Tag: مذاکرات

پنجاب کی وزیر اطلاعات عظمیٰ بخاری نے کہا ہے کہ مذاکرات کا بخار تو پی ٹی آئی کو چڑھا تھا مریم نواز کو عوام کی خدمت سے ہی فرصت نہیں ہے۔

پنجاب کی وزیر اطلاعات عظمیٰ بخاری نے مشیر کے پی بیرسٹر سیف کے بیان پر ردعمل دیتے ہوئے کہا ہے کہ آپ کا لیڈر اور اس کا خاندان سرٹیفائیڈ کرپٹ ہے، نواز شریف کا قصور نہیں۔ مذاکرات کا بخار بھی پی ٹی آئی کو ہی چڑھا تھا، مریم نواز کو تو عوام کی خدمت سے ہی فرصت نہیں ہے۔ حقیقت یہ ہے کہ نواز شریف اور مریم نواز کا ذکر کیے بغیر آج بھی آپ کی سیاست نا مکمل ہے۔

عظمیٰ بخاری نے کہا کہ اڈیالہ کے قیدی کو نواز شریف نے نہیں کہا تھا کہ 9 مئی اور 26 نومبر کی بغاوت کرو۔ اس کو ڈیل کی کوئی امید نظر نہیں آئی، اس لیے ہی مذاکرات ختم کرنے کا اعلان کیا۔

انہوں نے مزید کہا کہ چور دروازے اور امپائر کی انگلی پر چلنے والا شخص بات چیت پر یقین نہیں رکھتا۔ جس کی پوری زندگی بیساکھیوں کے سہارے گزری ہو، وہ کبھی لیڈر نہیں بن سکتا۔ کوچ کی ڈائریکشن پر چلنے والا فراڈیا کوچ کے پکڑے جانے کے بعد سیاسی یتیم ہو چکا ہے۔

پنجاب کی وزیر اطلاعات کا یہ بھی کہنا تھا کہ جو اپنے علاوہ کسی کو اہمیت نہیں دیتا، ایسے شخص سے بات چیت کرنا بھی وقت کا ضیاع ہے۔ یہ خود ہی کہتا تھا کہ چوروں، ڈاکوؤں اور دہشت گردوں کی جگہ جیل میں ہوتی ہے۔ آج 9 مئی کے دہشتگرد اور توشہ خانہ کے چور این آر او کیلیے چور دروازے تلاش کر رہے ہیں۔

واضح رہے کہ خیبر پختونخوا حکومت کے مشیر بیرسٹر محمد سیف نے پی ٹی آئی اور حکومت کے مذاکرات میں ناکامی پر جاری بیان میں کہا ہے کہ نواز شریف اور مریم اپنے مشن میں کامیاب ہو گئے اور ان کا گروپ مذاکرات کی ناکامی پر خوشی سے پھولے نہیں سما رہا۔

https://urdu.arynews.tv/pti-barrister-saif-dialogue-failed-claimed-nawaz-sharif/

راولپنڈی : پی ٹی آئی کے سیکرٹری جنرل سلمان اکرم راجہ کا کہنا ہے کہ یہ طے ہوچکا ہے کہ ہم مذاکرات کیلئے نہیں جارہے، لکھ کر بھی دینا ہوا توآج دے دیں گے۔

تفصیلات کے مطابق پی ٹی آئی کے سیکرٹری جنرل سلمان اکرم راجہ نے میڈیا سے گفتگو کرتے ہوئے کہا کہ یہ طے ہوچکا ہے کہ ہم مذاکرات کیلئے نہیں جارہے، لکھ کر بھی دینا ہوا توآج دےدیں گے۔

پی ٹی آئی کے سیکرٹری جنرل کا کہنا تھا کہ حکومت بھاگ رہی ہے، یہ نہیں چاہتے کہ سچ سامنے آئے۔

انھوں نے بتایا کہ اگلے لائحہ عمل کااعلان بانی پی ٹی آئی کریں گے، ہم اپنی جدوجہد جاری رکھیں گےتمام آپشن کھلے ہیں۔

گذشتہ روز پی ٹی آئی کےسیکرٹری جنرل کا کہنا تھا کہ مذاکرات ختم کرنے کا فیصلہ کسی اورنہیں بانی کا ہے، حکومت خلوص دکھائے تو بانی غور کر سکتے ہیں۔

انھوں نے کہا تھا کہ سادہ سا مطالبہ ہے کمیشن بنادیں، حکومت کواخلاص دکھانا ہے تواکتیس کا انتظار نہ کرے۔

اسلام آباد : حکومتی کمیٹی نے پاکستان تحریک انصاف (پی ٹی آئی) کے مذاکرات ختم کرنے کے اعلان پر آج ہی ردعمل دینے کا فیصلہ کرلیا۔

تفصیلات کے مطابق پاکستان تحریک انصاف (پی ٹی آئی) کے مذاکرات ختم کرنے کے اعلان پر حکومتی کمیٹی نے ردعمل دینے کا فیصلہ کرلیا۔

حکومتی مذاکراتی کمیٹی کےعرفان صدیقی آج باضابطہ ردعمل دیں گے۔

مزید پڑھیں : بانی پی ٹی آئی نے مذاکرات ختم کرنے کا اعلان کر دیا ہے، بیرسٹر گوہر

یاد رہے پی ٹی آئی چیئرمین بیرسٹر گوہر نے میڈیا سے گفتگو کرتے ہوئے کہا تھا کہ بانی پی ٹی آئی سے میری اور وکلا کی ملاقات ہوئی ہے، انھوں نے مذاکرات ختم کرنے کا اعلان کر دیا ہے۔

ان کا کہنا تھا کہ ’’جوڈیشل کمیشن کے لیے حکومت کو 7 دن دیے تھے، ہم نے کہا تھا کہ اگر حکومت نے کمیشن کا اعلان نہ کیا تو مذاکرات کا اگلا دور نہیں ہوگا۔‘‘

چیئرمین پی ٹی آئی نے مزید کہا کہ ’’سیاسی اختلافات کی ٹھنڈک اتنی زیادہ ہے کہ برف پگھل نہیں رہی، افسوس ہے حکومت کی طرف سے آج تک کوئی اعلان نہیں کیا گیا، بانی نے کہا آج کی تاریخ تک حکومت نے کمیشن بنانے کا اعلان نہیں کیا تو کوئی بات نہیں ہوگی۔‘‘

پی ٹی آئی کے مرکزی رہنما عمر ایوب نے کہا ہے کہ جوڈیشل کمیشن بننے تک ہم مذاکرات کے چوتھے دور میں نہیں بیٹھیں گے۔

پاکستان تحریک انصاف کی مذاکراتی کمیٹی کے سربراہ عمر ایوب نے اے آر وائی نیوز سے گفتگو کرتے ہوئے واضح طور پر کہا کہ چوتھے اجلاس میں شرکت جوڈیشل کمیشن کے قیام میں پیش رفت سے مشروط ہے۔

عمرایوب نے گفتگو میں کہا کہ حکومت بے شک اجلاس میں بیٹھ کر ڈگڈگی بجائے، ہمیں مذاکراتی اجلاس کی نئی تاریخ سے تاحال آگاہ نہیں کیا گیا۔

پی ٹی آئی دیگر سیاسی جماعتوں کیساتھ بھی مذاکرات شروع کررہی ہے، عمر ایوب

دریں اثنا چیئرمین پی ٹی آئی بیرسٹر گوہر نے عمر ایوب کی گفتگو کی تائید کردی ہے، بیرسٹرگوہر کا کہنا تھا کہ کمیشن نہیں بناتے تو مذاکرات کے چوتھے دور میں نہیں بیٹھیں گے۔

چیئرمین پی ٹی آئی نے کہا کہ بانی کے احکامات ہیں جوڈیشل کمیشن نہیں بنتا تو مذاکرات نہ کیے جائیں، حکومت کہے کمیشن بنے گا تو ہی مذاکرات کے چوتھے دور میں شریک ہونگے۔

https://urdu.arynews.tv/omar-ayub-imran-khan-meeting-camera-listening-device-08-01-2025/

اسلام آباد : ن لیگ اور حکومتی اتحادیوں نے مذاکرات میں بانی پی ٹی آئی پر عدم اعتماد کا اظہار کرتے ہوئے کہا ہے کہ بانی چکر کرانا چاہتے ہیں۔

تفصیلات کے مطابق ن لیگ اور حکومتی اتحادیوں نے مذاکرات میں بانی پی ٹی آئی پر عدم اعتماد کا اظہار کردیا۔

ذرائع نے بتایا کہ حکومتی کمیٹی میں اکثریت نے رائے دی ہے کہ پی ٹی آئی کمیٹی بے وقعت ہے، بانی چکر کرانا چاہتے ہیں۔

ذرائع کا کہنا تھا کہ ن لیگ نے تجویز دی ہے کمیشن کے معاملے پر چیف جسٹس کو خط لکھنا چاہیے۔

لیگی رہنما نے کہا ہے کہ بانی پی ٹی آئی خط کو تسلیم کریں اور یقین دہانی کرائیں تو پھر عمل کیا جائے، اگر خط پر سب کا اتفاق ہو تو چیف جسٹس کوکمیشن تشکیل دینے کا کہا جائے۔

ذرائع نے مزید بتایا کہ نوازشریف کو بھی تجویز دی گئی تو انہوں نے بھی اتفاق رائے کا کہا۔