ARYNews.tv | Urdu – Har Lamha Bakhabar

Tag: مدھیہ پردیش

  • انتخابات میں شکست، کانگریس رہنما دل کا دورہ پڑنے سے چل بسے

    انتخابات میں شکست، کانگریس رہنما دل کا دورہ پڑنے سے چل بسے

    مدھیہ پردیش: بھارتی لوک سبھا کے انتخابات میں ناکامی پر دلبرداشتہ کانگریس رہنما دل کا دورہ پڑنے سے چل بسے۔

    غیرملکی خبررساں ادارے کے مطابق بھارتی ریاست مدھیہ پردیش کے ضلع سہور میں کانگریس رہنما رتن سنگھ ٹھاکر ووٹوں کی گنتی کے دوران دل کا دورہ پڑنے سے انتقال کرگئے۔

    رتن سنگھ ٹھاکر کو فوری طور پر ضلعی اسپتال منتقل کیا گیا تاہم طبیعت زیادہ خراب ہونے کے سبب وہ دم توڑ گئے۔

    مدھیہ پردیش کے وزیراعلیٰ کمال ناتھ نے رتن سنگھ ٹھاکر کے انتقال پر افسوس کا اظہار کرتے ہوئے کہا کہ رتن سنگھ بہت ہی متحرک اور محنت کش تھے۔

    سابق وزیر اعلیٰ شیو راج سنگھ چوہان نے رتن سنگھ ٹھاکر کو خراج تحسین پیش کیا۔

    مزید پڑھیں: کانگریس نے شکست تسلیم کر لی، راہول گاندھی کی نریندر مودی کو مبارک باد

    واضح رہے کہ بھارتی اپوزیشن جماعت انڈین کانگریس نے الیکشن میں شکست تسلیم کرلی، راہول گاندھی نے کہا کہ عوام مالک ہیں، مالک نے آرڈر دے دیا ہے، تو میں سب سے پہلے نریندر مودی کو مبارک باد دینا چاہتا ہوں۔

    اس سوال پر انتخابات میں کہاں غلطی ہوئی، راہول گاندھی نے کہا کہ ہم کانگریس کی مجلس عاملہ کے ساتھ بات کریں گے اور یہ آپ فی الحال ہم پر چھوڑ دیں۔

    اب تک آنے والے نتائج میں بی جے پی پارلیمان کی 542 میں سے 349 نشستیں جیت کر آگے ہے جبکہ کانگریس نے صرف 91 نشستوں پر کامیابی حاصل کی ہے۔

  • سیکولر بھارت کا مکروہ چہرہ، بیویاں کرائے پر دستیاب

    سیکولر بھارت کا مکروہ چہرہ، بیویاں کرائے پر دستیاب

    سیکولر بھارت کا ایک اور مکروہ چہرہ سامنے آگیا، دارالحکومت کے ریپ کیپیٹل بننے کے بعد اب شوہروں نے اپنی بیویاں بھی کرائے پر دینی شروع کردیں۔

    بھارتی ریاست مدھیہ پردیش کے ایک گاؤں شیوہ پوری میں لوگ اپنی بیویوں کو صرف 10 روپے کے عوض صاحب حیثیت لوگوں کو کرائے پر دے رہے ہیں۔

    یہ لوگ ایسے افراد کو اپنی بیویاں کرائے پر دیتے ہیں جن کی اپنی بیویاں نہ ہوں، یہ باقاعدہ ایک معاہدہ ہوتا ہے جو صرف 10 روپے کے اسٹامپ پیپر پر کیا جاتا ہے۔

    معاہدے کی معیاد ختم ہونے کے بعد شوہر کسی اور شخص کو بیوی کرائے پر دینے کا معاہدہ کرتا ہے۔

    خیال رہے کہ یہ گھناؤنی حرکت صرف مدھیہ پردیش میں ہی نہیں ہورہی۔ کچھ عرصہ قبل گجرات سے بھی ایک شخص کو گرفتار کیا گیا تھا جس نے اپنی بیوی 8 ہزار روپے ماہانہ کرائے پر ایک امیر شخص کو دے رکھی تھی۔

    اس کے علاوہ بھارت میں بیٹیوں کو شادی کے نام پر فروخت کیا جانا بھی عام ہے۔ لوگ اپنی کم عمر بیٹیوں کو 60 یا 70 ہزار روپے کے عوض کسی امیر شخص کو فروخت کر دیتے ہیں۔

  • بھارت میں گائے بیلوں کے سینگوں پر اندھیرے میں چمکنے والی پٹیاں چپساں

    بھارت میں گائے بیلوں کے سینگوں پر اندھیرے میں چمکنے والی پٹیاں چپساں

    نئی دہلی: بھارتی ریاست مدھیہ پردیش کی پولیس نے آوارہ گائے بیلوں کو ٹریفک حادثات سے بچانے کے لیے ان کے سینگوں پر اندھیرے میں چمکنے والی پٹیاں لگا دی ہیں۔

    بھارت میں گائے اور بیلوں سمیت جانوروں کی سڑکوں پر آوارہ گردی عام ہے جس کے باعث کئی ٹریفک حادثات پیش آچکے ہیں۔ ان حادثات کی شرح رات میں زیادہ ہوجاتی ہے جب گاڑیاں اندھیرے کے باعث ان کو دیکھ نہیں سکتیں اور ان سے ٹکرا جاتی ہیں۔

    cow-2

    اسی صورتحال کو دیکھتے ہوئے بھارتی ریاست مدھیہ پردیش میں پولیس کی جانب سے 300 گائے اور بیلوں کے سینگوں پر اندھیرے میں چمکنے والے بینڈز لگا دیے گئے ہیں تاکہ رات میں بآسانی ان کو شناخت کیا جاسکے۔

    پلاسٹک سے بنائے گئے ان بینڈز میں نارنجی رنگ کا ریڈیم لگایا گیا ہے جو اندھیرے میں دور سے چمکتا ہے۔

    بھارت میں ایک بیل خود کو ’ویرو‘ سمجھنے لگا *

    ضلعی پولیس انسپکٹر کیلاش چوہان کے مطابق ان جانوروں کے باعث پیش آنے والے حادثات میں بے شمار افراد زخمی اور ہلاک ہوچکے ہیں جس کی وجہ سے اس مسئلہ کو سنجیدگی سے لیا جانا ضروری تھا۔

    اس منصوبے کی کامیابی کے بعد پولیس کا ارادہ ہے کہ ان جانوروں کے سینگوں پر یکساں نتائج دینے والا رنگ کردیا جائے جو مستقل رہے۔ یہ پلاسٹک بینڈز صرف چند ہفتوں تک مؤثر ہیں۔

    cow-2

    مدھیہ پردیش کی ضلعی حکومت نے بھی کسانوں کو ہدایت کی ہے کہ وہ اپنے جانوروں کو یہ بینڈز لگوائیں تاکہ وہ حادثات سے بچ سکیں۔

    دوسری جانب سرکاری طور پر جاری کیے جانے والے اعداد و شمار کے مطابق بھارت میں سال 2015 میں آوارہ جانوروں کے باعث پیش آنے والے ٹریفک حادثات میں 550 افراد اپنی جانوں سے ہاتھ دھو چکے ہیں۔

  • بھارتی وزیراعلیٰ کا سیلاب سے متاثرہ علاقوں کا انوکھے انداز میں دورہ

    بھارتی وزیراعلیٰ کا سیلاب سے متاثرہ علاقوں کا انوکھے انداز میں دورہ

    بھوپال: بھارتی ریاست مدھیہ پردیش کے وزیراعلیٰ شیوراج سنگھ چوہان کو پولیس اہلکاروں نے سیلاب سے متاثرہ علاقوں کا دورہ گود میں اٹھا کر کروایا.

    تفصیلات کے مطابق مدھیہ پردیش کے وزیراعلیٰ شیوراج سنگھ چوہان نےضلع پنا کی تحصیل امان گنج کے سیلابی علاقوں کا انوکھےانداز میں دورہ کرکے سب کو حیران کردیا.

    وزیراعلیٰ شیو راج سنگھ چوہان نے سیلاب سے متاثرہ علاقوں کے دورے کے دوران پیدل چلنا تک گوارہ نہیں کیا جس پر ان کو سیکورٹی اہلکاروں نے گود میں اٹھا کر دورہ کروایا.

    بھارتی وزیراعلیٰ کی اس غیر سنجیدہ حرکت پرجہاں ان کا مذاق بناوہی ان کوسخت تنقید کا سامنا بھی کرنا پڑا.

    بھارتی ریاست مدھیہ پردیش کے وزیراعلیٰ کو تصویر میں دیکھا جاسکتا ہے کہ وزیراعلیٰ مدھیہ پردیش شیو راج چوہان خوشی خوشی پولیس اہلکاروں کی گود میں سوار ہو گئے،جبکہ ایک اور جگہ وزیر اعلیٰ نے اپنے جوتے اتار کر ساتھی کو تھما دیے.

    سماجی رابطے کی ویب سائٹ ٹوئٹر پر بھی بھارتی وزیراعلی کی اس حرکت پر ان کو شدید تنقید کا سامنا ہے.

    یاد رہے کہ گزشتہ سال بھارتی ریاست مدھیہ پردیش میں خاتون وزیر نے پروٹوکول کے نام پر بھیک مانگنے والے بچے کو لات دے ماری تھی.


    Minister Kusum Mehdele kicked a Boy by arynews

    واقعہ اس وقت پیش آیاجب اسٹیٹ منسٹر ایک تقریب میں شرکت کے لیے سڑک عبور کر رہی تھیں اور اچانک ایک چودہ سالہ بچہ بھیک مانگنے کے لیے ان کے سامنے آگیا.

  • نئی دہلی : مدھیہ پردیش میں سیلاب سے 12 افراد ہلاک

    نئی دہلی : مدھیہ پردیش میں سیلاب سے 12 افراد ہلاک

    نئی دہلی: انڈیا کی وسطی ریاست مدھیہ پردیش میں تین دن سے مسلسل جاری بارش کے نتیجے اب تک بارہ افراد ہلاک ہوچکے ہیں.

    تفصیلات کے مطابق حکام کا کہنا ہے کہ کئی اضلاع سیلاب کی زد میں ہیں اور ہزاروں لوگ متاثر ہوئے ہیں،ستنا ضلع میں سیلاب سے متاثرہ لوگوں کی مدد کے لیے فوج کو طلب کیا گيا ہے، جبکہ ریاست کے تمام 51 اضلاع میں امدادی مراکز کھولے گئے ہیں.

    دارالحکومت بھوپال سمیت تقریبا نصف مدھیہ پردیش میں سیلاب کا خطرہ ہے،جبکہ محکمہ موسمیات نے بعض مقامات پر اگلے 24 گھنٹوں کے دوران مزید بارشوں کی پیش گوئی کی ہے.

    وزیر اعلیٰ شیوراج سنگھ چوہان کی جانب سے سیلاب کی صورت حال کا جائزہ لینے کے لیے خصوصی اجلاس طلب کیا گیا.

    اجلاس میں وزیر اعلی شیوراج سنگھ چوہان نے بتایاکہ’حکومت بھوپال کے سیلاب سے متاثرہ علاقوں میں کھانے کے پیکٹ فراہم کرا رہی ہے،ستنا میں سیلاب میں پھنسے چارہزار لوگوں کو نکالا گیا ہے.

    انہوں نے کہا کہ حکومت سیلاب کے حالات سے نمٹنے کے لیے مکمل طور پر تیار ہے اور 51 اضلاع میں امدادی مرکز کھولے گئے ہیں.

  • بھارت : محض سانپ کو مارنے پر نچلی ذات کا ہندو قتل

    بھارت : محض سانپ کو مارنے پر نچلی ذات کا ہندو قتل

    مدھیہ پردیش : بھارت میں نچلی ذات کے ہندوؤں کے ساتھ ذلت آمیز سلوک کوئی نئی بات نہیں، پسماندہ طبقے سے تعلق رکھنے والے لوگ اکثر اس طرح کے ظلم و ستم کا شکار رہتے ہیں، مذہب کے نام پر قتل عام دن بہ دن بڑھتا جارہا ہے۔

    بھارت کی وسطی ریاست مدھیہ پردیش میں ایک دلت کو محض اس لئے مار مار کر ہلاک کردیا گیا کہ اس نے اپنی جان بچانے کیلئے اپنے گھر سے نکلنے والے ایک سانپ کو مار ڈالا تھا۔

    مرینا ضلع کے رہائشی وکیل جاٹو کے پڑوسیوں اور دیگر جب یہ پتہ چلا کہ اس نے ایک سانپ کو مار دیا ہے تو وہ اس کی جان کے دشمن بن گئے۔

    ضلع کے ایس ڈی ایم پردیپ سنگھ تومر کے مطابق اس معاملے میں آٹھ نامزد اور دو نامعلوم افراد پر مقدمہ درج کیا گیا ہے۔ پولیس کا کہنا ہے کہ اتتم نگر علاقے میں رہنے والے وکیل جاٹو کے گھر گذشتہ جمعرات کو ایک سانپ نکلا تھا۔جسے انہوں نے مار دیا۔

    پولیس کا کہنا ہے کہ جاٹو کے ہمسائے بنٹی، بھورا اور دوسرے لوگوں کو جب یہ بات پتہ چلی تو وہ کافی ناراض ہوئے کیونکہ وہ سانپ کو دیوتا کی طرح پوجتے ہیں۔ اسی بات پر ان لوگوں نے جاٹو کی مبینہ پٹائی کی جس کی وجہ سے وکیل جاٹو نے اسپتال پہنچنے سے پہلے ہی دم توڑ دیا۔

    مقتول کے ورثاء نے پولیس کے رویے کیخلاف بھرپور احتجاج کرتے ہوئے الزام عائد کیا ہے کہ پولیس نے ملزمان کو پکڑنے کے بعد رشوت کے عوض چھوڑ دیا ہے۔

    مظاہرین نے پولیس کے خلاف شدید نعرے بازی کی، اور دھرنا دے کر اہم شاہراہ کو بلاک کردیا، جس کے سبب ٹریفک جام ہوگیا۔

    یاد ریے کہ ریاست کے ہوم گارڈ اور سول ڈیفنس ڈیپارٹمنٹ کے اعداد و شمار کے مطابق گذشتہ پانچ سال میں سانپ کے کاٹنے کی وجہ سے مجموعی طور پر 5،274 لوگ اپنی جان گنوا چکے ہیں۔

     

  • بھارت میں گیس سلنڈر پھٹنے سے 85 افراد ہلاک ، پولیس

    بھارت میں گیس سلنڈر پھٹنے سے 85 افراد ہلاک ، پولیس

    نئی دہلی: مدھیہ پردیش کے جھابوا ضلع میں ہفتے کی صبح ہوئے دھماکے میں مرنے والوں کی تعداد بڑھ کر 85 ہو گئی ہے ، جبکہ متعدد افراد زخمی ہو گئے۔ کئی کی حالت نازک ہے۔ حکومت نے حادثے کی انکوائری کا حکم دیا ہے اور ہلاک ہونے والوں کے اہل خانہ اور زخمیوں کے لئے امداد کا اعلان کردیا گیا ہے۔

    حکومت دھماکے کی وجہ سلنڈر پھٹنے کو بتا رہی ہے جبکہ دوسری طرف خدشہ ظاہر کیا جا رہا ہے کہ دھماکہ خیز مواد میں دھماکے کی وجہ سے یہ حادثہ ہوا، اندور سے تفتیشی ٹیم جائے حادثہ پر پہنچ گئی ہے۔

    پولیس کے ذرائع نے بتایا کہ یہاں سے تقریبا 65 کلومیٹر دور پیٹلاود کے ایک مکان میں صبح آٹھ بجے کے بعد دھماکہ ہوا ہے، اس مکان کے نچلے حصے میں تجارتی سرگرمیاں جاری تھیں اور اوپری منزل پر رہائش گاہ بتایا گیا ہے۔ اسی کے بازو میں ایک ریسٹورینٹ ہے اور اس میں درجنوں لوگ صبح چائے ناشتہ کے لئے آئے ہوئے تھے۔ ارد گرد کے قصبائی علاقے بھی کافی گھنے ہیں۔ریسٹورینٹ میں رکھے گیس سلنڈر میں بھی دھماکہ ہوا۔

    ذرائع نے ابتدائی جانچ کےبعد بتایا کہ مکان میں غیر قانونی طور پر دھماکہ خیز اشیا ڈیٹونیٹر کے طور پر رکھی ہوئی تھیں۔ کسی وجہ سے اس میں دھماکہ ہوگیا اور اس دھماکے نے ریسٹورینٹ کو بھی اپنی زد میں لے لیا۔ اس وجہ سے ریسٹورینٹ اور سڑک پر کھڑے لوگ بھی زد میں آگئے۔

    ذرائع نے کہا کہ دھماکے کی وجہ سے ریسٹورینٹ میں آئے لوگ اور سڑک پر کھڑے لوگ اس کی زد میں آ گئے۔ فی الحال ملبے میں بھی کچھ لوگوں کے دبے ہونے کا خدشہ ہے۔پولیس محکمہ اور مقامی لوگ امدادی کام میں لگے ہوئے ہیں۔