Tag: مدارس بل

پھول نگر: جے یو آئی فے کے رہنما عبدالغفور حیدری نے کہا ہے کہ مدارس بل قبول نہیں ہوتا تو اسلام آباد میں احتجاج کرینگے۔

تفصیلات کے مطابق عبدالغفور حیدری کہنا تھا کہ اگر اسلام آباد احتجاج میں ہم پر تشدد ہوا تو جواب تشدد ہوگا، دینی جماعتیں قومی مفاد کی بات کرتی ہیں باقی سب قومیت کی بات کرتے ہیں، مولانا فضل الرحمان زیرک سیاستدان ہیں ان کے برابر کا کوئی سیاستدان نہیں۔

جمعیت علمائے اسلام کے رہنما نے کہا کہ 27ویں آئینی ترمیم پر حکومت کا ساتھ نہیں دیں گے، 26ویں ترمیم حکومت کے مطابق منظور ہوتی تو بڑی تباہی ہوتی۔

انھوں نے کہا کہ سیاست میں تشدد کیخلاف ہیں ہمیشہ پرامن لانگ مارچ کئے ایک گملا نہ ٹوٹا، پی ٹی آئی والے پولیس اور رینجرز اہلکاروں کو ماریں گے تو جواب ملے گا۔

عبدالغفور حیدری نے کہا کہ علی امین گنڈا پور کرم کے حالات پر توجہ دینے کے بجائے اسلام آباد پر چڑھ دوڑتا ہے۔

جے یو آئی کے رہنما نے کہا کہ ضرورت پڑنے پر نواز شریف جیسا آدمی بھی جاگ پنجابی جاگ کا نعرہ لگاتا ہے، پی ٹی آئی بھی مینڈیٹ مانگ رہی ہے ہمارا بھی یہی مطالبہ ہے۔

جے یو آئی (ف) سربراہ مولانا فضل الرحمان نے مدارس بل رجسٹریشن اعتراض پر ’حکومت مردہ بعد‘ نعرے لگانے کی دھمکی دے دی۔

اے آر وائی نیوز کے مطابق پشاور میں جامعہ عثمانیہ کی تقریب میں مولانا فضل الرحمان نے سوال کیا کہ کیا دینی مدارس بل پر صدر آصف زرداری کے اعتراضات بدنیتی نہیں، اعتراض پر غور کرنا تو کیا میں انہیں چمٹے سے پکڑنے کے قابل بھی نہیں سمجھتا۔

انہوں نے کہا کہ دینی مدارس کو دباؤ میں رکھنا انتہا پسندی کی طرف دھکیلنا ہے۔

مولانا فضل الرحمان نے کل اسرائیل مردہ باد ریلی میں حکومت مردہ بعد کا نعرہ لگانے کی بھی دھمکی دی اور کہا کہ دیکھتے ہیں آپ کا دباؤ چلتا ہے یا ہمارا دباؤ کام کرتا ہے۔

گزشتہ روز حکومت کے خلاف لانگ مارچ کی دھمکی سے متعلق سوال کے جواب میں ان کا کہنا تھا کہ اس میں کوئی شک نہیں ہے کہ ہم اس میں سنجیدہ ہیں، اب 8 دسمبر کو اسرائیل مردہ باد کانفرنس یا ملین مارچ پشاور میں ہونے جا رہا ہے، اس میں ہم اپنا مؤقف پوری قوم کے سامنے پیش کریں گے۔

انہوں نے اپنی بات جاری رکھتے ہوئے کہا کہ حکومت کے لوگ بھی ساتھ ساتھ رابطے میں آ رہے ہیں، ان کے ساتھ بھی ہماری بات چیت جاری ہے، دوسری طرف وفاق المدارس العربیہ یا جو ہماری اتحادی تنظیم مدارس دینہ ہے، ان کے ساتھ بھی ہمارا رابطہ ہے۔

مولانا فضل الرحمٰن کا کہنا تھا کہ یہ بہت بڑی زیادتی ہے اور ملکی سیاست میں عدم اعتماد کا سبب بنے گا، ہم چاہتے ہیں کہ سیاست میں اعتماد کا ماحول آئے اور ایک معتدل قسم کی سیاست وجود پائے۔

صوابی: جے یو آئی (ف) کے سربراہ مولانا فضل الرحمان نے کہا کہ مدارس رجسٹریشن بل کے معاملے پر ٹیلیفون پر اپنے ٹارگٹ سے پیچھے نہیں ہٹوں گا۔

اے آر وائی نیوز کے مطابق سربراہ جے یو آئی مولانا فضل الرحمان نے میڈیا سے گفتگو کرتے ہوئے کہا کہ وفاق المدارس ودیگر کو صورتحال سے آگاہ کررہے ہیں، سیاست میں اعتماد کا ماحول اور معتدل قسم کی سیاست چاہتے ہیں، حکومت ہی لوگوں کو شدت کی طرف لے جانے کا سبب بن رہی ہیں، لانگ مارچ کے معاملے پر ہم سنجیدہ ہیں۔

انہوں نے کہا کہ 8 تاریخ کو اسرائیل مردہ باد کانفرنس میں اپنا مؤقف قوم کے سامنے پیش کریں گے۔

صحافی نے سوال کیا کہ وزیراعظم نے آپ سے رابطہ کیا، مدارس رجسٹریشن بل پر کوئی یقین دہانی کروائی گئی؟ جواب میں مولانا نے کہا کہ وزیراعظم نے کہا بات چیت کرکے آپ سے معاملات ٹھیک کرنا چاہتے ہیں، اس سے کہیں زیادہ بہتر طریقے سے گفتگو 26ویں ترمیم سے پہلے ہوئی تھی، اس گفتگو اور اعتماد کا یہ عالم ہے میں آج ایک ٹیلیفون پر کیسے اپنے مؤقف میں لچک پیدا کروں، ایک کال پر اپنے ٹارگٹ سے پیچھے کیوں ہٹوں؟

مولانا فضل الرحمان نے کہا کہ مدارس سے متعلق بل پی ڈی ایم حکومت میں آیا جس میں پیپلزپارٹی بھی شامل تھی، مدارس بل پر اس وقت آصف زرداری بھی اسٹیک ہولڈر تھے، اتفاق رائے سے اس وقت یہی ڈراف طے ہوا تھا پھر قانون سازی رک گئی۔

انہوں نے کہا کہ 26ویں ترمیم کے وقت بل پر دوبارہ درخواست کی اور اتفاق رائے ہوگیا تھا، مذاکرات میں جب سب چیزیں طے ہوئیں تو آج کہاں سے اعتراضات آگئے۔