Tag: محکمہ موسمیات

ملک کے زیادہ تر علاقوں میں سردی اپنے عروج پر ہے، آج ملک کے بالائی علاقوں میں مطلع جزوی طور پر ابر آلود رہنے جبکہ بعض مقامات پر ہلکی بارش اورپہاڑوں پر برف باری کا امکان ہے۔

ملک بھر میں سردی اپنے جوبن پر ہے، گلگت بلتستان، کشمیراور مالاکنڈ ڈویژن میں چند ایک مقامات پر ہلکی بارش اور پہاڑوں پر برف باری نے موسم اور بھی سرد کر دیا ہے، سیاح برفباری اور تفریحی لمحات کو تصویریں کھینچ کر یادگار بنا رہے ہیں۔

مینگورہ شہر میں کئی روز بعد دھوپ نکل سے کسی حد تک مارکیٹوں کی رونقیں بحال ہوگئی ہیں، کوئٹہ سمیت بلوچستان میں خون جما دینے والی سردی کا زور ہے، کوئٹہ کی یخ بستہ ہواؤں نے کراچی سمیت سندھ بھر میں لوگوں کے ہاتھ پاؤں سن کر دیئے ہیں۔

کراچی میں سرد ہواؤں نے شہریوں کا گھر سے نکلنا مشکل کردیا ہے جبکہ منچلے نوجوان رات گئے تاش اور لوڈو کی محفلیں لگا کر طرح طرح سے انجوائے کر رہے ہیں، ساتھ ہی بڑے بوڑھے بھی کسی سے کم نہیں اور وہ بھی رات کے اوقات میں قصے کہانیاں سنتے سناتے اور گرما گرم سوپ سے محضوض ہوتے دکھائی دے رہے ہیں۔

محکمہ موسمیات کے مطابق آج ملک کے بالائی علاقوں میں مطلع جزوی طور پر ابر آلود رہنے اور بعض مقامات پر ہلکی بارش اور پہاڑوں پر برف باری کا امکان ہے، آزاد کشمیر اور بلتستان کے علاوہ ملک کے دیگر علاقوں میں موسم بدستور سرد اور خشک رہے گا، گزشتہ چوبیس گھنٹوں کے دوران سب سے کم درجہ حرارت پارا چنار میں منفی بارہ سینٹی گریڈ رکارڈ کیا گیا۔

ملک میں سردی کا راج برقرار ہے، محکمہ موسمیات کے مطابق بالائی علاقوں میں برفباری اور میدانی علاقوں بادل برسنے کا امکان ہے۔

ملک بھر میں سردی اپنے جوبن پر ہے، کہیں برفباری کے دلکش نظارے ہے تو کہیں بارش کے بعد سرد ہواؤں کا زور ہے، گلگت بلتستان، کشمیر، مری کوئٹہ، چمن، زیارت، پشین سمیت بالائی علاقوں میں برف باری اور ہلکی بارش سے سردی کی شدت میں اضافہ ہوگیا ہے۔

محکمہ موسمیات کے مطابق پنجاب کے میدانی علاقے دھند کی لپیٹ میں رہیں گے جبکہ شمالی بلوچستان ، پنجاب اور سندھ کے کئی شہروں میں سردی کی شدت بھی بڑھنے کا امکان ہے۔

آئندہ چوبیس گھنٹوں کے دوران مالا کنڈ، ہزارہ، راول پنڈی، کشمیر اور بلتستان ڈویژن میں پہاڑوں پر برف پرسکتی ہے جبکہ کئی علاقوں میں بارش کی بھی پیش گوئی ہے ۔

ملک میں سردی کا راج بدستور برقرار ہے، محکمہ موسمیات کے مطابق بالائی علاقوں میں بارش اور پہاڑو ں پر برفباری کا امکان ہے جبکہ اکثر میدانی علاقوں میں سردی کی شدت میں مزید اضافے کی توقع ہے۔

ملک بھر میں سردی کا زور اپنے زوروں پر ہے، کہیں برفباری کے خوبصورت نظارے ہے تو کہیں بارش اور سرد ہواؤں نے لوگوں کی قلفی جما دی ہے۔

چوبیس گھنٹوں کے دوران مالاکنڈ، ہزارہ، گلگت بلتستان ڈویژن ،کشمیر اور شمالی بلوچستان کے شہرکوئٹہ، چمن ،زیارت،پشین سمیت،قبائلی علاقوں میں برف باری اور کہیں کہیں ہونے والی بارش سے سردی کی شدت مزید بڑھ گئی ہے۔

محکمہ موسمیات کے مطابق پنجاب اور خیبرپختونخواہ کے میدانی علاقے صبح کے وقت کہر اور دھند کی لیپٹ میں رہے گے جبکہ اکثر میدانی علاقوں میں سردی کی شدت میں مزید اضافے کی توقع ہے۔

اسکردو میں سب سے کم درجہ حرارت منفی گیارہ ڈگری سینٹی گریڈ ریکارڈ کیا گیا جبکہ کوئٹہ میں درجہ حرارت منفی نو ڈگری سینٹی گریڈ تک جا پہنچا۔
   

اہل کراچی تیار ہوجائیں، سرد ہوائیں ایک بار پھرشہر قائد کا رخ کرنے والی ہیں، محکمہ موسمیات نے خبردار کیا ہے کہ کوئٹہ سمیت بلوچستان کے مختلف شہروں میں آئندہ چوبیس گھنٹوں میں بادل برس سکتے ہیں، ملک بھر میں سردی اپنے جوبن پر ہے، کہیں یخ بستہ ہواؤں کے ڈیرے ہیں تو کہیں برف باری نے موسم کا لطف دوبالا کردیا ہے۔

محکمہ موسمیات نے خبردار کیا ہے کہ کوئٹہ ،قلات ، زیارت سمیت بلوچستان کے مختلف علاقوں میں بادل برس سکتے ہیں، اس کے ساتھ ہی کراچی والے بھی تیار ہوجائیں، یخ بستہ ہواؤں کا سلسلہ ایک بار پھر شہر کا رخ کر رہا ہے۔

خیبر پختونخوا، گلگت بلتستان اور کشمیر میں بھی چند مقامات پر بادل برسنے اور پہاڑوں پر ہلکی برف پڑنے کی امید ہے، پشاور میں درجہ حرارت صفر ڈگری سینٹی گریڈ تک گر جانے سے شہریوں نے ایک بار پھر سردی سے بچاؤ کی تیاریاں مکمل کرلی ہیں۔

بالائی علاقوں کالام ، مالم جبہ اور سوات کے پہاڑوں پر ہلکی برف باری سے موسم مزید سرد ہوگیا، سرد موسم کا مزہ لینے سیاح بڑی تعداد میں ان علاقوں کا رخ کر رہے ہیں، اسلام آباد اور راولپنڈی میں بھی سرد ہواؤں نے ڈیرے ڈال رکھے ہیں۔

مری اور گلیات میں بھی کہیں بارش تو کہیں برف باری کا امکان ہے، محکمہ موسمیات کے مطابق ملک میں جاری سردی کی شدت میں آئندہ چوبیس گھنٹوں کے دوران مزید شدت آجائے گی۔
   

ملک بھر میں سردی کی لہر میں کمی آنا شروع ہوگئی ہے، بالائی علاقوں میں اب بھی برف باری کا سلسلہ جاری ہے۔

بالائی علاقوں وادی نیلم ، اٹھ مقام اور گریز سمیت کئی علاقوں میں وقفے وقفے سے برف باری کا سلسلہ اب بھی جاری ہے،  گلگت بلتستان میں برف باری تھمنے سے سردی کی شدت میں اضافہ ہوگیا ہے۔

اسلام آباد اور راولپنڈی میں یخ بستہ ہواؤں نے ڈیرے ڈال رکھے ہیں، لاہور، فیصل آباد سمیت پنجاب کے مختلف شہروں میں شہری سرد موسم میں بھاپ اڑاتی چائے اور سوپ سے لطف اندوز ہورہے ہیں تو کراچی میں شہری کم ہوتی سردی کو بھی بھرپور انجوائے کر رہے ہیں۔

اندرون سندھ کے کئی شہروں میں سخت سردی نے اب بھی ڈیرے ڈالے ہوئے ہیں، شہری سردی کا مزہ مچھ کچھہیری لگا کرلے رہے ہیں، محکمہ موسمیات کے مطابق ملک میں جاری سردی کی شدت میں آئندہ چوبیس گھنٹوں کے دروان مزید کم ہونے کا امکان ہے۔
   

ملک بھر میں ریکارڈ توڑ سردی کا زور ٹوٹنے کو ہے، محکمہ موسمیات کے مطابق آئندہ دو سے تین روز کے دوران سردی کی شدت میں کسی حد تک کمی کا امکان ہے۔

ملک بھر میں سردی کی لہر برقرار ہے، کہیں ٹھنڈی اور تیز ہواوں نے ڈیرے ڈال رکھے ہیں تو کہیں پہاڑوں پر برف باری کا سلسلہ جاری ہے، بالائی علاقے شدید سردی کی لپیٹ میں ہیں۔

محکمہ موسمیات کے مطابق آئندہ چوبیس گھنٹوں کے دوران پنجاب کے میدانی علاقوں پشاور اور سکھر ڈویژن میں کہیں کہیں دھند چھائے رہنے کا امکان ہے جبکہ ملک کے بیشتر شہروں میں دو سے تین روز کے دوران سردی کی شدت میں کسی حد تک کمی کا امکان ہے۔

محکمہ موسمیات نے آئندہ چوبیس گھنٹوں کے دوران ملک بھر میں موسم شدید سرد اور خشک رہنے کی پیش گوئی کی ہے تاہم مالاکنڈ، ہزارہ اور گلگت بلتستان میں مطلع جزوی طور پر ابر آلود رہنے اور ایک دو مقامات پر ہلکی بارش اور برف باری کی پیش گوئی کی ہے۔

آج ملک میں سب سے کم درجہ حرارت اسلام آباد میں منفی تین، لاہور ایک، کراچی نو، پشاور صفر اور کوئٹہ میں منفی نو ڈگری سینٹی گریڈ ریکارڈ کیا گیا۔

ملک بھر سرد موسم اپنے جوبن پر ہے, پہاڑی علاقوں میں برف باری سے بالائی علاقوں کی رابطہ سڑکیں بند ہیں، محکمہ موسمیات نے تین روز تک سردی کی شدت برقرار رہنے کی پیش گوئی کردی۔

ملک بھر میں سردی نئے نئے ریکارڈ بنارہی ہیں، کئی شہروں میں ٹھنڈ نے دہائیوں کے پرانے ریکارڈ توڑ دیئے، گلگت بلتستان کے بلند و بالا پہاڑوں پر برف ہی برف کے نظارے ہیں تو سندھ اور بلوچستان کے ساحلی علاقے یخ بستہ ہواؤں کی لیپٹ میں ہیں، بالائی علاقے سوات اور ایبٹ آباد میں برفباری کے باعث رابطہ سڑکیں بند ہیں۔

کوئٹہ شہر میں قلفی جما دینے والی سردی میں پانی بھی لائنوں میں جم گیا، محکمہ موسمیات کے مطابق اگلے تین روز تک سردی کی شدت میں کمی کا امکان نہیں، پنجاب کے میدانی علاقوں میں دھند چھائے رہنے کا امکان ہے، سب سے کم درجہ حرارت استور میں منفی تیرہ سینٹی گریڈ ریکارڈ کیا گیا۔

شہروں کے درجہ حرارت بھی کچھ اسطرح رہے، اسلام آباد منفی تین، لاہور ایک، کراچی نو، پشاور صفر اور کوئٹہ میں منفی نو ڈگری سینٹی گریڈ ریکارڈ کیا گیا۔
   

کوئٹہ کی یخ بستہ ہواوں نے کراچی کا رخ کیا تو شہر قائد میں قائم سردی کا تیس سالہ ریکارڈ ٹوٹ گیا۔

ملک کے مختلف شہروں میں سردی کی شدت برقرار ہے، کپکپی طاری کرنے والی سرد ہوائیں اور پہاڑوں پر برفباری سے کئی شہروں میں زندگی ٹھٹر گئی، کوئٹہ کی سرد ہواوں نے کراچی کا رخ کیا تو ہر جگہ گرم کپڑوں میں ملبوس شہری ہائے سردی ہائے سردی کرتے نظر آنے لگے، اس ریکارڈ توڑ سردی کو شہر کراچی کے منچلیں خوب انجوئے کر رہے ہیں۔

سردی میں اضافے کے ساتھ قہوا خانے، چائے اور سوپ کی دکانوں پر بھی لوگوں کا ہجوم نظر آنے لگا کہ ایسے سرد موسم میں گرما گرم سوپ اور بھاپ اڑاتی چائے کسی نعمت سے کم نہیں ہے، شدید سرد موسم کے باعث خشک میوہ جات اور گرم کپڑوں کی مانگ میں اضافہ ہوگیا ہے۔

سرسراتی سرد ہواوں سے بچنے کےلیے شہریوں نے الاوٗ روشن کرلیے ہیں، محکمہ موسمیات نے کراچی سمیت مختلف شہروں موسم مزید سرد ہونے کا امکان ظاہر کیا ہے۔
   

ملک کے بیشترعلاقوں میں شدید سردی کی لہر برقرار ہے، شہریوں کا سردی کے مارے برا حال ہوگیا، کوئٹہ اور قلات سمیت بلوچستان کے کئی علاقے شدید سردی کی لپیٹ میں ہیں۔

ملک کے مختلف شہروں میں سردی کی شدت برقرار ہے، کپکپی طاری کرنے والی سرد ہوائیں اور پہاڑوں پر برفباری سے کئی علاقوں میں زندگی ٹھٹر گئی، محکمہ موسمیات کے مطابق خیبر پختونخوا سمیت بالائی علاقوں میں سردی کی شدت مزید تین روز تک جاری رہے گی۔

لکی مروت میں کوہ شیخ بدین کے پہاڑوں پر دوسرے روز بھی برفباری کا سلسلہ جاری ہے، جس کے باعث سردی میں انتہائی اضافہ ہوگیا ہے، کوئٹہ سمیت بلوچستان کے بیشتر شہروں میں سردی نے اپنا راج برقرار رکھا ہوا ہے، سردی کی شدت میں بے انتہا اضافے نے شہریوں کے ہاتھ پاؤں سن کر دیئے۔

آج سب سے کم درجہ حرارت قلات اور کوئٹہ میں منفی تیرہ ڈگری سینٹی گریڈ ریکارڈ کیا گیا، سندھ اور پنجاب کے میدانی علاقوں میں سردی کے ساتھ دھند کا بھی راج برقرار ہے، کراچی میں سردی کی شدت برقرار ہے، جبکہ لاہور، اسلام آباد، راولپنڈی میں بھی درجہ حرارت رات کو نقطہ انجمات سے نیچھے چلا گیا۔

محکمہ موسمیات کے مطابق آئندہ چوبیس گھنٹوں کے دوران ملک کے بیشتر حصوں میں موسم خشک اور سرد رہے گا ،  تاہم مالاکنڈ ڈویژن اور گلگت بلتستان میں مطلع ابرآلود رہنے کے ساتھ چند ایک مقامات پر بارش کا بھی امکان ہے۔