Tag: مذاکرات

اسلام آباد: حکومت نے تحریک انصاف سےغیرمشروط مذاکرات شروع کرنےکااعلان کردیا،اسحاق ڈارکہتےہیں عمران خان جلسےجلوس غیرمیعنہ مدت تک ملتوی کریں، جوڈیشل کمیشن نےہمارے خلاف فیصلہ دیا تو حکومت چھوڑدیں گے۔

وزیراعظم نوازشریف کی زیرصدارت اعلٰی سطح کا اجلاس ہوا،جس کے بعد وزیرخزانہ اسحاق ڈارنےغیرمشروط مذاکرات شروع کرنےکااعلان کردیا، اسحاق ڈارکاکہنا تھا تحریک انصاف جلسوں کو غیر معینہ مدت تک ملتوی کرے ،کوشش ہوگی کہ بات جلدشروع ہو۔

وزیرخزانہ نےواضح کیا کہ جوڈیشل کمیشن کےفیصلےمیں دھاندلی ثابت ہوئی توحکومت چھوڑدیں گے،فریقین کوفیصلہ سر جھکا کر تسلیم کرناہوگا اسحاق ڈارکا کہنا تھا کہ آئی بی اورآئی ایس آئی جوڈیشل کمیشن کاحصہ نہیں ہوسکتے،آج بھی حکومت کا یہی موقف ہے۔

حکومت نے تحریک انصاف کے ساتھ مذکرات کا فیصلہ کر لیا ہے۔ وزیر اعظم نے وزیر خزانہ اسحاق ڈار کو پی ٹی آئی سے رابطے کی ہدایت کردی ہے۔

وزیر اعظم ہاوس میں وزیر اعظم نواز شریف کے زیر صدارت اعلی سطحی مشاورتی اجلاس ہوا، اجلاس میں وفاقی وزرا اسحاق ڈار، چوہدری نثار، احسن اقبال، پرویز رشید اور شاہد خاقان عباسی شریک ہوئے۔ اجلاس میں پی ٹی آئی کے ساتھ مذکرات کے حوالے حکمت عملی پر غور ہوا۔ وزیر اعظم نے مذکرات کی حمایت کرتے ہوئے کہا کہ حکومت مسائل کے حل کے لیے بات چیت کو اہمیت دیتی ہے۔ تاہم سیاسی بحران کے خاتمے کے لیے دوسری جانب سے بھی صبر و تحمل کا مظاہرہ کیا جائے۔

اسلام آباد: وزیر خزانہ اسحٰق ڈار نے کہا ہے کہ عمران خان ا حتجاج ملتوی کر دیں تو مذاکرات اتوار کے روز ہو سکتے ہیں، عدالتی کمیشن میں حساس اداروں کے نمائندوں کو شامل نہیں کیا جاسکتا ۔

اسلام آباد میں میڈیا سے گفتگو میں اسحاق ڈار نے کہا کہ حکومت تحریک انصاف سے مذاکرات کے لیے ہر وقت تیار ہے اور اگر تحریک انصاف کی قیادت چاہے تو مذکرات اتوار کو بھی شروع ہوسکتے ہیں لیکن اس کے لیے ضروری ہے کہ عمران خان احتجاج ملتوی کرنے کا اعلان کریں۔

 انہوں نے کہا عدالتی کمیشن میں آئی ایس آئی اور آئی بی کے حکام کو نمائندگی نہیں دی جاسکتی۔ لیکن اگر کمیشن چاہے تو وہ تحقیقات کے لیے وہ آئی ایس آئی یا آئی بی حکام کو طلب کر سکتا ہے۔ وزیر خزانہ نے کہا اگر عدالتی کمیشن نے دھاندلی ثابت کردی تو اُن کی پارٹی اقتدار چھوڑ دے گی۔ انہوں نے کہا عدالتی کمیشن کو آرڈینس کے ذریعے قائم کیا گیا تو فیصلہ کبھی نہیں ہوگا۔

اسلام آباد: حکومت نے پاکستان تحریک انصاف سے مذاکرات کا فیصلہ کرلیا۔ وزیر اعظم نواز شریف نے اسحق ڈار کو تحریک انصاف سے رابطے کی ذمہ داری سونپ دی۔

ذرائع کے مطابق پی ٹی آئی کے ساتھ مذاکرات کا سلسلہ جہاں سے ٹوٹا تھا وہیں سے آگے بڑھایا جائے گا اور جن نکات پر اتفاق کیا گیا تھا ان پر عملدرآمد سے متعلق حکمت عملی پر بات ہوگی۔ذرائع نے بتایا کہ اسحٰق ڈار نے وزیراعظم سے ہدایت ملنے کے بعد تحریک انصاف کی قیادت سے رابطہ کریں گے جس کے ایک دور وز بعد مذاکرات بحال ہوجائیں گے۔