Tag: مذاکرات

واشنگٹن: طالبان وفد اور امریکی وزیرخارجہ مائیک پومپیو کے درمیان ویڈیو کانفرنس کے ذریعے مذاکرات ہوئے اس دوران انٹراافغان بات چیت اور خطے کی سلامتی سے متعلق بات چیت کی گئی۔

غیرملکی خبررساں ادارے کی رپورٹ کے مطابق مائیک پومپیو اور طالبان وفد کے درمیان ہونی والی گفتگو میں افغانستان کی صورت حال اور ماضی میں ہونے والے تاریخی معاہدہ پر بھی تبادلہ خیال کیا گیا۔

ترجمان طالبان قطر دفتر نے مذاکرات کی تصدیق کردی۔ سہیل شاہین کا کہنا تھا کہ  کانفرنس مذاکرات میں طالبان کے ڈپٹی ملا برادر بھی شریک ہوئے، طالبان نے پومپیو سے غیرملکی فوجیوں کا انخلا اور مزید قیدیوں کی رہائی پر بات کی۔

ترجمان نے بتایا کہ ویڈیوکانفرنس میں انٹرا افغان مذاکرات اور تشدد میں کمی پر بھی گفتگو ہوئی۔

افغان حکومت اور طالبان مذاکرات کے لیے راضی ہوگئے

خیال رہے کہ طالبان اور افغان حکومت باہمی مذاکرات کے لیے رضا مندی ظاہر کرچکے ہیں، دونوں فریقین کی قطر کے دارالحکومت دوحہ میں اہم بیٹھک لگے گی۔

طالبان اور افغان حکومت کے درمیان پہلی باقاعدہ ملاقات ہوگی جسے ’انٹرا افغان مذاکرات‘ کا نام دیا گیا ہے۔ ماضی میں طالبان، افغان قیادت سے بات چیت کرنے سے انکاری رہے تھے، فریقین کے درمیان بیٹھک کب لگے گی؟ اس سے متعلق کوئی حتمی تاریخ کا اعلان نہیں کیا گیا۔

کابل: امریکا اور طالبان نے مذاکرات کامیاب ہونے کی تصدیق کردی، مذاکرات پر دستخط 29فروری کو ہوں گے۔

اے آر وائی نیوز کے مطابق فریقین کے درمیان کامیاب مذاکرات کے بعد طالبان اور امریکا نے بات چیت سے متعلق وضاحت جاری کردی۔ امریکا اور طالبان نے افغانستان سے غیرملکی فوجیوں کے انخلا پر اتفاق کرلیا۔

مذاکرات پر دستخط29فروری کو ہوں گے۔ مذاکرات میں فریقین کے درمیان شرائط رکھی گئی ہیں کہ دونوں پارٹیاں دستخط سے پہلے سازگار ماحول کو یقینی بنائیں گی۔ مختلف ممالک اور نمائندگان تنظیم کو دستخط کی تقریب میں بلایا جائے گا۔

After decades of conflict, we have come to an understanding with the Taliban on a significant reduction in violence across #Afghanistan. This is an important step on a long road to peace, and I call on all Afghans to seize this opportunity.

— Secretary Pompeo (@SecPompeo) February 21, 2020

ترجمان طالبان کا کہنا ہے کہ شرائط کے تحت دونوں اطراف کے قیدیوں کی رہائی یقینی بنائی جائے گی، سیاسی پارٹیوں میں انٹر افغان مذاکرات شروع کرنے کا لائحہ عمل تیار کیا جائے گا، غیرملکی افواج کا افغانستان سے انخلا کا سلسلہ شروع کیا جائے گا۔

خیال رہے کہ گزشتہ سال 8 ستمبر کو امریکی صدر ڈونلڈ ٹرمپ نے طالبان کی جانب سے کابل حملے کی ذمہ داری قبول کرنے کے بعد امن مذاکرات منسوخ کر دیے تھے۔ جس کے دوبارہ ماحول سازگار بنایا گیا۔

دوسری جانب امریکی وزارت داخلہ کے سیکریٹری مائیک پومپیو نے بھی معاہدے پر طالبان کے رضامند ہونے کی تصدیق کی اور انہوں نے مذاکرات کی کامیابی پر مسرت کا اظہار بھی کیا۔

امریکا طالبان مذاکرات فیصلہ کن ثابت ہونے کا امکان

اس مذاکرات کی کامیابی میں پاکستان نے ہر ممکن کوششیں کیں جس کا مقصد خطے میں قیام امن کو فروغ دینا ہے۔ امریکی صدر ڈونلڈ ٹرمپ بھی پاکستان کے کردار کے متعرف رہے ہیں۔

میونخ: امریکی وزیرخارجہ مائیک پومپیو نے کہا ہے کہ طالبان کے ساتھ مذاکرات میں اہم پیش رفت ہوئی ہے۔

اے آر وائی نیوز کے مطابق جرمن شہر میونخ میں امریکی سیکریٹری خارجہ مائیک پومپیو کا صحافیوں سے گفتگو کرتے ہوئے کہنا تھا کہ طالبان سے بات چیت اہم دور میں داخل ہوچکے ہیں۔

انہوں نے کہا کہ امریکی صدر ٹرمپ نے بات چیت مزید جاری رکھنے کا اختیار دے دیا ہے۔

ان کا مزید کہنا تھا کہ فریقین کے درمیان ہونے والی گفتگو میں جلد اہم پیش رفت نظر آئے گی، ٹرمپ معاملے کو گہری نگاہ سے دیکھ رہے ہیں، کوشش ہے کہ حتمی معاہدے طے پاجائے۔

دوسری جانب افغان طالبان نے امریکا کو امن مذاکرات ختم کرنے کی دھمکی دے دی ہے اور خبردار کیا ہے کہ اگر عارضی جنگ بندی کا جلد جواب نہ دیا گیا تو امن مذاکرات سے نکل جائیں، مذاکرات ختم کرنے کا انتباہ طالبان کے چیف مذاکرات کار عبدالغنی برادر نے دیا۔

زلمے خلیل زاد کی قطر میں ملا برادر سے ملاقات

خیال رہے کہ افغان طالبان نے افغانستان میں سات روز کے لیے پرتشدد کارروائیاں بند کرنے کی پیشکش کی تھی۔ تاہم ٹرمپ انتظامیہ نے اس حوالے سے کوئی ردعمل نہیں دیا۔

یاد رہے عبدالغنی برادر نے چند روز قبل افغان امن عمل کے لیے امریکا کے نمائندہ خصوصی زلمے خلیل زاد سے خصوصی ملاقات کی تھی۔ بعد ازاں طالبان قطر دفتر کا کہنا تھا کہ اس ملاقات میں امریکا اور طالبان کے مابین مذاکرات اور مستقبل کے اقدامات پر بات ہوئی۔