Tag: مخصوص نشستوں

اسلام آباد : مخصوص نشستوں کیلئےپی ٹی آئی پھرسپریم کورٹ پہنچ گئی اور مخصوص نشستیں دیگرجماعتوں کوتقسیم سےروکنے کی استدعا کردی۔

تفصیلات کے مطابق مخصوص نشستوں کیلئے تحریک انصاف نے پھر سپریم کورٹ سے رجوع کرلیا، چیئرمین پی ٹی آئی بیرسٹر گوہر نے عزیر کرامت بھنڈاری کے ذریعے درخواست دائر کی۔

درخواست میں کہا گیا ہے کہ عدالت عظمٰی وضاحت کرے کہ اس ترمیمی ایکٹ سے سپریم کورٹ کے فیصلے پر عملدرآمد نہیں روکا جاسکتا، عدالت وضاحت کرے کہ الیکشن کمیشن اسپیکرز کے خطوط کو نظر انداز کر دے۔

درخواست میں کہنا ہے کہ عدالت وضاحت کرے کہ چودہ ستمبر کی عدالتی وضاحت کے مطابق الیکشن کمیشن بارہ جولائی کے فیصلے پر من و عن عمل کرنے کا پابند ہے۔

درخواست گزار نے کہا کہ سپریم کورٹ نے اپنے فیصلے میں انتالیس ارکان اسمبلی کو تحریک انصاف کا رکن قرار دیا، عدالتی فیصلے کی روشنی میں باقی اکتالیس ارکان نے اپنے بیان حلفی الیکشن کمیشن کو جمع کرائے، الیکشن کمیشن نے تاحال اکتالیس ارکان کا نوٹیفیکیشن جاری کیا نہ مخصوص نشستیں الاٹ کیں۔

درخواست میں کہا گیا ہے کہ بارہ جولائی کے مختصر فیصلے کے پیراگراف دس کی وضاحت کی جائے، عدالت وضاحت کرے کہ الیکشن ترمیمی ایکٹ کا بارہ جولائی کے فیصلے پر اطلاق نہیں ہوتا۔

پی ٹی آئی نے کہا کہ اسپیکر قومی و صوبائی اسمبلی کے خطوط کی کوئی آئینی قانونی حیثیت نہیں، الیکشن کمیشن اسپیکر قومی اسمبلی کے خط کو مسترد کرے اور عدالت الیکشن کمیشن کو دیگر سیاسی جماعتوں کو مخصوص نشستوں کی الاٹمنٹ روکنے کا حکم دے۔

اسلام آباد : الیکشن کمیشن نے پی ٹی آئی کو مخصوص نشستیں دینے کے سپریم کورٹ کے فیصلے پر عملدرآمد کا فیصلہ کرلیا۔

تفصیلات کے مطابق مخصوص نشستوں سے متعلق سپریم کورٹ کے فیصلے پر عملدرآمد سے متعلق الیکشن کمیشن کا مشاورتی اجلاس
آج بھی ہوا۔

چیف الیکشن کمشنر سکندر سلطان راجہ نے اجلاس کی صدارت کی سیکرٹری الیکشن کمیشن اور لیگل ونگز کی جانب سے شرکا کو بریفنگ دی گئی۔

اجلاس میں سپریم کورٹ فیصلے پرعملدرآمد کے پہلوؤں پرغورکیاگیا، الیکشن کمیشن لاونگ نے مخصوص نشستوں کا معاملہ تفصیلی فیصلے تک مؤخر کرنے کی تجویز دی۔

ذرائع الیکشن کمیشن لاونگ نے کہا کہ سپریم کورٹ کے مختصر فیصلے میں کچھ ابہام موجود ہیں، ابہام دور کرنے کیلئے ان چیمبر رجوع یا تفصیلی فیصلے کا انتظارکیا جاسکتا ہے۔

اجلاس میں الیکشن کمیشن نے سپریم کورٹ کے فیصلے پر عملدرآمد کا فیصلہ کرلیا ، ترجمان نے بتایا کہ الیکشن کمیشن کا کل اورآج سپریم کورٹ حکم پر عملد رآمد کیلئےاجلاس ہوا، الیکشن کمیشن کی جانب سے لیگل ٹیم کو ہدایات جاری کی گئیں۔

ترجمان کا کہنا تھا کہ سپریم کورٹ فیصلے کے کسی پوائنٹ پرعملدرآمد میں رکاوٹ ہے تو فوری نشاندہی کریں،لیگل ٹیم نشاندہی کرےتاکہ مزید رہنمائی کیلئےسپریم کورٹ سے رجوع کیا جائے۔

ترجمان نے چیف الیکشن کمشنر ،معزز ممبران کو بے جا تنقید کا نشانہ بنانے کی شدید مذمت کرتے ہوئے کہا چیف الیکشن کمشنر ،معزز ممبران پر ایک سیاسی جماعت کی تنقید کومسترد کرتے ہیں۔

ترجمان نے کہا کہ چیف الیکشن کمشنر اور معززممبران سے استعفے کا مطالبہ مضحکہ خیز ہے ، الیکشن کمیشن دباؤکو خاطر میں نہ لاتے ہوئےآئین وقانون کےمطابق کام کرتا رہے گا۔

ترجمان کے مطابق الیکشن کمیشن نے کسی فیصلے کی غلط تشریح نہیں کی ، الیکشن کمیشن نے انٹراپارٹی الیکشن درست قرارنہیں دیاجس پرپی ٹی آئی مختلف فورمز پر گئی ، پی ٹی آئی انٹراپارٹی الیکشن سےمتعلق الیکشن کمیشن کے فیصلے کو اپ ہولڈ کیا گیا اور انٹراپارٹی الیکشن درست نہ ہونےپرالیکشنز ایکٹ کی دفعہ 215 کےتحت بلے کانشان واپس کیا گیا، الیکشن کمیشن پر الزام تراشی انتہائی نامناسب ہے۔

الیکشن کمیشن نے بتایا کہ 39ایم این ایز نے اپنے کاغذات نامزدگی میں پی ٹی آئی سے اپنی وابستگی ظاہر کی تھی ،کسی بھی پارٹی کا امیدوار ہونے کیلئےپارٹی ٹکٹ اور ڈکلیریشن آراوکوجمع کرانا ضروری ہے ، ان امیدواروں نےپارٹی ٹکٹ اور ڈکلیریشن جمع نہیں کرایا تھا، ریٹرننگ آفیسروں کے لئے یہ ممکن نہیں تھا کہ انکو پی ٹی آئی امیدوار ڈکلیئرکرتے۔

خیال رہے سپریم کورٹ کے تیرہ رکنی فل کورٹ نے مخصوص نشستیں تحریک انصاف کو دینے کا حکم دیا تھا۔

اسلام آباد: چیف الیکشن کمشنر سکندر سلطان راجہ کی زیر صدارت مخصوص نشستوں سے متعلق سپریم کورٹ کے فیصلے پر الیکشن کمیشن کا اہم اجلاس آج ہوگا۔

تفصیلات کے مطابق مخصوص نشستوں سے سپریم کورٹ کے فیصلے پر الیکشن کمیشن کا اہم اجلاس آج ہوگا، چیف الیکشن کمشنر سکندر سلطان راجہ اجلاس کی صدارت کریں گے۔

اجلاس میں حکام سپریم کورٹ فیصلے پر بریفنگ دیں گے، جس کے بعد پی ٹی آئی کو مخصوص نشستیں دینے سے متعلق قانونی نکات کاجائزہ لیا جائے گا۔

یاد رہے سپریم کورٹ نے گزشتہ دنوں مخصوص سیٹوں کے کیس میں الیکشن کمیشن اور پشاور ہائیکورٹ کا فیصلہ کالعدم قرار دیتے ہوئے پی ٹی آئی کو مخصوص سیٹوں کا اہل قرار دیا تھا اور الیکشن کمیشن یہ اس کی حاصل کردہ سیٹوں کے تناسب سے مخصوص نشستیں دینے کا حکم دیا تھا۔

مزید پڑھیں : مخصوص نشستیں کیس: سپریم کورٹ کے فیصلے پر الیکشن کمیشن کا ردعمل آگیا

بعد ازاں الیکشن کمیشن نے مخصوص سیٹوں سے متعلق اہم کیس میں سپریم کورٹ کے فیصلے پر ردعمل دیتے ہوئے کہا تھا کہ الیکشن کمیشن نے کبھی نہیں کہا کہ پی ٹی آئی سیاسی پارٹی نہیں ہے بلکہ پی ٹی آئی سیاسی پارٹی ہے اور اس کا نام بھی سیاسی پارٹیوں کی فہرست میں موجود ہے۔

الیکشن کمیشن کا کہنا تھا کہ کہ پی ٹی آئی کا نام الیکشن کمیشن کی ویب سائٹ پر بھی موجود ہے، الیکشن کمیشن نے کسی فیصلے کی غلط تشریح نہیں ہے، پی ٹی آئی انٹرا پارٹی الیکشن کو درست قرار نہیں دیا، انٹرا پارٹی الیکشن درست نہ ہونے پر بلے کا نشان لیا گیا، الیکشنز ایکٹ کی دفعہ 215 کے تحت بلے کا نشان لیا۔

اسلام آباد : مسلم لیگ ن نے مخصوص نشستوں کے فیصلے کیخلاف سپریم کورٹ میں نظرثانی اپیل دائرکردی، جس میں بارہ جولائی کا فیصلہ معطل کرنے کی استدعا کی گئی ہے۔

تفصیلات کے مطابق سپریم کورٹ کے مخصوص نشستوں کے فیصلےکیخلاف نظرثانی اپیل دائر کردی گئی ، نظرثانی اپیل مسلم لیگ ن کی طرف سےدائر کی گئی۔

اپیل میں ن لیگ نے سپریم کورٹ سے فیصلہ معطل کرنے اور نظرثانی درخواست جلد سماعت کے لیے مقرر کرنے کی استدعا کی ہے۔

آئین واضح ہےآزادامیدوار3دن میں شمولیت کرسکتےہیں،موقف مسلم لیگ ن نے مخصوص نشستوں کے فیصلے کیخلاف سپریم کورٹ میں نظرثانی اپیل دائرکردی۔۔ بارہ جولائی کا فیصلہ معطل کرنے اور نظرثانی درخواست جلد سماعت کیلئے مقرر کرنے کی استدعا۔

درخواست میں مؤقف اختیار کیا گیا کہ 12جولائی کافیصلہ معطل نہ کیاگیاتوناقابل تلافی نقصان ہوگا ، پاکستان مسلم لیگ ن پارلیمان کی سب سےبڑی سیاسی جماعت ہے، پی ٹی آئی نےمخصوص نشستوں کی استدعا ہی نہیں کی تھی۔

درخواست میں کہا گیا کہ سنی اتحاد کونسل اور پی ٹی آئی الگ الگ سیاسی جماعتیں ہیں، آزادامیدوارپہلےہی سنی اتحادکونسل میں شمولیت اختیارکرچکےہیں، جن ارکان کوپی ٹی آئی کاقراردیاگیاانہوں نےکاغذات میں خودکوآزادظاہرکیاتھا، آزادارکان کو 15دن میں شمولیت کا کہنا قانون کےخلاف ہے۔

مسلم لیگ ن میں کہنا تھا کہ آئین واضح ہےآزاد امیدواروں کی شمولیت 3دن میں ہی ہوسکتی ہے، مخصوص نشستیں پی ٹی آئی کودینے پرعدالت نےفریقین کےدلائل بھی نہیں سنے،درخواست

درخواست میں استدعا کی کہ سپریم کورٹ مخصوص نشستوں کے12جولائی کےفیصلےپرنظرثانی کرے اور فوری مخصوص نشستوں کےمختصرفیصلےپرعملدرآمدروک دے ساتھ ہی کیس کےحتمی فیصلےتک سپریم کورٹ فیصلےپرحکم امتناع دیا جائے۔

اسلام آباد : سپریم کورٹ نے تحریک انصاف کو مخصوص نشستوں کی اہل قرار دیتے ہوئے مخصوص نشستیں حکومت کو دینے کا فیصلہ کالعدم قرار دے دیا۔

تفصیلات کے مطابق سپریم کورٹ میں سنی اتحاد کونسل کی مخصوص نشستوں کے کیس کی سماعت ہوئی، جس میں کیس کا محفوظ شدہ فیصلہ سنادیا گیا۔

چیف جسٹس قاضی فائز عیسیٰ کی سربراہی میں 13 رکنی فل کورٹ نے براہ راست فیصلہ سنایا۔

فیصلے میں سپریم کورٹ نے پشاورہائیکورٹ اور یکم مارچ 2024 کا الیکشن کمیشن کا فیصلہ کالعدم قرار دے دیا۔

فیصلے میں مخصوص نشستیں حکومت کو دینے کا فیصلہ کالعدم دیتے ہوئے کہا کہ الیکشن کمیشن کا فیصلہ آئین کے خلاف تھا۔

سپریم کورٹ نے مخصوص نشستوں کا فیصلہ 5-8 سے سنایا ، 8 اکثریتی ججز کا فیصلہ جسٹس منصورعلی شاہ نے پڑھ کرسنایا تاہم تفصیلی فیصلہ بعدمیں جاری کیا جائے۔

فیصلے میں کہا کہ پی ٹی آئی سیاسی جماعت ہے اور رہے گی، انتخابی نشان کسی سیاسی جماعت کوالیکشن لڑنے سےنہیں روکتا۔

فیصلے میں کہا گیا کہ الیکشن کمیشن نے 80 ارکان اسمبلی کی فہرست پیش کی، 80 میں سے 39 ارکان کا تعلق پی ٹی آئی سےتھا، پشاور ہائی کورٹ اورالیکشن کمیشن کافیصلہ غیرقانونی تھا، پی ٹی آئی مخصوص نشستوں کیلئے درخواستیں 15دن میں جمع کرائے.

سپریم کورٹ نے تحریک انصاف کو مخصوص نشستوں کا اہل قرار دیتے ہوئے کہا کہ پی ٹی آئی نشستوں سے متعلق فہرست الیکشن کمیشن کوفراہم کرے اور نشستوں کیلئے درخواستیں 15دن میں جمع کرائے۔

سپریم کورٹ نے مخصوص نشستیں پی ٹی آئی کو دینے کا حکم دیتے ہوئے کہا فیصلے کا اطلاق قومی اسمبلی اورتمام صوبائی اسمبلیوں پر ہوگا۔

فیصلے میں کہا گیا کہ پنجاب،کےپی اور سندھ میں بھی مخصوص نشستیں پی ٹی آئی کو دی جائیں ، پی ٹی آئی کے منتخب امیدواروں کو کسی اور جماعت یا آزاد امیدوار تصورنہ کیا جائے۔

اس موقع پر سپریم کورٹ کے باہر اضافی نفری تعینات کی گئی اور سپریم کورٹ کے باہر قیدی وین بھی منگوا لی گئی ہیں.

یاد رہے چیف جسٹس قاضی فائز عیسیٰ کی سربراہی میں تیرہ رکنی فل کورٹ نے نو جولائی کو سماعت مکمل کرنے کے بعد فیصلہ محفوظ کیا تھا۔

چیف جسٹس قاضی فائز عیسیٰ کی سربراہی میں تیرہ رکنی فل کورٹ نے نو جولائی کو سماعت مکمل کرنے کے بعد فیصلہ محفوظ کیا تھا۔

جس کے بعد چیف جسٹس کی سربراہی میں دو مشاورتی اجلاس بھی ہوئے تھے۔

مخصوص نشستوں کے کیس میں کب کیا ہوا؟

الیکشن کمیشن نے عام انتخابات کے بعد سنی اتحاد کونسل کی مخصوص نشستیں دیگر سیاسی جماعتوں کو دیں، جس کے بعد الیکشن کمیشن کے فیصلے پر سنی اتحاد کونسل نے پشاور ہائیکورٹ سے رجوع کیا۔

بعد ازاں پشاور ہائیکورٹ کے لارجر بینچ نے الیکشن کمیشن کا فیصلہ برقرار رکھا۔ جس پر سنی اتحاد کونسل نے سپریم کورٹ میں درخواست دائر کردی۔

سپریم کورٹ کے جسٹس منصور علی شاہ کی سربراہی میں تین رکنی بینچ نے ابتدائی سماعت پر پشاور ہائیکورٹ اور الیکشن کمیشن کے فیصلوں کو معطل کر دیا۔

جس پر وفاقی حکومت کی جانب سے آئینی تشریح کا نکتہ اٹھایا گیا اور تین رکنی پریکٹس اینڈ پروسیجر کمیٹی نے سپریم کورٹ میں دستیاب تیرہ ججز پر مشتمل فل کورٹ تشکیل دیا گیا۔

سنی اتحاد کونسل کی درخواست پر سپریم کورٹ میں کل سات سماعتیں ہوئیں، چھ مئی کو جسٹس منصور علی شاہ کی سربراہی میں تین رکنی بینچ نے ایک سماعت کی، اس کے بعد فل کورٹ نے چھ سماعتیں کیں، فل کورٹ نے پہلی سماعت تین جون کو کی تھی۔

مخصوص نشستوں کی تقسیم

الیکشن کمیشن نے خواتین اور اقلیتوں کی مخصوص نشستیں دیگر سیاسی جماعتوں میں تقسیم کر دیں۔

خیبرپختونخوا اسمبلی میں ایک نوٹیفکیشن کے مطابق الیکشن کمیشن نے جمعیت علمائے اسلام پاکستان، پاکستان مسلم لیگ نواز (پی ایم ایل-این) اور پاکستان پیپلز پارٹی (پی پی پی) کو ایک ایک مخصوص نشست الاٹ کی ہے۔

سندھ اسمبلی میں متحدہ قومی موومنٹ-پاکستان اور پیپلز پارٹی کو خواتین کے لیے مختص نشستیں دی گئیں، جس پر پیپلز پارٹی کی سمیتا افضل اور ایم کیو ایم پی کی فوزیہ حمید مخصوص سیٹوں پر منتخب ہوئیں۔

مزید برآں سندھ اسمبلی میں پیپلز پارٹی کے سادھو مل عرف سریندر والسائی نے اقلیتی نشست حاصل کی۔

ای سی پی نے مسلم لیگ (ن)، پی پی پی اور جے یو آئی ف کو اقلیتوں کے لیے تین مخصوص نشستیں الاٹ کیں ، جن کا دعویٰ سنی اتحاد کونسل نے کیا تھا۔

مسلم لیگ ن کی نیلم میگھواڑ، پیپلز پارٹی کے رمیش کمار اور جے یو آئی ف کے جیمز اقبال اقلیتی سیٹوں پر منتخب ہوئے۔

اسلام آباد : مخصوص نشستوں پرسپریم کورٹ کا فیصلہ آج متوقع ہے،  چیف جسٹس نے تمام وکلا کو آج دلائل مکمل کرنے کی ہدایت کی ہے۔

تفصیلات کے مطابق سپریم کورٹ میں سنی اتحاد کونسل کی مخصوص نشستوں سے متعلق کیس کی سماعت آج ہوگی، 13 رکنی لارجر بینچ کیس کی سماعت کرے گا۔

گزشتہ روز کی سماعت میں چیف جسٹس نے تمام وکلا کو دلائل مکمل کرنے کی ہدایت کرتے ہوئے کہا تھا تیسرا دن نہیں ملے گا۔

سپریم کورٹ میں سنی اتحاد کونسل کو مخصوص نشستیں ملنے سے متعلق کیس کی سماعت آج مکمل ہونے کا امکان ہے۔

چیف جسٹس قاضی فائز عیسیٰ کے مخصوص نشستوں کے کیس میں ریمارکس میں کہا تھا تحریک انصاف کوکیا ہم نے کہا تھا پارٹی الیکشن نہ کرائیں؟ اس وقت بانی پی ٹی آئی وزیراعظم تھے،الیکشن کمیشن پراثراندازہو رہےتھے۔

جسٹس جمال مندوخیل نے بھی ریمارکس دیے تھے جس سیاسی جماعت نے انتخابات لڑنے کی زحمت نہیں کی اسے مخصوص نشستیں کیسے مل سکتی ہیں؟

چیف جسٹس نے وکیل پی ٹی آئی سے کہا تھا کہ کل سنّی اتحادکونسل والوں کاموڈبدلاتوآپ کہیں کےنہیں رہیں گے۔

جسٹس منیب اختر نے ریمارکس میں کہا تھا کہ الیکشن کمیشن نےپی ٹی آئی امیدواروں کوسپریم کورٹ فیصلےکےسبب آزاد امیدوار قرار دیا، یہ بہت خطرناک تشریح ہے۔

اسلام آباد : سپریم کورٹ نے سنی اتحاد کونسل کی مخصوص نشستوں پر اپیلوں کی سماعت کیلئے 13 رکنی فل کورٹ تشکیل دے دیا، جو 3 جون کو سماعت کرے گا۔

تفصیلات کے مطابق سنی اتحاد کونسل کی مخصوص نشستوں سے متعلق کیس سماعت کیلئے مقرر کردیا گیا، سپریم کورٹ کا 13 رکنی فل کورٹ 3 جون کوسماعت کرے گا۔

چیف جسٹس قاضی فائز عیسی کی سربراہی میں تمام دستیاب ججز پر مشتمل بینچ اپیلوں پر سماعت کرے گا، جسٹس منصور علی شاہ، جسٹس منیب اختر، جسٹس یحیی آفریدی، جسٹس امین الدین بینچ کا حصہ ہونگے۔

اس کے علاوہ جسٹس جمال خان مندوخیل، جسٹس محمد علی مظہر، جسٹس عائشہ ملک، جسٹس اطہر من اللہ اور جسٹس حسن اظہر رضوی بینچ کا حصہ ہوں گے جبکہ جسٹس شاہد وحید، جسٹس عرفان سادات خان اور جسٹس نعیم اختر افغان بھی بینچ میں شامل ہیں جبکہ جسٹس مسرت ہلالی علالت کے باعث دستیاب نہیں ہوں گی۔

جسٹس منصور علی شاہ کی سربراہی میں 3 رکنی بینچ نے پشاور ہائیکورٹ کا فیصلہ گذشتہ سماعت پر معطل کیا تھا، معاملے پر لارجر بینچ کی تشکیل کے لیے معاملہ کمیٹی کو بھجوایا گیا تھا۔

سنی اتحاد کونسل پر فل کورٹ تشکیل دینے کا فیصلہ پریکٹس اینڈ پروسیجر کمیٹی نے کیا۔

سپریم کورٹ نے مخصوص سیٹوں پر الیکشن کمیشن اور پشاور ہائیکورٹ کا فیصلہ معطل کیا تھا، جسٹس منصور علی شاہ نے ریمارکس میں کہا تھا کہ ہم الیکشن کمیشن اور ہائیکورٹ کے فیصلوں کومعطل کررہے ہیں ، فیصلوں کی معطلی صرف اضافی سیٹوں کو دینےکی حدتک ہوگی، عوام نے جوووٹ دیااس مینڈیٹ کی درست نمائندگی پارلیمنٹ میں ہونی چاہیے۔