Tag: مذاکرات

اسلام آباد : پیپلزپارٹی اور حکومت کے مابین مذاکرات دوپہر کے بعد ہونے کا امکان ہے، بجٹ تجاویز پر دونوں میں ڈیڈلاک ہیں ۔

تفصیلات کے مطابق پیپلزپارٹی اور حکومت کے درمیان مذاکرات کا دوسرا دور آج ہو گا، حکومت نے گزشتہ شام پی پی سے مذاکرات کیلئے رابطہ کیا تھا۔

ذرائع نے بتایا ہے کہ دونوں پارٹیوں میں مذاکرات کیلئے مقام کا تعین تاحال نہیں ہوا تاہم مذاکرات دوپہر کے بعد ہونے کا امکان ہے۔

پی پی کی جانب سے خورشید شاہ، نوید قمر دیگر رہنما مذاکراتی وفد میں شامل ہوں گے جبکہ رانا ثنا اللہ، احسن اقبال سمیت دیگر رہنما حکومتی وفد میں شامل ہونگے۔

مزید پڑھیں: پیپلز پارٹی کا بجٹ میں اپنے مطالبات سے پیچھے نہ ہٹنے کا فیصلہ

گزشتہ روز دونوں پارٹیوں کے درمیان مذاکرات کا پہلا دور ناکام ہوا تھا، پیپلزپارٹی، حکومت میں پی ایس ڈی پی،دیگر بجٹ تجاویز پر ڈیڈلاک ہے۔

یاد رہے پی پی نے احتجاجا بجٹ اجلاس کا بائیکاٹ کیا تھا جبکہ ان کے تین ایم این ایز نے بجٹ اجلاس میں ٹوکن شرکت کی تھی۔

آکسفورڈ: سابق وزیر اعظم شاہد خاقان عباسی نے کہا ہے کہ سیاسی و عسکری قیادت کو مذاکرات کی میز پر بیٹھنا ہوگا۔

آکسفورڈ میں اے آر وائی نیوز سے خصوصی گفتگو میں شاہد خاقان عباسی نے کہا کہ سیاسی وعسکری قیادت کو مذاکرات کی میز پر بیٹھنا ہوگا، مشترکہ لائحہ عمل اختیار کئے بغیر معاشی بہتری ناممکن ہے، سیاستدانوں کو قومی مفاد میں پالیسی سازی کرنی ہوگی ۔

انہوں نے کہا کہ پاکستان تاریخ کے مشکل ترین حالات سے گزر رہا ہے، ملک میں معاشی استحکام کیلئے سیاسی استحکام بہت ضروری ہے، اس سیاسی اور معاشی تباہی کے ذمہ دار سبھی طبقات ہیں۔

سابق وزیر اعظم شاہد خاقان عباسی کا کہنا ہے سیاسی مینڈیٹ کا احترام ہی ملک کی کامیابی ہے، عوامی حکومت ہی عوامی مشکلات حل کر سکتی ہے، نوجوانوں میں مایوسی کے خاتمے کے لیے اقدامات کرنے چاہئیں۔

اسلام آباد : سابق وزیراعلیٰ پنجاب پرویز الہٰی نے بانی پی ٹی آئی کی مذاکرات کے لئے رضامندی کی وجہ بتادی۔

تفصیلات کے مطابق سابق وزیراعلیٰ پنجاب پرویز الہٰی نے پیشی پر میڈیا سے غیر رسمی گفتگو کرتے ہوئے کہا کہ مذاکرات ہی موجودہ بحران سے نکلنے کا واحد راستہ ہیں ، بااختیارحلقوں سے مذاکرات ہی نتیجہ خیز ثابت ہو سکتے ہیں۔

پرویز الہٰی نے بتایا کہ بانی پی ٹی آئی اپنی ذات نہیں ملک و قوم کیلئے مذاکرات پررضامند ہوئے۔

عارف علوی کے حوالے سے ان کا کہنا تھا کہ سابق وزیراعلیٰ پنجاب عارف علوی کی مذاکرات کی دعوت کا مثبت جواب دینا چاہیے، موجودہ حالات میں مذاکرات سے انکار ملک و قوم سےخیر خواہی نہیں ہو گی۔

سابق وزیراعلیٰ پنجاب نے الزام عائد کیا کہ پی ٹی آئی اوراسٹیبلشمنٹ میں مذاکرات کو ن لیگ سبوتاژ کررہی ہے ، آئینی اداروں کے خلاف سب سے زیادہ زہر اگلنے والی جماعت ن لیگ ہے۔

ان کا مزید کہنا تھا کہ ن لیگی رہنما جھوٹے پروپیگنڈے کے ذریعے تصادم سے باز رہیں، ہر بات میں زیرو ٹالرنس کے دعویداروں کی زیرو پرفارمنس سب کے سامنے ہے۔

اسلام آباد: پی آئی اے انتظامیہ تنخواہوں میں اضافے اور نجکاری کے خلاف احتجاج کرنے والے پی آئی اے ملازمین سے مذاکرات کے لیے مان گئی۔

تفصیلات کے مطابق تنخواہوں میں اضافے اور نجکاری کے خلاف پی آئی اے ملازمین کا احتجاج کئی دنوں سے جاری ہے تاہم پی آئی اے کے جی ایم آئی آر نے کہا ہے کہ پی آئی اے انتظامیہ سی بی اے عہدیداروں سے مذاکرات کرنا چاہتی ہے۔

ذرائع کے مطابق پی آئی اے کے جی ایم آئی آر نے نیشنل انڈسٹریل ریلیشن کو تحریری جواب جمع کرادیا جس میں انہوں نے یقہن دہانی کرانے ہوئے کہا کہ چیئرمین پی آئی اے خود ملازمین سے مذاکرات کرینگے۔

پاکستان انٹر نیشنل ائیر لائن (پی آئی اے) سی بی اے کو انتظامیہ کی طرف سے جی ایم آئی آر نے مذاکرات کی یقین دہانی کرائی ہے، اس ہفتے پی آئی اے انتظامیہ اور سی بی اے عہدیداروں کے درمیان مذاکرات ہونگے۔

 جی ایم آئی آر کے مطابق قومی کمیشن برائے صنعتی تعلقات (این آئی آر سی) نے 9 ستمبر کو پی آئی اے جی ایم آئی آر اور پی آئی اے سی بی اے عہدیداروں کو طلب کیا ہے۔