کراچی: متحدہ قومی موومنٹ کی رابطہ کمیٹی نے ڈپٹی کنوینرشاہد پاشا کا90 دن کا ریمانڈ لئے جانے کی سخت الفاظ میں مذمت کی ہے۔
ایک بیان میں رابطہ کمیٹی نے کہاکہ عوام ایم کیوایم پر مسلسل اعتماد کااظہارکررہےہیں، اسٹیبلشمنٹ اس مینڈیٹ کوتسلیم کرنے سے انکاری ہے،ایم کیوایم کومسلسل ریاستی جبروتشددکانشانہ بنایاجارہا ہے۔
رابطہ کمیٹی نے مطالبہ کیا کہ شاہد پاشا کو فی الفوررہا کیاجائے۔جھوٹے مقدمات ، الزامات اورگرفتاریوں کاسلسلہ بند کیاجائے۔
واضح رہے کہ قانون نافذ کرنے والے اداروں نے علی الصبح گلستان جوہر میں کارروائی کرتے ہوئے ایم کیو ایم رابطہ کمیٹی کے ڈپٹی کنوینئر شاہد پاشا کو حراست میں لیا گیا۔
رینجرز نے ایم کیو ایم رہنما شاہد پاشا کو انسداد دہشت گردی کی عدالت میں پیش کیا جب کہ اس موقع پر رینجرز کے وکیل نے عدالت سے استدعا کی کہ ملزم سے تفتیش کے لئے اسے 90 روز کے لئے تحویل میں دیا جائے۔ عدالت نے رینجرز کی درخواست منظور کرتے ہوئے شاہد پاشا کو 90 روزہ ریمانڈر پر رینجرز کے حوالے کردیا۔
