ARYNews.tv | Urdu – Har Lamha Bakhabar

Tag: مذمت

  • درگاہ فتح پور پرخودکش حملہ: صدر وزیراعظم سمیت سیاسی رہنماؤں کی شدید مذمت

    درگاہ فتح پور پرخودکش حملہ: صدر وزیراعظم سمیت سیاسی رہنماؤں کی شدید مذمت

    اسلام آباد: صدرپاکستان اور وزیراعظم شاہد خاقان عباسی سمیت سیاسی رہنماؤں نے درگاہ فتح پور شریف میں خودکش حملے کی شدید مذمت کی ہے۔

    تفصیلات کے مطابق صدر مملکت ممنون حسین نے بلوچستان کی معروف درگاہ فتح پور شریف میں عرس کے دوران خودکش حملے کی شدید مذمت کرتے ہوئے کہا کہ دہشت گرد ہمارے عزم کو کمزور نہیں کرسکتے۔

    وزیراعظم شاہد خاقان عباسی نے درگاہ فتح پور پر خودکش حملے کی مذمت کی اور شہدا کے لواحقین سے اظہارہمدردی کرتے ہوئے زخمیوں کو بہترین طبی سہولیات فراہم کرنے کی ہدایت کی۔

    وزیرداخلہ احسن اقبال نے خودکش حملے کی مذمت کرتے ہوئے کہا کہ دہشت گرد ملک، امن اوراسلام کےدشمن ہیں، قوم دہشت گردی کے خلاف متحد ہے۔

    وزیراعلیٰ بلوچستان نے بھی درگاہ فتح پور شریف پرخودکش حملےکی مذمت کرتے ہوئے دھماکے کے زخمیوں کو تمام طبی سہولیات فراہم کرنے کی بھی ہدایت کی۔

    درگاہ فتح پور پر خودکش حملہ، جاں بحق افراد کی تعداد 20 ہوگئی

    سابق صدر اور پاکستان پیپلزپارٹی کے شریک چیئرمین آصف علی زرداری نے خودکش حملے کی مذمت کرتے ہوئے وزیراعلیٰ سندھ کو ہدایت کی ہے کہ زخمیوں کوکراچی اور لاڑکانہ منتقل کریں۔

    پاکستان عوامی تحریک کے سربراہ ڈاکٹر طاہرالقادری نے جھل مگسی درگاہ فتح پور پر خودکش حملے کی شدید مذمت کرتے ہوئےدھماکے میں قمیتی جانوں کے ضیاع پر دکھ کا اظہار کیا اور زخمیوں کی جلد صحت یابی کی دعا کی۔

    گورنرخیبر پختونخواہ اقبال ظفر جھگڑا نے جھل مگسی درگاہ فتح پور شریف میں خودکش دھماکے کی شدید مذمت کی ہے اور دھماکے میں قیمتی جانوں کے ضیاع پر دلی دکھ اور افسوس کا اظہار کیا ہے۔

    چیئرمین پاکستان تحریک انصاف عمران خان نے درگاہ فتح پور شریف میں خودکش دھماکے کی مذمت کی اور قیمتی جانوں کے ضیاع پرگہرے رنج اور دکھ کا اظہار کیا ہے۔

    وزیراعلیٰ سندھ مراد علی شاہ نے بھی دھماکےکی مذمت کرتے ہوئے کہا ہے کہ مشکل گھڑی میں بلوچستان کے بھائیوں کے ساتھ ہیں۔

    واضح رہے کہ گزشتہ شب بلوچستان کی معروف درگاہ فتح پور شریف میں عرس کے دوران خودکش حملے کے سبب کانسٹیبل سمیت 20 افراد شہید اور درجنوں زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • یوسف رضا گیلانی کی ایل اوسی پر بھارتی فوج کی فائرنگ کی مذمت

    یوسف رضا گیلانی کی ایل اوسی پر بھارتی فوج کی فائرنگ کی مذمت

    ملتان: سابق وزیراعظم یوسف رضا گیلانی نے لائن آف کنٹرول پر بھارتی فوج کی جانب سے فائرنگ کی شدید مذمت کی ہے۔

    تفصیلات کے مطابق پیپلزپارٹی کے رہنما اور سابق وزیراعظم پاکستان یوسف رضا گیلانی نے ایل اوسی پربھارتی فوج کی فائرنگ کی مذمت کرتے ہوئے کہا ہے کہ عالمی برادری بھارتی فوج کی بلااشتعال فائرنگ کا نوٹس لے۔

    یوسف رضا گیلانی نے ایل او سی پر بھارتی فوج کی فائرنگ سے شہید ہونے والے افراد کے اہل خانہ سے تعزیت کی ہے۔

    خیال رہے کہ گزشتہ روز لائن آف کنٹرول پر راوالا کوٹ میں بھارتی فوج نے شہری علاقے کو نشانہ بناتے ہوئے بلا اشتعال فائرنگ کی تھی جس کے نتیجے میں خاتون سمیت دو شہری شہید جب کہ ایک شہری زخمی ہوگیا تھا۔

    ایل او سی پر بھارتی جارحیت، پاک فوج کا جوان اور 2 شہری شہید

    آئی ایس پی آر کے مطابق پاک فوج کے جوان زخمی افراد کو فوری طبی امداد کے لیے گاڑی میں سوار کراکے قریبی اسپتال لے جا رہے تھے کہ بھارتی فوج نے زخمیوں کی گاڑیوں کو بھی اپنی جارحیت کا نشانہ بنایا جس کے نتیجے میں پاک فوج کا ایک جوان شہید جبکہ تین زخمی ہو گئے تھے۔

    بھارتی فوج کی نکیال سیکٹرپربلا اشتعال فائرنگ‘ لڑکی شہید

    واضح رہے کہ گزشتہ ہفتے 24 ستمبر کو بھارتی فوج کی لائن آف کنٹرول پر نکیال سیکٹر پربلااشتعال فائرنگ کے نتیجے میں لڑکی شہید جبکہ 2 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بھارت کے جارحانہ عزائم خطے کے امن کے لیے خطرہ ہیں‘ پاکستان

    بھارت کے جارحانہ عزائم خطے کے امن کے لیے خطرہ ہیں‘ پاکستان

    اسلام آباد: ترجمان دفترخارجہ نفیس ذکریا نے بھارت کی جانب سےایل او سی کے قریب شہری آبادی کو نشانے بنانے کی شدید مذمت کی ہے۔

    تفصیلات کے مطابق ترجمان دفترخارجہ نفیس ذکریا کا کہنا ہے کہ ایل او سی پر کوٹلی سیکٹر پربھارت کی بلا اشتعال فائرنگ کےنتیجے میں 22 سالہ خاتون شہید جبکہ 2 افراد زخمی ہوگئے۔

    ترجمان دفترخارجہ نے بھارت کی طرف سے شہریوں کو نشانہ بنانے کی شدید مذمت کرتے ہوئے کہا کہ ہمارے دل متاثرہ خاندان کےساتھ ہیں۔

    نفیس ذکریا کا کہنا تھا کہ بھارت کے جارحانہ عزائم خطے کے امن وسلامتی کےلیے خطرہ ہیں۔

    بھارتی فوج کی نکیال سیکٹرپربلا اشتعال فائرنگ‘ لڑکی شہید

    واضح رہے کہ بھارتی فوج کی لائن آف کنٹرول پر نکیال سیکٹر پربلااشتعال فائرنگ کے نتیجے میں لڑکی شہید جبکہ 2 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مودی سرکار خون کی پیاسی ہوچکی ہے‘بلاول بھٹو زرداری

    مودی سرکار خون کی پیاسی ہوچکی ہے‘بلاول بھٹو زرداری

    کراچی : چیئرمین پاکستان پیپلزپارٹی بلاول بھٹو زرداری نے بھارتی فورسز کی بلااشتعال فائرنگ کی شدید مذمت کرتے ہوئے کہا کہ بے گناہ شہریوں کی شہادت ناقابل معافی جرم ہے۔

    تفصیلات کے مطابق پاکستان پیپلزپارٹی کے سربراہ بلاول بھٹو زرداری نے بھارتی فورسزکی بلا اشتعال فائرنگ کی شدید مذمت کرتے ہوئے کہا کہ مودی سرکار خون کی پیاسی ہوچکی ہے۔

    بلاول بھٹو زرداری نے کہا کہ عالمی برادری مودی کوپٹہ ڈالےورنہ وہ انسانیت کوکاٹتا رہے گا۔

    چیئرمین بلاول بھٹوزرداری نے کہا کہ شہدا کا خون رائیگاں نہیں جانے دیں گے۔ انہوں نے کہا کہ پیپلزپارٹی پاکستانی شہدا کی وارث ہے اور رہے گی۔

    عالمی یوم امن کے موقع پر بھارتی جارحیت و بربریت ، 6معصوم شہری شہید،26زخمی

    یاد رہے کہ گزشتہ روزعالمی یوم امن کے موقع پربھارتی بلااشتعال فائرنگ سےشہید ہونے والے افراد کی تعداد 6 ہوگئی جبکہ 26 افراد زخمی ہیں۔

    واضح رہے کہ ڈی جی آئی ایس پی آر میجر جنرل آصف غفور کا کہنا تھا کہ چاروا، ہڑپال ،چھپار سیکٹر پر بلااشتعال فائرنگ کی گئی تھی جس کا پاکستان رینجرز پنجاب نے بھرپور جواب دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بارسلونا دہشت گرد حملہ: وزیراعظم شاہد خاقان عباسی سمیت عالمی رہنماؤں کی مذمت

    بارسلونا دہشت گرد حملہ: وزیراعظم شاہد خاقان عباسی سمیت عالمی رہنماؤں کی مذمت

    اسلام آباد: وزیراعظم پاکستان شاہد خاقان عباسی نے اسپین میں دہشت گردی کے واقعے کی شدید مذمت کرتے ہوئے کہا ہے کہ دہشت گرد خوف کی فضا پیدا کرکے عوام کے حوصلے پست کرنا چاہتے ہیں۔

    تفصیلات کے مطابق وزیراعظم پاکستان سمیت عالمی رہنماؤں نے بارسلونا میں ہونے والے دہشت گرد حملے کی مذمت کرتے ہوئے اسپین کے ساتھ یکجہتی کا اظہارکیا ہے۔

    امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر بارسلونا میں ہونے والے دہشت گرد حملے کی مذمت کرتے ہوئےکہا مدد کے لیے جو بھی ضروری ہوا کروں گا ہم آپ سے پیار کرتے ہیں۔

    برطانوی وزیراعظم تھریسا مے نے سماجی رابطے کی ویب سائٹ ٹویٹر پر بارسلونا حملے کی مذمت کرتے ہوئے کہا کہ ان کی ہمدردیاں متاثرہ خاندانوں کے ساتھ ہیں۔

    ہالینڈ کے وزیراعظم مارک رُٹے نے بارسلونا حملے کی شدید مذمت کرتے ہوئے 17 اگست کو یوم سیاہ قرار دیا ہے۔

    کینیڈین وزیر اعظم جسٹن ٹروڈو نےسماجی رابطے کی ویب سائٹ ٹویٹر پر بارسلونا حملے کی مذمت کرتے ہوئے کہا ہے کہ ہماری ہمدردیاں اور حمایت متاثرین اور ان کے خاندانوں کے ساتھ ہیں۔

    جرمن چانسلر انجیلا مرکل نے بارسلونا حملے کی مذمت کرتے ہوئے اسپین کی عوام کے ساتھ اظہار یکجہتی کا اظہار کیا ہے۔

    لندن کے میئر صادق خان نے سماجی رابطے کی ویب سائٹ پر بارسلونا میں ہونے والے وحشیانہ حملے کی مذمت کرتے ہوئے کہا ہے کہ لندن دہشت گردی کی برائی کے خلاف بارسلونا کے ساتھ کھڑا ہے۔

    سابق امریکی صدر بل کلنٹن نےسماجی رابطے کی ویب سائٹ ٹویٹر پربارسلونا حملے پر دکھ کا اظہار کرتے ہوئے کہا کہ مشکل کی اس گھڑی میں بارسلونا کی عوام کے ساتھ کھڑے ہیں۔

    فرانس کے صدر ایمانویل میکرون نے سماجی رابطے کی ویب سائٹ ٹویٹر پربارسلونا حملے کی مذمت کرتے ہوئے کہا کہ فرانسیسی عوام کی ہمدردیاں بارسلونا کے ساتھ ہیں اور ہم متحد رہیں گے۔

    سابق امریکی صدر براک اوباما نے بھی سماجی رابطے کی ویب سائٹ ٹویٹر پر اسپین میں ہونے والے دہشت گرد حملے کی مذمت کرتے ہوئے کہا ہےکہ امریکی عوام ہمشیہ اپنے اسپین کے دوستوں کے ساتھ ہیں۔

     اسپین میں حملے، 13 ہلاک 50 زخمی

    واضح رہے کہ گزشتہ روز اسپین کے شہر بارسلونا میں تیز رفتار وین نے متعدد افراد کو کچل دیا تھا جس کے باعث 13 افراد ہلاک اور متعدد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • صدرآزاد کشمیرکی کشمیری رہنماکوعالمی دہشت گرد قراردینےکی مذمت

    صدرآزاد کشمیرکی کشمیری رہنماکوعالمی دہشت گرد قراردینےکی مذمت

    مظفرآباد: آزاد جموں و کشمیر کے صدر مسعود احمد خان نے امریکہ کی جانب سےکشمیری رہنما سید صلاح الدین کو عالمی دہشت گرد قرار دینے کی مذمت کرتے ہوئےاسےکشمیریوں کے ساتھ ناانصافی قرار دیا ہے۔

    تفصیلات کےمطابق آزاد جموں و کشمیر کے صدر مسعود احمد خان نے امریکہ کی جانب سے حزب المجاہدین کے سربراہ سید صلاح الدین کو عالمی دہشت گرد قرار دینے کو کشمیریوں کے ساتھ ناانصافی قرار دیتے ہوئے قابض بھارتی فوج کو عالمی دہشت گرد قرار دینے کا مطالبہ کردیا۔

    آزاد کشمیر کا کہنا تھا کہ امریکہ ظالم کے بجائے مظلوم کا ساتھ دے اور اس متعصبانہ اور ناقص فیصلے کو واپس لے۔

    آزاد کشمیر : سید صلاح الدین پر امریکی پابندی کے خلاف احتجاج

    یاد رہےکہ گزشتہ روز مظفر آباد میں کشمیری رہنما سید صلاح الدین کو امریکہ کی جانب سے دہشت گرد قرار دینے اور ان پر لگائی جانے والی پابندیوں پر آزاد کشمیر کے دارالحکومت میں ریلی اور مظاہروں کے دوران امریکہ اور بھارت مخالف نعرے بازی کی تھی۔

    امریکہ نے کشمیری رہنماسید صلاح الدین کو عالمی دہشتگرد قرار دے دیا

    واضح رہےکہ امریکی محکمہ خارجہ نے دو روز قبل بھارتی وزیراعظم نریندر مودی کی امریکی صدر ڈونلڈ ٹرمپ سے ملاقات سے قبل مقبوضہ کشمیر میں آزادی کے لیے مصروف حزب المجاہدین کے سربراہ صلاح الدین کو خصوصی عالمی دہشت گرد قرار دیتے ہوئے پابندیاں عائد کرنے کا اعلان کیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • لندن دہشت گردی : پاکستان سمیت عالمی رہنماؤں کی مذمت

    لندن دہشت گردی : پاکستان سمیت عالمی رہنماؤں کی مذمت

    اسلام آباد : وزیراعظم پاکستان میاں محمد نوازشریف نے لندن حملوں کی مذمت کرتے ہوئے کہاکہ دکھ کی اس گھڑی میں برطانوی عوام کے ساتھ ہیں۔

    تفصیلات کےمطابق وزیراعظم نوازشریف نے لندن میں ہونے والی دہشت گردی کے واقعات پر مذمت کرتے ہوئے کہاکہ دکھ کی اس گھڑی میں برطانوی حکومت اور عوام کے ساتھ کھڑے ہیں۔

    لندن حملوں میں انسانی جانوں کے ضیاع پر اظہار افسوس کرتے ہوئےوزیراعلیٰ پنجاب شہبازشریف نے کہاکہ ہماری ہمدردیاں برطانوی حکومت اورعوام کے ساتھ ہیں۔

    انہوں نے کہاکہ دہشت گردی ایک بین الاقوامی ناسور بن چکا ہے اور دہشت گردی کے خاتمے کے لیےمل کر مربوط اقدامات کرنا ہوں گے۔

    دوسری جانب پاکستان تحریک انصاف کےسربراہ عمران خان نے سماجی رابطے کی ویب سائٹ ٹویٹر پراپنے پیغام میں لندن حملوں کی مذمت کرتےہوئے کہاکہ متاثرہ افراد اور خاندانوں کے لیے دعاگو ہوں۔

    ادھر دفترخارجہ نے لندن میں دہشت گردی کی شدید مذمت کرتے ہوئے پاکستان کی جانب سے حملے میں قیمتی جانوں کے ضیاع پرتعزیت کی ہے۔

    لندن میں دہشت گردی کےواقعات پرامریکی صدرڈونلڈٹرمپ نے ردعمل کا اظہارکرتے ہوئے کہاکہ وہ برطانیہ کی ہرقسم کی مدد کرنے کے لیےتیار ہیں۔

    میئر لندن صادق خان نے دہشت گردحملوں کی مذمت کرتےہوئے اسے بزدلانہ کارروائی قراردیا ہے۔انہوں نےکہاکہ ایسی بربریت کا کوئی جواز نہیں ہوسکتا۔

    لندن : دہشت گرد حملوں میں‘7افراد ہلاک‘متعدد زخمی

    واضح رہےکہ برطانوی دارالحکومت میں لندن برج اوربارو مارکیٹ میں دہشت گردی کےواقعات میں7 افراد ہلاک جبکہ متعدد زخمی ہوگئے ہیں۔

  • گوادر میں فائرنگ‘10 مزدور جاں بحق

    گوادر میں فائرنگ‘10 مزدور جاں بحق

    گوادر:صوبہ بلوچستان کے علاقےپیشکان میں نامعلوم افراد نے فائرنگ کر کے 10 مزدوروں کو قتل کردیا۔

    تفصیلات کےمطابق بلوچستان کے علاقے پشگان میں نامعلوم افراد نے تعمیراتی کام کرنے والے10 مزدوروں کو جاں بحق کردیا۔ لیویز ذرائع کے مطابق فائرنگ کے واقع میں جاں بحق اور زخمی ہونے والوں کو گوادر اسپتال منتقل کر دیا گیا ہے جہاں زخمیوں کی حالت تشویشناک بنائی جا رہی ہے۔

    لیویز ذرائع کا کہناہےکہ فائرنگ کی زد میں آنے والے تمام افرادکاتعلق سندھ کے علاقے نوشہروفیروز سے ہے۔

    دوسری جانب ترجمان بلوچستان حکومت کاکہناہےکہ مزدور تعمیراتی کام میں مصروف تھے جب نامعلوم افراد نے فائرنگ کی۔ان کےمطابق فائرنگ کے واقعے میں 7افراد جاں بحق ہوئے ہیں۔

    ادھر وزیراعلیٰ بلوچستان ثنااللہ زہری نے گوادر میں مزدوروں کی فائرنگ میں شہادت پرافسوس کا اظہارکیا ہے۔

    وزیراعلیٰ بلوچستان کا کہناہےکہ دہشت گردوں کوان کےبل سےنکال کرکیفرکردارتک پہنچایاجائےگا اورگواد،بلوچستان کی ترقی روکنےکی ہرسازش ناکام بنائیں گے۔

    بلوچستان میں فائرنگ،6افراد جاں بحق

    یاد رہےکہ گزشتہ سال اکتوبر صوبہ بلوچستان کے ضلع پنجگور میں پاک ایران سرحد کے قریب علاقے پروم سے لیویز اہلکاروں کو چھ افراد کی گولیوں سے چھلنی لاشیں ملی تھیں۔

    بلوچستان میں فائرنگ،3سیکورٹی اہلکار جاں بحق

    واضح رہے کہ گزشتہ برس مارچ میں صوبہ بلوچستان کے ضلع مستونگ میں فائرنگ کے دو مختلف واقعات میں تین سکیورٹی اہلکار جان کی بازی ہار گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • کشمیری رہنماآسیہ اندرابی کورہا کیا جائے‘بلاول بھٹو

    کشمیری رہنماآسیہ اندرابی کورہا کیا جائے‘بلاول بھٹو

    کراچی : چیئرمین پاکستان پیپلزپارٹی بلاول بھٹوزرداری نے کشمیری خاتون رہنما آسیہ اندرابی کی گرفتاری کی شدید مذمت کرتے ہوئے ان کی رہائی کا مطالبہ کیاہے۔

    تفصیلات کےمطابق پاکستان پیپلزپارٹی کےسربراہ بلاول بھٹوزرداری نے بھارتی فورسز کی جانب سے کشمیری حریت رہنما آسیہ اندرابی کی گرفتاری کی مذمت کی ہے۔

    بلاول بھٹوزردای کاکہناہےکہ کشمیری عوام کے حق خودارادیت کو دبانے کے لیےتمام مظالم ڈھائے جارہے ہیں ۔انہوں نےکہاکہ بھارتی فوج کشمیریوں کو مولی گاجر کی طرح کاٹ رہے ہیں۔

    آسیہ اندرابی کی گرفتاری پر چیئرمین پاکستان پیپلزپارٹی بلاول بھٹوزرداری نے کہاکہ خاتون حریت رہنما کو فوری رہا کیا جائے۔

    کشمیری طالبات بھارتی فوجیوں کے سامنے ڈٹ گئیں، تصاویر سوشل میڈیا پر وائرل

    بلاول بھٹوزرداری کا کہناتھاکہ پیپلزپارٹی کشمیر کےمظلوم عوام کی سیاسی،سفارتی واخلاقی حمایت جاری رکھے گی۔

    دوسری جانب کل جماعتی حریت کانفرنس نے اسلام آباد میں اقوام متحدہ کے دفترکےباہر احتجاج کیا۔اس دوران یوسف نسیم کا کہناتھاکہ بھارت کشمیر میں جنگ ہارچکاہے۔

    یوسف نسیم کا کہناتھاکہ بھارت جلد کشمیریوں کے عزم وہمت کےسامنے گھٹنے ٹیک دےگا،۔انہوں نےکہاکہ مقبوضہ وادی کا چپہ چپہ خالی ہونے تک آزادی کی جنگ جاری رہےگی۔

    کشمیری حریت رہنما آسیہ اندرابی گرفتار

    واضح رہےکہ کشمیری حریت رہنما آسیہ اندرابی کے ترجمان کاکہناتھاکہ انہیں سری نگر کے علاقے سورا میں واقع ان کی رہائش گاہ سے گرفتار کیاگیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • پیرس میں فائرنگ ‘امریکی صدر ڈونلڈ ٹرمپ کی مذمت

    پیرس میں فائرنگ ‘امریکی صدر ڈونلڈ ٹرمپ کی مذمت

    واشنگٹن: امریکی صدر ڈونلڈ ٹرمپ نےپیرس میں فائرنگ کے واقعے میں پولیس اہلکار کی ہلاکت پر افسوس کا اظہار کیاہے۔

    تفصیلات کےمطابق امریکی صدر ڈونلڈ ٹرمپ نےفرانسیسی دارالحکومت پیرس میں فائرنگ کے واقعے کی شدید مذمت کرتے ہوئےفرانس سے اظہار ہمدردی کیا ہے۔

    امریکی صدر ڈونلڈ ٹرمپ کاکہناہےکہ ہمیں دہشت گردی کے خلاف ہروقت چوکنا اور مضبوط رہناہوگا۔انہوں نے کہاکہ پیرس میں فائرنگ دہشت گردی کا واقعہ ہے۔

    امریکی صدرڈونلد ٹرمپ کاکہناتھاکہ دنیا بھرمیں دہشت گردی کے واقعات افسوسناک ہیں۔

    پیرس میں فائرنگ‘پولیس اہلکار ہلاک

    خیال رہےکہ  پیرس میں مسلح حملہ آور کی فائرنگ سے پولیس اہلکار ہلاک جبکہ دوزخمی ہوگئےتھے۔اس حملے کی ذمہ داری داعش نے قبول کی ہے۔

    پیرس کےمقبول تفریحی مقام شانزے لیزے میں فائرنگ کرنے والا مشتبہ حملہ آور بھی ماراگیا۔فائرنگ کا واقعہ مقامی وقت کےمطابق رات نو بجے پیش آیاجس کی وجہ سے وہاں موجود مقامی افراد اور سیاحوں میں افراتفری پھیل گئی تھی۔

    فرانس میں دہشتگردی کامنصوبہ ناکام‘4افراد گرفتار

    واضح رہے کہ رواں سال فروری میں فرانس کی وزارتِ داخلہ نےدعویٰ کیا تھا کہ ملک میں ایک ‘ممکنہ دہشتگرد حملہ’ چار مشکوک افراد کی گرفتاری کے بعد ناکام بنا دیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں