اسلام آباد: اسلام آباد ہائی کورٹ نے وزارت خزانہ کو آڈیٹر جنرل پاکستان کے آئینی اختیارات میں مداخلت کرنے سے روک دیا اور حکومت سے پندرہ دن میں جواب طلب کرلیا ہے۔
آڈیٹر جنرل اختر بلند رانا کی وزیر خزانہ اسحاق ڈار کی بے جا مداخلت اور مناسب سیکیورٹی نہ دینے پر درخواست کی سماعت جسٹس نورالحق قریشی نے کی، درخواست گزار کے وکیل نے بتایا کہ اُن کے موکل کی جان کو خطرہ ہے لیکن مناسب سیکورٹی نہیں دی جارہی ہے۔
عدالت کے استفسار پر ایڈیشنل اٹارنی جنرل نے بتایا ملکی صورتحال کے پیش نظرسیکیورٹی نہیں دے سکتے، جس عدالت نے کہا کہ اگر سیکورٹی نہیں دیتے تو ان کے الزامات درست تسلیم کئے جاتے ہیں، جس کے بعد عدالت نے حکومت سے جواب طلب کرتے ہوئے سماعت غیر معینہ مدت تک ملتوی کردی۔