کراچی: مدھوبالہ نامی ہتھنی کو کنٹینر میں سفاری پارک منتقل کردیا گیا، مدھوبالا کو سونو اور ملکہ کیساتھ سفاری پارک میں رکھا جائے گا۔
تفصیلات کے مطابق کراچی میں مدھوبالہ نامی ہتھنی کو کنٹینر میں سفاری پارک منتقل کردیا گیا، ہتھنی کو کنٹینر کے ذریعے سفاری پارک لے جایا گیا، جہاں خصوصی انکلوژر اور سوئمنگ پول بنایا گیا ہے۔
مدھوبالا کو سونو اور ملکہ کیساتھ سفاری پارک میں رکھا جائے گا، نور جہاں کے انتقال کے بعد مدھو بالا کو سفاری پارک منتقل کرنے کا فیصلہ کیا گیا تھا۔
سندھ لائیواسٹاک کی ڈاکٹرشہلا اور سینئر ڈائریکٹر چڑیا گھرعمران راجپوت کراچی زوو پہنچ گئے ہیں جبکہ سٹی وارڈنزکی بھاری نفری انتظام پر تعینات ہیں۔
فور پاز نامی تنظیم کے ڈاکٹرز اور دیگر ماہرین نے انتظامات کو حتمی شکل دی، ترجمان کے مطابق مدھوبالا کو منقل کرنے سے قبل صحت کا جائزہ لیا گیا۔
منگل کی دوپہر سفاری پارک میں ایک تقریب کا اہتمام کیا گیا ہے جس میں میئر کراچی سمیت غیر ملکی سفیر بطور مہمان خصوصی شرکت کرینگے۔
