،پشاور،ڈی آئی خان اورمیرپورخاص ڈویژن میں چند ایک مقامات پر گرج چمک کے ساتھ بارش کا امکان ہے۔گزشتہ چوبیس گھنٹوں کے دوران ملک کے بیشترعلاقوں میں موسم گرم اورمرطوب رہا۔
جبکہ راولپنڈی،لاہور،گوجرانوالہ،فیصل آباد،اوکاڑہ،ساہیوال، مالاکنڈ ڈویژن اورکشمیرمیں چندایک مقامات پربادل کھُل کربرسے۔ حویلی لکھا میں بھی صبح سویرے تیزہواؤں کے ساتھ ہونے والی بارش نے موسم خوشگواربنادیا۔ اورروزہ داروں کے چہرے کھل اُٹھے۔ سب سے زیادہ بارش اوکاڑہ میں چالیس ملی میٹرریکارڈ کی گئی۔