ARYNews.tv | Urdu – Har Lamha Bakhabar

Tag: مذمت

  • وزیراعلیٰ پنجاب کی کوئٹہ میں فائرنگ کی شدید مذمت

    وزیراعلیٰ پنجاب کی کوئٹہ میں فائرنگ کی شدید مذمت

    لاہور: وزیراعلیٰ پنجاب شہبازشریف نے کوئٹہ فائرنگ کی شدید مذمت کرتے ہوئے کہا ہے کہ شہید اہلکار پوری قوم کے ہیرو ہیں۔

    تفصیلات کے مطابق وزیراعلیٰ پنجاب شہبازشریف نے کوئٹہ میں سیکیورٹی فورسز کی گاڑی پرفائرنگ کی شدید مذمت کرتے ہوئے شہید اہلکاروں کے لواحقین سے اظہار تعزیت کی۔

    شہبازشریف نے کہا کہ شہید اہلکار پوری قوم کے ہیرو ہیں، امن کے لیے جانوں کا نذرانہ دینے والوں کو قوم سلام پیش کرتی ہے۔

    وزیراعلیٰ پنجاب نے کہا کہ دہشت گرد انسانیت کے دشمن ہیں، بزدلانہ کارروائیاں دہشت گردی کے خلاف عزم کوکمزورنہیں کرسکتیں۔

    کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید

    خیال رہے کہ آج صبح کوئٹہ کے علاقے لانگوآباد میں نامعلوم افراد کی سیکیورٹی فورسز کی گاڑی پرفائرنگ کے نتیجے میں 4 سیکیورٹی اہلکار شہید ہوگئے۔

    پولیس حکام کے مطابق سیکیورٹی اہلکاروں کی گاڑی گشت پر تھی کہ نامعلوم افراد نے سیکیورٹی فورسز کی گاڑی پر فائرنگ کی۔

    یاد رہے کہ گزشتہ ماہ 21 جنوری کو کوئٹہ میں نامعلوم افراد کی فائرنگ سے کوئٹہ پولیس کے سابق ایس ایچ او فضل الرحمن جاں بحق ہوگئے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • کابل ملٹری اکیڈمی حملہ: پاکستان دفتر خارجہ کی شدید مذمت

    کابل ملٹری اکیڈمی حملہ: پاکستان دفتر خارجہ کی شدید مذمت

    اسلام آباد: پاکستان دفتر خارجہ نے کابل ملٹری اکیڈمی پر حملے کی شدید مذمت کرتے ہوئے انسانی جانوں‌کے ضیاع پر افغان حکومت سے ہمدردی اور تعزیت کا اظہار کیا ہے.

    تفصیلات کے مطابق دفتر خارجہ کے ترجمان ڈاکٹر فیصل نے سماجی رابطے کی ویب سائٹ ٹویٹر پر افغان حکومت، ہلاک شدگان اور زخمیوں کے ورثا سے اظہار یکجہتی کرتے ہوئے دہشت گردی کو ایک عالمی مسئلہ قرار دیا.

    یاد رہے کہ یہ افغان دارالحکومت کابل کے حساس علاقے میں‌ ہونے والا لگاتار تیسرا حملہ ہے. آج صبح‌ دہشت گردوں‌نے ملٹری اکیڈمی کو نشانہ بنایا، جس میں‌ 11 کیڈٹس ہلاک اور 16زخمی ہو ئے. افغان فورسزکی جوابی کارروائی میں چاروں حملہ آورمارے گئے، جب کہ ایک حملہ آور کی گرفتاری کا دعویٰ کیا گیا ہے.

    ترجمان دفتر خارجہ نے اپنے ٹویٹ میں‌ کہا کہ دہشت گردی ایک عالمی مسئلہ ہے، پاکستان ہر نوع کی دہشت گردی کی مذمت کرتا ہے اور اس موقع پر اپنے افغان بہن بھائیوں کے غم میں‌ یکساں‌شریک ہیں.

    کابل میں کاربم دھماکہ، 95 افراد ہلاک، 158 زخمی

    واضح رہے کہ گذشتہ دنوں‌ کابل میں‌ دہشت گردی کا ایک بڑا واقعہ ہوا تھا، جب ایک کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے تھے.

    اس سے قبل کابل کے ایک ہوٹل کو نشانہ بنایا گیا تھا، جس میں دس افراد ہلاک ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • طالبان اوران کےحامیوں کےخلاف فیصلہ کن اقدام اٹھانا چاہیے‘ ڈونلڈ ٹرمپ

    طالبان اوران کےحامیوں کےخلاف فیصلہ کن اقدام اٹھانا چاہیے‘ ڈونلڈ ٹرمپ

    واشنگٹن: امریکی صدر ڈونلڈ ٹرمپ نے کابل دھماکے کی مذمت کرتے ہوئے کہا کہ دھماکے میں عام شہری ہلاک اور زخمی ہوئے۔

    تفصیلات کے مطابق امریکی صدر ڈونلڈ ٹرمپ نے سماجی رابطے کی ویب سائٹ ٹویٹرپراپنے پیغام میں کابل دھماکے کی مذمت کرتے ہوئے کہا کہ دھماکے نے ہمارے اور افغان پارٹنرز کے عزم کو مضبوط کیا۔

    امریکی صدر ڈونلڈ ٹرمپ نے کہا کہ کابل دھماکے میں عام شہری ہلاک اور زخمی ہوئے۔

    ڈونلڈ ٹرمپ نے کہا کہ طالبان اور ان کے حامیوں کے خلاف فیصلہ کن اقدام اٹھانا چاہیے۔ انہوں نے کہا کہ ہم طالبان کو جیتنے نہیں دیں گے۔

    کابل میں کاربم دھماکہ، 95 افراد ہلاک، 158 زخمی

    خیال رہے کہ گزشتہ روز افغانستان کے دارالحکومت کابل میں کار بم دھماکے کے نتیجے میں 95 افراد ہلاک جبکہ 158 سے زائد افراد زخمی ہوگئے تھے۔

    یاد رہے کہ اس سے قبل گزشتہ ہفتے 21 جنوری کو افغانستان کے دارالحکومت کابل میں مسلح افراد کے ہوٹل پرحملے میں 18 افراد ہلاک ہوگئے تھے جبکہ سیکورٹی فورسز کی جوابی کارروائی میں 3 حملہ آور مارے گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ڈرون حملے پاک امریکا تعلقات کےلیے خطرہ ہیں، دفتر خارجہ

    ڈرون حملے پاک امریکا تعلقات کےلیے خطرہ ہیں، دفتر خارجہ

    اسلام آباد : ترجمان دفتر خارجہ پاکستان نے امریکی ڈرون حملے کی شدید مذمت کرتے ہوئے کہا ہے کہ ڈرون حملے پاک امریکا تعلقات کےلیے خطرے کا باعث ہیں، دہشت گردی روکنی ہے تو افغان مہاجرین کی پرامن واپسی یقینی بنانا ہوگی۔

    یہ بات انہوں نے اپنے ایک جاری بیان میں کہی، ڈاکٹر فیصل نے امریکہ کو خبردار کرتے ہوئے کہا کہ ڈرون حملے میں افغان مہاجرین کیمپ کو نشانہ بنایا گیا، مزید حملے برداشت نہیں کریں گے، ڈرون جیسے یکطرفہ ایکشن دونوں ملکوں میں تعاون کیلئے خطرہ ہیں۔

    ترجمان دفتر خارجہ کا کہنا ہے کہ امریکا کے پاس انٹیلی جنس اطلاع ہو تو پاکستان سے شیئرکرے، اپنی سرزمین میں کارروائی پاکستان خود کرےگا، پاکستان افغان مہاجرین کی جلد واپسی کا بھی مطالبہ کرتا رہا ہے۔

    ترجمان دفتر خارجہ کا کہنا تھا کہ مہاجرین کی موجودگی سےافغان دہشت گرد فائدہ اٹھاتے ہیں اور انہیں در آنے کا موقع ملتا ہے، دہشت گردوں کے سہولت کار بھی ان ہی لوگوں میں شامل ہوجاتے ہیں۔

    انہوں نے کہا کہ دہشت گرد افغان مہاجرین کی آڑ میں کارروائیاں کرتے ہیں۔ امریکہ اگر دہشت گردی روکنا چاہتا ہے تو اسے افغان مہاجرین کی پرامن واپسی یقینی بنانا ہوگی۔

    واضح رہے کہ وفاق کے زیر انتظام قبائلی علاقوں (فاٹا) کی اورکزئی ایجنسی میں ایک گھر پر امریکی ڈرون حملہ کیا گیا تھا جس کے نتیجے میں دو مبینہ دہشت گرد ہلاک ہوگئے۔

    اس سے قبل17جنوری کو بھی پاک افغان سرحدی پر کرم ایجنسی کے علاقے لوئر کرم پر ڈرون حملہ کیا گیا تھا جس میں دو مبینہ دہشت گرد ہلاک جبکہ1زخمی ہوا تھا۔

    مزید پڑھیں: اورکزئی ایجنسی میں ڈرون حملہ، 2 مبینہ دہشت گرد ہلاک

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

     

  • راؤ انوار نے نقیب اللہ محسود کو جعلی پولیس مقابلے میں قتل کیا، عمران خان

    راؤ انوار نے نقیب اللہ محسود کو جعلی پولیس مقابلے میں قتل کیا، عمران خان

    اسلام آباد : چیئرمین تحریک انصاف عمران خان نے کہا ہے کہ پنجاب کی طرز پر سندھ پولیس بھی جعلی پولیس مقابلوں میں نوجوانوں کو قتل کر رہی ہے جس کی تازہ مثال کراچی میں نقیب اللہ محسود کا ماورائے عدالت قتل ہے.

    ان خیالات کا اظہار چیئرمین پی ٹی آئی عمران خان نے سماجی رابطے کی ویب سائٹ ٹویٹر پر تحریر کیے گئے اپنے ایک پیغام میں کیا،انہوں نے کراچی میں مبینہ پولیس مقابلے میں ہلاک ہونے والے نوجوان نقیب اللہ محسود کے قتل کی مذمت کرتے ہوئے واقعہ کو جعلی پولیس مقابلہ قرار دیا.

    عمران خان کا کہنا تھا کہ پنجاب پولیس تو جعلی مقابلے باقاعدہ منصوبہ بندی کےتحت کرتی ہی ہے لیکن سندھ پولیس کا حال بھی بہت خراب ہے اور کراچی میں ہونے والا جعلی پولیس مقابلہ اس کی تازہ مثال ہے.

    انہوں نے ایس ایس پی ملیر راؤ انوار پر جعلی پولیس مقابلوں کا الزام عائد کرتے ہوئے لکھا کہ وزیرستان سے تعلق رکھنے والے نقیب اللہ محسود کپڑے کا کاروبار کیا کرتے تھے جنہیں راؤ انوار نے 7 جنوری کو حراست میں لیا اور بعد ازاں جعلی پولیس مقابلےمیں قتل کردیا.

     ایس ایس پی ملیر  راؤ انوار کا موقف پڑھیں 

    دوسری جانب ایس ایس پی ملیر کا دعوی ہے کہ نقیب اللہ محسود تحریک طالبان پاکستان کا اہم کارندہ تھا اور کراچی میں طالبان کا نیٹ ورک بھی چلا رہا تھا جب کہ اس قبل وہ اہم طالبان کمانڈر کا ڈرائیور بھی رہا ہے اور اگر ایسا نہیں تھا تو وہ پولیس مقابلے کی جگہ پر کیا کر رہا تھا؟

    چیئرمین پاکستان پیپلز پارٹی بلاول بھٹو زرداری نے سوشل میڈیا پر نقیب اللہ محسود کے ماورائے عدالت قتل پر اُٹھنے والی آواز کے بعد نوٹس لیتے ہوئے صوبائی وزیر داخلہ سہیل سیال کو تحقیقات کا حکم دے دیا ہے جس کے لیے ایڈیشنل آئی جی سی ٹی ڈی کی سربراہی میں تحقیقاتی کمیٹی تشکیل دے دی گئی ہے جب کہ ڈی آئی جی سلطان خواجہ اور ڈی آئی جی آزاد خان کمیٹی کے رکن ہوں گے۔

    یاد رہے 13 جنوری کو ایس ایس پی ملیر راؤ انوار کی سربراہی میں خطرناک ملزمان کی گرفتاری کے لیے شاہ لطیف ٹاؤن جانے والی پولیس پارٹی پر دہشت گردوں نے فائرنگ کردی تھی جس پر پولیس نے جوابی فائرنگ کرتے ہوئے 4 دہشت گردوں کو موت کے گھاٹ اتار دیا تھا.

    خیال رہے کہ سندھ پولیس میں ایس ایس پی ملیر راؤ انوار پولیس مقابلوں کی کافی شہرت رکھتے ہیں جس کا آغاز 90 کی دہائی میں کراچی آپریشن کے دوران ہوا تھا اور چند برسوں سے سہراب گوٹھ، شاہ لطیف ٹاؤن،  گلشن حدید سمیت کئی علاقوں میں ہونے والے مخلتف پولیس مقابلوں میں ان کا کلیدی کردار رہا ہے تاہم انہیں مخلتف عدالتوں میں جعلی مقابلوں اور کچھ محکمانہ کارروائیاں بھی جاری ہیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت ہماری امن کی خواہش کوکمزوری نہ سمجھے‘ شہبازشریف

    بھارت ہماری امن کی خواہش کوکمزوری نہ سمجھے‘ شہبازشریف

    لاہور: وزیراعلیٰ پنجاب شہبازشریف نے لائن آف کنٹرول پر بھارتی فوج کی بلااشتعال فائرنگ کی شدید مذمت کرتے ہوئے کہا کہ بھارت ہماری امن کی خواہش کو کمزری نہ سمجھے۔

    تفصیلات کے مطابق وزیراعلیٰ پنجاب شہبازشریف نے ایل او سی پر بھارتی فوج کی بلااشتعال فائرنگ سے شہید ہونے والے جوانوں کے لواحقین سے دلی ہمدردی اور اظہار تعزیت کی۔

    وزیراعلیٰ پنجاب نے کہا کہ بھارتی فوج کی جانب سے فائرنگ انتہائی قابل مذمت ہے، بھارتی فوج کی کارروائیاں خطےمیں امن کے لیے خطرہ ہیں۔

    شہبازشریف نے کہا کہ بھارت ہماری امن کی خواہش کوکمزوری نہ سمجھے، پاک فوج جارحیت کا منہ توڑجواب دینےکی صلاحیت رکھتی ہے۔

    وزیراعلیٰ پنجاب نے کہا کہ پاک فوج ہرقسم کی صورت حال سے نمٹنے کے لیے تیار ہے۔

    بھارتی فوج کی لائن آف کنٹرول پر اشتعال انگیزیاں،4پاکستانی جوان شہید،آئی ایس پی آر

    خیال رہے کہ بھارتی فوج کی لائن آف کنٹرول پر بلااشتعال فائرنگ کے نتیجے میں 4 پاکستانی جوان شہید ہوگئے۔

    آئی ایس پی آر کا کہنا ہے کہ پاک فوج کی جانب سے بھرپور جوابی کارروائی کی گئی، جس میں 3 بھارتی فوجی ہلاک اور متعدد زخمی ہونے کی اطلاعات ہیں۔

    یاد رہے کہ گذشتہ ماہ 25 دسمبر کو بھی بھارتی فوج نے راولا کوٹ سیکٹر پر بلا اشتعال فائرنگ کی تھی، جس سے 3 فوجی جوان شہید جبکہ ایک جوان شدید زخمی ہوا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قیمتی جانوں کےنذرانےدینےوالےشہدا قوم کےہیروہیں‘ شہبازشریف

    قیمتی جانوں کےنذرانےدینےوالےشہدا قوم کےہیروہیں‘ شہبازشریف

    لاہور: وزیراعلیٰ پنجاب نے مہمند ایجنسی میں سرحد پار سے دہشت گرد حملے شدید مذمت کرتے ہوئے کہا کہ شہید اہلکاروں نے وطن پر اپنی قیمتی جانیں نچھاور کی ہیں۔

    تفصیلات کے مطابق وزیراعلیٰ پنجاب شہبازشریف نے سرحد پار سے دہشت گرد حملے میں 3 سیکورٹی اہلکاروں کی شہادت پر اظہار افسوس اور لواحقین سے تعزیت کی۔

    شہبازشریف نے کہا کہ شہید اہلکاروں نے وطن پر اپنی قیمتی جانیں نچھاور کی ہیں، قیمتی جانوں کے نذرانے دینے والے شہداقوم کے ہیرو ہیں۔

    وزیراعلیٰ پنجاب نے سرحد پار سے دہشت گرد حملے کی مذمت کرتے ہوئے کہا کہ پاکستانی قوم کو شہداکی عظیم قربانیوں پر فخر ہے۔

    پاک افغان بارڈر: سرحد پار سے حملہ، تین اہل کار شہید

    خیال رہے کہ گزشتہ روز پاک افغان بارڈر پرسرحد پار سے دہشت گردوں نے ایف سی اہل کاروں پر حملہ کیا تھا، جس میں‌ لانس نائیک سمیت تین اہل کار شہید ہوگئے تھے جبکہ جوابی کارروائی میں 5 دہشت گرد ہلاک اور متعدد زخمی ہوئے تھے۔

    یاد رہے کہ 13 نومبر کوپاک افغان بارڈر پر پاکستانی چیک پوسٹوں پر دہشت گردوں نے حملہ کیا تھا جس کے نتیجے میں کیپٹن جنیدحفیظ اورسپاہی رحم شہید اور 4 زخمی جبکہ 10 دہشت گرد ہلاک ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی وزیرستان حملہ : وزیراعظم سمیت سیاسی رہنماؤں کی مذمت

    شمالی وزیرستان حملہ : وزیراعظم سمیت سیاسی رہنماؤں کی مذمت

    اسلام آباد : وزیراعظم شاہدخاقان عباسی سمیت سیاسی رہنماؤں نے شمالی وزیرستان میں سیکورٹی فورسز پر حملے کی شدید مذمت کی ہے۔

    تفصیلات کے مطابق وزیراعظم شاہدخاقان عباسی نے شمالی وزیرستان میں سیکیورٹی فورسزپرحملےکی مذمت کرتے ہوئے شہدا کے درجات کی بلندی کے لیے دعا کی ہے۔

    وزیراعظم پاکستان نے غمزدہ خاندانوں سے تعزیت کرتے ہوئے کہا کہ شہدانے وطن کے لیے سب سے قیمتی اثاثے کی قربانی دی۔

    انہوں نے کہا کہ دشمن عناصرکے خلاف بہادر افواج کی خدمات قوم کبھی نہیں بھلاسکتی، پاکستان نے دہشت گردی کے ناسور کو شکست دی ہے۔

    شمالی وزیرستان حملہ: وزیراعلیٰ پنجاب کی مذمت

    وزیراعلیٰ پنجاب شہبازشریف نے شمالی وزیرستان میں سیکیورٹی فورسزپرحملےکی مذمت کرتے ہوئے شہدا کے لواحقین سے دلی ہمدردی اوراظہار تعزیت کی۔

    شہبازشریف نے کہا کہ قوم کوشہید عبدالمعید اورشہید بشارت کی بہادری پرفخرہے، پوری قوم شہدا کی عظیم قربانیوں کو سلیوٹ کرتی ہے۔

    شمالی وزیرستان حملہ: وزیردفاع کی مذمت

    وزیردفاع نے بھی شمالی وزیرستان میں سیکورٹی فورسزکی گاڑی پرحملےکی مذمت کرتے ہوئے شہدا کی بہادری اورجرت کوسلام اورلواحقین سے اظہارتعزیت کی۔

    خرم دستگیر نے کہا کہ دہشت گردوں کو مذموم مقاصد میں کامیاب نہیں ہونےدیں گے جبکہ بزدلانہ کارروائیاں بہادرجوانوں کےعزم کومتزلزل نہیں کرسکتیں۔

    وزیردفاع خرم دستگیر نے کہا کہ قوم دہشت گردی کے خلاف پاک فوج کے ساتھ ہے۔

    شمالی وزیرستان حملہ: وزیراعلیٰ بلوچستان کی مذمت

    وزیراعلیٰ بلوچستان ثنااللہ زہری نے شمالی وزیرستان میں فورسزپرحملے کی مذمت کرتے ہوئے جوانوں کی شہادت پرافسوس کا اظہاراورشہداکے خاندانوں سے تعزیت کی ہے۔

    وزیراعلیٰ ثنااللہ زہری نے کہا کہ ہمارےشہید ہماری قوم کے ہیرو ہیں۔

    شمالی وزیرستان حملہ: آصف علی زرداری کی مذمت

    سابق صدرآصف علی زرداری نے سیکیورٹی فورسزپرحملے کی مذمت کرتے ہوئے شہید اہلکاروں کے لواحقین سے اظہارا فسوس کیا۔

    آصف علی زرداری نے کہا کہ دہشت گردی کے منصوبہ سازوں کونشانہ عبرت بنایا جائے۔

    شمالی وزیرستان حملہ: گورنر بلوچستان کی مذمت

    گورنر بلوچستان محمد خان اچکزئی نے شمالی وزیرستان میں فورسزپرحملے کی مذمت کرتے ہوئے کہا کہ بہادرجوانوں کی قربانیاں رائیگاں نہیں جائیں گی۔

    شمالی وزیرستان حملہ: وزیرداخلہ سندھ کی مذمت

    وزیرداخلہ سندھ سہیل انورسیال نےشمالی وزیرستان میں فورسزپرحملےکی مذمت کرتے ہوئے کہا کہ افسران وجوانوں کی قربانیاں رائیگاں نہیں جائیں گی۔

    سہیل انور سیال نے کہا کہ شہداکے ورثا کےغم میں قوم برابرکی شریک ہے۔

    شمالی وزیرستان: دہشتگردوں کی فائرنگ

    واضح رہے کہ شمالی وزیرستان میں فورسز کی گاڑی پر دہشت گردوں کی فائرنگ کے نتیجے میں 21سالہ سیکنڈ لیفٹیننٹ عبدالمعیداور سپاہی بشارت شہید ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • یروشلم تنازع: ڈونلڈ ٹرمپ کا فیصلہ ناقابل قبول

    یروشلم تنازع: ڈونلڈ ٹرمپ کا فیصلہ ناقابل قبول

    قاہرہ : عرب لیگ نے امریکی صدرڈونلڈ ٹرمپ کے متازعہ فیصلے کونا قابل قبول قرار دیتے ہوئے امن کے لیے خطرہ قرار دے دیا۔

    تفصیلات کے مطابق مقبوضہ بیت المقدس کواسرائیل کا دارالحکومت تسلیم کرنے کے ٹرمپ کے متنازعہ فیصلے کے خلاف عرب لیگ کا ہنگامی اجلاس قاہرہ میں ہوا۔

    اجلاس میں 22 ممالک وزرائے خارجہ نے امریکی صدر ڈونلڈ ٹرمپ کے فیصلے کی شدید مذمت کرتے ہوئے اسے ناقابل قبول اوردوملکی تنازعے کے پرامن حل کے لیے خطرہ قرار دیا ہے۔

    فلسطینی صدرنےامریکی نائب صدرسےملاقات منسوخ کردی

    عرب لیگ کے جنرل سیکریٹری احمد ابوالغیط نے ڈونلد ٹرمپ کے فیصلے کو عالمی قوانین کی کھلی خلاف ورزی قرار دیا۔

    فلسطینی وزیرخارجہ ریاض المالکی نے کہا کہ ٹرمپ کے فیصلے نے واضح کردیا دوملکی تنازعے کے حل کے لیے صرف ایک فریق کی پارٹی بنا ہوا ہے، لہذا وہ ثالثی کا کردارادا نہیں کرسکتا۔

    اس موقع پرلبنان کے وزیرخارجہ جبران باسل نے کہا کہ امریکہ کو یروشلم میں اپنا سفارت خانہ منتقل کرنے سے روکنے کے لیے عرب ممالک کو امریکہ پرمعاشی پابندیاں عائد کرنی چاہیے۔

    یروشلم تنازع : سلامتی کونسل نے ٹرمپ کا فیصلہ مسترد کردیا

    یاد رہے کہ گزشتہ اقوام متحدہ کے سلامتی کونسل کے اجلاس میں امریکہ کی یروشلم پالیسی پر15 میں سے 14 ارکان نے امریکہ کی مخالفت کرتے ہوئے اسے یکطرفہ فیصلہ قرار دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکہ کی زرعی ڈائریکٹوریٹ پشاورپردہشت گرد حملے کی مذمت

    امریکہ کی زرعی ڈائریکٹوریٹ پشاورپردہشت گرد حملے کی مذمت

    واشنگٹن : امریکہ نے پشاور می زرعی ڈائریکٹوریٹ پردہشت گردوں کے حملے کی مذمت کی اور شہدا کے لواحقین سے اظہار یکجہتی کی ہے۔

    تفصیلات کے مطابق ترجمان امریکی محکمہ خارجہ نے زرعی ڈائریکٹوریٹ پشاورپردہشت گرد حملے کے لواحقین سے اظہار یکجہتی کرتے ہوئے کہا کہ زخمیوں کی صحت یابی کے لیے دعاگو ہیں۔

    ترجمان امریکی محکمہ خارجہ کا کہنا ہے کہ دکھ کی گھڑی میں پاکستانی حکومت وعوام کےساتھ ہیں۔ انہوں نے کہا کہ
    دہشت گردی کےخلاف جنگ میں پاکستان ،اتحادیوں کےساتھ کام جاری رکھیں گے۔

    پشاور: زرعی ڈائریکٹوریٹ پردہشت گرد حملہ

    خیال رہے کہ گزشتہ روز پشاور میں زرعی ڈائریکٹوریٹ پردہشت گردوں کے حملے میں 9 افراد شہید اور 35 زخمی ہوئے تھے جبکہ تینوں دہشت گرد مارے گئے تھے۔

    حملے میں ہلاک ہونے والے دہشت گردوں کے پاس سے 3 خودکش جیکٹس، 8 دستی بم، 2 آئی ای ڈیزبم، متعدد کلاشنکوف کے علاوہ دیگر دہشت گردی کا سامان برآمد کیا گیا تھا۔

    یاد رہے کہ گزشتہ روز ڈی جی آئی ایس پی آرمیجرجنرل آصف غفور کا کہنا تھا کہ پشاور میں حملہ کرنے والے دہشت گرد افغانستان میں اپنے ساتھیوں سے رابطے میں تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔