Tag: مدرسے

سوات: مدرسے میں استاد کے تشدد سے جاں بحق بچے کی پوسٹ مارٹم رپورٹ سامنے آگئی ، رپورٹ میں طالب علم سے زیادتی ثابت نہیں ہوئی۔

تفصیلات کے مطابق سوات میں مدرسے میں استاد کے تشدد سے جاں بحق لڑکے کی پوسٹ مارٹم رپورٹ آگئی ، جس میں بتایا گیا کہ تشدد کی وجہ سے طالب علم کی موت ہوئی تاہم طالب علم سے زیادتی ثابت نہیں ہوئی۔

ذرائع کا کہنا تھا کہ طالب علم کی تفصیلی پوسٹ مارٹم رپورٹ ابھی آنا باقی ہے۔

دوسری جانب سوات کی تحصیل خوازہ خیلہ کے مدرسے کے تمام استاد گرفتار کرلیے گئے ہیں ، ڈی پی اوسوات محمد عمر خان نے بتایا کہ مدرسے کے دوسرے بچوں پر بھی تشدد کے شواہد ملے ہیں۔

مزید پڑھیں : فرحان نے جو بتایا تھا وہ بیان کرنے کے قابل نہیں، مقتول کے دادا

ڈی پی او کا کہنا تھا کہ فرحان کے قتل میں نامزد چار میں سے دو ملزم گرفتار ہیں، ایک اور ایف آئی آر درج کرکے مزید نو معلم بھی گرفتارکرلیے۔

انھوں نے مزید بتایا کہ مدرسے میں موجود ایک سوستر بچے و الدین کےحوالےکردیے، مدرسہ مخزن العلوم سےلاٹھیاں اورزنجیریں بھی ملی ہیں۔

کوٹ ادو : مدرسے میں پٹاخہ ہاتھ میں پھٹنے سے 13 سالہ بچہ جاں بحق ہوگیا ، پولیس کا کہنا ہے کہ مرنے والا پٹاخہ ہاتھ میں رکھ کر کھیل رہا تھا۔

تفصیلات کے مطابق کوٹ ادو کی تحصیل چوک سرور شہید کے ایک مدرسے میں مبینہ طور پر پٹاخہ پھٹنے سے 13 سالہ طالبعلم موقع پر ہی جاں بحق ہوگیا۔

پولیس نے بتایا کہ مرنے والا 13 سالہ صائم دیگر طالبعلموں کیساتھ پٹاخوں کیساتھ کھیل رہا تھا،اس دوران صائم کے ہاتھ میں ہی پٹاخہ پھٹ گیا، جس کے باعث بچے کے سر اور چہرے پر شدید چوٹیں آئیں۔

تھانہ سٹی چوک سرور شہید پولیس کی جانب سے معاملے کی مزید تحقیقات جاری ہیں، مرنے والے طالبعلم کی لاش کو پوسٹ مارٹم کے لیے ٹی ایچ کیو ہسپتال چوک سرور شہید منتقل کردیا گیا ہے۔

چوک سرورشہید میں پٹاخے سے بچہ جاں بحق ہونے کے معاملے پر سٹی پولیس کی جانب سے قتل کو غلط رنگ دینے پر ورثا اور انجمن تاجران نے احتجاج کیا۔

ورثا نے لاش رکھ کرایس ایچ اوتھانہ سٹی سرورشہید کیخلاف شدیداحتجاج کیا ، انجمن تاجران نے اعلان کیا کہ انصاف نہ ملاتوکل شٹرڈاؤن احتجاج کیاجائےگا۔

چکوال: مدرسے میں زیر تعلیم کئی طلبا سے 2 اساتذہ کی مبینہ زیادتی کا انکشاف سامنے آیا ، پولیس نےمقدمہ درج کرکے ایک ملزم انیس کو گرفتار کرلیا۔

تفصیلات کے مطابق چکوال کے علاقہ چوآچوک کے مدرسے میں زیر تعلیم کئی طلبا کے ساتھ 2 اساتذہ کی مبینہ زیادتی کا ہولناک واقعہ سامنے آیا۔

پولیس نےمتاثرہ بچے کے والدکی مدعیت میں مقدمہ درج کرلیا، ایف آئی آر میں کہا گیا کہ میرےبیٹےسمیت 14طلباکوذیشان اورانیس نےزیادتی کانشانہ بنایا،ملزمان چاقو سےڈراتے اورجسم پر نشان بناتے تھے۔

چکوال: مدرسے کے کئی طلبہ سے اساتذہ کی مبینہ زیادتی کا انکشاف#ARYNews pic.twitter.com/53SGq8xjPS

— ARY NEWS (@ARYNEWSOFFICIAL) November 17, 2023

پولیس نے مقدمہ درج کرکے ملزم انیس کوگرفتارکرلیا اور بتایا کہ ذیشان اور انیس نامی مدرس نے مجموعی طور پر مدرسہ میں زیر تعلیم 17طلباء کو باری باری بدفعلی کی اور یہ سلسلہ کئی روز سے جاری تھی۔

صدر پولیس نے متاثرہ 17 طلباء کو میڈیکل کے لئے ہسپتال منتقل کردیا ہے، جہاں ان کا میڈیکل جاری ہے، ڈاکٹرز کا کہنا ہے کہ میڈیکل رپورٹ کے بعد نتیجہ آنے کے بعد زیادتی کی تصدیق ہوگی۔

پولیس کا کہنا ہے کہ طلبانےذیشان،انیس نامی ملزمان کےخلاف زیادتی کی شکایت کی، میڈیکل رپورٹ کےبعدمزیدکارروائی کی جائےگی۔